ბიძინა ივანიშვილი

ივანიშვილი: მრავალპარტიული პარლამენტი მისასალმებელია

45
(განახლებულია 12:42 21.11.2020)
საქართველოში დღეს საპარლამენტო  არჩევნების მეორე ტური მიმდინარეობს – ამომრჩეველი 17 ოლქში  საკუთარ არჩევანს იმ ორ კანდიდატს შორის გააკეთებს, რომელთაც პირველ ტურში საუკეთესო შედეგები ჰქონდათ.

თბილისი, 21 ნოემბერი - Sputnik. ზოგიერთი პოლიტიკური პარტია, ზედმეტად ემოციურად, გადაჭარბებულად და ამბიციურად აფიქსირებს თავის პოზიციებს, მაგრამ ვფიქრობ, რომ საღი აზრი გაიმარჯვებს და ჩვენ მივიღებთ ჭეშმარიტად მრავალპარტიულ პარლამენტს, განაცხადა  მმართველი პარტია „ქართული ოცნება- საქართველოს“ თავმჯდომარემ, ბიძინა ივანიშვილმა მთაწმინდა–კრწანისის საარჩევნო უბანზე  ჟურნალისტებთან. 

ბიძინა ივანიშვილმა ქართველ ხალხს მადლობა გადაუხადა იმ მაღალი მოქალაქეობრივი პასუხისმგებლობისთვის, რომელიც  31 ოქტომბერს გამოიჩინა.

„დღესაც, ამ რთულ პერიოდშიც, კოვიდი ბობოქრობს და მაქსიმალური მობილიზაცია გამოავლინა ქართულმა საზოგადოებამ. ამავდროულად, ყველა ქვეყანამ, დემოკრატიულმა საზოგადოებამ ხაზგასმით აღნიშნა, რომ არჩევნები კონკურენტულ და თავისუფალ გარემოში ჩატარდა. მივიღეთ ცხრა პარტიის წარმომადგენლობა პარლამენტში, რაც მისასალმებელია. დარწმუნებული ვარ, რომ ყველაფერი კარგად იქნება“, - განაცხადა ივანიშვილმა.

საქართველოში დღეს საპარლამენტო  არჩევნების მეორე ტური მიმდინარეობს. ამჯერად ამომრჩეველი 17 ოლქში  საკუთარ არჩევანს იმ ორ კანდიდატს შორის გააკეთებს, რომელთაც პირველ ტურში საუკეთესო შედეგები ჰქონდათ.

ოპოზიცია არ აღიარებს საპარლამენტო არჩვენების პირველი ტურის შედეგებს და არჩევნების მეორე ტურსაც ბოიკოტს უცხადებს. მიუხედავად იმისა, რომ ოპოზიციის მაჟორიტარი დეპუტატობის კანდიდატები არ მონაწილეობენ არჩევნებში, ისინი საარჩევნო ბიულეტენში მაინც რჩებიან. 

21 ნოემბერს არჩევნების მეორე ტურზე ამომრჩევლებს 1941 საარჩევნო უბანი და გამონაკლის შემთხვევაში შექმნილი 9 უბანი მოემსახურება. რაც შეეხება სტაციონარულ სამკურნალო დაწესებულებასა და იზოლაციაში მყოფ ამომრჩევლებს, მათი არჩევნებში მონაწილეობის უზრუნველყოფის მიზნით შექმნილია 80 სპეციალური უბანი.

ცესკოს მონაცემებით, ამომრჩეველთა საერთო რაოდენობაა 2 140 210 ადამიანი.

45
თემები:
საქართველოს საპარლამენტო არჩევნების მეორე ტური – 2020 (72)
საპროტესტო აქცია საგარეო საქმეთა სამინისტროსთან

დავით–გარეჯის საქმე: საქართველოს საგარეო უწყებასთან აქცია გაიმართა

16
(განახლებულია 19:49 27.11.2020)
აქციის მონაწილეები მიიჩნევენ, რომ საგარეო საქმეთა სამინისტრომ დაკავებულების ადვოკატებს არ გადასცა მასალები, რომლებსაც ბრალდებულების უდანაშაულობის დამტკიცება შეუძლია

თბილისი, 27 ნოემბერი – Sputnik. ოპოზიციის მომხრეებმა საქართველოს საგარეო საქმეთა სამინისტროსთან მოაწყვეს ექსპერტების ივერი მელაშვილისა და ნატალია ილიჩოვას მხარდამჭერი აქცია, რომლებიც აზერბაიჯანისთვის საქართველოს ტერიტორიის შესაძლო გადაცემის საქმეზე არიან დაკავებულები, და მათი გათავისუფლება მოითხოვეს.

რას ფიქრობს საქართველოს საპატრიარქო დავით-გარეჯის საქმის ახალ გარემოებებზე>>

აქციაზე რამდენიმე ათეული ადამიანი პლაკატებით ხელში შეიკრიბა.

  • დავით-გარეჯის სამონასტრო კომპლექსში კლდეში ნაკვეთი 20-მდე მონასტერია გაერთიანებული. მთავარი მონასტერი წმინდა დავითის ლავრაა. კომპლექსის ტერიტორიაზე ზოგიერთ ეკლესიასა და სატრაპეზოში შემონახულია VIII-XIV საუკუნეებით დათარიღებული ფრესკები, რომლებზეც გამოსახული არიან ქართველი ისტორიული პირები, მათ შორის თამარ მეფე.

აქტივისტ გიგი მაქარაშვილის თქმით, პროტესტის მიზეზი გახდა ის, რომ საგარეო უწყებამ ილიჩოვასა და მელაშვილის ადვოკატებს არ გადასცა მასალები, რომლებსაც, აქტივისტის თქმით, ბრალდებულების უდანაშაულობის დამტკიცება შეუძლია.

 „ამ უწყების კიდევ ერთი სამარცხვინო საქციელი. მთლიანობაში, ეს აქცია ამ ადამიანების დაუყოვნებლივ და უპირობო გათავისუფლებას ეძღვნება. ეს ტალღა არ შეჩერდება“, – განუცხადა მაქარაშვილმა ჟურნალისტებს.

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში, უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა 7 ოქტომბერს დააკავა.

პროკურატურის მტკიცებით, რუკების შედგენისას მათ 1938 წლის რუკის ნაცვლად გამოიყენეს 1970 წლით დათარიღებული არასწორად შედგენილი რუკა, რის შედეგადაც საქართველომ კინაღამ 3,5 ათასი ჰექტარი ტერიტორია დაკარგა, მათ შორის დავით–გარეჯის სამონასტრო კომპლექსის ტერიტორიის ნაწილი.

16
თემები:
ვნებათაღელვა დავით–გარეჯის ირგვლივ
საქართველოსა და ევროკავშირის დროშები

საქართველო ტერორისტული ორგანიზაციების წინააღმდეგ ევროკავშირის სანქციებს შეუერთდა

27
(განახლებულია 19:12 27.11.2020)
ევროპის საბჭომ ამ ორგანიზაციების წინააღმდეგ ყველა არსებული სანქციის 2021 წლის 31 დეკემბრამდე გაგრძელების გადაწყვეტილება მიიღო

თბილისი, 27 ნოემბერი – Sputnik. საქართველო ათ ქვეყანასთან ერთად შეუერთდა ევროკავშირის გადაწყვეტილებას სანქციების გაგრძელებასთან დაკავშირებით ორი დიდი ტერორისტული ორგანიზაციის – „ისლამური სახელმწიფოსა“ და „ალ–ქაიდას“ წინააღმდეგ, ნათქვამია ევროკავშირის განცხადებაში.

ევროპის საბჭომ ამ ორგანიზაციების, ასევე მათთან დაკავშირებული პირების, ჯგუფების, საწარმოებისა და ოგანიზაციების წინააღმდეგ ყველა არსებული სანქციის 2021 წლის 31 დეკემბრამდე გაგრძელების გადაწყვეტილება მიიღო.

ევროკავშირის მონაცემებით, სანქციების გაგრძელებას, საქართველოს გარდა, შეუერთდნენ ჩრდილოეთ მაკედონია, მონტენეგრო, სერბეთი, ალბანეთი, ბოსნია და ჰერცოგოვინა, ისლანდია, ლიხტენშტეინი, უკრაინა, მოლდოვა და სომხეთი.

„ისინი (ეს ქვეყნები) უზრუნველყოფენ თავიანთი ეროვნული პოლიტიკის შესაბამისობას საბჭოს გადაწყვეტილებასთან. ევროპის კავშირი მხედველობაში იღებს ამ ვალდებულებას და მიესალმება მას“, – აღნიშნულია განცხადებაში.

სანქციების გაგრძელების გადაწყვეტილება ევროკავშირმა 2020 წლის 20 ოქტომბერს გამოაქვეყნა.

27
თემები:
საქართველო - ევროკავშირის ურთიერთობები