აქცია პარლამენტთან

თბილისში ოპოზიცია საპროტესტო აქციაზე იკრიბება

82
(განახლებულია 16:33 08.11.2020)
მოსალოდნელია, რომ აქციების ძირითად მასას „ნაცმოძრაობის“ მხარდამჭერები შეადგენენ, თუმცა სხვა პარტიებიც ქუჩებში ათასობით ადამიანის გამოყვანას გეგმავენ.

თბილისი, 8 ნოემბერი — Sputnik. თბილისსა და ბათუმში გაერთიანებული ოპოზიციის მასშტაბური საპროტესტო აქცია დაიწყო.

ოპოზიცია აპროტესტებს 31 ოქტომბერს გამართული საპარლამენტო არჩევნების შედეგებს, რომელთა თანახმადაც მმართველი პარტია „ქართული ოცნება“ იღებს საპარლამენტო უმრავლესობას და მთავრობის ერთპიროვნული ჩამოყალიბების უფლებას.

ხელისუფლების ოპონენტები აცხადებენ, რომ კენჭისყრა გაყალბებულია და ხელახალ არჩევნებს მოითხოვენ.

პარლამენტთან აქტივისტებმა მოაწყვეს ერთგვარი ექსპოზიცია და მას ცესკოს თავმჯდომარის, „თამარ ჟვანიას სახელობის ფალსიფიკაციის მუზეუმი“ დაარქვეს.

Акция протеста у здания парламента Грузии 8 ноября 2020
© Sputnik / Vladimir Umikashvili
ოპოზიციის აქცია პარლამენტთან. 08.11.2020

აქ გამოფენილია ცესკოს წევრების და იმ ოქმების ფოტოები, რომლებსაც ოპოზიცია გაყალბებულად მიიჩნევს.

„ნაცმოძრაობის კოლონა“ რესპუბლიკის მოედანზე შეიკრიბა. მათ უკავიათ ტრანსპარანტები წარწერებით „ჩვენ დავიცავთ ხმებს“ და „ოცნება დასრულებულია“.

Заал Удумашвили. Акция протеста у здания парламента Грузии 8 ноября 2020
© Sputnik / Vladimir Umikashvili
ოპოზიციის აქცია პარლამენტთან. 08.11.2020

„ლელო“ მხარდამჭერები ზაარბრიუკენის მოედანზე შეიკრიბნენ, „გირჩელები“ თავისუფლების მოედნიდან დაიძრებიან.

თბილისისკენ სხვადასხვა მხრიდან ოპოზიციის მხარდამჭერთა ავტოკოლონები უახლოვდება. მათ პოლიცია აცილებს. რუსთაველის გაზმირი გადაკეტილია.

პარლამენტთან დამონტაჟდა სცენა, დაყენებულია ხმის აპარატურა.

Акция протеста у здания парламента Грузии 8 ноября 2020
© Sputnik / Vladimir Umikashvili
ოპოზიციის აქცია პარლამენტთან. 08.11.2020

ამ დროისათვის აქციაზე დაახლოებით სამი ათასი ადამიანია შეკრებილი.

ორგანიზატორები ადრე აცხადებდნენ, რომ მონაწილეებს პირბადეები დაურიგდება, დისტანცია კი დაცული იქნება. ყველაფერი საკმაოდ ორგანიზებულად გამოიყურება.

Акция протеста у здания парламента Грузии 8 ноября 2020
© Sputnik / Vladimir Umikashvili
ოპოზიციის აქცია პარლამენტთან. 08.11.2020

ძირითადად, მონაწილეებს პირბადეები უკეთიათ. ორგანიზატორები აცხადებენ, რომ ზედმიწევნით გააკონტროლებენ ამას და სიტუაციის გასაკონტროლებლად მობილური ჯგუფებია შექმნილი. თუმცა აშკარაა, რომ მონაწილეებს შორის დისტანციის დაცვა ვერ ხერხდება. 

Акция протеста у здания парламента Грузии 8 ноября 2020
© Sputnik / Shota Nozadze
ოპოზიციის აქცია პარლამენტთან. 08.11.2020

 

 

 

82
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (86)
ბადრი ჯაფარიძე

ბადრი ჯაფარიძე: მიტინგები და მანიფესტაციები აღარ გაიმართება

37
პარლამენტის პირველი სხდომის დღეს, რომელიც შეზღუდვების დაწესების შემდეგ გაიმართება, ოპოზიცია მასშტაბური საპროტესტო აქციის გამართვას გეგმავდა

თბილისი, 26 ნოემბერი – Sputnik. დაწესებული შეზღუდვების გათვალისწინებით ოპოზიცია გადახედავს გეგმებს საპროტესტო აქციების გამართვის შესახებ, განუცხადა ჟურნალისტებს პარტია „ლელოს“ ლიდერმა ბადრი ჯაფარიძემ.

მთავრობის გადაწყვეტილებით, საქართველოში 28 ნოემბრიდან მუშაობას წყვეტს საზოგადოებრივი ტრანსპორტი და იკეტება ბაზრების ნაწილი. ოპოზიცია კი პარლამენტის პირველი სხდომის დღეს, რომელიც შეზღუდვების დაწესების შემდეგ გაიმართება, მასშტაბური საპროტესტო აქციის გამართვას გეგმავდა.

„ოპოზიციის გეგმებს მანიფესტაციების და მიტინგის თვალსაზრისით, რა თქმა უნდა, უნდა გავითვალისწინოთ ეს ურთულესი მდგომარეობა და ამიტომ ჩვენი თანამოქალაქეების ისედაც საფრთხისშემცველ გარემოს კიდევ დამატებითი ფაქტორები არ უნდა დავუმატოთ. ამიტომ აისახება ოპოზიციის გეგმებში, რაც შეეხება მანიფესტაციებს და მიტინგებს, ისინი, დიდი ალბათობით, აღარ გაიმართება. მაგრამ სხვა გეგმებში ცვლილებები არ იგულისხმება, თუ ბოიკოტს გულისხმობთ”, - განაცხადა ჯაფარიძემ.

პრემიერ-მინისტრმა გიორგი გახარიამ განაცხადა, რომ ქვეყანაში გამოხატვის თავისუფლება არ იზღუდება და პარტიებს შეუძლიათ ჩაატარონ საპროტესტო აქციები, მაგრამ უსაფრთხოების ზომების გათვალისწინებით.

პარლამენტის პირველი სხდომა არჩევნების საბოლოო შედეგების შეჯამებიდან 10 დღის ვადაში უნდა გაიმართოს. რვავე ოპოზიციური პარტია, რომლებმაც საარჩევნო ბარიერი გადალახეს, არჩევნების შედეგებს არ აღიარებს და პარლამენტის მუშაობაში მონაწილეობის მიღებას არ აპირებს.

37
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს (86)
ოპოზიციის აქციის მონაწილეები - 14.11.2020

პარტიების დაფინანსება: ვინ რამდენს მიიღებს 2021 წელს

25
საპარლამენტო არჩევნების შედეგების მიხედვით, დაფინანსების უფლება 14-მა პარტიამ მოიპოვა, მაგრამ ოთხ მათგანს ჯერჯერობით ცესკოსთვის არ მიუმართავთ

თბილისი, 26 ნოემბერი — Sputnik. მმართველი პარტია „ქართული ოცნება - დემოკრატიული საქართველო“ 2021 წელს სახელმწიფო ბიუჯეტიდან 5,1 მილიონ ლარზე მეტ დაფინანსებას მიიღებს, ამას პარლამენტის პროპორციული არჩევნების წინასწარი შედეგები მოწმობს.

შემდეგი მოდის ყოფილი მმართველი პარტია „ერთიანი ნაციონალური მოძრაობა“. მას დაახლოებით 2,3 მილიონი ლარი ერგება.

რაც შეეხება დანარჩენ პარტიებს, რომლებიც „ერთიანი ნაციონალური მოძრაობა - ძალა ერთობაშიას“ საარჩევნო ბლოკის შემადგენლობაში შედიან, თანხა შემდეგნაირად გადანაწილდება:

„მოძრაობა სახელმწიფო ხალხისთვის“ – 240 ათასი ლარი

„პროგრესი და თავისუფლება" - 12 ათასი ლარი,

„საქართველოს რესპუბლიკური პარტია" - 204 ათასი ლარი,

„ევროპელი დემოკრატები" - 360 ათასი ლარი.

დაფინანსების მოცულობით მესამე ადგილზეა ოპოზიციური პარტია „ევროპული საქართველო“, რომელმაც 1,1 მილიონი ლარი შეიძლება მიიღოს. მეოთხე ადგილზე მოხვდა „საქართველოს პატრიოტთა ალიანსი“ – 1 მილიონ ლარზე მეტი.

პარტიების დაფინანსება რეგულირდება კანონით „საქართველოს მოქალაქეთა პოლიტიკური გაერთიანებების შესახებ“ და დამოკიდებულია მიღებული ხმების რაოდენობაზე, ქალთა რიცხვზე პროპორციულ სიებში და ასევე მანდატების საბოლოო რაოდენობაზე.

რაც შეეხება დანარჩენ პარტიებს, რომლებმაც საარჩევნო ბარიერი გადალახეს, დაფინანსება შემდეგნაირად განაწილდება:

„გიორგი ვაშაძე - სტრატეგია აღმაშენებელი" - 939 925 ლარი,

„კანონი და სამართალი" - 104 436 ლარი,

„ლელო" - 803 560 ლარი,

„გირჩი" - 777 990 ლარი,

„ალეკო ელისაშვილი - მოქალაქეები" - 497 406 ლარი,

„საქართველოს ლეიბორისტული პარტია" - 289 710 ლარი.

ამ დროისათვის საქართველოს ცენტრალურ საარჩევნო კომისიას საბიუჯეტო დაფინანსების მიღების მიზნით უკვე ათმა პოლიტიკურმა პარტიამ მიმართა. მათ შორის არიან ის პარტიებიც, რომლებიც პარლამენტში შესვლაზე უარს აცხადებენ და ბოიკოტის რეჟიმში არიან.

დაფინანსების მიღებაზე შესაბამისი წერილით თანხმობა განაცხადეს: ბლოკში „ერთიანი ნაციონალური მოძრაობა – ძალა ერთობაშია“ გაერთიანებულმა პარტიებმა: „ერთიანი ნაციონალური მოძრაობა“, „მოძრაობა სახელმწიფო ხალხისთვის“, „პროგრესი და თავისუფლება“, „საქართველოს რესპუბლიკური პარტია“ და „ევროპელი დემოკრატები“.

ასევე, დაფინანსების მიღების თაობაზე ცესკო-ში შესაბამისი თანხმობა წარადგინა ბლოკ „გიორგი ვაშაძე – სტრატეგია აღმაშენებელში“ გაერთიანებულმა ორმა პოლიტიკურმა პარტიამ: „გიორგი ვაშაძე – სტრატეგია აღმაშენებელი“ და „კანონი და სამართალი“. შესაბამისი თანხმობის წერილი დაფინანსების მიღებაზე საარჩევნო ადმინისტრაციაში წარადგინეს „ევროპულმა საქართველომ“ და „პატრიოტთა ალიანსმა“.

დაფინანსების მისაღებად ცენტრალურ საარჩევნო კომისიაში თანხმობის წერილის წარდგენის ვადა პოლიტიკურ პარტიებს სწორედ 25 ნოემბრამდე ჰქონდათ, თუმცა კანონის თანახმად ცესკო ვალდებულია, ის პარტიები, რომლებსაც თანხმობა ჯერ არ განუცხადებიათ, წერილობით გააფრთხილოს, რის შემდეგაც პარტიებს კიდევ სამი დღე მიეცემათ, რათა საარჩევნო ადმინისტრაციაში შესაბამისი თანხმობა წარადგინონ დაფინანსების მიღების თაობაზე.

2020 წლის საპარლამენტო არჩევნების შედეგებიდან გამომდინარე, დაფინანსების მიღების უფლება 14-მა პარტიამ მოიპოვა. ამ მომენტისათვის, ცესკო-სთვის დაფინანსების მისაღებად არ მიუმართავს „ლეიბორისტულ პარტიას“, „მოქალაქეებს“, „გირჩსა“ და „ლელოს“.

25
თემები:
საქართველოს პოლიტიკური ცხოვრება
ქალი ყაყაჩოებში

2021 წლის ჰოროსკოპი: ქალწული ფინანსები, სიყვარული, ჯანმრთელობა

0
(განახლებულია 10:07 25.11.2020)
როგორი იქნება 2021 წელი ქალწულებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – თეთრი ხარის წელიწადი მარტივი არ იქნება, მაგრამ რამდენადაც ქალწულები ზოდიაქოს ბრძენ ნიშანთა რიცხვს განეკუთვნებიან, ისინი ნებისმიერი პრობლემიდან გარკვეული გაკვეთილის გამოტანას ცდილობენ, რათა ერთი და იგივე შეცდომა არ გაიმეორონ. 2021 წელს ეს პრობლემები, ძირითადად, უმნიშვნელო იქნება და ხშირად თავად ქალწულების გადაწყვეტილებაზე არ იქნება დამოკიდებული.

ქალწული: ანალიტიკოსი, ორგანიზებული, მოწესრიგებული - ზოგადი დახასიათება>>

ქალწული მამაკაცი

მამაკაც ქალწულებს, შესაძლოა, რაღაც გეგმები ჩაუვარდეთ, ჰქონდეთ გარკვეული გაუგებრობები და თავდაჯერებულობის მოულოდნელი შერყევები. ბევრი სირთულე არაპროგნოზირებადი იქნება, რაც გადაწყვეტილების მოძებნის მცდელობაზე უარყოფითად აისახება. ასტროლოგები გირჩევენ, ყოველგვარ მოვლენას რაც შეიძლება მარტივად შეხედოთ.

ფინანსები და სამუშაო: ქალწულებისთვის ყველაზე პროდუქტიული დრო გაზაფხულის პირველი ნახევარი და შემოდგომის მიწურული იქნება. იღბალი ყველა პროფესიის წარმომადგენლების გვერდით დადგება. თქვენ მხოლოდ მოტივაცია და ენთუზიაზმი დაგჭირდებათ. ექსპერტები გირჩევენ, ფულთან დაკავშირებით იფრთხილოთ, ნებისმიერი ნივთი დაფიქრებით იყიდოთ და თანხა ქარს არ გაატანოთ.

სიყვარული და ურთიერთობები: სიყვარულში ქალწულ მამაკაცებს ძალიან გაგიმართლებთ. ეს განსაკუთრებით მათ ეხება, ვისაც თავისი მეორე ნახევარი ჯერ არ უპოვია. ვარსკვლავები და პლანეტები გააძლიერებენ თქვენს მომხიბვლელობას, რაც საწინააღმდეგო სქესის წარმომადგენლებზე განსაკუთრებული შთაბეჭდილების მოხდენაში დაგეხმარებათ.

განწყობა და ჯანმრთელობა: 2021 წელს ქალწულმა მამაკაცებმა ჯანმრთელობას ყურადღება უნდა მიაქციოთ, თუ ასე არ მოიქცევით, შესაძლოა, პრობლემები გაჩნდეს. არ შეიძლება, ყურადღება არ მიაქციოთ ორგანიზმის სიგნალებს იმის თაობაზე, რომ რაღაც წესრიგში არაა.

ზოდიაქოს ყველაზე ქარიზმატული ნიშნები>>

ქალწული ქალი

2021 წელი ქალწულებს ბევრ სასიამოვნო სიახლეს გპირდებათ. იანვრის დასაწყისში შესაძლებელი იქნება ადრე გაწეული სამუშაოს პირველი ნაყოფის მიღება. საუკეთესო იქნება თქვენთვის დროის მუშაობაში ინვესტირება, მაგრამ, ამავდროულად, არ უნდა დაივიწყოთ დროული დასვენებაც. ასტროლოგები ასევე გირჩევენ, რომ სასურველი რეალობად არ მიიღოთ.

ფინანსები და სამუშაო: ფინანსურ სფეროში ქალმა ქალწულებმა აუცილებლად უნდა მოუსმინოთ და ენდოთ საკუთარ ინტუიციას, რომელიც ზოდიაქოს ყველა სხვა ნიშანს შორის თქვენთვის ყველაზე მძლავრი იარაღი გახდება. მეექვსე გრძნობა განსაკუთრებით დაეხმარება შემოქმედებით სფეროებში მოღვაწე ქალწულებს. ძვირადღირებული ნივთების შეძენა უპრიანი ზაფხულში იქნება, სხვა დროს, სჯობს, ამისგან თავი შეიკავოთ.

სიყვარული და ურთიერთობები: ამ ნიშნის ქალებს, მამაკაცების მსგავსად, ვარსკვლავები მომხიბვლელობისა და ქარიზმის განსაკუთრებულ აურას გიბოძებენ. გრძნობებთან დაკავშირებულ საკითხებში ქალწულები წარმატებებს უკვე 2021 წლის პირველივე დღეებიდან მიაღწევთ. შეგიძლიათ პაემანზე წასვლა, ინიციატივის გამოჩენა, მაგრამ მოვლენების დაჩქარება არ ივარგებს.

ყველაზე, ყველაზე... ზოდიაქოს ნიშნების ძლიერი მხარეები>>

განწყობა და ჯანმრთელობა: ამ სფეროში ქალ ქალწულებს უფრო მშვიდი წელი გელოდებათ, ვიდრე მამაკაცებს. განწყობის მკვეთრი ცვლილებები, რომლებიც თქვენს გეგმებს დაარღვევს და იღბალს დაგაშორებთ, მოსალოდნელი არ არის. ზამთარსა და გაზაფხულზე კარგი იქნება, თუ ნეგატიური ჩვევებისგან გათავისუფლდებით.

გაეცანით ასევე 2021 წლის ჰოროსკოპს ვერძებისკუროებისტყუპების, კირჩხიბებისა და ლომებისთვის.

0