თბილისის სააპელაციო სასამართლო

კიდევ ერთი უარი: სააპელაციო სასამართლომ ორი ოპოზიციური პარტიის სარჩელი არ დააკმაყოფილა

31
(განახლებულია 15:12 19.11.2020)
თბილისის საქალაქო სასამართლოს გადაწყვეტილების გასაჩივრებამ შედეგი არ გამოიღო – ოპოზიცია ხელისუფლებისთვის ბრძოლას ქუჩაში გააგრძელებს.

თბილისი, 19 ნოემბერი – Sputnik. თბილისის სააპელაციო სასამართლომ არ დააკმაყოფილა ოპოზიციური პარტიების „ევროპული საქართველოსა“ და „ლეიბორისტული პარტიის“ სარჩელი 31 ოქტომბრის საპარლამენტო არჩევნებზე დარღვევებთან დაკავშირებით, იუწყება „რუსთავი 2“

პარტიები პროპორციული და მაჟორიტარული სისტემით ჩატარებული არჩევნების შემაჯამებელი ოქმების ბათილად ცნობას მოითხოვდნენ.

„ევროპული საქართველოს“ წევრი ოთარ კახიძე სასამართლოს ხელისუფლების პოლიტიკური დაკვეთის შესრულებაში ადანაშაულებს.

„სამწუხაროდ, ჩვენს ქვეყანაში სახელმწიფო დაწესებულებები, რომლებმაც კანონი უნდა დაიცვან, პოლიტიკური დაკვეთების შესრულებით არიან დაკავებული. ჩვენ ეს ჯაჭვი უნდა გავარღვიოთ, თუ გვინდა ნორმალური სახელმწიფო გვქონდეს. სასამართლოს აღნიშნული გადაწყვეტილება „ევროპული საქართველოსთვის“ მოულოდნელი არ ყოფილა. ჩვენ ყველა იურიდიული პროცედურა გავიარეთ, ეს გადაწყვეტილება გასაჩივრებას არ ექვემდებარება“, – განაცხადა კახიძემ.

მისი თქმით, პარტიები კონსტიტუციის ფარგლებში გააგრძელებენ მშვიდობიან საპროტესტო აქციებსა და ბოიკოტს, რამდენადაც მათ სხვა არჩევანი აღარ დარჩათ. 

სააპელაციო სასამართლომ ასევე არ დააკმაყოფილა „საქართველოს ლეიბორისტული პარტიის“ საჩივარი. როგორც პარტიის ადვოკატმა მარი ცუცქირიძემ განაცხადა, ისინი აღნიშნულ გადაწყვეტილებას ადამიანის უფლებათა ევროპულ სასამართლოში გაასაჩივრებენ.

საქართველოში საპარლამენტო არჩევნები 31 ოქტომბერს გაიმართა. ცესკოს მონაცემებით, პროპორციული სისტემით ჩატარებული არჩევნების შედეგებით, პარლამენტში ცხრა პარტია შედის: „ქართული ოცნება – დემოკრატიული საქართველო“, „ერთიანი ნაციონალური მოძრაობა – ძალა ერთობაშია“, „ევროპული საქართველო – მოძრაობა თავისუფლებისთვის“, „ლელო საქართველოსთვის“, „სტრატეგია აღმაშენებელი“, „საქართველოს პატრიოტთა ალიანსი“, „ალეკო ელისაშვილი – მოქალაქეები“ და „საქართველოს ლეიბორისტული პარტია“.

წინასწარი გათვლებით, მეორე ტურის შედეგებიდან დამოუკიდებლად, „ქართული ოცნება“ 76 მანდატს, საპარლამენტო უმრავლესობას მოიპოვებს.

ოპოზიცია ასეთ შედეგებს არ ეთანხმება და მეორე ტურს ბოიკოტს უცხადებს და მეათე მოწვევის პარლამენტში მუშაობაზე უარს ამბობს.

მმართველ პარტიაში ოპოზიციის მოქმედებებს დესტრუქციულს, დესტაბილიზაციისკენ მიმართულს უწოდებენ და მას ვითარების ხელოვნურ დაძაბვაში ადანაშაულებენ.

მმართველ პარტიაში მიაჩნიათ, რომ საქართველოში არჩევნები კანონის ყველა მოთხოვნის გათვალისწინებით, სამართლიან და კონკურენტულ გარემოში ჩატარდა და ოპოზიციას მისი შედეგების ეჭვქვეშ დაყენების საფუძველი არ აქვს.

31
თემები:
საქართველოს საპარლამენტო არჩევნები 2020 (595)
ოპოზიციის აქცია ბათუმში

დაპირისპირება აქციაზე ბათუმში: არიან დაშავებულები და დაკავებულები

23
აქციის მონაწილეებმა აქცია–პერფორმანსი მოაწყვეს – გაუშვეს ჰელიუმის ბუშტები წარწერით „მონავ, იმოქმედე!“

თბილისი, 30 ნოემბერი – Sputnik. ბათუმში, აჭარის მთავრობის სახლთან აქციის მონაწილეებსა და პოლიციელბს შორის რამდენიმე დაპირისპირება მოხდა.

პროტესტანტები დილიდან აჭარის მთავრობის მეთაურ თორნიკე რიჟვაძესთან შეხვედრას მოითხოვენ. რამდენიმე აქტივისტი შენობაში შესვლას შეეცადა, მაგრამ მათ პოლიციამ შეუშალა ხელი.

„არა შეზღუდვებს!“ – პარლამენტთან კარვების გაშლას შეეცადნენ>>

პროტესტანტებმა აქცია–პერფორმანსი გამართეს. რიჟვაძის კაბინეტის ფანჯრებქვეშ ნაღ ჰელიუმის ბუშტები გაუშვეს წარწერით „მონავ, იმოქმედე!“, „გამოდი, შეხვდი ხალხს“ ამით მათ აჭარის მეთაურს მოსახლეობასთან გამოსვლისა და მათი პრობლემების გაცნობისკენ მოუწოდეს.

როგორც მოძრაობის „იმოქმედე“ ლიდერმა ბექა მექვაბიშვილმა განაცხადა, თორნიკე რიჟვაძე ფიქრობს, რომ ქართველი ხალხი არჩევნების გაყალბებას შეეგუება. აქციები გაგრძელდება მანამ, სანამ შედეგს არ მივაღწევთ. ის უნდა შეხვდეს ხალხს და უპასუხოს, რატომ მოიპარა ჩვენი ხმები, აღნიშნა მექვაბიშვილმა.

ამ პერფორმანსს მოჰყვა დაპირისპირება აქციის მონაწილეებსა და პოლიციას შორის. არეულობის დროს ორი ადამიანი ცუდად გახდა, ასევე, დაზიანდა კარვები, რომლებიც აქციის მონაწილეებმა მთავრობის სახლის წინ გაშალეს.

პროტესტანტებმა გზის გადაკეტვაც სცადეს.

წინასწარი ინფორმაციით, დაკავებულია რამდენიმე აქტივისტი. ოპოზიციური ტელეარხის „მთავარი არხი“ ინფორმაციით, არიან დაშავებულები და მათ შორის, მასმედიის წარმომადგენლები.

ბათუმში ხმაურია: საპროტესტო აქციის ფონზე ფიტნეს-ცენტრის შენობაში პოლიცია შევიდა>>

საპროტესტო უვადო აქცია ბათუმში 8 ნოემბრიდან გრძელდება. მისი მონაწილეები მოითხოვენ რიგგარეშე არჩევნების ჩატარებას, საარჩევნო ადმინისტრაციის შეცვლასა და პოლიტპატიმრების გათავისუფლებას. მთავრობის სახლის წინ კარვებია გაშლილი.

უფრო ადრე ოპოზიციის ლიდერებმა განაცხადეს, რომ რეგიონში სოციალურ–ეკონომიკური საკითხების მოგვარებას აპირებენ. კვირას საპროტესტო აქციის მონაწილეებმა მთავრობის სახლთან გადასატანი სავაჭრო კიოსკი მიიტანეს და შეკრებილებს დაჰპირდნენ, რომ არ დაემორჩილებიან კორონავირუსის გავრცელების გამო დაწესებულ ახალ შეზღუდვებს და „დაუმორჩილებლობის უბანს" მოაწყობენ.

23
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
აქცია საგარეო უწყებასთან

სასამართლო მოსმენა დავით–გარეჯის საქმეზე აქციის ფონზე მიმდინარეობს

19
სასამართლოს შენობასთან დაკავებული კარტოგრაფების მომხრეები შეიკრიბნენ და მათ გათავისუფლებას მოითხოვენ

თბილისი, 30 ნოემბერი – Sputnik. თბილისის საქალაქო სასამართლო ექსპერტების –ივერი მელაშვილისა და ნატალია ილიჩოვასთვის აღკვეთის ზომის შეცვლასთან დაკავშირებით დაცვის მხარის შუამდგომლობას განიხილავს. ექსპერტები აზერბაიჯანისთვის საქართველოს ტერიტორიის ნაწილის შესაძლო გადაცემის საქმეზე დააკავეს.

უფრო ადრე სასამართლომ მელაშვილსა და ილიჩოვას აღკვეთის ზომად პატიმრობა შეუფარდა.

სასამართლოს სხდომა ორშაბათს ხმაურიანი საპროტესტო აქციის ფონზე მიმდინარეობს. სასამართლოს შენობასთან დაკავებული კარტოგრაფების მომხრეები არიან შეკრებილი. ისინი მათ გათავისუფლებას მოითხოვენ. ოპოზიციური მოძრაობის „სირცხვილია“ წარმომადგენლები უსტვენდნენ საქმის პროკურორ მიხეილ სადრაძეს და უყვიროდნენ „მონა“.

ამასთან, დაკავებულების ადვოკატებმა სასამართლოს 200 ადამიანის ხელმოწერა წარუდგინეს, რომლებიც მელაშვილსა და ილიჩოვას თავდებად უდგებიან და სასამართლოს აღკვეთის ზომის შეცვლას სთხოვენ.

ამას გარდა, მელაშვილის ადვოკატი აცხადებს, რომ მას სასამართლო–სამედიცინო ექსპერტიზის ალტერნატიული ანგარიში აქვს, რომელიც ამტკიცებს, რომ რუკები, რომელთა გამოუყენებლობაში ადანაშაულებენ კარტოგრაფებს, სინამდვილეს არ შეესაბამება.

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში, უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა 7 ოქტომბერს დააკავა. 

პროკურატურის მტკიცებით, რუკების შედგენისას მათ 1938 წლის რუკის ნაცვლად გამოიყენეს 1970 წლით დათარიღებული არასწორად შედგენილი რუკა, რის შედეგადაც საქართველომ კინაღამ 3,5 ათასი ჰექტარი ტერიტორია დაკარგა, მათ შორის დავით–გარეჯის სამონასტრო კომპლექსის ტერიტორიის ნაწილი.

19
თემები:
ვნებათაღელვა დავით–გარეჯის ირგვლივ
შემწვარი თევზის კერძი

რატომ და როდიდან უნდა მისცეთ პატარას თევზი

0
(განახლებულია 18:33 30.11.2020)
თევზი განსაკუთრებით მაღალი კვებითი ღირებულების მქონე პროდუქტია, რომელიც ცილების, ცხიმების, ვიტამინების, მინერალური ნივთიერებების ნამდვილ საბადოს წარმოადგენს.

უფრო დაწვრილებით, რა სასარგებლო თვისებებით ხასიათდება თევზი და რა ასაკიდან უნდა მივცეთ ის ბავშს, ამის შეხებ „ავერსის“ პედიატრიული სამსახურის უფროსი, ბლოგერი თამარ ობგაიძე საუბრობს.

თამარ ობგაიძე
თამარ ობგაიძე

- ყველაფერი გასულ საუკუნეში დაიწყო, როცა დანიელმა მეცნიერმა დაიერბერგმა ესკიმოსებზე დაკვირვებისას აღმოჩინა, რომ ისინი იშვიათად ავადობდნენ გულ-სისხლძრღვთა სისტემის დაავადებებით. ბევრი კვლევა-ძიების შემდეგ მან ეს ფაქტი ესკიმოსების კვების ტიპს დაუკავშირა - ისინი ძირითადად ცივი ზღვების ბინადარი ცხიმიანი თევზითა და სელაპის ხორცით იკვებებოდნენ.

- რა არის თევზში ისეთი, რაც მას ბავშვისათვის განსაკუთრებულ პროდუქტად აქცევს?

- პირველ რიგში, ეს  სრულფასოვანი ცილების წყაროა. და თანაც თევზის ცილა ყველა სხვა ცილაზე გაცილებით უფრო ადვილად ითვისება.

თევზი შეიცავს ომეგა-3 ცხიმოვან მჟავებს, რომლებიც თავის ტვინის არქიტექტორებად იწოდებიან იმის გამო, რომ ბავშვის ტვინის განვითარებაში მონაწილეობენ. ეს ნივთიერებებია საჭირო თვალის განვითარებისთვისაც.

მნიშვნელოვანია თევზის ვიტამინურ-მინერალური შემადგენლობაც.  ის ცხიმში ხსნადი ყველა ვიტამინის წყაროა და შეიცავს A, D, K, E ვიტამინებს.

სწორედ თევზია ის პროდუქტი, რომელიც ყველაზე დიდი დოზით შეიცავს D ვიტამინს. ნივთიერებას, რომელიც პრქტიკულად ჰორმონია და ყველა ორგანოს ფუნქციაზე ახდენს გავლენას.

თევზის მინერალური შემადგენლობა კალიუმის, ფოსფორის, რკინის მაღალი შემცველობითაა ცნობილი.

- რა ასაკიდან უნდა მივცეთ ბავშვს თევზი?

- თევზის მიცემა რვა თვიდან შეგიძლიათ.

- რა საფრთხეებს მალავს თევზი?

- პირველი საფრთხე არის წვრილი ძვლები - მომზადებამდე თევზი კარგად უნდა გაწმინდოთ ფხებისაგან. შემდეგ მოდის ინფექცია - ბავშვს არ უნდა მისცეთ უმი თევზი (სუშის ტიპის საკვები). თუ თევზი ბაქტერიულად დაბინძურებულია, შესაძლოა მან ბავშვის ინფიცირება გამოიწვიოს. საფრთხის შემცველია  ვერცხლისწყალი - ცნობილია, რომ ზღვებისა და ოკეანის წყლები ბევრი პოლუტანტით ბინძურდება, რომელთა შორის ყველაზე დიდი საფრთხე ვერცხლისწყალია, რომელიც თევზის და შემდეგ ადამიანის ორგანიზმში ხვდება. ამიტომ, სადაც ეს შესაძლებელია, იკითხეთ თევზის წარმომვლობა. ამ მხრივ მტკნარი ხელოვნური წყალსაცვების თევზი, რა თქმა უნდა, საიმედოა, მაგრამ აქ სხვა პრობლემამ შეიძლება იჩინოს თავი, თუ მწარმოებელი პატიოსანი არ არის - თევზის უხარისხო საკვები, ანტიბიოტიკები.

- ყველაზე მეტად რომელი თევზია სასარგებლო?

- შემადგენლობის მიხედვით, განსაკუთრებით სასარგებლოა ცივი ზღვებისა და ოკეანეების ცხიმიანი თევზი. მათი ხორცი გაცილებით მეტ ომეგა-3 ცხიმოვან მჟავებს შეიცავს.

შემოგთავაზებთ თევზისა და ბოსტნეულის მიქსის ერთ-ერთი რეცეპტს რვა თვის ასაკიდან.

მის მოსამზადებლად დაგჭირდებათ:

თევზი - 50-60 გრამი

ყაბაყი - ნახევარი

სტაფილო - ნახევარი

კარტოფილი - ერთი პატარა ზომის

​მომზადების წესი კი ასეთია:

გარეცხეთ, გათალეთ და დაჭერით ბოსტნეული, ჩაყარეთ ადუღებულ წყალში და მოხარშეთ. ცალკე მოხარშეთ კანგაცლილი და დაჭრილი თევზი. მოხარშული ბოსტნეული და თევზი ერთად დააბლენდერეთ ისე, რომ ფაფისებრი მასა მიიღოთ. სურვილის შემთხვევაში, კერძი შეგიძლიათ გაათხელოთ დედის რძით (თუ ბავშვი ბუნებრივ კვებაზეა) ან ხელოვნური ნარევით (თუ ბავშვი ხელოვნურ კვებაზეა) და დაამატოთ ზეითუნის ზეთი.

 

0
თემები:
ჯანმრთელობა და სილამაზე