გიორგი გახარია

„მოუთმენლად ველოდები“ გახარია პომპეოს საქართველოში ვიზიტის შესახებ

83
(განახლებულია 14:02 11.11.2020)
საქართველოში სერიოზული მოლაპარაკებებისთვის ემზადებიან აშშ-ის სახელმწიფო მდივანთან, რომელიც თბილისში ქვეყნისა და რეგიონისთვის რთულ პოლიტიკურ ვითარებაში ჩამოდის.

თბილისი, 11 ნოემბერი – Sputnik. თბილისში აშშ-ის სახელმწიფო მდივნის მაიკ პომპეოს ვიზიტის მთავარი თემები რეგიონში არსებული ვითარება და საქართველოსა და აშშ-ის სამხედრო თანამშრომლობა იქნება, აღნიშნა საქართველოს პრემიერ-მინისტრმა გიორგი გახარიამ.

საქართველოში 17-18 ნოემბერს აშშ-ის სახელმწიფო მდივანი მაიკ პომპეო ესტუმრება>>

მაიკ პომპეო საქართველოს მომავალი კვირის დასაწყისში ეწვევა. ამის შესახებ ცნობილი გუშინ გახდა.

„მოუთმენლად ველოდები შეერთებული შტატების სახელმწიფო მდივანს მაიკ პომპეოს საქართველოში. მისი ვიზიტი განამტკიცებს აშშ–საქართველოს ყველა დროის უმაღლეს ნიშნულზე მყოფ სტრატეგიულ პარტნიორობას. ვიზიტის ფარგლებში განვიხილავთ რეგიონში არსებულ გეოპოლიტიკურ სიტუაციას და ჩვენს თანამშრომლობას თავდაცვისა და უსაფრთხოების სფეროებში“, – დაწერა საქართველოს პრემიერმა სოციალურ ქსელში.

​აშშ-ის სახელმწიფო მდივნის ვიზიტი საქართველოში პოლიტიკური კრიზისის ფონზე ჩაივლის – ოპოზიცია არ აღიარებს 31 ოქტომბრის საპარლამენტო არჩევნების შედეგებს და ახალ კენჭისყრას მოითხოვს. ქვეყანაში უკვე მეორე კვირაა საპროტესტო აქციები ტარდება. ამერიკული დიპლომატიური მისია და ევროპელი დიპლომატები მხარეებს დიალოგისკენ მოუწოდებენ და მხარეებს შორის შუამავლის ფუნქციის შესასრულებლად მზადყოფნას გამოთქვამენ.

რეგიონულ პრობლემატიკაზე განხილვის თემა, სავარაუდოდ, ყარაბაღში არსებული ვითარებაც გახდება, სადაც 10 ნოემბრიდან რუსეთს თავისი მშვიდობისმყოფელები შეჰყავს.

საქართველოს საგარეო საქმეთა სამინისტროს ინფორმაციით, მაიკ პომპეო საქართველოს 17-18 ნოემბერს ეწვევა. ვიზიტის ფარგლებში პომპეო შეხვედრებს გამართავს პრემიერ-მინისტრ გიორგი გახარიასთან, საქართველოს პრეზიდენტთან სალომე ზურაბიშვილთან და საგარეო საქმეთა მინისტრთან დავით ზალკალიანთან. სახელმწიფო მდივანს მიიღებს აგრეთვე სრულიად საქართველოს კათოლიკოს–პატრიარქი ილია მეორე.

საქართველოს საგანგებო და სრულუფლებიანმა ელჩმა აშშ-ში დავით ბაქრაძემ განაცხადა, რომ საელჩო ამერიკულ მხარესთან უკვე დიდი ხანია მუშაობს სახელმწიფო მდივნის საქართველოში ვიზიტზე.

ვინც ბაიდენს გამარჯვება მიულოცა: მაიკ პომპეომ უცხოეთის ლიდერებს მიმართა>>

ბაქრაძის განცხადებით, სახელმწიფო მდივნის ვიზიტის დროს განხილული იქნება ყველა საკითხი, რომლებიც სტრატეგიული ქარტიით არის განსაზღვრული. მათ შორის მან ასევე დაასახელა ეკონომიკური და სავაჭრო ურთიერთობების განვითარება, ასევე მოსაზრებების ურთიერთგაცვლა საქართველოს შემდგომი განვითარებისთვის საჭირო რეფორმებზე.

83
თემები:
საქართველოს საგარეო პოლიტიკა (270)
დავით ზალკალიანი

დავით ზალკალიანი ნატოს მინისტერიალში მიიღებს მონაწილეობას

17
(განახლებულია 12:19 01.12.2020)
ნატოს საგარეო საქმეთა მინისტრების საბჭოს სხდომა კორონავირუსის პანდემიის გამო ონლაინ–ფორმატში გაიმართება.

თბილისი, 1 დეკემბერი - Sputnik. საქართველოს საგარეო საქმეთა მინისტრი დავით ზალკალიანი ნატოს საგარეო საქმეთა მინისტერიალში მიიღებს მონაწილეობას, ნათქვამია უწყების მიერ გავრცელებულ განცხადებაში. 

ნატოს წევრი სახელმწიფოების საგარეო საქმეთა მინისტრების საბჭოს სხდომა ბრიუსელში  1-2 დეკემბერს გაიმართება. კორონავირუსის პანდემიის გამო, სხდომა ვიდეო- კონფერენციის  ფორმატში ჩატარდება.

დავით ზალკალიანი ნატოს წევრი ქვეყნების საგარეო უწყების ხელმძღვანელთა შეხვედრაში ვარშავიდან, პოლონელ კოლეგა ზბიგნევ რაუსთან  ერთად ჩაერთვება.

მინისტერიალის ფარგლებში განიხილება საქართველოს ნატოში ინტეგრაციის პროცესი, ასევე ამ მხრივ მიღწეული წარმატებები და საქართველოს ნატოში გაწევრიანების ხელშეწყობისკენ მიმართული აქტივობები.

უწყების ცნობით, ზალკალიანი, პოლონეთში ვიზიტის ფარგლებში,  შეხვედრას გამართავს პოლონელ კოლეგასთან და პოლონეთის პრეზიდენტის  კაბინეტის უფროსთან კშიშტოფ შცერსკისთან.

საქართველოსა და ნატოს ინსტიტუციური თანამშრომლობა 1994 წელს დაიწყო, როდესაც საქართველო პროგრამის „პარტნიორობა მშვიდობისათვის" მონაწილე გახდა. „ვარდების რევოლუციის" შემდეგ, 2004 წლიდან საქართველო–ნატოს თანამშრომლობა უფრო ინტენსიური გახდა. 2011 წელს საქართველომ ნატოს „ასპირანტი ქვეყნის" სტატუსი მიიღო. 2014 წელს უელსის სამიტზე დაამტკიცეს განსახორციელებელი ზომების პაკეტი, რაც საქართველოს ალიანსში გაწევრიანებას შეუწყობს ხელს.

17
თემები:
საქართველოს საგარეო პოლიტიკა (270)
ზაალ უდუმაშვილი

ქართული ოპოზიციის გეგმები შეიცვალა: მზადდება ახალი დეკლარაცია

88
(განახლებულია 22:08 30.11.2020)
პარლამენტში შესული ოპოზიციური პარტიების ლიდერებს კვლავ ძველი მოთხოვნა აქვთ - რიგგარეშე საპარლამენტო არჩევნები

თბილისი, 30 ნოემბერი – Sputnik. ქართულმა ოპოზიციამ გეგმები შეცვალა - მეათე მოწვევის პარლამენტის სხდომის პირველ დღეს მასშტაბური საპროტესტო აქციის ნაცვლად ოპოზიციის ლიდერები მეტეხის ტაძრის ეზოში ერთობლივ დეკლარაციას მოაწერენ ხელს.

კახა კალაძე: ახალი არჩევნების ჩატარების საფუძველი არ არსებობს >>

ამის შესახებ ცნობილი გახდა ოპოზიციიც ლიდერების შეხვედრის შემდეგ, რომელიც ორშაბათს „ლელოს“ ოფისში გაიმართა. დეკლარაციას პარლამენტის ბოიკოტის შესახებ ხელს მოაწერენ პარლამენტში გასული ოპოზიციური პარტიები, აგრეთვე ისინი თავის პარტიულ სიებს გაიწვევენ.

„დღეს შევათანხმეთ საბოლოო დეტალები იმ ღონისძიების, რომელიც გაიმართება პირველი სხდომის პარალელურად. როგორც უკვე იცით, ყველა ოპოზიციური პარტია, რომელიც ითხოვს რიგგარეშე არჩევნებს, შეიკრიბება მეტეხის ტაძართან, სადაც ჩვენ გავაფორმებთ დეკლარაციას, ყველა ოპოზიციური პარტია მოაწერს ხელს. გარდა ამისა, ყველა დეპუტატი, რომელიც ცესკოს მონაცემებით პარლამენტშია შესული, მანდატის დატოვების შესახებ განცხადებას დაწერს. რა თქმა უნდა, პარალელურად ჩაიხსნება ყველა პარტიული სია. საბოლოო დეტალები გავიარეთ“, - განაცხადა „ნაციონალური მოძრაობის“ წევრმა ზაალ უდუმაშვილმა.

31 ოქტომბრის არჩევნების შედეგების მიხედვით პარლამენტში მოხვდა რვა ოპოზიციური პარტია და ბლოკი. ისინი არჩევნების შედეგებს არ ცნობენ, მიიჩნევენ, რომ მმართველმა პარტიამ „ქართულმა ოცნებამ“ არჩევნები გააყალბა და მეათე მოწვევის პარლამენტში შესვლას არ აპირებენ.

უახლოეს დღეებში ხელისუფლებასა და ოპოზიციას შორის უნდა გაიმართოს მოლაპარაკებათა მესამე რაუნდი, რომელიც საქართველოში აშშ-ის და ევროკავშირის ელჩების მიერ არის ორგანიზებული. ამ დროისათვის ცნობილია, რომ ოპოზიცია რიგგარეშე საპარლამენტო არჩევნებს მოითხოვს, ხოლო „ქართული ოცნება“ ამის კატეგორიული წინააღმდეგია და ამას ერთადერთ შეუსრულებელ მოთხოვნას უწოდებს.

„მესამე რაუნდი თავიდან ბოლომდე დამოკიდებულია ხელისუფლებაზე, თუ რამდენად რაციონალური წინადადებებით მოვლენ ისინი. როგორც ჩანს, მათ არ აქვთ ჯერჯერობით რაციონალური წინადადება. შესაბამისად, ამ ეტაპზე მესამე რაუნდის პერსპექტივა არ ჩანს. ის მაშინ გაჩნდება, როდესაც მათი მხრიდან იქნება კონკრეტული წინადადებები“, - განაცხადა „ევროპული საქართველოს“ ლიდერმა გიგი უგულავამ.

ევროკავშირის და აშშ-ის ელჩებმა პოზიციების დასაახლოებლად ოპოზიციის ლიდერებთან უკვე რამდენიმე შეხვედრა გამართეს, თუმცა ახალი რაუნდის თარიღი ჯერჯერობით უცნობია.

ცესკომ უახლოეს დროს არჩევნების მეორე ტურის არჩევნების შედეგები უნდა შეაჯამოს, შემდეგ კი 20 დღის განმავლობაში პარლამენტის პირველი სხდომა დაინიშნება. ოპოზიციის მიერ ბოიკოტის მიუხედავად, პარლამენტი, რომელშიც „ქართული ოცნება“ 90 დეპუტატით იქნება წარმოდგენილი, მუშაობის დაწყებას და კანონების მიღებას მაინც შეძლებს.

მმართველ პარტიაში ოპოზიციის მოქმედებებს დესტრუქციულს, დესტაბილიზაციისკენ მიმართულს უწოდებენ და მას ვითარების ხელოვნურად დაძაბვაში ადანაშაულებენ.

88
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
ირანის პარლამენტი

საშიში ნაბიჯები: ირანის ბირთვული პროგრამა გააქტიურდება

0
(განახლებულია 11:39 01.12.2020)
ფიზიკოს ფაჰრიზადეს მკვლელობის შემდეგ ირანის პარლამენტმა დაჩქარებული წესით განიხილა ბირთვული პროგრამის გააქტიურების კანონპროექტი და ხმათა უმრავლესობით დაამტკიცა იგი

თბილისი, 1 დეკემბერი — Sputnik. ირანის პარლამენტმა დაამტკიცა ქვეყნის ბირთვული პროგრამის აქტივიზაციის შესახებ პროექტის ზოგადი ნორმები, იუწყება სააგენტო Fars-ი.

გავრცელებული ინფორმაციით, პროექტს, რომელიც ფიზიკოს მოჰსენ ფაჰრიზადეს მკვლელობის შემდეგ დაჩქარებული წესით შევიდა პარლამენტში განსახილველად, 251 დეპუტატმა მისცა ხმა. 

აღნიშნული კანონპროექტი ქვეყანაში ერთ წელიწადში 120 კგ–მდე ძლიერ გამდიდრებული ურანისა (საუბარია 20%-მდე გამდიდრებულ ურანზე, რომელიც ბირთვული იარაღის საწარმოებლად გამოიყენება) და ასევე ერთ თვეში 500 კგ დაბალგამდიდრებული ურანის წარმოებასა და დაგროვებას ითვალისწინებს.

აღსანიშნავია, რომ ამ დროისათვის ირანი უკვე ამდიდრებს ურანს შეთანხმებით გათვალისწინებულ დონეზე მეტად — 4% ნაცვლად 3,67%-ისა.

გარდა ამისა, პარლამენტარების თქმით, დაგეგმილია ურანის გამამდიდრებელი ცენტრიფუგების — IR-2M–ისა და ასევე IR-6–ის ამოქმედება, მაშინ, როცა „ბირთვული გარიგება“ მხოლოდ პირველი თაობის ცენტრიფუგა IR-1–ის გამოყენებას ითვალისწინებს.

ახლა კანონპროექტის რატიფიკაციისთვის აუცილებელია კონსტიტუციის მცველთა საბჭოს თანხმობა. კანონპროექტებს ირანში სწორედ ეს ორგანო ამოწმებს. თუ კონსტიტუციის მცველთა საბჭო პარლამენტის მიერ დამტკიცებულ კანონპროექტს მოიწონებს, მაშინ შესასრულებლად სავალდებულო გახდება.

 

0
თემები:
მსოფლიო დღეს