სალომე ზურაბიშვილისა და მაიკ პომპეოს სამუშაო შეხვედრა

პომპეო: საქართველოს ტერორიზმთან ბრძოლაში მნიშვნელოვანი წვლილი შეაქვს

50
(განახლებულია 15:52 18.11.2020)
ამერიკელი დიპლომატისა და საქართველოს პრეზიდენტის შეხვედრა დახურულ კარს მიღმა, მასმედიის წარმომადგენლების გარეშე მიმდინარეობდა.

თბილისი, 18 ნოემბერი – Sputnik. აშშ-ის სახელმწიფო მდივანმა მაიკ პომპეომ საქართველოს პრეზიდენტთან სალომე ზურაბიშვილთან შეხვედრისას ქართულ მხარეს მადლობა გადაუხადა გლობალურ ტერორიზმთან ბრძოლაში შეტანილი წვლილისთვის, ნათქვამია საქართველოში აშშ-ის საელჩოს განცხადებაში.

შეხვედრა ორბელიანების სასახლეში დახურულ კარს მიღმა, ჟურნალისტების გარეშე გაიმართა.

აშშ-ის საელჩოს მიერ გავრცელებულ ინფორმაციაში აღნიშნულია, რომ სახელმწიფო მდივან პომპეოსთვის სასიამოვნო იყო პრეზიდენტ ზურაბიშვილთან შეხვედრა ორბელიანის ისტორიულ სასახლეში, სადაც ადრე აშშ-ის საელჩო იყო განთავსებული. პომპეომ აშშ-ის სახელით საქართველოს სუვერენიტეტისა და ტერიტორიული მთლიანობისადმი ერთგულება დაადასტურა და გლობალური ტერორიზმის წინააღმდეგ ბრძოლაში შეტანილი მნიშვნელოვანი წვლილისთვის ქვეყნის მიმართ პატივისცემა გამოხატა.

როგორც საქართველოს პრეზიდენტმა შეხვედრაზე აღნიშნა, რეგიონსა და მთელ მსოფლიოს ახლა „მშვიდობიანი, სტაბილური და დემოკრატიული კავკასია“ სჭირდება. 

„მშვიდობა არის უალტერნატივო, ხოლო რეგიონის ეკონომიკური და პოლიტიკური განვითარება ჩვენი საერთო ინტერესია“, – განაცხადა ზურაბიშვილმა და აღნიშნა, რომ სახელმწიფო მდივანი თავისი ჩამოსვლით კიდევ ერთხელ ადასტურებს საქართველოს, კავკასიისა და მთელი შავი ზღვის რეგიონის მნიშვნელობას აშშ-სთვის.

ამჟამად ქართველი სამხედრო მოსამსახურეები მონაწილეობენ სამშვიდობო მისიებში ავღანეთში, რომელიც ნატოს ეგიდით მიმდინარეობს, ცენტრალური აფრიკის რესპუბლიკასა და მალიში. სამშვიდობო მისია ამ ორ აფრიკულ ქვეყანაში ევროკავშირის ეგიდით მიმდინარეობს.

ავღანეთში 870 ქართველი სამხედროა, ცენტრალური აფრიკის რესპუბლიკაში – 35, ხოლო მალიში – ერთი ქართველი ოფიცერი.

ქართველი სამხედროები ასევე მონაწილეობდნენ ერაყის სამშვიდობო მისიაში. ისინი იქ 2003–2008 წლებში იმყოფებოდნენ. 2008 წელს ქართველი სამხედროების რაოდენობამ ამ ქვეყანაში 2,2 ათასს მიაღწია.

აშშ-ის სახელმწიფო მდივანი საქართველოში 17 ნოემბერს ჩამოვიდა. ამერიკელი დიპლომატი საქართველოს დიდი ათდღიანი ტურნეს ფარგლებში ეწვია, რომლის დროსაც ის შვიდ ქვეყანას უნდა ესტუმროს. ქვეყნის პრეზიდენტთან შეხვედრის გარდა სახელმწიფო მდივანს დაგეგმილი აქვს შეხვედრები საქართველოს პრემიერ-მინისტრ გიორგი გახარიასთან და საგარეო საქმეთა მინისტრ დავით ზალკალიანთან. მაიკ პომპეო თბილისში ასევე შეხვდება სრულიად საქართველოს კათოლიკოს–პატრიარქ ილია მეორეს და სამოქალაქო სექტორის წარმომადგენლებს.

პომპეო საქართველოში პოლიტიკური კრიზისის დროს ჩამოვიდა – 31 ოქტომბრის არჩევნების შემდეგ პარლამენტში შესულმა ყველა ოპოზიციურმა პარტიამ განაცხადა, რომ არჩევნები გაყალბდა და ამიტომ ისინი უარს ამბობენ საკანონმდებლო ორგანოში შესვლაზე. სახელმწიფო მდივნის პროგრამაში ოპოზიციასთან შეხვედრა არ არის. ოპოზიციის ლიდერებმა მიიღეს გადაწყვეტილება, ჩაატარონ „მდუმარე აქცია“, რათა მიესალმონ ამერიკის ადმინისტრაციის წარმომადგენელს და მისი ყურადღება მიაპყრონ ოპოზიციის მოთხოვნებს.

50
ოპოზიციის აქცია. 14.11.2020

იქნება თუ არა აქციები? ოპოზიცია ყველა სცენარისთვის მზად იქნება

17
ქართული ოპოზიცია უკვე სამი კვირის განმავლობაში საპროტესტო აქციებს მართავს და ხელახალ საპარლამენტო არჩევნებს მოითხოვს

თბილისი, 24 ნოემბერი – Sputnik. ქართული ოპოზიცია ემზადება საპროტესტო აქციებისთვის, მაგრამ უშვებს, რომ ისინი გაუქმდება, თუ ხელისუფლებასთან მოლაპარაკებების მესამე რაუნდის დროს კონსენსუსის მიღწევა მოხერხდება. ასეთი შედეგით დასრულდა დღეს ორსაათიანი შეხვედრა, რომელიც ქართული ოპოზიციის ლიდერებმა გამართეს.

ოპოზიციამ ხელისუფლების კრიტიკას მკვეთრად უპასუხა >>

ოპოზიციური პარტიები არ აღიარებენ 31 ოქტომბრის საპარლამენტო არჩევნების შედეგებს და ამტკიცებენ, რომ ისინი გაყალბებულია. პარლამენტში გასული რვავე პარტია სადეპუტატო მანდატებზე უარს აცხადებს. საკითხის გადასაჭრელად აშშ-ის საელჩომ და ევროკავშირის წარმომადგენლობამ მათსა და მმართველი პარტია „ქართული ოცნება - დემოკრატიულ საქართველოს“ შორის მოლაპარაკებების ორგანიზება მოახერხეს. ამ ეტაპზე უკვე ორი შეხვედრა გაიმართა.

„ოპოზიცია ვართ მუდმივად კონსულტაციების რეჟიმში, ველოდებით მესამე რაუნდს. „ოცნებას“ აქამდე, არათუ ერთი ნაბიჯიც კი არ გადაუდგამს კრიზისის განტვირთვისთვის, არამედ ყოველი მათი ნაბიჯი, დაწყებული ცესკო-ს ოქმების შეჯამების არგანხილვით, ვითომ მეორე ტურის ჩატარებით, სადაც ხალხი არ მივიდა, უფრო და უფრო აღრმავებს კრიზისს“, – განაცხადა  „ევროპული საქართველოს“ წევრმა, ელენე ხოშტარიამ.

დღეისათვის მოლაპარაკებებზე ოპოზიცია აყენებს მხოლოდ ერთ მოთხოვნას - ეს არის ხელახალი არჩევნები. მმართველ პარტიაში კი აცხადებენ, რომ ეს არარეალური მოთხოვნაა.

„ქართული ოცნება“ საპარლამენტო არჩევნების ხელახლა ჩატარებას არ აპირებს >>

„მზად ვართ ნებისმიერი საკითხის განსახილველად, გარდა იმ მოცემულობის, რომლის თანახმადაც ყველა მხარემ პატივი უნდა სცეს მოქალაქეთა არჩევანს“, - განაცხადა მმართველი პარტიის წარმომადგენელმა გიგი მიქანაძემ.

ამასთან მან ხაზგასმით აღნიშნა, რომ მმართველი პარტია მზად არის განიხილოს ოპოზიციის სხვა წინადადებები.

ახალი აქციები

ოპოზიცია მოლაპარაკებების ჩავარდნას არ გამორიცხავს და აანონსებს საპროტესტო აქციას იმ დღეს, როდესაც ახალი მოწვევის პარლამენტი შეიკრიბება.

„გაგრძელდება აქციები, იქნება შეხვედრები სხვადასხვა ჯგუფებთან, საკანონმდებლო ორგანოს შეკრების დღეს, თუ არაფერი შეიცვლება, მოლაპარაკება წარმატებულად თუ არ დასრულდება, იქნება დიდი შეხლა-შემოხლა, ამაში ეჭვი არ მეპარება, რადგან ბევრი ადამიანი გამოვა გარეთ“, – განაცხადა პარტია „მოქალაქეების“ წარმომადგენელმა ლევან იოსელიანმა.

ამასთან, მესამე რაუნდის თარიღი ჯერჯერობით უცნობია.

„ჯერჯერობით ახალი არაფერია. მოლაპარაკებები გრძელდება, ჩვენ ჯერ კიდევ ვცდილობთ ვიპოვოთ გზა და გამოსავალი, რათა წინ წავიწიოთ. ეს მნიშვნელოვანი დისკუსიაა. ჯერ არ ვიცით, როდის იქნება მოლაპარაკებების მესამე რაუნდი, ეს გარკვეული არ არის, და ჩვენ ამაზე ვმუშაობთ“, - განაცხადა საქართველოში ევროკავშირის ელჩმა კარლ ჰარცელმა.

არჩევნების შედეგები

საპარლამენტო არჩევნების ოფიციალური შედეგებით, პარლამენტში ცხრა პარტია მოხვდა: „ქართული ოცნება – დემოკრატიული საქართველო“, „ერთიანი ნაციონალური მოძრაობა – ძალა ერთობაშია“, „ევროპული საქართველო – მოძრაობა თავისუფლებისთვის“, „ლელო საქართველოსთვის“, „სტრატეგია აღმაშენებელი“, „საქართველოს პატრიოტთა ალიანსი“, „გირჩი“, „ალეკო ელისაშვილი – მოქალაქეები“ და „საქართველოს ლეიბორისტული პარტია“.

თავისუფალი, თუმცა არა სრულყოფილი: საერთაშორისო ორგანიზაციებმა არჩევნები შეაფასეს >>

წინასწარი გათვლებით, „ქართულმა ოცნებამ“ პარლამენტში უმრავლესობა მოიპოვა. შესაბამისად, ის შეძლებს ყველა კანონის მიღებას და მთავრობის ჩამოყალიბებას ოპოზიციის მონაწილეობის გარეშე. ერთადერთი საკითხი, რომელიც ოპოზიციის თანხმობას მოითხოვს - ეს არის საქართველოს კონსტიტუციაში ცვლილებების შეტანა.

17
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
საპროტესტო აქცია

ოპოზიციამ ხელისუფლების კრიტიკას მკვეთრად უპასუხა

31
(განახლებულია 20:09 24.11.2020)
სამ კვირაზე მეტია ოპოზიცია საპროტესტო აქციებს მართავს და ხელისუფლებას საპარლამენტო არჩევნების გაყალბებაში ადანაშაულებს.

თბილისი, 24 ნოემბერი – Sputnik. საქართველოს ოპოზიციურმა პარტიებმა ხელისუფლება კორონავირუსის თემის პოლიტიკური მიზნებისთვის გამოყენებაში დაადანაშაულეს და მას ინფექციის გავრცელებასთან ბრძოლის მეთოდების ძებნისკენ მოუწოდეს.

ამირან გამყრელიძე: ინფიცირების შედარებით მცირე მაჩვენებელმა არ უნდა დაგვამშვიდოს>>

საქართველოში 1–24 ნოემბრის პერიოდში კორონავირუსით ინფიცირებულთა რიცხვი 70 ათასზე მეტით გაიზარდა და თითქმის 112 ათასს მიაღწია. საქართველოს ვიცე-პრემიერმა მაია ცქიტიშვილმა განაცხადა, რომ ასეთი მკვეთრი ზრდის მიზეზი ოპოზიციის მასობრივი საპროტესტო აქციები გახდა, რომელიც საპარლამენტო არჩევნების ხელმეორედ ჩატარებას მოითხოვს.

„ქართული ოცნება" მუდმივად კოვიდის სიტუაციას იყენებს პარტიული პოლიტიკური მიზნებისთვის... ეს ის თემა არ არის, სადაც ასეთ გადაბრალებაზე უნდა ვისაუბროთ... ასე არც კოვიდი გვარდება, არც პოლიტიკური კრიზისი განიმუხტება“, – განაცხადა პარტია „ევროპული საქართველოს“ წარმომადგენელმა ელენე ხოშტარიამ.

ბრალდებებს დაუსაბუთებელს უწოდებს „ერთიანი ნაციონალური მოძრაობის“ წარმომადგენელი ზაალ უდუმაშვილი.

„ახლა ცდილობენ, რომ ისრები გადაიტანონ ოპოზიციისკენ. სულ ტყუილად, იმიტომ რომ ეს აქციები, ჯერ ერთი, იმართებოდა ღია სივრცეებში და, მეორე, რაც არ უნდა ისაუბრონ ოპოზიციის ბრალეულობაზე, არავის არ სჯერა ამის, იმიტომ რომ მენეჯმენტი არ აქვთ დალაგებული და არ იციან, როგორ მართონ ეს პანდემია და იმიტომ მივიღეთ ეს მძიმე შედეგი“, – განაცხადა უდუმაშვილმა.

პარტია „ტრიბუნის“ ლიდერი დავით ჭიჭინაძე მიიჩნევს, რომ პრობლემა არა საპროტესტო აქციებში, არამედ მთავრობის მუშაობასა და ჯანდაცვის სისტემაშია.

მისი აზრით, სისტემა არ მუშაობს. როგორ შეიძლება, იზრდებოდეს ინფიცირებულთა რაოდენობა და შემდეგ ერთბაშად ათასით დაიკლოს?! ისინი ან ვერ ატარებენ ტესტებს, ან კორონავირუსმა უქმე დღეები გამოაცხადა, აღნიშნა ჭიჭინაძემ.

საქართველოში კორონავირუსის მეორე ტალღა მძვინვარებს, რომლის პიკი ნოემბრის ბოლოს – დეკემბრის დასაწყისშია მოსალოდნელი. ყოველდღიურად 3–4 ათასი ახალი შემთხვევა ფიქსირდება. ინფიცირებულების რაოდენობა 112 ათასს მიუახლოვდა, ხოლო გარდაცვალებულების რიცხვი 1 ათასს გადასცდა.

ქვეყანაში რიგი შეზღუდვები მოქმედებს, როგორიცაა, მაგალითად, პირბადის ტარების აუცილებლობა როგორც დახურულ, ისე ღია სივრცეში, დიდ ქალაქებში სწავლა დისტანციურად მიმდინარეობს, ღამით აკრძალულია გადაადგილება და ა.შ.

კორონავირუსის პირველი შემთხვევა საქართველოში 26 თებერვალს გამოვლინდა.

31
თემები:
COVID-19 საქართველოში
ფემინისტების მარში საქართველოში

როგორია იყო ქალი საქართველოში: სახალხო დამცველმა ქვეყანაში ფემიციდის სტატისტიკა მოიყვანა

0
გენდერული თანასწორობა, გენდერულ ნიადაგზე ჩადენილი დანაშაულები, ქალთა უფლებების დაცვის მექანიზმები - ამ და სხვა საკითხებზე საქართველოს, არგენტინის და სერბეთის უფლებადამცველებმა ერთმანეთს გაეროს შუამდგომლობით გამოცდილება გაუზიარეს.

თბილისი, 23 ნოემბერი – Sputnik. 2020 წლის 9 თვის განმავლობაში (იანვარი-სექტემბერი)  საქართველოში გენდერული ნიშნით 19 ქალის მკვლელობა და 20 ქალის მკვლელობის მცდელობის ფაქტი მოხდა, ეს რიცხვები დასახელდა შემაჯამებელ ონლაინ-პრესკონფერენციაზე, რომელიც გენდერული ძალადობის წინააღმდეგ 16-დღიანი კამპანიის ფარგლებში სახალხო დამცველის ნინო ლომჯარიას მონაწილეობით გაიმართა.

არა ძალადობას – ზუგდიდში ქალთა დღეს ფემიციდის შემთხვევები გააპროტესტეს >>

ფემიციდის ან გენდერულად მოტივირებული მკვლელობების მონიტორინგს საქართველოს სახალხო დამცველის აპარატი 2016 წლიდან, გაეროს ქალთა ორგანიზაციის მხარდაჭერით ახორციელებს. მონიტორინგის მიზანი პრობლემის რეალური მასშტაბის, გამოყენებული დაცვისა თუ პრევენციული ღონისძიებების კუთხით არსებული ხარვეზების შეფასებაა.

კონფერენციის შეჯამებისას საქართველოს სახალხო დამცველმა ნინო ლომჯარიამ აღნიშნა, რომ ფემიციდის შემთხვევების მონაცემების შეგროვების გაუმჯობესების მიუხედავად, თემატურ კვლევებში სისტემური ხარვეზების აღმოსაფხვრელად, საქმეების შესწავლისას კომპლექსური მუშაობაა მნიშვნელოვანი.

„5 წლის განმავლობაში უკვე 5 სპეციალური ანგარიში მოვამზადეთ და არაერთი რეკომენდაცია გავეცით, რომელთა ნაწილი შესრულდა“, - აღნიშნა მისასალმებელ სიტყვაში საქართველოს სახალხო დამცველმა ნინო ლომჯარიამ.

მისი თქმით, სახალხო დამცველის მიერ ფემიციდის შემთხვევების მონიტორინგის შედეგად, კვლავაც იკვეთება მსხვერპლის მიმართ სტერეოტიპული დამოკიდებულების, საქმეთა სათანადო კვალიფიკაციისა და გენდერული ნიშნით მოტივირებული დანაშაულის სახელდების პრობლემები.

გაეროს სპეციალური მომხსენებელმა ქალთა მიმართ ძალადობის საკითხებში დუბრავკა სიმონოვიჩმა ფემიციდთან ბრძოლის საერთაშორისო მექანიზმები და სხვადასხვა ქვეყნის წარმატებული პრაქტიკები მიმოიხილა.

ამას გარდა, კონფერენციაზე სიტყვით გამოვიდნენ გაეროს მუდმივი კოორდინატორი საქართველოში საბინე მაჰლი, შვედეთის ელჩი საქართველოში ულრიკ თიდესტრომი და საქართველოს პრემიერ-მინისტრის მრჩეველი ადამიანის უფლებებისა და გენდერული თანასწორობის საკითხებში ლელა აქიაშვილი. ადგილობრივი და საერთაშორისო პრაქტიკის შესახებ ისაუბრეს ექსპერტებმა საქართველოდან, არგენტინიდან და სერბეთიდან.

გამომსვლელებმა ხაზი გაუსვეს ფემიციდის მონიტორინგის მექანიზმისა და პრევენციული ღონისძიებების განხორციელების მნიშვნელობას.

0
თემები:
ადამიანის უფლებები საქართველოში