მიხეილ სააკაშვილის გამოსვლა

მიხეილ სააკაშვილი: „კოვიდმა არ უნდა შეგვაჩეროს საქართველოსთვის ბრძოლაში“

89
სააკაშვილმა მოუწოდა საარჩევნო ადმინისტრაციის წარმომადგენლებს, უახლოეს დღეებში აღიარონ მათ მიერ ჩადენილი არჩევნების გაყალბება. ამით ისინი პასუხისმგებლობას აირიდებენ და იქნებიან მხარდაჭერილი გარდამავალი ხელისუფლების მიერ.

თბილისი, 5 ნოემბერი – Sputnik. საპარლამენტო არჩევნების გაყალბების აღიარების შემთვევაში საარჩევნო ადმინისტრაციის წარმომადგენლებს მიეცემათ ხელშეუხებლობის გარანტიები, განაცხადა საქართველოს ექს-პრეზიდენტმა მიხეილ სააკაშვილმა ვიდეომიმართვის დროს თავის Facebook-გვერდზე.

„კოვიდის ეპიდემია პრაქტიკულად გახდა უკონტროლო იმის გამო, რომ მთელი რიგი ქმედებები ხელოვნურად არ განხორციელდა ივანიშვილის მთავრობის მიერ. ახლა გამოყენებულია ივანიშვილის მიერ, რათა ქვეყანა ჩაკეტოს, რათა ხალხში შექმნას პანიკა, რათა ხალხმა არ დაიცვას თავისი არჩევანის შედეგები. მინდა, ვუთხრა ყველას, რა თქმა უნდა კოვიდი არის საშიში და რა თქმა უნდა, მაქსიმალურად გვჭირდება პირადი ჰიგიენის დაცვა, ნიღბების გამოყენება, ხელების დაბანა, მაგრამ ამავე დროს მინდა გითხრათ, რომ ამან არ უნდა შეგვაჩეროს საქართველოსთვის ბრძოლაში, საქართველოს გადარჩენაში და თითოეული ჩვენგანის, ოჯახის, შვილების გადარჩენის საქმეში“, – განაცხადა მიხეილ სააკაშვილმა.

მან მოუწოდა საარჩევნო ადმინისტრაციის წარმომადგენლებს, უახლოეს დღეებში აღიარონ მათ მიერ ჩადენილი არჩევნების გაყალბება. ამით ისინი პასუხისმგებლობას აირიდებენ და იქნებიან მხარდაჭერილი გარდამავალი ხელისუფლების მიერ.

„მინდა, მივმართო საარჩევნო ადმინისტრაციაში გაყალბების უშუალო შემსრულებლებს, თქვენ რაც გააკეთეთ, ეს არის მძიმე სისხლის სამართლის დანაშაული. გაძლევთ გარანტიას და დარწმუნებული ვარ, ამას ყველა დაეთანხმება, რომ ვინც ახლა გამოვა და მოყვება, როგორ ხდებოდა გაყალბება, მოგეცემათ არამხოლოდ სრული ხელშეუხებლობის გარანტიები, არამედ ყველანი წახალისდებით და იქნებით მხარდაჭერილი საქართველოს გარდამავალი ხელისუფლების. მინდა, ამ საათებში, ამ წუთებში, უახლოეს ერთ-ორ დღეში ყველანი დაფიქრდეთ, რაზე მოგაწერინეს ხელი ნებსით თუ უნებლიედ, რამხელა დანაშაულში მიგაღებინეს მონაწილეობა და რამდენად მნიშვნელოვანია ქართველი ხალხისთვის ახლა სიმართლის თქმა“, - განაცხადა სააკაშვილმა.

მთავარი ოპოზიციური პარტიის, „ერთიანი ნაციონალური მოძრაობის“ დამაარსებლის თქმით, ბრძოლა მანამ უნდა გაგრძელდეს, სანამ „ივანიშვილი არ აღიარებს და არ დააბრუნებს ნაძარცვ არჩევნებს“.

საქართველოში საპარლამენტო არჩევნები 31 ოქტომბერს გაიმართა. მის შედეგებს ოპოზიცია არ აღიარებს და მისი არალეგიტიმურობის ცნობას მოითხოვს. ყველა ოპოზიციურმა პარტიამ და ბლოკმა, რომლებიც წინასწარი შედეგების მიხედვით პარლამენტში მოხვდნენ, უკვე მოაწერა ხელი მემორანდუმს, რომლის მიხედვით მათ უარი თქვეს მანდატებზე და არჩევნების მეორე ტურში მონაწილეობაზე.

მეორე დღეა საოლქო საარჩევნო კომისიებთან ოპოზიციის აქციები იმართება. ოპოციზიური პარტიების წარმომადგენლები კომისიების სხდომებზე დასწრებას მოითხოვენ, რადგან მათ მიერ ხმების ხელახალ დათვლას არ ენდობიან. კომისიებთან მობილიზებული პოლიცია მათ ამის საშუალებას არ აძლევს.

ცესკოს მონაცემებით, მმართველმა პარტია „ქართულმა ოცნებამ“ ამომრჩეველთა ხმების 48,23% მიიღო და 13 მაჟორიტარულ ოლქში არჩევნების მოგების შედეგად მას პარლამენტში უმრავლესობა ეყოლება.

მმართველ პარტიაში ოპოზიციის ქმედებებს განზრახ დესტრუქციულს, დესტაბილიზაციისკენ მიმართულს უწოდებენ და აცხადებენ, რომ არჩევნები იყო სამართლიანი და თავისუფალი, რასაც საერთაშორისო სადამკვირვებლო მისიები მოწმობენ.

 

 

89
თემები:
საქართველოს საპარლამენტო არჩევნები 2020 (596)
ცესკო

არჩევნების შედეგების გამოცხადების თარიღი ცნობილია: რას მოიმოქმედებს ოპოზიცია

32
საბოლოო შედეგების შეჯამების შემდეგ საქართველოს პრეზიდენტი 10 დღის განმავლობაში მეათე მოწვევის პარლამენტის პირველ სხდომას დანიშნავს

თბილისი, 1 დეკემბერი – Sputnik. ცენტრალური საარჩევნო კომისია 3 დეკემბრის სხდომაზე საპარლამენტო არჩევნების საბოლოო შედეგებს შეაჯამებს, ნათქვამია უწყების განცხადებაში.

ცესკოს ვებგვერდზე განთავსებული განცხადების თანახმად, სხდომაზე დაგეგმილია მაჟორიტარული არჩევნების მეორე ტურის შედეგების და საპარლამენტო არჩევნების საერთო შედეგების შეჯამება.

საქართველოში საპარლამენტო არჩევნები 31 ოქტომბერს ჩატარდა. შედეგად, 30 მაჟორიტარული ოლქიდან 17-ში დაინიშნა მეორე ტური. 22 ნოემბერს მაჟორიტარ დეპუტატთა არჩევნების მეორე ტური გაიმართა. ოპოზიციის კანდიდატებმა უარი თქვეს მასში მონაწილეობაზე, თუმცა ნომინალურად მაინც იყვნენ ბიულეტენებში.

საბოლოო შედეგების შეჯამების შემდეგ, საქართველოს პრეზიდენტი სალომე ზურაბიშვილი მეათე მოწვევის პარლამენტის პირველ სხდომას დანიშნავს. ამისთვის მას 10 დღე ექნება.

რთული არჩევნები

ოფიციალური შედეგების თანახმად, ქვეყნის მმართველმა პარტიამ პირველად საქართველოს პოლიტიკურ ისტორიაში ძალაუფლების შენარჩუნება შეძლო.

წინასწარი გათვლებით, პარტია „ქართული ოცნება - დემოკრატიულ საქართველოს" ქვეყნის საკანონმდებლო ორგანოში 90 ადგილი ექნება, რაც მას საშუალებას მისცემს პარლამენტის თავმჯდომარე და კომიტეტის თავმჯდომარეები აირჩიოს, ჩამოაყალიბოს მთავრობა და მიიღოს ნებისმიერი კანონი, ოპოზიციასთან შეთანხმების გარეშე.

რვა ოპოზიციური პარტია და ბლოკი, რომლებმაც საარჩევნო ბარიერი გადალახეს, გაინაწილებენ დარჩენილ 60 ადგილს და გავლენის მოხდენას მხოლოდ საქართველოს კონსტიტუციასა და მიწის შესახებ კანონში ცვლილებების მიღებაზე შეძლებენ.

ამასთან, ოპოზიცია არ ეთანხმება არჩევნების შედეგებს და ამტკიცებს, რომ მმართველმა პარტიამ გამოიყენა თავისი გავლენა ცესკოში და არჩევნები გააყალბა. უფრო მეტიც, ოპოზიციური პარტიები არ აპირებენ თავიანთი საპარლამენტო მანდატების გამოყენებას და თავიანთი პროპორციული სიების ჩახსნას აპირებენ.

გარდა ამისა, ბოლო რამდენიმე დღის განმავლობაში ოპოზიციამ აქტიური კონსულტაციები დაიწყო აქციის მომზადებაზე, რომელიც პარლამენტის სხდომის პირველ დღეს გაიმართება. ის ჩატარდება მეტეხის ტაძრის ეზოში, სადაც პარლამენტში შესული ოპოზიციონერი დეპუტატები ხელს მოაწერენ მემორანდუმს, რომ არ შევლენ პარლამენტში და რიგგარეშე სამართლიან არჩევნებს მოითხოვენ.

ოპოზიციის მხრიდან საბოლოო ბოიკოტამდე, საერთაშორისო შუამავლები - ევროკავშირისა და აშშ-ს საელჩოები კვლავ ცდილობენ იპოვონ კომპრომისი მმართველ პარტიასა და ოპოზიციას შორის, რათა მან მანდატებზე უარი არ თქვას.

მხარეებმა უკვე ჩაატარეს მოლაპარაკებების ორი რაუნდი, რომელიც ოპოზიციის მხრიდან რიგგარეშე არჩევნების მოთხოვნით დასრულდა. რაც შეეხება მმართველ პარტიას, „ქართულმა ოცნებამ“ თავისი წინადადებები უნდა წარადგინოს მოლაპარაკებების მესამე რაუნდში, რომლის თარიღი ჯერ არ არის ჩანიშნული.

იმავდროულად, პარლამენტის პირველი სხდომა უნდა ჩატარდეს 13 დეკემბრამდე და თუ შეთანხმება ვერ იქნება მიღწეული, მას მხოლოდ და მხოლოდ პარტია „ქართული ოცნება - დემოკრატიული საქართველო“ დაესწრება და პარლამენტის მთელ სტრუქტურას თავისი რიგებიდან აირჩევს.

ამ შემთხვევაში პარლამენტში იქნება 90 კაციანი ერთი ფრაქცია, რომელიც მომდევნო ოთხი წლის განმავლობაში გამართავს სხდომებს და მიიღებს ყველა კანონს ოპონენტების კრიტიკის გარეშე.

მისი პირველი ორი გადაწყვეტილება იქნება მინისტრთა კაბინეტის დამტკიცება და 2021 წლის ბიუჯეტის მიღება.

32
თემები:
საქართველოს საპარლამენტო არჩევნები 2020 (596)
გიორგი ვოლსკი

ვოლსკი: ოპოზიცია ქვეყანაში დაუმორჩილებლობის ტალღის აგორებას ვერ შეძლებს

43
(განახლებულია 21:35 01.12.2020)
მმართველი გუნდის ერთ-ერთი ლიდერის განმარტებით, ოპოზიციის წარმომადგენლების განცხადებები ერთნაირია შინაარსითა და პათოსით, მიზანი კი ქვეყანაში დესტაბილიზაციის შექმნაა.

თბილისი, 1 დეკემბერი – Sputnik. საქართველოს პარლამენტის პირველმა ვიცე-სპიკერმა გიორგი ვოლსკიმ განაცხადა, რომ ოპოზიცია ქვეყანაში დაუმორჩილებლობის მეორე ტალღას ვერ ააგორებს, რამდენადაც ხალხს კარგად ესმის, თუ რამდენად მძიმე გამოწვევის წინაშე დგას საქართველო და მსოფლიო. 

ასე გამოეხმაურა ვოლსკი ოპოზიციური პარტია „გირჩის“ ლიდერის ზურაბ ჯაფარიძის განცხადებას, რომელმაც მოსახლეობას მოუწოდა, არ დაემორჩილონ შემზღუდველ რეგულაციებს, რადგან ბევრი მათგანი კონსტიტუციას ეწინააღმდეგება. საკონსტიტუციო სასამართლოში შესაბამისი სარჩელი უკვე შესულია.

„მუქარა, რომ საქართველო დაუმორჩილებლობამ უნდა მოიცვას, ყოველივე ეს ამ ოპოზიციური ერთობის საერთო განწყობა და შინაარსია, რომელიც ქვეყანას დესტაბილიზაციით ემუქრება“, – განაცხადა ვოლსკიმ ჟურნალისტებთან.

ქვეყანაში მკვეთრად გაუარესებული ეპიდვითარების გამო მთავრობამ 28 ნოემბრიდან მკაცრი შეზღუდვები შემოიღო. 

ცერცვაძე: ვირუსის გართულებები საფრთხეს უქმნის როგორც ხანდაზმულებს, ასევე ახალგაზრდებს>>>

დიდ ქალაქებში არ მუშაობს მუნიციპალური ტრანსპორტი, დაიკეტა სავაჭრო ცენტრები, ბაზრობები (გარდა აგრარული ბაზრებისა), ფიტნეს–დარბაზები და აუზები, სასწავლო დაწესებულებები მუშაობის დისტანციურ რეჟიმზეა გადასული. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

შსს-ს ცნობით, სამართალდამცველებმა ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 984 ფაქტი გამოავლინეს – 79 ფიზიკური პირი „იზოლაციის ან/და კარანტინის წესის დარღვევის“ ფაქტზე, 905 კი პირბადის ტარების წესის დარღვევისთვის დაჯარიმდა.

პირბადის ტარების წესის დარღვევა იწვევს ადმინისტრაციულ პასუხისმგებლობას და ჯარიმას 20 ლარის ოდენობით. იზოლაციისა და კარანტინის წესის დარღვევა კი იწვევს ადმინისტრაციულ პასუხისმგებლობასა და ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. დარღვევის გამეორება სისხლის სამართლებრივ პასუხისმგებლობას ითვალისწინებს.

43
თემები:
COVID-19 საქართველოში
სულისა და სხეულის ჰარმონია- ქალი ზღვის პირას

2021 წლის ჰოროსკოპი: სასწორი ფინანსები, სიყვარული, ჯანმრთელობა

0
(განახლებულია 11:11 01.12.2020)
როგორი იქნება 2021 წელი სასწორებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

ასტროლოგების აზრით, 2021 წელს ვითარება გაუმჯობესდება და წელი უფრო მშვიდი იქნება, ვიდრე 2020 ნაკიანი წელიწადი. და მაინც, ხარის წელიწადს მოდუნება არ ივარგებს, რადგან ამ წლის მფარველი კეთილგანწყობილია მათ მიმართ, ვისაც შრომა უყვარს და პასუხისმგებლობას არ გაურბის.

ასე რომ, სასწორის ნიშნით დაბადებულებს 2021 წელს ბევრში შრომა მოგიწევთ. მთავარია, თქვენი ენერგია და ძალა საჭირო მიმართულებით დახარჯოთ.

სასწორები საჭიროებენ განმარტოებას, რათა დაფიქრდნენ ამ ცხოვრებაზე და მშვიდ ვითარებაში შეადგინონ მოქმედებების გეგმა. მაგრამ 2021 წელს ასტროლოგები აქტიურ მოქმედებებს ურჩევენ მათ, წინააღმდეგ შემთხვევაში საკუთარ სამყაროში დიდი ხნით ყოფნა და უმოქმედობა, შესაძლოა, არაერთი უსიამოვნების მიზზი გახდეს.

მამაკაცი სასწორი

სასწორ მამაკაცებს 2021 წელს დაგეხმარებათ სერიოზული საკითხების გადაწყვეტისადმი არასტანდარტული დამოკიდებულების უნარი. ამ წელს ხელს შეგიშლით დიდხანს ფიქრი, ასევე იმპულსურობა და ცვალებადობა. სირთულეებთან გამკლავებაში საკუთარ საქციელზე პასუხისმგებლობის აღება დაგეხმარებათ. თუ ისწავლით უარყოფით ემოციებთან გამკლავებას და ამპარტავნებას მოთოკავთ, თეთრი ხარი თქვენთვის საიმედო მფარველი გახდება.

ზოდიაქოს ნიშნები, რომლებსაც ამ სამყაროში ჰარმონია და წონასწორობა შემოაქვთ>>

ფინანსები და სამუშაო: ასტროლოგები გირჩევენ, მოერიდოთ დაუსრულებელ საქმეებს, რომლებსაც ბევრი ძალა და ენერგია მიაქვს და ხელს გიშლით ახალი იდეების ხორცშესხმაში, რადგან საამისოდ დრო აღარ გყოფნით. ფინანსური მხარე პოზიტიური იქნება, თუ სამუშაოს არ შეუშინდებით და ვალებს მინიმუმამდე დაიყვანთ. მოერიდეთ საეჭვო გარიგებებს – გაქვთ იმის უნარი, რომ ადამიანების ზრახვები ამოიცნოთ.

სიყვარული და ურთიერთობები: სასწორებს ურთიერთობების ახლებურად აწყობა მოგიწევთ – კომპრომისული გადაწყვეტილებების მიღწევითა და იმის აღიარებით, რომ პარტნიორსაც აქვს ხმის უფლება. წარმატება პირად ცხოვრებაში ელოდება მათ, ვინც მზადაა ცვლილებებისთვის და რჩეულთან ერთად კეთილდღეობის გზაზე სიარულისთვის. წინააღმდეგ შემთხვევაში ურთიერთობები შეიძლება დასრულდეს.

განწყობა და ჯანმრთელობა: 2021 წელს თქვენი განწყობაცა და ჯანმრთელობაც სათანადო დონეზე იქნება, მაგრამ ეს არ ნიშნავს, რომ ჯანმრთელობაზე ზრუნვა აღარ გჭრიდებათ. საშიშროება ემუქრება მათ, ვინც ძალიან ბევრს მუშაობს და გადაღლას ყურადღებას არ აქცევს. დროული დასვენება და ფიზიკური დატვირთვები სასარგებლოა როგორც ჯანმრთელობის, ისე კარგი განწყობის შესანარჩუნებლად.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ქალი სასწორი

ასტროლოგები გირჩევენ, „არას“ თქმა ისწავლოთ როგორც საკუთარი წამიერი სურვილების, ისე ტოქსიკური ადამიანებისთვის. ახალ წელს ვინც თავის სისუსტეებს აჰყვება, ფინანსური გაჭირვება ელოდება, ხოლო თუ ტოქსიკურ ადამიანებს დროულად არ შეაჩერებთ, უსიამოვნებების კასკადი გარდაუვალი გახდება. პრობლემებთან გამკლავებაში თავდაჯერებულობა დაგეხმარებათ.

ფინანსები და სამუშაო: ნუ ეცდებით, მთელი ოჯახის ბიუჯეტი თქვენ შეავსოთ. ამ შემთხვევაში ძლიერი გადაღლა და ძალების გამოფიტვა გელოდებათ, ასევე გახდებით გაღიზიანებული. წარმატება ერთბაშად არ მოვა, თუმცა, თუ დროულად დაისვენებთ და ამასთან, ისწავლით ერთპიროვნული გადაწყვეტილებების მიღებას დაყოვნების გარეშე, წარმატებაც მალე გეწვევათ.

სიყვარული და ურთიერთობები: ურთიერთობებში ჰარმონიას ვერ მიაღწევთ, თუ ყველას გულის მოგებას შეეცდებით. მკაფიოდ უნდა გამოკვეთოთ თქვენი პოზიცია, რათა დროულად გაიყვანოთ თქვენი საურთიერთობო წრიდან ის ადამიანები, რომლებსაც თქვენთვის ბედნიერებისა და კეთილდღეობის მოტანა არ შეუძლია. ეს ეხება როგორც ახლობელ ადამიანებთან, ისე კოლეგებთან ურთიერთობებს.

ინდივიდუალური დიეტა ზოდიაქოს ნიშნებისთვის>>

განწყობა და ჯანმრთელობა: ხარის წელიწადში თქვენს განწყობასა და ჯანმრთელობას სერიოზული საფრთხეები არ ელოდება, მაგრამ პოზიტიური განწყობა უნდა შეინარჩუნოთ არა მხოლოდ მაშინ, როცა ყველაფერი კარგად მიდის, არამედ მაშინაც, როცა რთული დრო გიდგათ. ასევე ასტროლოგების რჩევაა, გადახედოთ კვების რაციონს და მასში რაც შეიძლება მეტი სასარგებლო პროდუქტი შეიტანოთ. ეს დაგეხმარებათ, რომ დატკბეთ აქტიური ცხოვრებით და თან ახალგაზრდული იერი შეინარჩუნოთ.

გაეცანით ასევე 2021 წლის ჰოროსკოპს ვერძებისკუროებისტყუპებისკირჩხიბების, ლომებისა და ქალწულებისთვის.

0