ირაკლი კობახიძე

კობახიძე: აქტიურად ვმუშაობთ მრავალპარტიული პარლამენტისთვის

81
საპარლამენტო არჩევნები საქართველოში 31 ოქტომბერს გაიმართა. მის შედეგებს ოპოზიცია არ აღიარებს და მისი არალეგიტიმურობის ცნობას მოითხოვს.

თბილისი, 8 ნოემბერი - Sputnik. საელჩოების მოწოდებაა, ყველაფერს, რაც არის დაკავშირებული არჩევნებთან, ყველა სადაო საკითხს მოეფინოს ნათელი, განაცხადა „ქართული ოცნება-დემოკრატიული საქართველოს“ აღმასრულებელმა მდივანმა, ირაკლი კობახიძემ პარტიის ოფისში გამართულ ბრიფინგზე.

„საელჩოების მოწოდებაა, რომ ყველაფერს, რაც არის დაკავშირებული არჩევნებთან, ყველა სადაო საკითხს მოეფინოს ნათელი. ამასთან დაკავშირებით, ჩვენ მზად ვართ ყველასთან საუბრისთვის. ბუნებრივია, მზად ვართ, რომ ჩვენი პარტნიორების ეს მოწოდება გავითვალისწინოთ. რაც შეეხება არჩევნებთან დაკავშირებული საკითხების ნათელის მოფენას, ამასთან დაკავშირებით ჩვენ ყველას ვესაუბრებით“, - განაცხადა კობახიძემ.

საპარლამენტო არჩევნები საქართველოში 31 ოქტომბერს გაიმართა. მის შედეგებს ოპოზიცია არ აღიარებს და მისი არალეგიტიმურობის ცნობას მოითხოვს. ყველა ოპოზიციურმა პარტიამ და ბლოკმა, რომლებიც წინასწარი შედეგების მიხედვით პარლამენტში მოხვდნენ, უკვე მოაწერა ხელი მემორანდუმს, რომლის მიხედვით მათ უარი თქვეს მანდატებზე და არჩევნების მეორე ტურში მონაწილეობაზე.

საოლქო საარჩევნო კომისიებში კენჭისყრის დღეს და შემდგომ დღეებში დაახლოებით 1 800 საჩივარი შევიდა, კენჭისყრის დღესთან დაკავშირებული საჩივრები ძირითადად პროცედურულ საკითხებს შეეხებოდა, ხოლო კენჭისყრის დღის შემდგომი საჩივრები – საუბნო საარჩევნო კომისიების შედეგებსა და კენჭისყრის შედეგების შემაჯამებელი ოქმების კანონიერებას.

ირაკლი კობახიძის განცხადებით, უკვე 30-მდე უბანი  არის გადათვლილი და ეს პროცესი გაგრძელდება ასევე სააპელაციო სასამართლოში.

„საქართველოში ამ რაოდენობით უბნები არასდროს გადათვლილა, რაც აჩვენებს იმას, რომ ღიაობის ძალიან დიდი მაჩვენებელი გვაქვს ზოგადად და ასევე საარჩევნო ადმინისტრაციას“, - განაცხადა კობახიძემ.

მისივე თქმით, ამ  ოქმებს ხელს აწერენ როგორც „ქართული ოცნების“, ასევე ოპოზიციური პარტიების წევრები.

„გადაითვლება თითოეული ასეთი უბანი და გაირკვევა, რატომ მოაწერა ხელი ასეთ ოქმს კომისიის 12-12-მა წევრმა“, - აღნიშნა კობახიძემ.

რაც შეეხება ოპოზიციის ბოიკოტს,  „ქართული ოცნების“ ერთ-ერთი ლიდერის განცხადებით, პარტიების უდიდესი ნაწილი და „ნაციონალური მოძრაობის“ ნახევარზე მეტი პარლამენტში შევა.

„ამას უკვე დღეები გვიჩვენებს. უახლოეს მომავალში გაირკვევა ის, რომ პარტიები, ყოველ შემთხვევაში, უდიდესი ნაწილი, მაგრამ ალბათ ყველა პარტია, მათ შორის „ნაციონალური მოძრაობაც“, მთლიანად თუ არა, ნახევარზე მეტი მაინც, შევა პარლამენტში. ეს არის დღევანდელი განწყობა, რაც არის ოპოზიციურ სპექტრში და ეს განწყობა დღევანდელი აქციის შემდეგ, კიდევ უფრო მეტად გაღრმავდება. ფორმებსა და მეთოდებს მე ვერ დაგიკონკრეტებთ, მაგრამ დაგიდასტურებთ, რომ აქტიურად ვმუშაობთ მრავალპარტიული პარლამენტისთვის“, - განაცხადა კობახიძემ.

თბილისსა და ბათუმში გაერთიანებული ოპოზიციის მასშტაბური საპროტესტო აქცია მიმდინარეობს. მანამდე კი პარტიებმა საკუთარი პროტესტი  თბილისსა და რეგიონებში საოლქო საარჩევნო კომისიის შენობებთან გამოხატეს.

81
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (93)
ოპოზიციის აქცია ბათუმში

დაპირისპირება აქციაზე ბათუმში: არიან დაშავებულები და დაკავებულები

14
აქციის მონაწილეებმა აქცია–პერფორმანსი მოაწყვეს – გაუშვეს ჰელიუმის ბუშტები წარწერით „მონავ, იმოქმედე!“

თბილისი, 30 ნოემბერი – Sputnik. ბათუმში, აჭარის მთავრობის სახლთან აქციის მონაწილეებსა და პოლიციელბს შორის რამდენიმე დაპირისპირება მოხდა.

პროტესტანტები დილიდან აჭარის მთავრობის მეთაურ თორნიკე რიჟვაძესთან შეხვედრას მოითხოვენ. რამდენიმე აქტივისტი შენობაში შესვლას შეეცადა, მაგრამ მათ პოლიციამ შეუშალა ხელი.

„არა შეზღუდვებს!“ – პარლამენტთან კარვების გაშლას შეეცადნენ>>

პროტესტანტებმა აქცია–პერფორმანსი გამართეს. რიჟვაძის კაბინეტის ფანჯრებქვეშ ნაღ ჰელიუმის ბუშტები გაუშვეს წარწერით „მონავ, იმოქმედე!“, „გამოდი, შეხვდი ხალხს“ ამით მათ აჭარის მეთაურს მოსახლეობასთან გამოსვლისა და მათი პრობლემების გაცნობისკენ მოუწოდეს.

როგორც მოძრაობის „იმოქმედე“ ლიდერმა ბექა მექვაბიშვილმა განაცხადა, თორნიკე რიჟვაძე ფიქრობს, რომ ქართველი ხალხი არჩევნების გაყალბებას შეეგუება. აქციები გაგრძელდება მანამ, სანამ შედეგს არ მივაღწევთ. ის უნდა შეხვდეს ხალხს და უპასუხოს, რატომ მოიპარა ჩვენი ხმები, აღნიშნა მექვაბიშვილმა.

ამ პერფორმანსს მოჰყვა დაპირისპირება აქციის მონაწილეებსა და პოლიციას შორის. არეულობის დროს ორი ადამიანი ცუდად გახდა, ასევე, დაზიანდა კარვები, რომლებიც აქციის მონაწილეებმა მთავრობის სახლის წინ გაშალეს.

პროტესტანტებმა გზის გადაკეტვაც სცადეს.

წინასწარი ინფორმაციით, დაკავებულია რამდენიმე აქტივისტი. ოპოზიციური ტელეარხის „მთავარი არხი“ ინფორმაციით, არიან დაშავებულები და მათ შორის, მასმედიის წარმომადგენლები.

ბათუმში ხმაურია: საპროტესტო აქციის ფონზე ფიტნეს-ცენტრის შენობაში პოლიცია შევიდა>>

საპროტესტო უვადო აქცია ბათუმში 8 ნოემბრიდან გრძელდება. მისი მონაწილეები მოითხოვენ რიგგარეშე არჩევნების ჩატარებას, საარჩევნო ადმინისტრაციის შეცვლასა და პოლიტპატიმრების გათავისუფლებას. მთავრობის სახლის წინ კარვებია გაშლილი.

უფრო ადრე ოპოზიციის ლიდერებმა განაცხადეს, რომ რეგიონში სოციალურ–ეკონომიკური საკითხების მოგვარებას აპირებენ. კვირას საპროტესტო აქციის მონაწილეებმა მთავრობის სახლთან გადასატანი სავაჭრო კიოსკი მიიტანეს და შეკრებილებს დაჰპირდნენ, რომ არ დაემორჩილებიან კორონავირუსის გავრცელების გამო დაწესებულ ახალ შეზღუდვებს და „დაუმორჩილებლობის უბანს" მოაწყობენ.

14
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (93)
აქცია საგარეო უწყებასთან

სასამართლო მოსმენა დავით–გარეჯის საქმეზე აქციის ფონზე მიმდინარეობს

14
სასამართლოს შენობასთან დაკავებული კარტოგრაფების მომხრეები შეიკრიბნენ და მათ გათავისუფლებას მოითხოვენ

თბილისი, 30 ნოემბერი – Sputnik. თბილისის საქალაქო სასამართლო ექსპერტების –ივერი მელაშვილისა და ნატალია ილიჩოვასთვის აღკვეთის ზომის შეცვლასთან დაკავშირებით დაცვის მხარის შუამდგომლობას განიხილავს. ექსპერტები აზერბაიჯანისთვის საქართველოს ტერიტორიის ნაწილის შესაძლო გადაცემის საქმეზე დააკავეს.

უფრო ადრე სასამართლომ მელაშვილსა და ილიჩოვას აღკვეთის ზომად პატიმრობა შეუფარდა.

სასამართლოს სხდომა ორშაბათს ხმაურიანი საპროტესტო აქციის ფონზე მიმდინარეობს. სასამართლოს შენობასთან დაკავებული კარტოგრაფების მომხრეები არიან შეკრებილი. ისინი მათ გათავისუფლებას მოითხოვენ. ოპოზიციური მოძრაობის „სირცხვილია“ წარმომადგენლები უსტვენდნენ საქმის პროკურორ მიხეილ სადრაძეს და უყვიროდნენ „მონა“.

ამასთან, დაკავებულების ადვოკატებმა სასამართლოს 200 ადამიანის ხელმოწერა წარუდგინეს, რომლებიც მელაშვილსა და ილიჩოვას თავდებად უდგებიან და სასამართლოს აღკვეთის ზომის შეცვლას სთხოვენ.

ამას გარდა, მელაშვილის ადვოკატი აცხადებს, რომ მას სასამართლო–სამედიცინო ექსპერტიზის ალტერნატიული ანგარიში აქვს, რომელიც ამტკიცებს, რომ რუკები, რომელთა გამოუყენებლობაში ადანაშაულებენ კარტოგრაფებს, სინამდვილეს არ შეესაბამება.

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში, უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა 7 ოქტომბერს დააკავა. 

პროკურატურის მტკიცებით, რუკების შედგენისას მათ 1938 წლის რუკის ნაცვლად გამოიყენეს 1970 წლით დათარიღებული არასწორად შედგენილი რუკა, რის შედეგადაც საქართველომ კინაღამ 3,5 ათასი ჰექტარი ტერიტორია დაკარგა, მათ შორის დავით–გარეჯის სამონასტრო კომპლექსის ტერიტორიის ნაწილი.

14
თემები:
ვნებათაღელვა დავით–გარეჯის ირგვლივ
თამო ვაშალომიძე

თამო ვაშალომიძე შვილის გაჩენიდან მეორე დღეს საოცარ ფორმაშია - მოდელი ვიდეოს აქვეყნებს

0
(განახლებულია 14:59 30.11.2020)
ცნობილი ფოტომოდელი დედა 28 ნოემბერს გახდა. ნახეთ როგორ გამოიყურება ახალნამშობიარები მოდელი. არანაირი ზედმეტი კილოგრამი - ის შეუდარებელია

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა - მისი პირველი პარტნიორის ვინაობაა. მოდელმა რამდენიმე წუთის წინ ახალშობილი ვაჟის ფოტო გამოაქვეყნა და დაწერა, რომ სიტყვებით ვერ გადმოსცემს, როგორი ბედნიერია.

თამომ მოგვიანებით ვიდეო გამოაქვეყნა, სადაც არაჩვეულებრივ ფორმაშია. მოდელს საერთოდ არ ეტყობა, რომ ორი დღის წინ შვილი გააჩინა. ორსულობის ბოლო თვეებში ამბობდა, რომ 10 კილოგრამი ჰქონდა მომატებული, რომელიც როგორც ჩანს, უკვე მოიშორა.

რამდენიმე თვეა თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. ფოტომოდელის განცხადებით, ისინი ერთ წელზე მეტია, რაც ერთმანეთს ხვდებიან. ეს ერთი ნახვით შეყვარებას ჰგავს.

ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო საინტერესოა. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

0
თემები:
სელებრითების ცხოვრება