საპარლამენტო არჩევნების მეორე ტური - 21.11.2020

„ხმა გამარჯვების საბოლოო გაფორმებას მივეცი" - ზუგდიდში არჩევნების მეორე ტური მიმდინარეობს

34
(განახლებულია 12:52 21.11.2020)
დღეს საქართველოს მასშტაბით, მათ შორის ზუგდიდში საპარლამენტო არჩევნების მეორე ტური მიმდინარეობს - ოპოზიცია მას ბოიკოტს უცხადებს

თბილისი, 21 ნოემბერი – Sputnik. ზუგდიდის მაჟორიტარობის კანდიდატმა მმართველი პარტიიდან ირაკლი ჩიქოვანმა საპარლამენტო არჩევნების მეორე ტურში ხმა უკვე მისცა, იუწყება Sputnik-საქართველოს კორესპონდენტი.

„მე ხმა გამარჯვების საბოლოო გაფორმებას მივეცი", - ამის შესახებ ქართული ოცნება-დემოკრატიული საქართველოს" ზუგდიდის მაჟორიტარობის კანდიდატმა ირაკლი ჩიქოვანმა  ჭადრაკის სასახლის შენობაში მდებარე #1 უბანზე ხმის მიცემის შემდეგ განაცხადა.

მისი თქმით, პირველ ტურში ზუგდიდში მმართველ პარტიას სხვა პარტიებთან შედარებით მნიშვნელოვანი უპირატესობა ჰქონდა.

„დარწმუნებული ვარ, დღესაც ზუგდიდელები იაქტიურებენ და გვექნება მნიშვნელოვანი შედეგი. ეს უკვე ზუგდიდისთვის ტრადიცია ხდება, როგორ წესი, ნაციონალური მოძრაობის წარმომადგენლები მეორე ტურში არ მონაწილეობენ, თუმცა ეს იმას არ ნიშნავს რომ რაიმე ფორმით უნდა მოხდეს უგულებელყოფა იმ დემოკრატიული პროცესის, რომელიც არჩევნებთან არის დაკავშირებული. მე დარწმუნებული ვარ, ზუგდიდელები კიდევ ერთხელ იაქტიურებენ და გააკეთებენ საკუთარ არჩევანს", - აღნიშნა ჩიქოვანმა.

საპარლამენტო არჩევნების მეორე ტური 21 ნოემბერს 30–დან 17 მაჟორიტარულ ოლქში, მათ შორის ზუგდიდში და თბილისის რვავე ოლქში მიმდინარეობს. 

მეორე ტურის ჩატარება საჭირო მას შემდეგ გახდა, რაც არჩევნების პირველ ტურში ვერცერთმა კანდიდატმა გამარჯვებისთვის საჭირო ხმების რაოდენობა ვერ მოიპოვა – არჩევნებში მონაწილე ამომრჩევლების ხმების მინიმუმ 50% პლუს ერთი ხმა.

არჩევნების მეორე ტურში მონაწილეობს 31 ოქტომბრის არჩევნებში შესაბამის მაჟორიტარულ ოლქებში საუკეთესო შედეგის მქონე ორი კანდიდატი.

საპარლამენტო არჩევნების მეორე ტურში 1 999 324 ამომრჩეველი საკუთარ არჩევანს 1923 უბანსა და საკარანტინო ზონაში მდებარე 80 სპეცუბანზე გააკეთებს.

31 ოქტომბრის საპარლამენტო არჩევნები შერეული სისტემით ჩატარდა: ამომრჩეველმა 120 დეპუტატი პროპორციული, 30 კი მაჟორიტარული სისტემით აირჩია. ცესკოს მონაცემების თანახმად, ქვეყნის საკანონმდებლო ორგანოში პროპორციული სისტემით ცხრა პარტია და პოლიტიკური ბლოკი შედის.

ახალი სისტემის გათვალისწინებით, მმართველ პარტიას, მეორე ტურის შედეგებისგან დამოუკიდებლად, მიღებული აქვს 76 ადგილი პარლამენტში და საპარლამენტო უმრავლესობას აყალიბებს.

საქართველოს ოპოზიცია 31 ოქტომბრის საპარლამენტო არჩევნების პირველი ტურის შედეგებს არ აღიარებს და განმეორებითი კენჭისყრის ჩატარების მოთხოვნით პერმანენტულ აქციებს ატარებს.  პარლამენტში შესული ოპოზიციური პარტიები არჩევნების მეორე ტურს ბოიკოტს უცხადებენ.

თუმცა, ცესკოს განცხადებით, მოქმედი კანონმდებლობის თანახმად, თუ კანდიდატი საკუთარ კანდიდატურას მოხსნის, მისი გვარი საარჩევნო ბიულეტენში მაინც დარჩება – კანდიდატურის მოხსნა მხოლოდ ხმების დათვლის შემდეგაა შესაძლებელი.

ნიკა ლატარია

მაჟორიტარული სისტემით საქართველოს საპარლამენტო არჩევნები
© Sputnik / Konstantin Ivanov
მაჟორიტარული სისტემით საქართველოს საპარლამენტო არჩევნები
34
თემები:
საქართველოს საპარლამენტო არჩევნების მეორე ტური – 2020 (72)
საქართველოს ცესკო

ცესკო მასმედიას, ადგილობრივ და საერთაშორისო ორგანიზაციებს დროული რეგისტრაციისკენ მოუწოდებს

23
(განახლებულია 23:38 04.08.2021)
საქართველოში 2 ოქტომბერს ჩატარდება არჩევნები, რომელზეც ქვეყნის მოსახლეობა მერებს და საკრებულოების დეპუტატებს აირჩევს.

თბილისი, 4 აგვისტო - Sputnik. ცენტრალური საარჩევნო კომისია (ცესკო) საარჩევნო პროცესებში ჩართულ ყველა მხარეს, როგორც მასმედიას, ისე საერთაშორისო ორგანიზაციებსა და ადგილობრივ არასამთავრობო სექტორს მოუწოდებს, დროულად გაიარონ საარჩევნო ადმინისტრაციაში (ცესკო-სა და შესაბამის საოლქო საარჩევნო კომისიებში) რეგისტრაცია/აკრედიტაცია.

უწყების განმარტებით, გუშინ ცენტრალურმა საარჩევნო კომისიამ სხდომაზე დაამტკიცა საარჩევნო ღონისძიებათა გრაფიკი, რომელშიც დეტალურადაა აღწერილი არჩევნებთან დაკავშირებული საქმიანობები და ვადები.

„მოგიწოდებთ, დროულად გაიაროთ კანონმდებლობით გაწერილი პროცედურები რეგისტრაციისა და აკრედიტაციის მისაღებად იმისათვის, რომ გქონდეთ სრული ინფორმაცია ჩვენი საქმიანობის შესახებ, შეუფერხებლად შეძლოთ საარჩევნო პროცესებზე დაკვირვება, სხდომებზე დასწრება და გაშუქება“, – განაცხადა ცესკოს პრეს-სპიკერმა ნათია იოსელიანმა.

საქართველოში წინასაარჩევნო კამპანია დაიწყო: ცესკომ ღონიძიებების სრული სია გამოაქვეყნა>>

საქართველოში არჩევნები 2 ოქტომბერს გაიმართება. ქვეყნის მოსახლეობა 64 მუნიციპალიტეტის საკრებულოს დეპუტატებს და ამდენივე მერს აირჩევს.

წინასაარჩევნო კამპანია ოფიციალურად 2 აგვისტოს დაიწყო.

23
თემები:
ადგილობრივი თვითმმართველობის არჩევნები
დავით ზალკალიანი

დავით ზალკალიანი ბელგიას AstraZeneca-ს ვაქცინის საჩუქრად გადმოცემისთვის მადლობას უხდის 

36
(განახლებულია 20:52 04.08.2021)
გავრცელებული ინფორმაციით, ბელგია დაბალი და საშუალო შემოსავლის მქონე ქვეყნებს 2021 წლის ბოლომდე საერთო ჯამში 4 მლნ დოზა ვაქცინას გადასცემს. 

თბილისი, 4 აგვისტო - Sputnik. საქართველოს საგარეო საქმეთა მინისტრი, ვიცე-პრემიერი დავით ზალკალიანი ბელგიის სამეფოს საქართველოსთვის AstraZeneca-ს ვაქცინის საჩუქრად გამოცემისთვის მადლობას უხდის.

საქართველოში Pfizer-ის ვაქცინის მორიგი პარტია შემოვიდა>>

დღეს ცნობილი გახდა, რომ ბელგია საქართველოს კორონავირუსის საწინააღმდეგო AstraZeneca-ს ვაქცინის 86.400 დოზას საჩუქრად გადმოსცემს.

„მადლობას ვუხდი ჩემს კოლეგა სოფი ვილმესს და ბელგიის მთავრობას საქართველოსთვის გამოყოფილი AstraZeneca-ს ვაქცინის 86.400 დოზისთვის. თქვენი მხარდაჭერა პანდემიის რთულ დროს ძალიან მნიშვნელოვანია ჩვენთვის“, – წერს დავით ზალკალიანი სოციალურ ქსელში.

პირველ ტაპზე  AstraZeneca-ს ვაქცინების 168 ათასი დოზა უკრაინაში გაიგზავნება, შემდეგ კი საქართველო, სომხეთი და კოსოვო 225.600 დოზა ვაქცინას  მიიღებენ.

ბელგიის საგარეო საქმეთა სამინისტროს ინფორმაციით, ბელგია ვაქცინებით დაეხმარება ასევე აფრიკის, დასავლეთ ბალკანეთის, აღმოსავლეთ სამეზობლოსა და სამხრეთ ევროპის ქვეყნებს.

4 მლნ ვაქცინის დოზა ბელგიას ფარმაცევტული კომპანიების რეზერვებიდან აქვს შეძენილი. დოზები სხვადასხვა პლატფორმის, მათ შორის COVAX-ის , გაეროს ბავშვთა ფონდის (UNICEF) და GAVI-ის დახმარებიით გადანაწილდება.

საქართველოში მასობრივი ვაქცინაცია 5 ივლისს, მას შემდეგ დაიწყო, რაც ქვეყანამ 1 მლნ დოზა Sinopharm-ისა და Sinovac-ის  ვაქცინა მიიღო.

ქვეყანაში ვაქცინაცია 15 მარტიდან AstraZeneca-ს, 30 მარტიდან კი Pfizer-ის ვაქცინებით დაიწყო. ვაქცინაციის პროცესში 4 მაისიდან ჩინური Sinopharm-ი ჩაერთო, 24 მაისიდან კი Sinovac-ი. პირველ ეტაპზე ვაქცინაცია მედპერსონალით დაიწყო, თუმცა შემდგომ პროგრამა გაფართოვდა და იმუნიზაციის პროცესში 18 წელს ზემოთ პირები ჩაერთვნენ.  ამჟამად საქართველოში 16 წელს ზემოთ პირების აცრა დასაშვებია Pfizer-ის ვაქცინით. 45 წელს ზემოთ პირებს შეუძლიათ აირჩიონ  Pfizer, AstraZeneca, Sinopharm ან Sinovac.

აგვისტოს ბოლოს კორონავირუსის მსხვერპლთა რაოდენობა შეიძლება გასამმაგდეს – იმნაძე>>

ბოლო მონაცემებით, ჯამურად ჩატარდა 542.639 აცრა. სრულად (ორჯერადად) ვაქცინირებულია 171.908 ადამიანი.

36
თემები:
კორონავირუსი საქართველოში: ბოლო ცნობები
სტუდენტები

„როსსოტრუდნიჩესტვომ“ რუსეთში სტუდენტების შესვლის წესები გამოაცხადა

0
(განახლებულია 22:25 04.08.2021)
რუსეთის განათლებისა და მეცნიერების სამინისტრომ „ცხელი ხაზი“ აამოქმედა, რომელზეც პანდემიის პირობებში ქვეყანაში შესვლის თაობაზე ინფორმაციის დაზუსტებაა შესაძლებელი

Sputnik. დანარა კურმანოვა

მიუხედავად იმისა, რომ კორონავირუსის პანდემია გრძელდება, რუსეთში სასწავლო წელი კვლავ 1 სექტემბერს იწყება. ამის თაობაზე „როსსოტრუდნიჩესტვოში“ განაცხადეს პრესკონფერენციაზე, რომელიც 2021 წელს უცხოეთის მოქალაქეების რუსეთის უმაღლეს სასწავლებლებში შესარჩევ კამპანიას მიეძღვნა.

„სტუდენტების ქვეყანაში შემოშვება-არშემოშვების საკითხი ჩვენს კომპეტენციაში არ შედის. მაგრამ ჩვენ ვიცავთ უცხოელი სტუდენტების უფლებებს, რომლებიც უმაღლეს სასწავლებლებში ჩაირიცხნენ და ვთხოვთ ორგანოებს, შემოსვლის ნებართვა მისცენ მათ, — განაცხადა სააგენტოს ხელმძღვანელმა ევგენი პრომაკოვმა. — ახლა განათლების მისაღებად შემოსვლა შეუძლიათ იმ სიის ქვეყნების მოქალაქეებს, რომლებსაც რუსეთის მთავრობა ამტკიცებს განკარგულებით და რომელიც გამუდმებით იცვლება“.

პრომაკოვი აზუსტებს, რომ საუბარია განკარგულება №636-ზე, რომლის №1 დანართში ამ დროისათვის 50 სახელმწიფოა ჩამოთვლილი, და რომელთა მოქალაქეებსაც რუსეთში შემოსვლის უფლება აქვთ. თუმცა, თუ ქვეყანა არ არის სიაში, რუსეთში ჩასვლის შესაძლებლობა შეიძლება ინდივიდუალურად იყოს განხილული.

„ბევრ შემთხვევაში შემოსვლის საკითხებს კურირებს უნივერსიტეტი, რომელსაც შეუძლია განათლების სამინისტროსა და სამთავრობო კომისიისგან შემოსვლის უფლება გამოითხოვოს“, — განმარტა პრომაკოვმა.

ამას გარდა, სააგენტოს ხელმძღვანელის თქმით, უმაღლესი განათლებისა და მეცნიერების სამინისტროსთან მოქმედებს ცხელი ხაზი სტუდენტებისთვის: +7 (495) 198-00-00. ამ ნომერზე თითოეული ქვეყნისთვის რუსეთში შესვლის წესების დაზუსტებაა შესაძლებელი.

სამედიცინო მოთხოვნები ყველასთვის უნივერსალურია: სტუდენტმა უნდა ჩააბაროს PCR-ტესტი რუსეთში ჩასვლამდე არაუადრეს სამი დღისა. დოკუმენტი ტესტის უარყოფით პასუხზე უნდა იყოს დაბეჭდილი რუსულად ან ინგლისურად. რუსეთში ჩასვლის შემდეგ სტუდენტმა უნდა ჩააბაროს კიდევ ერთი PCR-ტესტი და პასუხამდე თვითიზოლაციაში უნდა იყოს. იმ შემთხვევაში, თუ სტუდენტის ქვეყანაში შესვლის მომენტისთვის სწავლა უკვე დაწყებული იქნება, ტესტის პასუხის მიღებამდე სტუდენტს მ ხოლოდ ონლაინ-ფორმატში შეუძლია დაესწროს ლექციებს.

პრომაკოვის თქმით, რაც შეეხება სტუდენტების ვაქცინაციასა და ვაქცინაციის შესახებ უცხოური სერტიფიკატების აღიარებას, ეს საკითხები ახლა მუშავდება რუსეთის ჯანდაცვისს სამინისტროს მიერ.

0
თემები:
რუსეთი დღეს