აქცია

აქციები და პანდემია: საქართველოს ხელისუფლებამ, შესაძლოა, ახალი შეზღუდვები დააწესოს

95
(განახლებულია 18:24 06.11.2020)
მმართველი პარტია პანდემიის შესაკავებლად დამატებითი ზომების მიღებას არ გამორიცხავს, ოპოზიცია კი ფიქრობს, რომ მთავრობა კორონავირუსს ადამიანების შესაშინებლად იყენებს.

თბილისი, 6 ნოემბერი – Sputnik. მმართველი პარტია „ქართული ოცნების“ აღმასრულებელი მდივანი ირაკლი კობახიძე აცხადებს, რომ მთავრობამ, შესაძლოა, დამატებითი წერტილოვანი შეზღუდვების დაწესების გადაწყვეტილება მიიღოს. 

საქართველოში, არჩევნების დღიდან დაწყებული, დედაქალაქსა და სხვა დიდ ქალაქებში ქუჩის საპროტესტო აქციები მიმდინარეობს. ყველაზე მასშტაბური აქცია არჩევნების მეორე დღეს, 1 ნოემბერს გაიმართა, როდესაც თბილისში პარლამენტის წინ ოპოზიციური პარტიების რამდენიმე ათასი მხარდამჭერი შეიკრიბა. მათი დიდი ნაწილი პირბადის გარეშე იმყოფებოდა და არ იცავდა სოციალურ დისტანციას. უსაფრთხოების წესებისა და ზომების დაცვა არც საოლქო საარჩევნო კომისიების პიკეტირების დროს ხდებოდა.

კობახიძის თქმით, „ლოკდაუნი“ გამორიცხულია, თუმცა, ღამის საათებში გადაადგილებას რაც შეეხება, როდესაც საუბარია წერტილოვან შეზღუდვებზე, მსგავსი ზომა შესაძლებელია.

„რაც ​შეეხება ლოკდაუნს, ეს არის გამორიცხული, რადგან ქართული ეკონომიკისთვის ეს არის შეუძლებელი. ეკონომიკა, ბუნებრივია, უნდა აგრძელებდეს აქტიურად მუშაობას. რაც შეეხება წერტილოვან შეზღუდვებს, როგორიც არის გარკვეულ საათებში გადაადგილების შეზღუდვა, ეს, რა თქმა უნდა, სრულიად მისაღებია და შეიძლება ასეთი ზომები მიიღოს მთავრობამ“, – განაცხადა ირაკლი კობახიძემ. 

ოპოზიციაში დარწმუნებული არიან, რომ ხელისუფლება ცდილობს მოსახლეობის დაშინებას, რათა ხალხი საპროტესტო აქციებზე არ გამოვიდეს.

„ეს არის ყველაზე დიდი ამორალური საქციელი, რაც შეიძლება ჩაიდინოს ამ ამორალურმა ხალხმა... ხალხი აქციაზე მოვა თავისით, პირბადეებით და მაქსიმალურად შეეცდება, ყველა ეს ნორმა იყოს დაცული. ის, რომ ამ ვითარებაში ვართ და ამდენი ინფიცირებულია ქვეყანაში, ეს, პირველ რიგში, არის მთავრობის პასუხისმგებლობა. მათ არაფერი გააკეთეს მთელი ამ პერიოდის განმავლობაში, რათა ასეთი აფეთქება თავიდან აგვეცილებინა“, – განაცხადა „ევროპული საქართველოს“ წევრმა სერგი კაპანაძემ.

ამასთან, კაპანაძემ აღნიშნა, რომ ოპოზიციის წარმომადგენლები, რომლებიც მიმდინარე პროცესებში მონაწილეობენ, რეგულარულად იტარებენ COVID-19-ის ტესტს.

ოპოზიციური პარტია „ერთიანი საქართველო - დემოკრატიული მოძრაობის“ ერთ-ერთი ლიდერი ანზორ ბიწაძე ფიქრობს, რომ თუ ქვეყანაში პანდემიის დროს ჩატარდა არჩევნები, აქციებიც პოლიტიკური პროცესის ნაწილია.

„ჩვენ ვართ პირველი პარტია, რომელმაც ხელისუფლებას ჯერ კიდევ სექტემბრის შუა რიცხვებში შესთავაზა – თუ პანდემიის გამწვავება იყო მოსალოდნელი, გადაედო არჩევნები. ივანიშვილს სურდა დროზე გადაეგორებინა ეს არჩევნები, რადგან იცოდა, რომ გაზაფხულზე მისი რეიტინგი კიდევ უფრო დაეცემა. ხუთი დღის წინ 3,8 ათას უბანზე ხალხი არჩევნებზე გამოიყვანეს. ორი მილიონი კაცის გამოყვანა შეიძლება და ათეულობით ათასის არა?! რადგან ჩატარდა არჩევნები და რადგან ჩატარდა პოლიტიკური პროცესები, მაშინ აქციებიც პოლიტიკური პროცესის ნაწილია. თუ პანდემია ადარდებდა ხელისუფლებას, მაშინ უნდა გადაედო არჩევნები. რატომაც არ გადადეს, ეს ნათელია“, – განაცხადა ბიწაძემ. 

საქართველოში ბოლო ორ თვეში მნიშვნელოვნად გაუარესდა ეპიდემიოლოგიური ვითარება. კორონავირუსით ინფიცირებულთა საერთო რაოდენობამ 52 ათასს მიაღწია. კლინიკები ინფიცირებული პაციენტებით გადავსებულია და ჯანდაცვის სისტემას სულ უფრო მეტად უჭირს ვირუსის მართვა. ამიტომ ხელისუფლება მოქალაქეებს მოუწოდებს, მაქსიმალურად შეიკავონ თავი მასობრივი შეკრებებისგან, დაიცვან უსაფრთხოების ნორმები და წესები.

როგორც პრემიერმა გიორგი გახარიამ განაცხადა, მობილობა და ქუჩის აქციები ვირუსის პიკს დააჩქარებს და ინფიცირების სწრაფ ზრდას გამოიწვევს. ამის მიუხედავად ხელისუფლება არ აპირებს სრული „ლოკდაუნის“ გამოცხადებას. როგორც მთავრობაში აღნიშნავენ, ისინი პატივს სცემენ მოქალაქეთა თვითგამოხატვის თავისუფლებას, მაგრამ ამავდროულად მათ უსაფრთხოების ზომების დაცვისკენ მოუწოდებენ.

95
თემები:
საქართველოს საპარლამენტო არჩევნები 2020 (608)
ცესკო

ცესკო: ახალმა პარტიებმა ადგილობრივი არჩევნებისთვის რეგისტრაცია 14 ივლისამდე უნდა გაიარონ

18
(განახლებულია 09:16 13.06.2021)
ადგილობრივი არჩევნები საქართველოში ოქტომბერში ჩატარდება. საქართველოს მოქალაქეები აირჩევენ მუნიციპალიტეტების მერებსა და ადგილობრივი საკრებულოების წევრებს.

თბილისი, 13 ივნისი – Sputnik. იმ პარტიებმა, რომლებსაც 2020 წლის საპარლამენტო არჩევნებში მონაწილეობა არ მიუღიათ, ადგილობრივ არჩევნებში მონაწილეობის მისაღებად ცესკოში რეგისტრაცია 14 ივლისამდე უნდა გაიარონ, ნათქვამია ცესკოს ვებგვერდზე.

ადგილობრივი არჩევნები საქართველოში მიმდინარე წლის ოქტომბერში ჩატარდება. ქალაქებისა და რაიონების მოსახლეობა აირჩევს მუნიციპალიტეტების მერებსა და ადგილობრივი საკრებულოების წევრებს.

ცესკო შეახსენებს პარტიებს, რომ თუ ბოლო საპარლამენტო არჩევნებზე მათ რეგისტრაცია არ გაუვლიათ ან პარლამენტში არ ჰყავთ საკუთარი წარმომადგენელი, ადგილობრივ არჩევნებში მონაწილეობის მისაღებად განცხადებით უნდა მიმართონ ცენტრალური საარჩევნო კომისიის (ცესკოს) თავმჯდომარეს 14 ივლისამდე.

დანარჩენ პარტიებს განცხადებები შეაქვთ არჩევნების დღემდე არაუგვიანეს 57-ე დღისა.

რაც შეეხება ახალ პარტიებს, ისინი ვალდებული არიან პარტიის მხარდამჭერთა სიის ნიმუშის მიღებიდან 60 დღის ვადაში, მაგრამ არაუგვიანეს 1 აგვისტოსი, ცესკოს წარუდგინონ მუნიციპალიტეტის წარმომადგენლობითი ორგანოს - საკრებულოს არჩევნებში პარტიის მონაწილეობის მხარდამჭერი არანაკლებ 25 ათასი ამომრჩევლის სია. ასევე ამონაწერი რეესტრიდან პარტიის რეგისტრაციაზე.

18
ცესკოს შენობა

ცესკომ არჩევნების ელექტრონული მოდელი გატესტა: პარტიები კმაყოფილი არიან

33
(განახლებულია 23:22 12.06.2021)
ელექტრონული არჩევნების დასანერგად საქართველოს პარლამენტმა შეიმუშავა ცვლილებები საარჩევნო კოდექსში და ახლა დეპუტატებმა მათ კენჭი უნდა უყარონ.

თბილისი, 12 ივნისი – Sputnik. ცენტრალურ საარჩევნო კომისიაში ახალი ელექტრონული მოდელით იმიტირებული არჩევნები ჩატარდა, რომელიც ოპოზიციურმა პარტიებმა და დამკვირვებლებმა დადებითად შეაფასეს.

ელექტრონული არჩევნების სისტემა - კენჭისყრის ახალი სისტემაა, რომელმაც უნდა უზრუნველყოს სამართლიანი არჩევნების ჩატარება და გაყალბების თავიდან აცილება.

აღნიშნული მოდელი გულისხმობს საარჩევნო უბნებზე ამომრჩეველთა ელექტრონულ რეგისტრაციას, ხოლო თავად ბიულეტენები იქნება აღჭურვილი სპეციალური შტრიხკოდებით, რომელთა გაყალბებაც შეუძლებელია.

გარდა ამისა, ხმების დათვლა კამერების წინ მოხდება, ხოლო დათვლის დროს ბიულეტენების სკანირება მოხდება.

აღნიშნული საპილოტო მოდელი მნიშვნელოვანია იმისათვის, რომ საარჩევნო კოდექსში შესატან ცვლილებებზე შექმნილი სამუშაო ჯგუფის ფარგლებში განხილულ იქნას ყველა შესაძლო რისკი, რათა საბოლოო გადაწყვეტილება მივიღოთ, განაცხადა ცესკოს მოადგილე გიორგი შარაბიძემ.

ოპოზიცია კმაყოფილია

ოპოზიციური პარტიების ლიდერები არჩევნების ახალი მოდელით კმაყოფილი დარჩნენ.

„ამ ტექნოლოგიების გამოყენებით მინიმუმამდეა დაყვანილი გაყალბების შანსი, ეს ინოვაცია მოვიფიქრეთ გაყალბების პრევენციისთვის, რომელიც აქ ხდება. 90-95%- ით შემცირებულია გაყალბების შემთხვევები ამ ტექნოლოგიებით“, - განაცხადა პარტია „სტრატეგია აღმაშენებლის“ ლიდერმა გიორგი ვაშაძემ.

ხოლო „ლელო საქართველოსთვის წარმომადგენელმა საბა ბუაძემ აღნიშნა, რომ ახლა საჭიროა ამ ტექნოლოგიების დროული დანერგვა.

„კრიტიკულად მნიშვნელოვანია, რომ ეს პროცესი წარიმართოს დროულად და სიახლეები დანერგილი იყოს იმგვარად, რომ თვითმმართველობის არჩევნებზე უკვე მთელი საქართველოს მასშტაბით იყოს გამოყენებული“, - განაცხადა ბუაძემ.

ადგილობრივი არჩევნები საქართველოში მიმდინარე წლის ოქტომბერში ჩატარდება. ქალაქებისა და რაიონების მოსახლეობა აირჩევს მუნიციპალიტეტების მერებსა და ადგილობრივი საკრებულოების წევრებს.

ელექტრონული არჩევნების დასანერგად საქართველოს პარლამენტმა საარჩევნო კოდექსში შესატანი ცვლილებები შეიმუშავა და ახლა დეპუტატებმა მათ კენჭი უნდა უყარონ.

33
მეხანძრე-მაშველებმა 13 ივნისს დაღუპულთა ხსოვნას პატივი მიაგეს

მეხანძრე-მაშველებმა 13 ივნისს დაღუპულთა ხსოვნას პატივი მიაგეს

0
(განახლებულია 12:32 13.06.2021)
13 ივნისის სტიქიამ 21 ადამიანის სიცოცხლე იმსხვერპლა, ორი ადამიანი კი ამ დრომდე დაკარგულად ითვლება. დაიღუპა დაახლოებით 300 ცხოველი

თბილისი, 13 ივნისი - Sputnik. საგანგებო სიტუაციების მართვის სამსახურის თანამშრომლები 13 ივნისს გარდაცვლილთა მემორიალთან მივიდნენ და დაღუპულთა ხსოვნას პატივი მიაგეს, ნათქვამია უწყების მიერ გავრცელებულ განცხადებაში.

მემორიალთან იმყოფებოდნენ საგანგებო სიტუაციების მართვის სამსახურის სახანძრო-სამაშველო ძალების დეპარტამენტის უფროსის მოადგილე სამოქალაქო უსაფრთხოების პოლკოვნიკი მამუკა სეფიაშვილი და თბილისის მთავარი სამმართველოს უფროსი, სამოქალაქო უსაფრთხოების ვიცე-პოლკოვნიკი ოთარ კერესელიძე.

ზურაბ მუზაშვილი 13 ივნისის მოვლენების დროს ერთ-ერთი პირველი იყო იმ მაშველთაგან, ვინც სტიქიის ეპიცენტრში გამოცხადდა. სამაშველო ოპერაციის მსვლელობისას მან 6 ადამიანის სიცოცხლის გადარჩენა შეძლო, თვითონ კი წყლიდან გამოსვლა ვეღარ მოახერხა.

Разрушенная наводнением трасса Ваке-Сабуртало и ущелье, где текла речка Вере. Из серии Тбилисское наводнение 13 июня
© Sputnik / Alexander Imedashvili
2015 წლის 13 ივნისის დამანგრეველი წყალდიდობა თბილისში2015 წლის 13 ივნისის დამანგრეველი წყალდიდობა თბილისში

2015 წლის 13 ივნისს ადიდებულმა მდინარე ვერემ დატბორა საცხოვრებელი სახლები, ზოოპარკი, „მზიურის" პარკი, თამაზ ელიზბარაშვილის ძაღლების კერძო თავშესაფარი და ასევე მოშალა ქალაქის ინფრასტრუქტურა. სტიქიამ 21 ადამიანის სიცოცხლე იმსხვერპლა, ორი ადამიანი კი ამ დრომდე დაკარგულად ითვლება. დაიღუპა დაახლოებით 300 ცხოველი.

Разрушенная наводнением трасса Ваке-Сабуртало. Из серии Тбилисское наводнение 13 июня
photo: Sputnik / Kakhi Bilanishvili
Разрушенная наводнением трасса Ваке-Сабуртало. Из серии "Тбилисское наводнение 13 июня"

ოფიციალური ვერსიით, ტრაგედიის მიზეზი წყნეთი-ბეთანიის დამაკავშირებელ გზაზე ჩამოწოლილი მეწყერი გახდა. დაახლოებით ერთი მილიონი კუბური მეტრი მიწის მასის ჩამოსვლამ ვერეს ხეობაში წყალდიდობა და გამანადგურებელი პროცესები გამოიწვია. მოვარდნილმა ღვარცოფმა გაანადგურა საცხოვრებელი სახლები, გზები, ხიდები, გვირაბები, საყრდენი კედლები, საკომუნიკაციო სისტემები. თითქმის მთლიანად დაიტბორა „მზიურისა" და ზოოპარკის ტერიტორია.

 

ზარალმა დაახლოებით 90 მილიონი დოლარი შეადგინა.

0