შსს–ს შენობა

შსს: ოპოზიციის მიერ დაგეგმილი ე.წ. სირცხვილის დერეფნები დანაშაულის ნიშნებს შეიცავს

53
(განახლებულია 16:23 20.11.2020)
უწყებაში მიიჩნევენ, რომ გარკვეული ოპოზიციური პარტიების მხრიდან წინასაარჩევნოდ გაკეთებული განცხადებები პირდაპირ ზემოქმედებს ამომრჩეველზე.

თბილისი, 20 ნოემბერი – Sputnik. 21 ნოემბერს, ისევე, როგორც საპარლამენტო არჩევნების პირველ ტურში, პოლიციის მობილური ჯგუფები მთელი საქართველოს მასშტაბით სრულად იქნებიან მობილიზებული და საზოგადოებრივ წესრიგს დაიცავენ, განაცხადა შინაგან საქმეთა მინისტრის პირველმა მოადგილემ კახა საბანაძემ შსს-ში გამართულ ბრიფინგზე.

სახალხო დამცველის აპარატი: ე.წ. სირცხვილის დერეფანი ამომრჩეველზე ზეწოლაა>>

მისი თქმით, უწყება უზრუნველყოფს, რომ თითოეულმა მოქალაქემ თავისუფალ და უსაფრთხო გარემოში გააკეთოს საკუთარი არჩევანი.

გამართულ ბრიფინგზე საბანაძე ასევე გამოეხმაურა ბოლო დროს პოლიტიკური ჯგუფების მიერ საარჩევნო უბნებთან ე.წ. სირცხვილის დერეფნების მოწყობასთან დაკავშირებით გაკეთებულ განცხადებებს.

„ხაზგასმით აღვნიშნავთ, რომ საარჩევნო უბნებთან „სირცხვილის დერეფნების“ ორგანიზება თავისი შინაარსით აშკარად სცდება საქართველოს კონსტიტუციით გარანტირებულ სიტყვისა და გამოხატვის თავისუფლების კანონით დასაშვებ ფარგლებს, არღვევს მოქალაქის კონსტიტუციით გარანტირებულ უფლებებს, საფრთხეს უქმნის საზოგადოებრივ უსაფრთხოებასა და შეიცავს სისხლის სამართლის კოდექსით გათვალისწინებულ დანაშაულის ნიშნებს“, – განაცხადა საბანაძემ.

მისი თქმით, აღნიშნული ქმედებები პირდაპირ ზემოქმედებას ახდენს ამომრჩეველზე, რათა აიძულოს იგი მისი ნების საწინააღდეგოდ უარი თქვას არჩევნებში მონაწილეობაზე.

შინაგან საქმეთა სამინისტრო შესაბამისი პოლიტიკური ჯგუფების წარმომადგენლებს მოუწოდებს, დაემორჩილონ პოლიციის კანონიერ მოთხოვნებს, ხოლო მათი მხრიდან სისხლის სამართლის კოდექსით გათვალისწინებული ქმედებების ჩადენის შემთხვევაში პოლიცია მყისიერად იმოქმედებს დანაშაულის აღკვეთასა და გამოვლენაზე.

შინაგან საქმეთა მინისტრის პირველი მოადგილის განცხადებით, უწყება აქტიურად თანამშრომლობს საერთაშორისო სადამკვირვებლო მისიებსა და ადგილობრივ არასამთავრობო ორგანიზაციებთან. 21 ნოემბერს, არჩევნების ჩატარების დღეს კი შსს პერიოდულად მოახდენს სადამკვირვებლო ორგანიზაციებისა და ყველა დაინტერესებული პირის ინფორმირებას არჩევნების მიმდინარეობისას მართლწესრიგის შესაძლო დარღვევების ფაქტებზე.

ოპოზიცია 2020 წლის 31 ოქტომბერს საქართველოში ჩატარებული საპარლამენტო არჩევნების შედეგებს არ აღიარებს და ხელახალი არჩევნების გამართვის მოთხოვნით ქვეყანაში საპროტესტო აქციებს აწყობს.

პირველი ტურის შედეგებით პარლამენტში შესულმა ყველა ოპოზიციურმა ძალამ პროტესტის ნიშნად უარი განაცხადა დეპუტატის მანდატებზე და არჩევნების მეორე ტურში მონაწილეობაზე. ამასთან, „ნაციონალური მოძრაობა“ გამოვიდა წინადადებით, რომ მეორე ტურის მიმდინარეობისას მოეწყოს ე.წ. სირცხვილის დერეფნები იმ ამომრჩევლებისთვის, ვინც მეორე ტურში მონაწილეობას მიიღებს. თუმცა მოგვიანებით პარტიამ განაცხადა, რომ ამომრჩეველს ხელს არ შეუშლის, მაგრამ იქნება წერტილოვანი პროტესტი. გუშინ ცნობილი გახდა, რომ „სირცხვილის დერეფნები“ მაინც მოეწყობა, ოღონდ აჭარაში.

მმართველ პარტიაში მიაჩნიათ, რომ საქართველოში არჩევნები კანონის ყველა მოთხოვნის გათვალისწინებით, სამართლიან და კონკურენტულ გარემოში ჩატარდა და ოპოზიციას მისი შედეგების ეჭვქვეშ დაყენების საფუძველი არ აქვს.

არჩევნების მეორე ტური 21 ნოემბერს 17 ოლქშია დანიშნული, მათ შორის თბილისის რვავე საარჩევნო ოლქში.

53
თემები:
საქართველოს საპარლამენტო არჩევნების მეორე ტური – 2020 (72)
პრაღა

აბაშიძისა და კარასინის პირისპირ შეხვედრა შეიძლება 2021 წლის პირველ კვარტალში გაიმართოს

31
(განახლებულია 08:25 28.11.2020)
ეპიდემიური ვითარების მიხედვით, რუსი და ქართველი დიპლომატების მოლაპარაკებები შეიძლება ჩვეულებრივ ფორმატშიც გაიმართოს

თბილისი, 27 ნოემბერი – Sputnik. რუსეთის ფედერაციის სენატორ გრიგორი კარასინისა და რუსეთთან ურთიერთობების მოგვარების საკითხებში საქართველოს პრემიერ–მინისტრის სპეციალური წარმომადგენლის ზურაბ აბაშიძის შემდეგი შეხვედრა პრაღაში 2021 წლის პირველ კვარტალში პირისპირ შეხვედრის ფორმატში გაიმართება, თუ ეპიდემიოლოგიური ვითარება ამის საშუალებას მოგვცემს, ნათქვამია რუსეთის საგარეო საქმეთა სამინისტროს განცხადებაში.

გრიგორი კარასინმა და ზურაბ აბაშიძემ დღეს ვიდეოკონფერენცია გამართეს. მხარეებმა რიგ საკითხებზე იმსჯელეს: ვითარება მთიან ყარაბაღში, ავიამიმოსვლის აღდგენა, სატვირთო ავტოგადაზიდვები, სავაჭრო–ეკონომიკური კავშირები, ბრძოლა კორონავირუსის გავრცელებასთან და ა.შ. შეხვედრაში ასევე მონაწილეობდნენ ორივე ქვეყნის საგარეო საქმეთა და ტრანსპორტის  სამინისტროების წარმომადგენლები.

„მიმოიხილეს რუსულ–ქართული სავაჭრო–ეკონომიკური კავშირები. პოლიტიკური კონიუნქტურისა და კორონავირუსული ინფექციის პანდემიასთან დაკავშირებული სირთულეების მიუხედავად, რუსეთი საქართველოს მნიშვნელობით მეორე საგარეო–სავაჭრო პარტნიორი და ქართული პროდუქციის, პირველ რიგში, ღვინის, მსხვილი იმპორტიორია“, – აღნიშნულია რუსული სამინისტროს განცხადებაში.

ასევე განცხადებაში ნათქვამია, რომ ორივე მხარე დაინტერესებულია მოსკოვში ქართული დიპლომატიური უძრავი ქონების პრობლემითა და თბილისში რუსული დიპლომატიური უძრავი ქონების პრობლემით.

საქართველომ რუსულ თვითმფრინავებს საჰაერო სივრცე გაუხსნა: აბაშიძე განმარტავს>>

რუსეთსა და საქართველოს შორის დიპლომატიური ურთიერთობები არ არსებობს. დიალოგი ქვეყნებს შორის ჟენევის დისკუსიებისა და კარასინი–აბაშიძის მოლაპარაკებების ფარგლებშია შენარჩუნებული, რომელთა შეხვედრებიც პრაღაში 2012 წლიდან იმართება. ურთიერთობები ქვეყნებს შორის ქართულმა მხარემ მას შემდეგ გაწყვიტა, რაც 2008 წლის 26 აგვისტოს მოსკოვმა აფხაზეთისა და სამხრეთ ოსეთის სუვერენიტეტი აღიარა.

31
თემები:
ქართულ–რუსული ურთიერთობები
რუსეთის საგარეო საქმეთა სამინისტრო

რუსეთის საგარეო უწყება საქართველოს ახალ შესაძლებლობებზე ყარაბაღთან დაკავშირებით

61
კორონავირუსის პანდემიის გამო გრეგორი კარასინისა და ზურაბ აბაშიძის არაფორმალური დიალოგი ვიდეოფორმატში გაიმართა

თბილისი, 27 ნოემბერი – Sputnik. მთიან ყარაბაღთან დაკავშირებით სამმხრივი შეთანხმებების რეალიზაცია საქართველოსთვის ტრანსპორტისა და ეკონომიკის სფეროებში ახალ შესაძლებლობებს ხსნის, ნათქვამია რუსეთის საგარეო საქმეთა სამინისტროს განცხადებაში, რომელიც გრიგორი კარასინისა და ზურაბ აბაშიძის მოლაპარაკებების შედეგების მიხედვით გამოქვეყნდა.

გახარია რუსეთთან ფრენების აღდგენაზე: „ყველაფერი დამოკიდებულია რუსეთზე და კორონავირუსზე“>>

რუსეთის ფედერაციის სენატორმა გრიგორი კარასინმა და საქართველოს პრემიერ–მინისტრის სპეციალურმა წარმომადგენელმა რუსეთთან ურთიერთობების მოგვარების საკითხებში ზურაბ აბაშიძემ დღეს ვიდეოკონფერენცია გამართეს. მხარეებმა იმსჯელეს აზერბაიჯანის, სომხეთისა და რუსეთის პრეზიდენტების მთიან ყარაბაღთან დაკავშირებით 9 ნოემბრის განცხადების მნიშვნელობაზე.

„აღნიშნული სამმხრივი შეთანხმებების რეალიზაცია, კერძოდ, სატრანსპორტო კომუნიკაციებისა და ეკონომიკური კავშირების განბლოკვა, ახალ შესაძლებლობებს ხსნის ყველა კავკასიური სახელმწიფოსთვის საქართველოს ჩათვლით“, – ნათქვამია რუსეთის საგარეო უწყების განცხადებაში.

ვიდეოკონფერენციის ერთ–ერთი თემა იყო ქვეყნებს შორის ავიამიმოსვლის აღდგენის პირობები იმის გათვალისწინებით, რომ გასული წლის ივლისში დროებით აიკრძალა საჰაერო მიმოსვლა საქართველოში.

მთიანი ყარაბაღი და ახალი რეალობა სამხრეთ კავკასიაში: ხედვა საქართველოდან>>

 „ამისთვის პირობები კარგად არის ცნობილი: ანტირუსული გამოვლინებების შეწყვეტა საქართველოში და რუსეთის მოქალაქეებისთვის უსაფრთხოების მუქარის გაქრობა. გარდა ამისა, ორივე ქვეყანაში უნდა მოგვარდეს სანიტარულ–ეპიდემიური ვითარება, რაც  COVID-19–მა გამოიწვია“, – აღნიშნავენ რუსეთის საგარეო საქმეთა სამინისტროში.

რუსული მხრიდან დადასტურდა ქართველ პარტნიორებთან კონსტრუქციული ურთიერთობების მზადყოფნა COVID-19–ის გავრცელებასთან ბრძოლის საკითხში, მათ შორის, შემუშავებული ვაქცინის გამოყენების გზით.

ქართულ–რუსული ურთიერთობები მას შემდეგ გამწვავდა, რაც თბილისში რუსი დეპუტატის ვიზიტი გააპროტესტეს, რომელიც მართლმადიდებლობის საერთაშორისო კონფერენციაში მონაწილეობდა. თბილისში 2019 წლის ივნისში საპროტესტო აქციები გაიმართა. ამ ფონზე რუსეთის პრეზიდენტმა ვლადიმირ პუტინმა ხელი მოაწერა ბრძანებას, რუსული ავიაკომპანიების საქართველოში ფრენების შეწყვეტის შესახებ 8 ივლისიდან.

რუსეთსა და საქართველოს შორის დიპლომატიური ურთიერთობები არ არსებობს. დიალოგი ქვეყნებს შორის ჟენევის დისკუსიებისა და კარასინი–აბაშიძის მოლაპარაკებების ფარგლებშია შენარჩუნებული, რომელთა შეხვედრებიც პრაღაში 2012 წლიდან იმართება. ურთიერთობები ქვეყნებს შორის ქართულმა მხარემ მას შემდეგ გაწყვიტა, რაც 2008 წლის 26 აგვისტოს მოსკოვმა აფხაზეთისა და სამხრეთ ოსეთის სუვერენიტეტი აღიარა.

61
თემები:
ქართულ–რუსული ურთიერთობები

საბავშვო ევროვიზია 2020: ფინალამდე რჩება ორი დღე - ვიდეო

0
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone

საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრამ სტარტი პარასკევს, 27 ნოემბერს, 23:00 საათიდან აიღო.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

 

0