აქცია ზუგდიდში

ქართული ოპოზიცია ახალ შეზღუდვებს პროტესტის წინააღმდეგ ბრძოლად აფასებს

86
მმართველ პარტიაში განმარტეს, რომ შეზღუდვები სპეციალურად 9 ნოემბრიდან წესდება, რათა ოპოზიციას რაიმე პრეტენზია არ ჰქონდეს

თბილისი, 7 ნოემბერი – Sputnik. ოპოზიციური პარტიების ლიდერებმა კორონავირუსის გავრცელების გამო ახალი შეზღუდვების დაწესება მიტინგების წინააღმდეგ ბრძოლად და საპროტესტო ტალღის შეჩერების სურვილად შეაფასეს.

დღეს დილით ცნობილი გახდა, რომ 9 ნოემბრიდან თბილისში, ქუთაისში, ბათუმში, რუსთავში, ზუგდიდში, გორსა და ფოთში, 22:00 საათიდან დილის 5 საათამდე გადაადგილება იზღუდება. აკრძალვამდე ერთი დღით ადრე, 8 ნოემბერს ოპოზიციას თბილისში და ბათუმში ორი მასშტაბური საპროტესტო აქცია აქვს დაგეგმილი.

„ქართულმა ოცნება“ გადაწყვიტა, რომ ამ კომენდანტის საათით და ქალაქების ჩაკეტვით შეამციროს ადამიანების მიმოსვლა აქციებზე და ზუსტად, იმის მაგივრად, რომ გაყალბებული არჩევნების საჩივრები განეხილა და იმის მაგივრად, რომ ყველა სარჩელი დაეკმაყოფილებინა, იმიტომ რომ წარმოუდგენელი მასშტაბის გაყალბებაზეა საუბარი და მათ შორის მიეღო ჩვენი წინადადება ახალ არჩევნებზე და ახალ საარჩევნო ადმინისტრაციაზე, ამის სანაცვლოდ კომენდანტის საათი დააწესა“, – განაცხადა „ერთიანი ნაციონალური მოძრაობის“ წარმომადგენელმა ხატია დეკანოიძემ.

ხოლო „ერთიანი საქართველოს“ ლიდერმა ნინო ბურჯანაძემ ხელისუფლება მიტინგებისთვის წინააღმდეგობის გაწევაში პირდაპირ დაადანაშაულა.

„გასაგებია, რომ ეს სპეციალურად იმისთვის კეთდება, რომ ოპოზიციამ გრძელვადიანი აქციებისთვის ადამიანების მობილიზება ვერ შეძლოს“, - განაცხადა ბურჯანაძემ.

მმართველ პარტიაში კი განაცხადეს, რომ შეზღუდვები სპეციალურად 9 ნოემბრიდან წესდება, რათა ოპოზიციას პრეტენზიები არ ჰქონდეს.

„ხელისუფლებამ კი არ დაუმთხვია დაანონსებულ აქციას, არამედ ხელისუფლებამ თქვა, რომ ორშაბათიდან იქნება ათსაათიანი აკრძალვის შემოღება, რადგან დავაცადოთ და არავის ვათქმევინოთ, რომ რამენაირად პოლიტიკური უფლება ეზღუდებათ. დავაცდით, 8 ნოემბერს აქციას ჩაატარებენ და ორშაბათიდან დაწესდება ეს შეზღუდვა. ჩვენ არც ერთ შემთხვევაში არ ვიზამთ ისე, რომ პოლიტიკასა და შეზღუდვებს შორის დაცული არ იყოს ბალანსი და ვინმეს გამოხატვის თავისუფლებას შეექმნას პრობლემა“, – განაცხადა მმართველი პარტიის წარმომადგენელმა ბექა დავითულიანმა.

კორონავირუსით ინფიცირების დღიური მაჩვენებელი საქართველოში უკვე სამ ათასიან ნიშნულს მიუახლოვდა.

ამასთან, კორონავირუსით ინფიცირებული 14 612 პაციენტიდან კლინიკებში მკურნალობს 4 670, კოვიდ-სასტუმროებში - 2 599, ხოლო 7 343 ადამიანი მკურნალობს საკუთარ საცხოვრებელ სახლში (რაც აქტიური შემთხვევების ნახევარია).

 

86
თემები:
საქართველოს საპარლამენტო არჩევნები 2020 (608)
გიორგი ვაშაძე

ოპოზიციამ 2021 წლის ადგილობრივი არჩევნების სავარაუდო თარიღი დაასახელა

3
საქართველოში ადგილობრივი ხელისუფლების ორგანოების არჩევნები უნდა გაიმართოს ოქტომბერში, მაგრამ კონკრეტული თარიღი - 2 ოქტომბერი - პირველად გაჟღერდა.

თბილისი, 24 ივნისი – Sputnik. საქართველოს მმართველ პარტიას „ქართული ოცნება - დემოკრატიული საქართველო“ არჩევნების ჩატარება 2 ოქტომბერს სურს, განუცხადა ჟურნალისტებს დეპუტატმა გიორგი ვაშაძემ.

საქართველოში ადგილობრივი ხელისუფლების ორგანოების არჩევნები, სადაც მოსახლეობა მუნიციპალიტეტების მერებსა და საკრებულოების დეპუტატებს აირჩევს, 2021 წლის ოქტომბერში უნდა გაიმართოს.

ვაშაძის თქმით, „ქართულ ოცნებას“ სურს და მან დაუდასტურა ეს ოპოზიციას, რომ არჩევნები 2 ოქტომბერს შედგეს. ოპოზიციამ საპასუხოდ წამოაყენა წინადადება, კანონში გაიწეროს წესი, რომელმაც არჩევნების ჩატარების თარიღთან დაკავშირებით ყოველგვარი სპეკულაციები უნდა გამორიცხოს.

ამასთან მან აღნიშნა, რომ ოპოზიციის სურვილია არჩევნები უფრო გვიან ჩატარდეს, მაგრამ მმართველი პარტია დაჟინებით მოითხოვს ამ თარიღს.

ადგილობრივი თვითმმართველობის არჩევნები განსაზღვრავს არა მხოლოდ თვითმმართველობის ორგანოების შემადგენლობას, არამედ, შესაძლოა, ის რიგგარეშე საპარლამენტო არჩევნების საბაბიც გახდეს. ეს იმ შემთხვევაში მოხდება, თუ მმართველი პარტია „ქართული ოცნება“ არჩევნებზე პროპორციული ხმების 43%-ზე ნაკლებს მიიღებს.

3
დეპუტატები

„მატყუარა კაცების პარლამენტი“: რამ გამოიწვია ქალი–დეპუტატების უკმაყოფილება

15
(განახლებულია 17:34 24.06.2021)
საკანონმდებლო ორგანოში, სადაც საპროტესტო პერფორმანსი გაიმართა, ქალთა უფლებების დამცველი ორგანიზაციების წარმომადგენლებიც იმყოფებოდნენ.

 

თბილისი, 24 ივნისი — Sputnik.  პარლამენტის სხდომათა დარბაზში ოპოზიციონერმა ქალმა დეპუტატებმა ხათუნა სამნიძემ და ანა წითლიძემ თვითმმართველობის არჩევნებისთვის პარტიულ სიებში ქალთა კვოტების შემცირების წინააღმდეგ პროტესტის გამოსახატავად პერფორმანსი გამართეს. 

მმართველმა პარტია „ქართული ოცნება – დემოკრატიულმა საქართველომ“ პარტიულ სიებში ქალთა კვოტების ცვლილების გადაწყვეტილება მიიღო – სიაში ყოველი მეორე ქალის ნაცვლად, ქალი ყოველი მესამე უნდა იყოს.

აღნიშნული გადაწყვეტილების პროტესტის ნიშნად სამნიძემ და წითლიძემ პარლამენტის სხდომათა დარბაზის აივნიდან ბანერი „მატყუარა მამაკაცების პარლამენტი“ გადმოფინეს.

მმართველ პარტიაში აღნიშნულ საკითხთან დაკავშირებით ოპოზიციური პარტიების უკმაყოფილებას გაუგებარს უწოდებენ და აცხადებენ, რომ თითოეულ პარტიას საკუთარი სურვილით შეუძლია საარჩევნო სიებში ქალების რაოდენობის გაზრდა და მათ ამას არავინ უკრძალავს.

მოცემულ მომენტში სხდომათა დარბაზში საქართველოს საარჩევნო კოდექსში ცვლილებების მუხლობრივი განხილვა მიმდინარეობს.

15
თემები:
საქართველოს პარლამენტი