საპარლამენტო არჩევნების მეორე ტური. 21.11.2020

საია: კენჭისყრის პროცედურები ცალკეულ უბნებზე მნიშვნელოვანი პრობლემებით მიმდინარეობდა

53
არჩევნების მეორე ტურს 132 ადგილობრივი ორგანიზაციის 47 ათასზე მეტი და 48 საერთაშორისო ორგანიზაციის ათასამდე დამკვირვებელი აკვირდებოდა. საიას სადამკვირვებლო მისია 214 ადამიანით შემოიფარგლებოდა

თბილისი, 21 ნოემბერი - Sputnik. საპარლამენტო არჩევნების მეორე ტურზე 20:00 საათის მონაცემებით უბნებზე დაფიქსირდა 100-ზე მეტი დარღვევა და საია-ს დამკვირვებლებმა ჯამში 24 საჩივარი დაწერეს, განაცხადა საქართველოს ახალგაზრდა იურისტთა ასოციაციის (საია) თავმჯდომარემ სულხან სალაძემ.

საია საქართველოს პარლამენტის არჩევნების მეორე ტურს 12 ოლქში (3 დამხმარე ოლქში), 1100-ზე მეტ უბანში აკვირდებოდა. ასოციაციის სადამკვირვებლო მისია 214 ადამიანისგან შედგებოდა.

სალაძის განცხადებით, დარღვევები ძირითადად ეხება კენჭისყრის ფარულობას, ამომრჩევლის ნების კონტროლს, დამკვირვებლის მიერ უფლებამოსილების განხორციელების ხელშეშლასა და პროცედურულ საკითხებს.

„კენჭისყრის პროცედურები ცალკეულ უბნებზე კვლავ მნიშვნელოვანი პრობლემებით მიმდინარეობდა. ზოგადი ტენდენციის სახით, პირველი ტურის მსგავსად, შეინიშნება უბნის მიმდებარე ტერიტორიაზე დაუდგენელ პირთა მობილიზება მთელი საქართველოს მასშტაბით. საია-ს დამკვირვებლებს არ აძლევენ შესაძლებლობას, განახორციელონ საკუთარი უფლებამოსილება, რამდენიმე შემთხვევაში მათ დაემუქრნენ ჯანმრთელობის დაზიანებითაც კი“, - განაცხადა საია-ს თავმჯდომარემ.

როგორც სალაძემ აღნიშნა, 24 საჩივრიდან უბნის დონეზე 14, ხოლო ოლქის დონეზე - 10 საჩივარი დაიწერა, ასევე დაფიქსირდა 80-ზე მეტი შენიშვნა.

საქართველოში დღეს საპარლამენტო არჩევნების მეორე ტური ჩატარდა. ამომრჩეველმა 17 ოლქში საკუთარი არჩევანი იმ ორ კანდიდატს შორის გააკეთა, რომელთაც პირველ ტურში საუკეთესო შედეგები ჰქონდათ.

არჩევნები ოპოზიციის ბოიკოტის ფონზე მიმდინარეობდა, რომელიც არჩევნებს გაყალბებულად მიიჩნევს. ოპოზიციურმა პარტიებმა ოფიციალურად მოხსნეს თავისი კანდიდატები, მაგრამ ბიულეტენებში ისინი მაინც დარჩნენ - კანონმდებლობა ამ ეტაპზე უარის თქმას არ ითვალისწინებს.

კობახიძე: მომავალ პარლამენტში „ქართული ოცნება“ 90 დეპუტატით იქნება წარმოდგენილი >>

21 ნოემბრის არჩევნებზე დაკვირვების მიზნით რეგისტრირებული იყო  საარჩევნო სუბიექტების 9 521  წარმომადგენელი, 132 ადგილობრივი დამკვირვებელი ორგანიზაციის 47 345 და 48 საერთაშორისო ორგანიზაციის 920 დამკვირვებელი.

21 ნოემბერს არჩევნების მეორე ტურზე ამომრჩევლებს 1941 საარჩევნო უბანი და გამონაკლის შემთხვევაში შექმნილი 9 უბანი მოემსახურა, ასევე სტაციონარულ სამკურნალო დაწესებულებასა და იზოლაციაში მყოფი ამომრჩევლებისთვის,  მათი არჩევნებში მონაწილეობის უზრუნველყოფის მიზნით, შექმნილი იყო  80 სპეციალური უბანი.

 

53
თემები:
საქართველოს საპარლამენტო არჩევნების მეორე ტური – 2020 (72)
დეპუტატები

„მატყუარა კაცების პარლამენტი“: რამ გამოიწვია ქალი–დეპუტატების უკმაყოფილება

13
(განახლებულია 17:34 24.06.2021)
საკანონმდებლო ორგანოში, სადაც საპროტესტო პერფორმანსი გაიმართა, ქალთა უფლებების დამცველი ორგანიზაციების წარმომადგენლებიც იმყოფებოდნენ.

 

თბილისი, 24 ივნისი — Sputnik.  პარლამენტის სხდომათა დარბაზში ოპოზიციონერმა ქალმა დეპუტატებმა ხათუნა სამნიძემ და ანა წითლიძემ თვითმმართველობის არჩევნებისთვის პარტიულ სიებში ქალთა კვოტების შემცირების წინააღმდეგ პროტესტის გამოსახატავად პერფორმანსი გამართეს. 

მმართველმა პარტია „ქართული ოცნება – დემოკრატიულმა საქართველომ“ პარტიულ სიებში ქალთა კვოტების ცვლილების გადაწყვეტილება მიიღო – სიაში ყოველი მეორე ქალის ნაცვლად, ქალი ყოველი მესამე უნდა იყოს.

აღნიშნული გადაწყვეტილების პროტესტის ნიშნად სამნიძემ და წითლიძემ პარლამენტის სხდომათა დარბაზის აივნიდან ბანერი „მატყუარა მამაკაცების პარლამენტი“ გადმოფინეს.

მმართველ პარტიაში აღნიშნულ საკითხთან დაკავშირებით ოპოზიციური პარტიების უკმაყოფილებას გაუგებარს უწოდებენ და აცხადებენ, რომ თითოეულ პარტიას საკუთარი სურვილით შეუძლია საარჩევნო სიებში ქალების რაოდენობის გაზრდა და მათ ამას არავინ უკრძალავს.

მოცემულ მომენტში სხდომათა დარბაზში საქართველოს საარჩევნო კოდექსში ცვლილებების მუხლობრივი განხილვა მიმდინარეობს.

13
თემები:
საქართველოს პარლამენტი
გიორგი გახარია

შემთხვევა თუ... გახარია და სააკაშვილი ერთ სასტუმროში გაჩერდნენ

40
(განახლებულია 16:24 24.06.2021)
ექს–პრემიერმა განმარტა თუ რატომ აღმოჩნდა სააკაშვილთა ერთად სასტუმროში და მოხდა თუ არა ორ პოლიტიკოსს შორის შეხვედრა

თბილისი, 24 ივნისი – Sputnik. საქართველოს ყოფილმა პრემიერმა გიორგი გახარიამ დაადასტურა, რომ ვაშინგტონში იმავე სასტუმროში იყო გაჩერებული, რომელშიც  ექს–პრეზიდენტი მიხეილ სააკაშვილი იმყოფებოდა, თუმცა უარყო მათი შეხვედრის შესახებ ინფორმაცია.

აშშ–ში სააკაშვილისა და გახარიას შესაძლო შეხვედრის შესახებ ინფორმაცია ტელეკომპანია „რუსთავი 2“–მა გაავრცელა. ტელეკომპანიის კამერამ სასტუმროს ფოიეში სააკაშვილი დააფიქსირა, კადრებში პარალელურად ჩანს გახარიას დაცვის წევრი გიორგი ჩიქოვანი. ტელეკომპანიამ ასევე შეძლო ვაშინგტონში ექსკლუზიურად ჩაეწერა საქართველოს ყოფილი პრემიერი.

 „სასტუმროში ერთი ღამით გავჩერდით. იქ შევიკრიბეთ, სხვადასხვა ქალაქებიდან ჩავფრინდით. მეორე დღეს კი სხვა სასტუმროში გადავედით. ჩვენ არანაირი გადაკვეთა არ გვქონია.  ჩვენი წასვლა თავიდანვე ასე იყო დაგეგმილი, რამდენადაც ლოჯისტიკის თვალსაზრისით სხვა სასტუმროში ყოფნა გაგაადგილების კუთხით უფრო მოსახერხებები იყო ჩვენთვის. იქ უბრალოდ ჩვენ შევიკრიბეთ“, – განაცხადა გახარიამ. 

ექს–პრემიერის მტკიცებით, მას „ნაცმოძრაობასთან“ საერთო არაფერი აქვს.

 „ერთი რამ გაითვალისწინეთ – ამის უკან საერთოდ არაფერი დგას და შეხვედრაზე ხომ საერთოდ ზედმეტია საუბარი. „ნაციონალურ მოძრაობასთან" არაფერი  მაქვს საერთო. უფრო მეტსაც გეტყვით – „ქართულ ოცნებას" წლების განმავლობაში ისეთი ჟინით რომ ებრძოლა „ნაცმოძრაობის" წინააღმდეგ, როგორც დღეს ჩვენ წინააღმდეგ იბრძვის, მაშინ დღეს ქვეყანაში სხვა პოლიტიკური რეალობა იქნებოდა", - აღნიშნა გახარიამ.

გახარიასა და სააკაშვილს შორის შეხვედრასა და მოლაპარაკებებს გამორიცხავენ ყოფილ მმართველ პარტიაშიც. „ნაციონალური მოძრაობის“ წევრ რომან გოცირიძეს მიაჩნია, რომ ეს უბრალო დამთხვევა იყო, რომლითაც ახლა სპეკულირებენ.

 „სასტუმროს მიმღები ქვეყანა ჯავშნის. ეს. რა თქმა უნდა, მექანიკური დამთხვევაა. როგორც ჩვენ მოგვიანებით გავარკვიეთ, როდესაც გახარიამ გაიგო რომ ჩვენი დელეგაციაც იქ იმყოფებოდა, მეორე ღამესვე გადავიდა სასტუმროდან“, – განაცხადა გოცირიძემ.

გახარიასა და სააკაშვილის ერთ სასტუმროში ყოფნის ფაქტი ყურადღების გარეშე არ დაუტოვებია „ქართულ ოცნებას“. მმართველი პარტიის თავმჯდომარის ირაკლი კობახიძის თქმით, ყოველივე ეს კიდევ ერთხელ ამტკიცებს ეჭვს იმასთან დაკავშირებით, რომ ორ პოლიტიკოსს შორის გარკვეული ალიანსია.

„მორწმუნეებს შეიძლება სჯეროდეთ, რომ ის ორი-სამი დღეც იყო დამთხვევა და მათი სასტუმროში ერთად ყოფნაც დამთხვევაა, მაგრამ ჩვენ სხვა რამის გვჯერა. ყოველდღე მძაფრდება ეჭვები იმასთან დაკავშირებით, რომ ორ პოლიტიკოსს შორის კონკრეტული ალიანსია, რაც კიდევ უფრო მეტად გაამძაფრა ამ ე.წ. დამთხვევამ“, – განაცხადა კობახიძემ.

გიორგი გახარია აშშ–ში სამუშაო ვიზიტის მიმდინარე კვირის დასაწყისში გაემგზავრა. მისი პარტიის პრესსამსახურის ინფორმაციით, ვაშინგტონში მას შეხვედრები აქვს დაგეგმილი აშშ-ის სახელმწიფო დეპარტამენტის, სხვადასხვა საერთაშორისო ორგანიზაციების, საექსპერტო, აკადემიური და პოლიტიკური წრეების წარმომადგენლებთან. გახარიასთან ერთად აშშ-ში იმყოფებიან პარტიის პოლიტსაბჭოს წევრი კახაბერ ქემოკლიძე და ექს-პრემიერის პოლიტიკური მრჩეველი ლევან დოლიძე. 

გახარიამ პრემიერის პოსტი და მმართველი პარტია მიმდინარე წლის თებერვალში დატოვა. მიზეზი პარტიის ხელმძღვანელობასთან, მათ შორის, მის თავმჯდომარესთან ირაკლი კობახიძესთან უთანხმოება გახდა „ერთიანი ნაციონალური მოძრაობის" ლიდერის ნიკა მელიას დაპატიმრების გამო. წასვლის შემდეგ მან თავისი პარტია შექმნა, „ქართული ოცნება" გააკრიტიკა და ბრალად დასდო, რომ ის საკუთარ პარტიულ ინტერესებზე უფრო ზრუნავს, ვიდრე სახელმწიფოზე. ამის პასუხად მმართველმა პარტიამ და ბიძინა ივანიშვილმა გახარიას "სახელმწიფოს ღალატში" დასდეს ბრალი.

ამ ეტაპზე გიორგი გახარია  საქართველოს ყოფილ პრემიერ–მინისტრებს შორის ერთ–ერთი ყველაზე პოპულარული  პოლიტიკოსია.

 

40
სოფიკო შევარდნაძე

„სამი თვეა ამ სასწაულთან ერთად ვცხოვრობ“ - სოფო შევარდნაძე პირად ცხოვრებაზე დუმილს არღვევს

0
(განახლებულია 15:22 24.06.2021)
ცნობილმა ჟურნალისტმა პაუზის შემდეგ ვაჟთან ერთად უახლესი ფოტო გამოაქვეყნა და ცხოვრებისეულ პირად დეტალებზე ისაუბრა. რატომ არის 42 წლის ტელესახის ცხოვრებაში უკანასკნელი სამი თვე სასწაული?

საქართველოს ყოფილი პრეზიდენტის შვილიშვილი, ცნობილი ჟურნალისტი სოფო შევარდნაძე „ინსტაგრამის“ საკუთარ გვერდზე პირად ცხოვრებაზე საუბრობს, რადგან ბოლო პერიოდში, მას მერე, რაც ის დედა გახდა, არ წყდება კითხვები, თუ რატომ არ ჩანს მისი მეორე ნახევარი, ან რატომ არ ასაჯაროებს პატარა ანდრიას ფოტოს. მან გადაწყვიტა, დუმილი კიდევ ერთხელ დაარღვიოს.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

სოფიკოს მიერ ვაჟთან ერთად გამოქვეყნებულ ფოტოებს, „ფოლოვერები“ სულმოუთქმენლად ელიან, თუმცა სოფო პირადი სივრცის პრინციპებს არ არღვევს. ახალშობილ ვაჟთან ერთად პოზირებს, ერთობლივ კადრებს სოციალურ ქსელში განათავსებს, თუმცა სახეს ამ დრომდე უმალავს. „სამი თვეა ამ სასწაულთან ერთად ვცხოვრობ“,- აღნიშნავს სოფო მიკრობლოგის ახალ პოსტზე. „ამიერიდან ყველაფერი სხვანაირად იქნება, აღმოჩნდა, რომ ადამიანური რესურსები ამოუწურავია. როცა მესმის შეკითხვები დედობისა და სამსახურის შეთავსებაზე, წამიერად ვპასუხობ, რომ ყველაფერი შესაძლებელია, თუ გაქვს სურვილი და არ გაქვს კომპლექსები, რომლებსაც უსაფუძვლო დანაშაულის განცდა სდევს ხოლმე თან“,- უყვება ფანებს ჟურნალისტი.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

„ახლა ჩემი ოჯახი მაქვს. მე უკვე არა მხოლოდ ქალიშვილი, ან შვილიშვილი ვარ. ახლა დედა ვარ. და რაც არ უნდა უნდოდეს ბევრს, გაიგოს მეტი და უფრო ახლოს, მე უბრალოდ ვიცი, რომ ამიერიდან ჩემი შვილისთვის საზღვრების აგება ჩემი პასუხისმგებლობაა. ყოველთვის მიმაჩნდა, რომ ოჯახის წევრებს აქვთ უფლება, თავად გადაწყვიტონ, სურთ მათ საჯაროობა თუ არა. ჩვენი საქმე კი ის არის, მათ მივცეთ ეს არჩევანი და დავიცვათ არასაჭირო ყურადღებისგან. თუ ადამიანს, რომელიც ჩემ გვერდით არის, შეუძლია საკუთარი თავის დაცვა ამ უფლებით, ჩემი შვილისთვის მე ვარ ასეთი დამცველი. და მხოლოდ როდესაც ანდრია გაიზრდება და თავად შეძლებს გადაწყვიტოს, რის მიწოდება შეუძლია სამყაროსთვის, მე ვიქნები მხოლოდ და მხოლოდ დამკვირვებელი. მანამდე კი ასეა“, – წერდა სოფო.

Посмотреть эту публикацию в Instagram

Публикация от Sophie Shevardnadze (@sofikoshevardnadze)

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

0
თემები:
ქართველი სელებრითები