გიგა ბოკერია

ბოკერია: განხილვის საგანი მხოლოდ ახალი არჩევნები შეიძლება გახდეს

48
(განახლებულია 20:31 09.11.2020)
ოპოზიცია და ხელისუფლება დიალოგისთვის მზადყოფნას გამოთქვამს, თუმცა ორივე მხარეს განსახილველად საკუთარი პრიორიტეტული თემები აქვს.

თბილისი, 9 ნოემბერი – Sputnik. ხელისუფლებასა და ოპოზიციას შორის დიალოგი კრიზისის დროს აუცილებელია, მაგრამ ის შეიძლება გაიმართოს მხოლოდ მისი წარმოშობის მიზეზების თაობაზე, განაცხადა ოპოზიციური პარტია „ევროპული საქართველოს“ ერთ-ერთმა ლიდერმა გიგა ბოკერიამ მმართველი პარტია „ქართული ოცნების“ მხრიდან მოლაპარაკებების შეთავაზების საკითხის კომენტარისას. 

„ქართული ოცნების“ გენერალურმა მდივანმა კახა კალაძემ დღეს კიდევ ერთხელ განაცხადა, რომ მმართველი გუნდი მზადაა საერთაშორისო პარტნიორების ჩართულობით ოპოზიციასთან „ცივილიზებულ ფორმატში“ დიალოგისთვის.

ბოკერიას თქმით, „ევროპული საქართველო“, როგორც სხვა ოპოზიციური პარტიები, მზად არის დიალოგისთვის, მაგრამ მოლაპარაკებებზე მთავარი თემა უნდა იყოს არჩევნები, უფრო კონკრეტულად – ვადამდელი არჩევნების ჩატარება.

„კრიზისი გამოიწვია ივანიშვილის რეჟიმის მმართველობის მრავალმა წელმა, თუმცა ამის კულმინაცია იყო არჩევნები. ამიტომაც დიალოგი აბსოლუტურად ნორმალურია და ოპოზიციამ მთლიანად, მათ შორის „ევროპულმა საქართველომ“, თქვა, რომ დიახ, დიალოგი არის საჭირო ასეთი კრიზისის დროს, მაგრამ ძირითადი თემა უნდა იყოს მიზეზი, რამაც კრიზისი გამოიწვია და არა რაღაც სხვა თემა. მთავარი საკითხი, რომელშიც ბევრი ქვესაკითხია, არის არჩევნები და მისი სამარცხვინო შედეგები, მისი გაუქმება და ხელახალი არჩევნების ნორმალური ჩატარება. დიალოგისთვის ამ საკითხზე ვართ მზად“, – განაცხადა ბოკერიამ.

ცესკო: საარჩევნო ადმინისტრაცია მზად არის მშვიდობიან ფორმატში ნებისმიერ თემაზე დიალოგისთვის>>>

ოპოზიციამ, რომელიც საპარლამენტო არჩევნების შედეგებით უკმაყოფილოა, კვირას რუსთაველის გამზირზე მასშტაბური აქცია ჩაატარა. აქციის მონაწილეებმა ცესკოს თავმჯდომარის თამარ ჟვანიას გადადგომა მოითხოვეს – გადაწყვეტილების მისაღებად მას დრო 20:00 საათამდე მისცეს. აქციამ გუშინ პოლიტიკური შედეგი არ მოიტანა და პოლიციასთან შეტაკებით დასრულდა.

დღეს პარლამენტის შენობის წინ ოპოზიცია მორიგ აქციას გამართავს და სამოქმედო გეგმას გამოაცხადებს.

48
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (127)
ცესკო

ცესკო: ახალმა პარტიებმა ადგილობრივი არჩევნებისთვის რეგისტრაცია 14 ივლისამდე უნდა გაიარონ

18
(განახლებულია 09:16 13.06.2021)
ადგილობრივი არჩევნები საქართველოში ოქტომბერში ჩატარდება. საქართველოს მოქალაქეები აირჩევენ მუნიციპალიტეტების მერებსა და ადგილობრივი საკრებულოების წევრებს.

თბილისი, 13 ივნისი – Sputnik. იმ პარტიებმა, რომლებსაც 2020 წლის საპარლამენტო არჩევნებში მონაწილეობა არ მიუღიათ, ადგილობრივ არჩევნებში მონაწილეობის მისაღებად ცესკოში რეგისტრაცია 14 ივლისამდე უნდა გაიარონ, ნათქვამია ცესკოს ვებგვერდზე.

ადგილობრივი არჩევნები საქართველოში მიმდინარე წლის ოქტომბერში ჩატარდება. ქალაქებისა და რაიონების მოსახლეობა აირჩევს მუნიციპალიტეტების მერებსა და ადგილობრივი საკრებულოების წევრებს.

ცესკო შეახსენებს პარტიებს, რომ თუ ბოლო საპარლამენტო არჩევნებზე მათ რეგისტრაცია არ გაუვლიათ ან პარლამენტში არ ჰყავთ საკუთარი წარმომადგენელი, ადგილობრივ არჩევნებში მონაწილეობის მისაღებად განცხადებით უნდა მიმართონ ცენტრალური საარჩევნო კომისიის (ცესკოს) თავმჯდომარეს 14 ივლისამდე.

დანარჩენ პარტიებს განცხადებები შეაქვთ არჩევნების დღემდე არაუგვიანეს 57-ე დღისა.

რაც შეეხება ახალ პარტიებს, ისინი ვალდებული არიან პარტიის მხარდამჭერთა სიის ნიმუშის მიღებიდან 60 დღის ვადაში, მაგრამ არაუგვიანეს 1 აგვისტოსი, ცესკოს წარუდგინონ მუნიციპალიტეტის წარმომადგენლობითი ორგანოს - საკრებულოს არჩევნებში პარტიის მონაწილეობის მხარდამჭერი არანაკლებ 25 ათასი ამომრჩევლის სია. ასევე ამონაწერი რეესტრიდან პარტიის რეგისტრაციაზე.

18
ცესკოს შენობა

ცესკომ არჩევნების ელექტრონული მოდელი გატესტა: პარტიები კმაყოფილი არიან

31
(განახლებულია 23:22 12.06.2021)
ელექტრონული არჩევნების დასანერგად საქართველოს პარლამენტმა შეიმუშავა ცვლილებები საარჩევნო კოდექსში და ახლა დეპუტატებმა მათ კენჭი უნდა უყარონ.

თბილისი, 12 ივნისი – Sputnik. ცენტრალურ საარჩევნო კომისიაში ახალი ელექტრონული მოდელით იმიტირებული არჩევნები ჩატარდა, რომელიც ოპოზიციურმა პარტიებმა და დამკვირვებლებმა დადებითად შეაფასეს.

ელექტრონული არჩევნების სისტემა - კენჭისყრის ახალი სისტემაა, რომელმაც უნდა უზრუნველყოს სამართლიანი არჩევნების ჩატარება და გაყალბების თავიდან აცილება.

აღნიშნული მოდელი გულისხმობს საარჩევნო უბნებზე ამომრჩეველთა ელექტრონულ რეგისტრაციას, ხოლო თავად ბიულეტენები იქნება აღჭურვილი სპეციალური შტრიხკოდებით, რომელთა გაყალბებაც შეუძლებელია.

გარდა ამისა, ხმების დათვლა კამერების წინ მოხდება, ხოლო დათვლის დროს ბიულეტენების სკანირება მოხდება.

აღნიშნული საპილოტო მოდელი მნიშვნელოვანია იმისათვის, რომ საარჩევნო კოდექსში შესატან ცვლილებებზე შექმნილი სამუშაო ჯგუფის ფარგლებში განხილულ იქნას ყველა შესაძლო რისკი, რათა საბოლოო გადაწყვეტილება მივიღოთ, განაცხადა ცესკოს მოადგილე გიორგი შარაბიძემ.

ოპოზიცია კმაყოფილია

ოპოზიციური პარტიების ლიდერები არჩევნების ახალი მოდელით კმაყოფილი დარჩნენ.

„ამ ტექნოლოგიების გამოყენებით მინიმუმამდეა დაყვანილი გაყალბების შანსი, ეს ინოვაცია მოვიფიქრეთ გაყალბების პრევენციისთვის, რომელიც აქ ხდება. 90-95%- ით შემცირებულია გაყალბების შემთხვევები ამ ტექნოლოგიებით“, - განაცხადა პარტია „სტრატეგია აღმაშენებლის“ ლიდერმა გიორგი ვაშაძემ.

ხოლო „ლელო საქართველოსთვის წარმომადგენელმა საბა ბუაძემ აღნიშნა, რომ ახლა საჭიროა ამ ტექნოლოგიების დროული დანერგვა.

„კრიტიკულად მნიშვნელოვანია, რომ ეს პროცესი წარიმართოს დროულად და სიახლეები დანერგილი იყოს იმგვარად, რომ თვითმმართველობის არჩევნებზე უკვე მთელი საქართველოს მასშტაბით იყოს გამოყენებული“, - განაცხადა ბუაძემ.

ადგილობრივი არჩევნები საქართველოში მიმდინარე წლის ოქტომბერში ჩატარდება. ქალაქებისა და რაიონების მოსახლეობა აირჩევს მუნიციპალიტეტების მერებსა და ადგილობრივი საკრებულოების წევრებს.

ელექტრონული არჩევნების დასანერგად საქართველოს პარლამენტმა საარჩევნო კოდექსში შესატანი ცვლილებები შეიმუშავა და ახლა დეპუტატებმა მათ კენჭი უნდა უყარონ.

31
ნინო სამხარაძე

როცა შვილს ექიმის სახელს არქმევენ - მადლიანი ხელების სიკეთე

0
(განახლებულია 05:42 12.06.2021)
„წარმოუდგენელია, მოვეფერო ჩემს პაწაწინას და არ გამახსენდეს, რომ ღვთის წყალობასთან ერთად შენი პროფესიონალიზმის დამსახურებაა ის, რომ დედის სტატუსს ვატარებ.“

„მაკვირვებს, თითქოს ასაკისთვის შეუფერებელი შენი პროფესიული ცოდნა, ადამიანური სიბრძნე, თავშეკავება და თავმდაბლობა, რომელიც მთავარი შტრიხია შენი ხასიათის.“

„ვიცი, ყველას უყვარხარ შენი უშუალობის, სიკეთის, მშვენიერებისა და ჰუმანურობისთვის. ეს ის თვისებებია, რაც აუცილებლად უნდა გააჩნდეს მოწოდებით და მით უფრო, შენი სპეციალობის ექიმს. უფალმა დალოცოს შენი მადლიანი ხელები და ბუნების სიხალასე.“

ამ წერილების ადრესატის სადღეგრძელო დღეს ბევრ ოჯახში ტრადიციად დამკვიდრდა, მისი სახელი ნანატს შვილს, უკვე ბევრმა დაარქვა. საუბარია „იმედის კლინიკის“ მეან-გინეკოლოგ ნინო სამხარაძეზე, რომელიც საქართველოს ჯანმრთელობის ფედერაციის წევრია. ამ მასალის დაწერა პირველ რიგში, მისი პაციენტების ინიციატივა და ექიმის მიმართ გულწრფელი მადლიერების გამოხატულებაა.

ნინო სამხარაძე
ნინო სამხარაძე

- ქალბატონო ნინო, თავად ჯერ არ ხართ დედა, მაგრამ კარგად იცით როგორ ცვლის ქალს დედობა...

- მე დაოჯახებული არ ვარ, შვილი არ მყავს, მაგრამ იმდენჯერ ვარ დედა-შვილის პირველი შეხვედრის მომსწრე, რომ ზუსტად ვიცი, ეს რა გრძნობაა. დედობა სრულიად ცვლის ქალს, როგორც შინაგანად, ისე გარეგნულად.  იცვლება ადამიანის მიზნები და მისწაფებებიც. დედობის მერე ქალი გრძნობს, რომ შვილისთვის შეუძლებელსაც შეძლებს.

ნინო სამხარაძე იმედის კლინიკის კოლეგებთან ერთად
ნინო სამხარაძე "იმედის კლინიკის" კოლეგებთან ერთად

- ექიმობაზე ოცნება თქვენი იდეა-ფიქსიც იყო?

- ექიმობა ბავშვობის ოცნება იყო, სხვა პროფესიაზე არც მიფიქრია. ჩემს ცხოვრებაში იყო პოსტდიპლომური, ხუთ წლიანი პრაქტიკული სწავლების პერიოდი, რასაც რეზიდენტურა ჰქვია. ექიმობა სიცოცხლის სამსახურია, მეან-გინეკოლოგობა კი ერთდროულად ორ ან მეტ სიცოცხლეს ემსახურება. ამაზე მადლიანი პროფესია არ არსებობს. დღეს მეან-გინეკოლოგი ვარ, ვამშობიარებ, საკეისრო და გინეკოლიგიურ ოპერაციებს ვაკეთებ. ასევე ამბულატორიულად მყავს ორსულები და გინეკოლიგიური პაციენტები.

ნინო სამხარაძე  კოლეგებთან ერთად
ნინო სამხარაძე კოლეგებთან ერთად

- თქვენ კარგად იცნობთ მედიცინის ამ სფეროს, თუ შეგიძლიათ იმის თქმა, ხშირ შემთხვევაში რა ხდება საქართველოში უნაყოფობის მიზეზი?

- მსოფლიოში, მათ შორის საქართველოში, უნაყოფობის წილი 10-15% -ია. მცდარია შეხედულება, როდესაც უშვილობას მხოლოდ ქალის პრობლემად განიხილავენ, ეს წყვილის პრობლემაა. უნაყოფობა შეიძლება იყოს ორგანული, ფუნქციური, იმუნური, გენეტიკური ან უცნობი გენეზისის. დედობას ყველა ქალი იმსახურებს და დამხმარე რეპროდუქტიულმა საშუალებებმა შვილის ყოლის ბედნიერება ბევრ წყვილს მიანიჭა.

ნინო სამხარაძე
ნინო სამხარაძე

- ფსიქოლოგიურ განწყობას თუ აქვს მნიშვნელობა?

- არც თუ იშვიათია ფსიქოგენური უნაყოფობა. როდესაც ქალის ფიქრები მხოლოდ ორსულობაზე კონცენტრირდება და არ დგება ის ეტაპი, რომელიც ყველაზე სასურველია. ამ შემთხვევაში, ფსიქოთერაპევრის როლი უმნიშვნელოვანესია.

ნინო სამხარაძე ახალშობილთან ერთად
ნინო სამხარაძე ახალშობილთან ერთად

- ვიცი, რომ ბევრი პაციენტი გემადლიერებათ...

- ექიმისთვის მადლიერების გამოხატველი სიტყვები ძალიან დიდი სტიმულია, გავიწყებს დაღლას და გაძლევს იმის ენერგიას, რომ მუშაობა შემართებით გავაგრძელოთ. როცა ქალი მისთვის ძვირფასს არსებას ექიმის სახელს არქმევს, ეს პატივისცემის ყველაზე დიდი გამოვლენაა. ჩემს შემთხვევაში, ასეთი ფაქტი რამდენჯერმე იყო და იმის გარანტია, რომ ყოველთვის ემახსოვრება ექიმის წვლილი მის ბედნიერებაში.

ნინო სამხარაძე
ნინო სამხარაძე

- საქართველოში დღესაც ბიჭს უფრო თვლიან სასურველ შვილად თუ შეიცვალა ამ თემისადმი დამოკიდებულება?

- ჩვენში მართლა იყო პერიოდი, როდესაც ვაჟის დაბადებას მეტი სიხარულით ხვდებოდა ოჯახი, განსაკუთრებით თუ ის პირველი შვილი იყო. საბედნიეროდ ეს დამოკიდებულება დღეისთვის შეცვლილია. წყვილების უმრავლესობა ამბობს, რომ მათთვის შვილის სქესს მნიშვნელობა არ აქვს. ასეც უნდა იყოს... დედობა უმთავრესი სტატუსია, რასაც ქალი ატარებს, დედობრივი სიყვარული ყველაზე ძლიერი გრძნობაა. როდესაც ქალისთვის ამ სტატუსის მინიჭებაში წვლილი შეგაქვს, ეს სიამაყის და სახარულის საოცარი განცდაა. ამ დროს მისი ბედნიერების თანაზიარი ხდები და სურვილი გიჩნდება, რაც შეიძლება მეტი ქალი გააბედნიერო...

 

 

0