ლევან ბეჟაშვილი

რა გახდა მოლაპარაკებების ჩაშლის მიზეზი: ბეჟაშვილის განმარტება

71
(განახლებულია 18:39 12.11.2020)
ლევან ბეჟაშვილის განცხადებით, მიუხედავად იმისა, რომ ხელისუფლების მხრიდან ადგილი ჰქონდა ძალის გამოყენებას, მნიშვნელოვანია პოლიტიკური პროცესი დიალოგის ფორმატში წარიმართოს.

თბილისი, 12 ნოემბერი – Sputnik. ხელისუფლების მიერ ცესკოსთან არამართლზომიერი ძალის გამოყენებამ დიალოგის ჩაშლა განაპირობა, განაცხადა „ნაციონალური მოძრაობის“ წევრმა ლევან ბეჟაშვილმა პარტიის თავმჯდომარის გრიგოლ ვაშაძის განცხადებებთან დაკავშირებით.

„დიალოგს ალტერნატივა არ აქვს“ – საქართველოს პრემიერი საპროტესტი აქციებს ეხმაურება>>

გუშინ „ერთიანი ნაციონალური მოძრაობის“ თავმჯდომარემ გრიგოლ ვაშაძემ განაცხადა, რომ დიპლომატების ჩართულობით პარტიებს შორის დიალოგი მიმდინარეობდა, რომელიც ჩაიშალა. თუმცა მას არ დაუკონკრეტებია, რა გახდა ჩაშლის მიზეზი.

არჩევნების შედეგებით უკმაყოფილო ოპოზიცია აქციებს მართავს. კვირას ცესკოსთან საპროტესტო აქციის მონაწილეების წინააღმდეგ პოლიციამ წყლის ჭავლი გამოიყენა.

როგორც ბეჟაშვილი განმარტავს, დიალოგის ჩაშლის მიზეზი იმ არამართლზომიერი ძალის გამოყენება გახდა, რომელიც ხელისუფლებამ გამოიყენა აქციის მონაწილეების წინააღმდეგ.

ბეჟაშვილის განცხადებით, მიუხედავად იმისა, რომ ხელისუფლების მხრიდან ადგილი ჰქონდა ძალის გამოყენებას, მნიშვნელოვანია პოლიტიკური პროცესი დიალოგის ფორმატში წარიმართოს.

„ჩვენ ვნახეთ, რომ ცესკოსთან ხალხის მშვიდობიან პროტესტზე ხელისუფლებას არაადეკვატური მოქმედებები ჰქონდა. ბუნებრივია, ამ მოლაპარაკებების გაგრძელებას აზრი აღარ ექნებოდა, თუმცა ჩვენ კიდევ ერთხელ ვაფიქსირებთ, რომ მნიშვნელოვანია პოლიტიკური პროცესი დიალოგის ფორმატში გადაიზარდოს. მთავარი ამოსავალი დებულება უნდა იყოს ის, რაც 31 ოქტომბერს ქართველმა ხალხმა განახორციელა, რომ მხარი დაუჭირა ოპოზიციის კოალიციურ მმართველობას“, – განაცხადა ბეჟაშვილმა.

ბეჟაშვილი კატეგორიულად უარყოფს პარტიაში რამე სახის დაპირისპირებას და აღნიშნავს, რომ გრიგოლ ვაშაძემ განცხადება თავისი შეხედულებით გააკეთა.

პოლიტიკური კრიზისი: მიუსხდებიან თუ არა ხელისუფლება და ოპოზიცია მოლაპარაკებების მაგიდას>>

„არანაირ პარტიულ დაპირისპირებაზე საუბარი არ შეიძლება იყოს. მან განცხადება გააკეთა თავისი შეხედულებით, საელჩოების წარმომადგენლებთან მოლაპარაკებებიც მისი შეხედულებით მიმდინარეობდა. პარტიულ დაპირისპირებას გამოვრიცხავ, აზრთა სხვადასხვაობა ყოველთვის არსებობდა. რა თქმა უნდა, ცალკეული ადამიანები ინფორმირებულები იქნებოდნენ მოლაპარაკებებთან დაკავშირებით“, – განაცხადა ლევან ბეჟაშვილმა.

რაც შეეხება გავრცელებულ ინფორმაციას, რომ შესაძლოა გრიგოლ ვაშაძემ პარტიის თავმჯდომარის პოსტი დატოვოს, ლევან ბეჟაშვილის განცხადებით, ეს ინფორმაცია სიცრუეა.

ოპოზიცია 31 ოქტომბრის საპარლამენტო არჩევნების შედეგებს არ აღიარებს და ვადამდელ არჩევნებს მოითხოვს, ქვეყანაში საპროტესტო აქციები იმართება. აშშ-ის დიპლომატიური მისია და ევროპელი დიპლომატები მხარეებს დიალოგისკენ მოუწოდებენ და ამ პროცესში შუამავლის როლის შესრულებისთვის მზადყოფნას გამოთქვამენ.

საქართველოს ცენტრალური საარჩევნო კომისიის ბოლო მონაცემების თანახმად, „ქართულმა ოცნებამ“ ხმების 48,23% მიიღო და საკანონმდებლო ორგანოში საპარლამენტო უმრავლესობას ჩამოაყალიბებს.

ყველა ოპოზიციურმა პარტიამ უარი განაცხადა დეპუტატის მანდატსა და 17 საარჩევნო ოლქში არჩევნების მეორე ტურში მონაწილეობაზე. ისინი არჩევნების ხელახლა ჩატარებას მოითხოვენ და საპროტესტო აქციებს აგრძელებენ.

71
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (101)
გირჩი

განხეთქილება ოპოზიციურ პარტიაში: ვინ დარჩება „გირჩში“

38
უთანხმოების მიზეზი არა სადეპუტატო მანდატები, არამედ ერთად მუშაობის პირობები გახდა, განაცხადა პარტიის ლიდერმა

 

თბილისი, 4 დეკემბერი - Sputnik. პარტია „გირჩის“ დამფუძნებელმა ზურაბ ჯაფარიძემ განაცხადა, რომ პარტიიდან არ წასულა, უბრალოდ არსებულ უთანხმოებაზე გააკეთა განცხადება, დანარჩენს მისი მხარდამჭერები გადაწყვეტენ.

მანამდე ჯაფარიძემ პარტიის დახურულ ჯგუფში დაწერა, რომ მისი და პარტიის სამი მთავარი წევრის - იაგო ხვიჩიას, ვახტანგ მეგრელიშვილისა და სანდრო რახვიაშვილის გზები გაიყო და არ აპირებს მათთან ერთად „გირჩის“ კეთებას. 

 „მე გირჩი არ დამიტოვებია. რა პოზიციაც იყო წარდგენილი ოპოზიციის მიერ, მაგ პოზიციაზე „გირჩში“ ერთიანობა არის. რაც დავწერე სტატუსში, ეგ არის, რისი თქმაც შემიძლია. ჩემი და ამ ადამიანების გზები გაიყო, დანარჩენს მომავალი გვიჩვენებს. პარტია არ ვარ მე და არ არიან არც ის ადამიანები. ვინ იქნება „გირჩი“, მაგას გადაწყვეტენ „გირჩის“ ამომრჩევლები. ვრჩები „გირჩის“ ლიდერად“, – განაცხადა ჯაფარიძემ.

ამასთან, მან აღნიშნა, რომ უთანხმოების მიზეზი გახდა არა სადეპუტატო მანდატები, არამედ ერთად მუშაობის პირობები.

„იყო პირობები, რომელთაც მე მათ ვთავაზობდი, რომ ჩვენ ერთად გაგვეგრძელებინა საქმის კეთება, მაგრამ მათ მითხრეს, რომ ეს პირობები იყო მიუღებელი და ამის შემდეგ დავამთავრე ამ ადამიანებთან ურთიერთობა“, – განაცხადა ჯაფარიძემ.

 „გირჩის“ დანარჩენმა ლიდერებმა კი, რომლებიც ჯერ აცხადებდნენ, რომ მათთვის გაუგებარი და მოულოდნელი იყო ჯაფარიძის პოზიცია, საღამოს უარი თქვეს კომენტარის გაკეთებაზე და აღნიშნეს, რომ ჯაფარიძეს პირადად დაელაპარაკებოდნენ და განცხადებას ამის შემდეგ გააკეთებდნენ.

„გირჩი“ პოლიტიკურ არენაზე 2015 წელს გამოჩნდა. პარტია ყოფილი მმართველი პარტია „ერთიანი ნაციონალური მოძრაობის“ სამმა ყოფილმა წევრმა დააფუძნა.

პარტია ლიბერალური მიმართულებისაა, სახელი გაითქვა არაორდინარული ქცევით და კანონში ხარვეზების აღმოჩენის უნარით. საკონსტიტუციო სასამართლოში შეტანილი სარჩელის წყალობით „გირჩმა“ მიაღწია საქართველოში მარიხუანას მოხმარების დეკრიმინალიზაციას.

38
თემები:
საქართველოს პოლიტიკური ცხოვრება
პოლიციასთან დაპირისპირება საპროტესტო აქციაზე

გაიმართება თუ არა მოლაპარაკებების მესამე რაუნდი: ოპოზიციამ ხელისუფლებას მოთხოვნები გადასცა

26
(განახლებულია 21:57 04.12.2020)
მმართველ პარტიაში იმედს იტოვებენ, რომ მხარეებს შორის მოლაპარაკების პროცესი შედეგს გამოიღებს და პარტიების ნაწილი მაინც შევა პარლამენტში.

თბილისი, 4 დეკემბერი - Sputnik. შვიდმა ოპოზიციურმა პარტიამ ევროკავშირისა და აშშ-ის ელჩების ხელით მმართველ პარტია „ქართული ოცნება–დემოკრატიულ საქართველოს“ მოთხოვნები გადასცა და ახლა ელოდება პასუხს, რომელზეც დამოკიდებული იქნება, გაიმართება თუ არა მოლაპარაკებების მესამე რაუნდი. 

ოპოზიციურმა პარტიებმა საქართველოში პოლიტიკური კრიზისის მოგვარებასთან დაკავშირებით გუშინ წინადადებების ერთობლივი დოკუმენტი შეიმუშავეს. დოკუმენტის შექმნაში „პატრიოტთა ალიანსის“ გარდა, ყველა ოპოზიციური პარტია მონაწილეობდა – „პატრიოტთა ალიანსი“, მართალია, მხარს უჭერს რიგგარეშე არჩევნებს, მაგრამ საერთო კონსულტაციებში არ მონაწილეობს.

 „ოპოზიციის ყველა მოთხოვნა და კრიზისის განმუხტვის ჩვენი ხედვა, რათა ქვეყანა წინ წავიდეს, წერილობითი სახით გადავეცით ელჩებს. ჩვენი თხოვნა იყო, რომ მათ, როგორც მოლაპარაკებების შუამავლებმა, ეს დოკუმენტი ოფიციალურად გადასცენ „ქართულ ოცნებას“ და ჩვენ ველოდებით პასუხს“, - განაცხადა „ევროპული საქართველოს“ ლიდერმა დავით ბაქრაძემ.

ამასთან, როგორც მან აღნიშნა, მხარეები შეთანხმდნენ, არ გაახმაურონ დოკუმენტის დეტალები მმართველი პარტიისთვის მის გადაცემამდე.

ევროკავშირისა და აშშ-ის საელჩოები ოპოზიციასა და ხელისუფლებას შორის მთავარი შუამავლები არიან. 2020 წლის დასაწყისში მათ მოახერხეს და მიაღწიეს მხარეებს შორის შეთანხმებას, რომლის საფუძველზეც შეიცვალა საარჩევნო სისტემა. საპარლამენტო არჩევნების შემდეგ მათ მხარეებს შორის ორი შეხვედრის ორგანიზება მოახერხეს, თუმცა. შეხვედრები უშედეგოდ დასრულდა.

ამასთან, როგორც პარტია „მოქალაქეების“ ლიდერმა ალეკო ელისაშვილმა აღნიშნა, ოპოზიციას იმედი აქვს, რომ მმართველი ძალისგან დოკუმენტალურ პასუხს მიიღებს. 

 „ველოდებით ჩვენს შეთავაზებაზე „ქართული ოცნების“ პასუხს, არა პრესკონფერენციაზე, არამედ იმ ფორმატით, რომლითაც ჩვენ გადავეცით“, - აღნიშნა ელისაშვილმა.

დოკუმენტის რამდენიმე დეტალი გაამხილა პარტია „ლელო საქართველოსთვის“ ლიდერმა ბადრი ჯაფარიძემ.

 „მოლაპარაკების საგანი არის პოლიტიკური შეთანხმება. ოპოზიციის შესვლა პარლამენტში არის ნაბიჯი, რომელიც გამომდინარეობს პოლიტიკური შეთანხმებიდან. ამიტომ მოლაპარაკებებზე ჩვენ ვისაუბრებთ პოლიტიკური შეთანხმების დეტალებზე“, - განაცხადა ჯაფარიძემ.

ამასთან, მან ხაზგასმით აღნიშნა, რომ რიგგარეშე არჩევნების მოთხოვნა ძალაში რჩება, თუმცა, დეტალებზე შეთანხმება შესაძლებელია. როგორც ჯაფარიძემ განმარტა, მიუხედავად იმისა, რომ შეხვედრას არ ესწრებოდა „პატრიოტთა ალიანსი“, ოპოზიცია გაუგზავნის მას დოკუმენტს, რომელზეც მიმდინარეობს მოლაპარაკება.

ოპოზიციაში არ მალავენ, რომ მმართველი პარტიის პასუხზე დამოკიდებული იქნება მოლაპარაკებების მესამე რაუნდის ჩატარება-არჩატარების საკითხი. 

ამ ეტაპზე ოპოზიცია არ ცნობს საპარლამენტო არჩევნების შედეგებს, რომლის თანახმადაც მმართველმა პარტიამ პარლამენტში 90 ადგილი მოიპოვა და არ აპირებს პარლამენტის საქმიანობაში მონაწილეობას.

მმართველ პარტიაში კი იმედს იტოვებენ, რომ მოლაპარაკების პროცესი შედეგს გამოიღებს და პარტიების ნაწილი მაინც შევა პარლამენტში. ამასთან, აცხადებენ, რომ არ აპირებენ რიგგარეშე არჩევნების დანიშვნას.

არჩევნების შედეგებით რვა ოპოზიციურმა პარტიამ პარლამენტში 60 ადგილი მიიღო. თუმცა, ისინი არ აღიარებენ კენჭისყრის შედეგებს და უარს აცხადებენ სადეპუტატო მანდატებზე. პოლიტიკური კრიზისის გადაჭრის პროცესში საქართველოში ევროკავშირისა და აშშ-ის ელჩები აქტიურად არიან ჩართული.

26
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (101)
სავსე მთვარე

მთვარის კალენდარი: 5 დეკემბერი რისი გაკეთება შეიძლება და რისი არა

0
(განახლებულია 15:18 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 5 დეკემბერი, შაბათი. ამ დღეს სატურნი მართავს. კლებადი მთვარე ლომის ნიშანშია.

მთვარე ლომის ნიშანში – ენერგიული. შემოქმედებითი განახლებისა და აღმავლობის დროა. იღვიძებს ოპტიმიზმი, თავდაჯერებულობა, მჭევრმეტყველება, საბრძოლო სული, უმჯობესდება განწყობა, ასევე ჩნდება რისკის სურვილი.

კარგი დღეა პრეზენტაციების, კულტურული, სპორტული და სხვა ღონისძიებების ჩატარებისთვის, ხელმძღვანელობასთან ურთიერთობების გაუმჯობესებისთვის.

მთვარე ლომის ნიშანში საუკეთესო დღეებია სიყვარულისთვის. „ერთი ნახვით შეყვარება" ყველაზე ხშირად სწორედ ლომის ნიშანში ხდება. ხელსაყრელი დღეა სექსუალური ურთიერთობების, ფლირტისთვის. ურთიერთობები ადვილად ყალიბდება და შემდეგ თანდათანობით შეიძლება მტკიცე კავშირში გადაიზარდოს. ამ დღეებში ყალიბდება ერთობლივი შემოქმედების ურთიერთობების მოდელი, ანუ ძალიან კარგია ერთად წასვლა კულტურულ ღონისძიებებზე.

რეკომენდებულია გუნდური მუშაობა, ფინანსური საკითხების გადაჭრა, აქტიური მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი საკითხების მიღება, კავშირების გამტკიცება, ახალი საქმეების დაწყება.

არარეკომენდებულია შურისა და არაკეთილმოსურნეობის გამოჩენა, გარემოებების იმედად ყოფნა, პასიურობა.

ხელსაყრელი დღეა მგზავრობისთვის.

თმის შეჭრა, შეღებვა: წარმატებული და იღბლიანი დროა იმისთვის, რომ სალონს ეწვიოთ. ამ დღეს კარგი იქნება თმის შეღებვაც და დახვევაც, მათ შორის, ქიმიური.

მანიკურის გაკეთებაც შეიძლება, მაგრამ ამ საქმის მიმართ შემოქმედებითი დამოკიდებულება უპრიანი იქნება.

მებაღეობა: ლომი არცთუ ნაყოფიერი ნიშანია. შეიძლება მწვანილეულისა და სამკურნალო მცენარეების გამოშრობა. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

შეიძლება ხმელი ტოტების მოშორება ხეებისა და ბუჩქებისთვის, ნესტიან ადგილებში დათესვა მარცვლოვნების, ბალახის დათესვა გაზონებზე, იმ ხილისა და ბოსტნეულის დათესვა–დარგვა, რომლებსაც სინოტივე არ უყვართ. ასევე კარგი დღეა მოწყვისთვის, მავნებლებთან ბრძოლისთვის.

0