კახა კალაძე საარჩევნო უბანზე

რიგებისა და სკანდალების გარეშე: როგორ მიმდინარეობს არჩევნების მეორე ტური საქართველოში

58
(განახლებულია 10:33 22.11.2020)
კენჭისყრის პროცესს არ აკვირდებიან ოპოზიციური პარტიების წარმომადგენლები. ოპოზიციამ პროტესტი ნიშნად მოხსნა თავისი დამკვირვებლები და კომისიების წევრები გაიწვია

თბილისი, 21 ნოემბერი - Sputnik. საპარლამენტო არჩევნების მეორე ტური მშვიდ გარემოში მიმდინარეობს, საარჩევნო უბნებზე ძალიან ცოტა ხალხია, იუწყება Sputnik-საქართველოს კორესპონდენტი, რომელიც კენჭისყრის პროცესს აკვირდება.

ბოიკოტი, კრიზისი და არჩევნები: როგორი იქნება საპარლამენტო არჩევნების მეორე ტური >>

შაბათს საქართველოში საპარლამენტო არჩევნების მეორე ტური მიმდინარეობს. ამჯერად ამომრჩევლები არჩევანს გააკეთებენ იმ ორ კანდიდატს შორის, რომლებმაც პირველ ტურში საუკეთესო შედეგები აჩვენეს. მიუხედავად იმისა, რომ ოპოზიციის მაჟორიტარი დეპუტატობის კანდიდატები არ მონაწილეობენ არჩევნებში, ისინი საარჩევნო ბიულეტენში მაინც რჩებიან.

„მივედი, რათა პანდემიის რისკების მიუხედავად ჩემი მოქალაქეობრივი ვალი შევასრულო. ძალიან ცოტა ხალხია, პირველ ტურზე აქ რიგი იყო“, - განუცხადა Sputnik-საქართველოს კორესპონდენტს ამომრჩეველმა ნატალია ტკაჩენკომ, რომელიც ხმის მისაცემად სამგორის რაიონის № 1055 უბანზე მივიდა.

ამომრჩეველთა აქტივობამ საპარლამენტო არჩევნების მეორე ტურში 12:00 საათისთვის 8,29% შეადგინა.

კერძოდ, 08:00 საათიდან საკუთარი არჩევანი 177 462 მოქალაქემ გააკეთა. საპარლამენტო არჩევნების პირველ ტურში 12:00 საათზე აქტივობამ 19,41% შეადგინა. თუმცა მაშინ დეპუტატებს 30-ვე მაჟორიტარულ ოლქში 3,5 მილიონზე მეტი ამომრჩეველი ირჩევდა.

მეორე ტური პირველისგან ასევე იმით განსხვავდება, რომ კენჭისყრის პროცესს არ აკვირდებიან ოპოზიციური პარტიების წარმომადგენლები. ოპოზიციამ პროტესტი ნიშნად მოხსნა არა მარტო თავისი კანდიდატები, არამედ კომისიების წევრები გაიწვია.

„უბანზე ძალიან ცოტა დამკვირვებელია. აქ მხოლოდ მმართველი პარტიის წარმომადგენლები არიან, ამიტომ გასაკვირი არაა, რომ არავინ არ ყვირის დარღვევებზე და სკანდალების პროვოცირებას ახდენს“, - აღნიშნა ტკაჩენკომ.

ყველა საარჩევნო უბანზე გაზრდილია უსაფრთხოების ზომები - არჩევნები კორონავირუსის პანდემიის ფონზე მიმდინარეობს. ყველა ამომრჩეველი უბანზე პირბადით მიდის, თუმცა ყველა ვალდებულია ორჯერ მოიხსნას პირბადე - უბანზე შესვლისას დოკუმენტების შემოწმებისას და ბიულეტენის მიღების დროს.

ბიულეტენის მიღების შემდეგ ამომრჩეველი კაბინაში შედის და ინდივიდუალური კალმით არჩევანს აფიქსირებს. შემდეგ მიდის ურნასთან, ბიულეტენს კონვერტში ათავსებს და ურნაში აგდებს.

საარჩევნო კომისიების წევრებმა, დამკვირვებლებმა და მედიის წარმომადგენლებმა უბანზე შესვლამდე თერმოსკრინინგს გაივლიან, ხოლო კენჭისყრის დროს იქნებიან აღჭურვილი ხელთათმანებით, პირბადეებით და ფარებით.

58
თემები:
საქართველოს საპარლამენტო არჩევნების მეორე ტური – 2020 (72)
პრაღა

აბაშიძისა და კარასინის პირისპირ შეხვედრა შეიძლება 2021 წლის პირველ კვარტალში გაიმართოს

32
(განახლებულია 08:25 28.11.2020)
ეპიდემიური ვითარების მიხედვით, რუსი და ქართველი დიპლომატების მოლაპარაკებები შეიძლება ჩვეულებრივ ფორმატშიც გაიმართოს

თბილისი, 27 ნოემბერი – Sputnik. რუსეთის ფედერაციის სენატორ გრიგორი კარასინისა და რუსეთთან ურთიერთობების მოგვარების საკითხებში საქართველოს პრემიერ–მინისტრის სპეციალური წარმომადგენლის ზურაბ აბაშიძის შემდეგი შეხვედრა პრაღაში 2021 წლის პირველ კვარტალში პირისპირ შეხვედრის ფორმატში გაიმართება, თუ ეპიდემიოლოგიური ვითარება ამის საშუალებას მოგვცემს, ნათქვამია რუსეთის საგარეო საქმეთა სამინისტროს განცხადებაში.

გრიგორი კარასინმა და ზურაბ აბაშიძემ დღეს ვიდეოკონფერენცია გამართეს. მხარეებმა რიგ საკითხებზე იმსჯელეს: ვითარება მთიან ყარაბაღში, ავიამიმოსვლის აღდგენა, სატვირთო ავტოგადაზიდვები, სავაჭრო–ეკონომიკური კავშირები, ბრძოლა კორონავირუსის გავრცელებასთან და ა.შ. შეხვედრაში ასევე მონაწილეობდნენ ორივე ქვეყნის საგარეო საქმეთა და ტრანსპორტის  სამინისტროების წარმომადგენლები.

„მიმოიხილეს რუსულ–ქართული სავაჭრო–ეკონომიკური კავშირები. პოლიტიკური კონიუნქტურისა და კორონავირუსული ინფექციის პანდემიასთან დაკავშირებული სირთულეების მიუხედავად, რუსეთი საქართველოს მნიშვნელობით მეორე საგარეო–სავაჭრო პარტნიორი და ქართული პროდუქციის, პირველ რიგში, ღვინის, მსხვილი იმპორტიორია“, – აღნიშნულია რუსული სამინისტროს განცხადებაში.

ასევე განცხადებაში ნათქვამია, რომ ორივე მხარე დაინტერესებულია მოსკოვში ქართული დიპლომატიური უძრავი ქონების პრობლემითა და თბილისში რუსული დიპლომატიური უძრავი ქონების პრობლემით.

საქართველომ რუსულ თვითმფრინავებს საჰაერო სივრცე გაუხსნა: აბაშიძე განმარტავს>>

რუსეთსა და საქართველოს შორის დიპლომატიური ურთიერთობები არ არსებობს. დიალოგი ქვეყნებს შორის ჟენევის დისკუსიებისა და კარასინი–აბაშიძის მოლაპარაკებების ფარგლებშია შენარჩუნებული, რომელთა შეხვედრებიც პრაღაში 2012 წლიდან იმართება. ურთიერთობები ქვეყნებს შორის ქართულმა მხარემ მას შემდეგ გაწყვიტა, რაც 2008 წლის 26 აგვისტოს მოსკოვმა აფხაზეთისა და სამხრეთ ოსეთის სუვერენიტეტი აღიარა.

32
თემები:
ქართულ–რუსული ურთიერთობები
რუსეთის საგარეო საქმეთა სამინისტრო

რუსეთის საგარეო უწყება საქართველოს ახალ შესაძლებლობებზე ყარაბაღთან დაკავშირებით

61
კორონავირუსის პანდემიის გამო გრეგორი კარასინისა და ზურაბ აბაშიძის არაფორმალური დიალოგი ვიდეოფორმატში გაიმართა

თბილისი, 27 ნოემბერი – Sputnik. მთიან ყარაბაღთან დაკავშირებით სამმხრივი შეთანხმებების რეალიზაცია საქართველოსთვის ტრანსპორტისა და ეკონომიკის სფეროებში ახალ შესაძლებლობებს ხსნის, ნათქვამია რუსეთის საგარეო საქმეთა სამინისტროს განცხადებაში, რომელიც გრიგორი კარასინისა და ზურაბ აბაშიძის მოლაპარაკებების შედეგების მიხედვით გამოქვეყნდა.

გახარია რუსეთთან ფრენების აღდგენაზე: „ყველაფერი დამოკიდებულია რუსეთზე და კორონავირუსზე“>>

რუსეთის ფედერაციის სენატორმა გრიგორი კარასინმა და საქართველოს პრემიერ–მინისტრის სპეციალურმა წარმომადგენელმა რუსეთთან ურთიერთობების მოგვარების საკითხებში ზურაბ აბაშიძემ დღეს ვიდეოკონფერენცია გამართეს. მხარეებმა იმსჯელეს აზერბაიჯანის, სომხეთისა და რუსეთის პრეზიდენტების მთიან ყარაბაღთან დაკავშირებით 9 ნოემბრის განცხადების მნიშვნელობაზე.

„აღნიშნული სამმხრივი შეთანხმებების რეალიზაცია, კერძოდ, სატრანსპორტო კომუნიკაციებისა და ეკონომიკური კავშირების განბლოკვა, ახალ შესაძლებლობებს ხსნის ყველა კავკასიური სახელმწიფოსთვის საქართველოს ჩათვლით“, – ნათქვამია რუსეთის საგარეო უწყების განცხადებაში.

ვიდეოკონფერენციის ერთ–ერთი თემა იყო ქვეყნებს შორის ავიამიმოსვლის აღდგენის პირობები იმის გათვალისწინებით, რომ გასული წლის ივლისში დროებით აიკრძალა საჰაერო მიმოსვლა საქართველოში.

მთიანი ყარაბაღი და ახალი რეალობა სამხრეთ კავკასიაში: ხედვა საქართველოდან>>

 „ამისთვის პირობები კარგად არის ცნობილი: ანტირუსული გამოვლინებების შეწყვეტა საქართველოში და რუსეთის მოქალაქეებისთვის უსაფრთხოების მუქარის გაქრობა. გარდა ამისა, ორივე ქვეყანაში უნდა მოგვარდეს სანიტარულ–ეპიდემიური ვითარება, რაც  COVID-19–მა გამოიწვია“, – აღნიშნავენ რუსეთის საგარეო საქმეთა სამინისტროში.

რუსული მხრიდან დადასტურდა ქართველ პარტნიორებთან კონსტრუქციული ურთიერთობების მზადყოფნა COVID-19–ის გავრცელებასთან ბრძოლის საკითხში, მათ შორის, შემუშავებული ვაქცინის გამოყენების გზით.

ქართულ–რუსული ურთიერთობები მას შემდეგ გამწვავდა, რაც თბილისში რუსი დეპუტატის ვიზიტი გააპროტესტეს, რომელიც მართლმადიდებლობის საერთაშორისო კონფერენციაში მონაწილეობდა. თბილისში 2019 წლის ივნისში საპროტესტო აქციები გაიმართა. ამ ფონზე რუსეთის პრეზიდენტმა ვლადიმირ პუტინმა ხელი მოაწერა ბრძანებას, რუსული ავიაკომპანიების საქართველოში ფრენების შეწყვეტის შესახებ 8 ივლისიდან.

რუსეთსა და საქართველოს შორის დიპლომატიური ურთიერთობები არ არსებობს. დიალოგი ქვეყნებს შორის ჟენევის დისკუსიებისა და კარასინი–აბაშიძის მოლაპარაკებების ფარგლებშია შენარჩუნებული, რომელთა შეხვედრებიც პრაღაში 2012 წლიდან იმართება. ურთიერთობები ქვეყნებს შორის ქართულმა მხარემ მას შემდეგ გაწყვიტა, რაც 2008 წლის 26 აგვისტოს მოსკოვმა აფხაზეთისა და სამხრეთ ოსეთის სუვერენიტეტი აღიარა.

61
თემები:
ქართულ–რუსული ურთიერთობები
რუსთავის სიონის ტაძარი

საეკლესიო კალენდარი: 28 ნოემბერი

0
(განახლებულია 22:06 27.11.2020)
საქართველოს მართლმადიდებელი ეკლესია 28 ნოემბერს მოწამეთა: გურის, სამონის და აბიბოს, მოწამეთა: ელპიდესი, მარკელისა და ევსტოქის,  მოწამიმე დიმიტრის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან ისინი მოხსენიებული საეკლესიო კალენდარში.

წმიდა მოწამენი და აღმსარებელნი: გური, სამონი და აბიბო

 წმიდა გური და სამონი ქალაქ ედესაში (მაკედონია) დაიბადნენ. ქრისტეს სიყვარულით ანთებული წმინდანები უდაბნოში გავიდნენ სამოღვაწეოდ და მრავალ წარმართს მოაქცევდნენ მართლმადიდებლურ სარწმუნოებაზე. როცა იმპერატორებმა: დიოკლეტიანემ და მაქსიმიანემ (284-305) ქრისტიანთა დევნა დაიწყეს, უფლის რჩეულები შეიპყრეს და კერპებისთვის მსხვერპლის შეწირვა მოსთხოვეს. წმიდანებმა უღმერთოებს მტკიცე უარით უპასუხეს, რისთვისაც საშინელი სატანჯველები დაატყდათ თავს, შემდეგ  მოწამეებს  თავები მოჰკვეთეს (+299-306).  

წარმართმა იმპერატორმა ლიკინიუსმა (307-324) კვლავ დაიწყო ქრისტიანთა დევნა. მტარვალმა ბრძანა, რომ ჭეშმარიტი სარწმუნოების გავრცელებისთვის ედესის ეკლესიის დიაკონი აბიბოც შეეპყროთ. უფლის რჩეულმა არ ისურვა, რომ მის ძიებას სხვა ქრისტიანებიც ემსხვერპლა, ამიტომ თავად გამოცხადდა ჯალათებთან სამსჯავროზე. უღმერთოებმა მას დაწვა მიუსაჯეს. ქრისტეს ახოვანი მოსაგრე თავად შევიდა კოცონში და ლოცვით შეჰვედრა სული უფალს (+322).

წმიდა მოწამენი: ელპიდი, მარკელე და ევსტოქი

წმიდა მოწამენი: ელპიდი, მარკელე და ევსტოქი იმპერატორ იულიანე განდგომილის (361-363) ზეობისას ეწამნენ. წმიდა ელპიდის სასახლის კარზე მნიშვნელოვანი თანამდებობა ეჭირა. ქრისტეს აღსარებისთვის იგი მარკელესთან და ევსტოქისთან ერთად შეიპყრეს და მეფის სამსჯავროზე წარადგინეს. მოწამეებმა მრავალი სატანჯველი დაითმინეს, რის შემდეგაც უღმერთოებმა ცეცხლში დაწვეს. იმ ადგილას, სადაც ქრისტიანებმა წმიდათა პატიოსანი ნაწილები დაკრძალეს, ქრისტეს სასწაულებრივი გამოცხადება მოხდა ანგელოზთა დასთან ერთად და უფალმა ელპიდი მკვდრეთით აღადგინა. იმპერატორმა ბრძანა, კვლავ შეეპყროთ წმიდა მოწამე. უფლის რჩეულის წამების დროს მისი ლოცვით მახლობლად მდგარი კერპები ერთიანად შეიმუსრა. ამ სასწაულის მხილველი ექვსი ათასზე მეტი წარმართი მოექცა ქრისტიანობაზე, წმიდა ელპიდი კი ხელახლა დაწვეს.

წმიდა მოწამე დიმიტრი

წმიდა მოწამე დიმიტრი ეწამა იმპერატორების: მაქსიმიანე გალერიუსისა(305-311) და მაქსიმინეს (305-313) ზეობისას. ქრისტეს მხნე აღსარებისთვის უღმერთოებმა მას თავი მოჰკვეთეს.

მასალა მომზადებულია ღია წყაროებზე დაყრდნობით.

0