ირაკლი კობახიძე

„პასუხს ოპოზიცია აგებს“ კობახიძე მონოპარტიული პარლამენტის პერსპექტივაზე

68
(განახლებულია 17:50 04.11.2020)
„ქართული ოცნება“ პირობას დებს, რომ ყველაფერს გააკეთებს იმისთვის, რათა მეათე მოწვევის პარლამენტი, როგორც ეს ნავარაუდევი იყო, მრავალპარტიული იყოს.

თბილისი, 4 ნოემბერი – Sputnik. მმართველი პარტია „ქართული ოცნება – დემოკრატიული საქართველოს“ აღმასრულებელი მდივანი ირაკლი კობახიძე არასწორად მიიჩნევს, თუ მომავალ პარლამენტში მხოლოდ ერთი პარტია იქნება წარმოდგენილი.

სალომე ზურაბიშვილი თამარ ჟვანიას შეხვდა>>

საპარლამენტო არჩევნები საქართველოში 31 ოქტომბერს გაიმართა. მის შედეგებს ოპოზიცია არ აღიარებს და მისი არალეგიტიმურობის ცნობას მოითხოვს. ყველა ოპოზიციურმა პარტიამ და ბლოკმა, რომლებიც წინასწარი შედეგების მიხედვით პარლამენტში მოხვდნენ, უკვე მოაწერა ხელი მემორანდუმს, რომლის მიხედვით მათ უარი თქვეს მანდატებზე.

„პარლამენტში მხოლოდ „ქართული ოცნების" ყოფნა არ იქნება სწორი სურათი, მაგრამ ამ სურათზე პასუხისმგებელი იქნება ოპოზიცია, რომელსაც არ ექნება ამის გასაკეთებლად საფუძველი. ​ჩვენ ყველაფერს გავაკეთებთ იმისთვის, რომ ყველაფერს ნათელი მოეფინოს“, – განაცხადა კობახიძემ.

მისი თქმით, ოპოზიციის მთავარი არგუმენტი – უზუსტობებია ოქმებში.

„როდესაც ოპოზიცია პარლამენტში არშემოსვლის მიზეზებზე საუბრობს, მთავარ არგუმენტად მოჰყავს უზუსტობები ოქმებში. სწორედ ეს პროცესი წარიმართება ცენტრალურ საარჩევნო კომისიაში, ყველა ერთად შეხედავს, რა ხარისხის იყო ეს უზუსტობები. ამის შემდეგ მათი ერთადერთი არგუმენტი მოიხსნება“, – აღნიშნა კობახიძემ.

  • „ქართული ოცნების“ მხრიდან ყველაფერი გაკეთდება, რომ უზრუნველყოფილი იყოს ის შედეგი, რაც მიღწეული იქნა ამ საარჩევნო სისტემით. ეს არის მრავალპარტიული პარლამენტი, რაც საქართველოში არ ყოფილა 1992 წლიდან მოყოლებული, განაცხადა კობახიძემ.

ცესკოს თავმჯდომარემ თამარ ჟვანიამ გუშინ განაცხადა, რომ საქართველოს ცენტრალური საარჩევნო კომისია ყველა ტიპის არჩევნებში მექანიკური, ტექნიკური და ადამიანური შეცდომების შემცველ 7900-მდე ოქმს სწავლობს.

ცესკოს თავმჯდომარემ აღიარა, რომ დარღვევები იყო და ისინი თითოეულ ფაქტს სწავლობენ.

როგორც მან აღნიშნა, ამ არჩევნებზე მეტი ოქმია შესასწორებელი – ბოლო მონაცემებით, 500-ზე მეტი – მაგრამ ეს იმას არ ნიშნავს, რომ ამ ოქმების რაოდენობა საარჩევნო უბნების რაოდენობას შეესაბამება.

როგორც ცესკოს თავმჯდომარემ აღნიშნა, შესწორების ოქმი არის საარჩევნო კოდექსით დადგენილი სამართლებრივი პროცედურა და ის წარმოადგენს ჩვეულებრივი შემაჯამებელი ოქმის ერთიან შემადგენელ ნაწილს.

თამარ ჟვანიამ ასევე განაცხადა, რომ ცესკომ შესწორების ოქმები უკვე განათავსა თავის ვებ-გვერდზე და Facebook-გვერდზე.

68
თემები:
საქართველოს საპარლამენტო არჩევნები 2020 (608)
გიორგი ვაშაძე

ოპოზიციამ 2021 წლის ადგილობრივი არჩევნების სავარაუდო თარიღი დაასახელა

13
საქართველოში ადგილობრივი ხელისუფლების ორგანოების არჩევნები უნდა გაიმართოს ოქტომბერში, მაგრამ კონკრეტული თარიღი - 2 ოქტომბერი - პირველად გაჟღერდა.

თბილისი, 24 ივნისი – Sputnik. საქართველოს მმართველ პარტიას „ქართული ოცნება - დემოკრატიული საქართველო“ არჩევნების ჩატარება 2 ოქტომბერს სურს, განუცხადა ჟურნალისტებს დეპუტატმა გიორგი ვაშაძემ.

საქართველოში ადგილობრივი ხელისუფლების ორგანოების არჩევნები, სადაც მოსახლეობა მუნიციპალიტეტების მერებსა და საკრებულოების დეპუტატებს აირჩევს, 2021 წლის ოქტომბერში უნდა გაიმართოს.

ვაშაძის თქმით, „ქართულ ოცნებას“ სურს და მან დაუდასტურა ეს ოპოზიციას, რომ არჩევნები 2 ოქტომბერს შედგეს. ოპოზიციამ საპასუხოდ წამოაყენა წინადადება, კანონში გაიწეროს წესი, რომელმაც არჩევნების ჩატარების თარიღთან დაკავშირებით ყოველგვარი სპეკულაციები უნდა გამორიცხოს.

ამასთან მან აღნიშნა, რომ ოპოზიციის სურვილია არჩევნები უფრო გვიან ჩატარდეს, მაგრამ მმართველი პარტია დაჟინებით მოითხოვს ამ თარიღს.

ადგილობრივი თვითმმართველობის არჩევნები განსაზღვრავს არა მხოლოდ თვითმმართველობის ორგანოების შემადგენლობას, არამედ, შესაძლოა, ის რიგგარეშე საპარლამენტო არჩევნების საბაბიც გახდეს. ეს იმ შემთხვევაში მოხდება, თუ მმართველი პარტია „ქართული ოცნება“ არჩევნებზე პროპორციული ხმების 43%-ზე ნაკლებს მიიღებს.

13
დეპუტატები

„მატყუარა კაცების პარლამენტი“: რამ გამოიწვია ქალი–დეპუტატების უკმაყოფილება

18
(განახლებულია 17:34 24.06.2021)
საკანონმდებლო ორგანოში, სადაც საპროტესტო პერფორმანსი გაიმართა, ქალთა უფლებების დამცველი ორგანიზაციების წარმომადგენლებიც იმყოფებოდნენ.

 

თბილისი, 24 ივნისი — Sputnik.  პარლამენტის სხდომათა დარბაზში ოპოზიციონერმა ქალმა დეპუტატებმა ხათუნა სამნიძემ და ანა წითლიძემ თვითმმართველობის არჩევნებისთვის პარტიულ სიებში ქალთა კვოტების შემცირების წინააღმდეგ პროტესტის გამოსახატავად პერფორმანსი გამართეს. 

მმართველმა პარტია „ქართული ოცნება – დემოკრატიულმა საქართველომ“ პარტიულ სიებში ქალთა კვოტების ცვლილების გადაწყვეტილება მიიღო – სიაში ყოველი მეორე ქალის ნაცვლად, ქალი ყოველი მესამე უნდა იყოს.

აღნიშნული გადაწყვეტილების პროტესტის ნიშნად სამნიძემ და წითლიძემ პარლამენტის სხდომათა დარბაზის აივნიდან ბანერი „მატყუარა მამაკაცების პარლამენტი“ გადმოფინეს.

მმართველ პარტიაში აღნიშნულ საკითხთან დაკავშირებით ოპოზიციური პარტიების უკმაყოფილებას გაუგებარს უწოდებენ და აცხადებენ, რომ თითოეულ პარტიას საკუთარი სურვილით შეუძლია საარჩევნო სიებში ქალების რაოდენობის გაზრდა და მათ ამას არავინ უკრძალავს.

მოცემულ მომენტში სხდომათა დარბაზში საქართველოს საარჩევნო კოდექსში ცვლილებების მუხლობრივი განხილვა მიმდინარეობს.

18
თემები:
საქართველოს პარლამენტი
ღვინო

ლონდონში ქართულმა ღვინომ ბრიტანელი ექსპერტების საუკეთესო შეფასება მიიღო

0
დეგუსტაციაზე წარმოდგენილი იყო 50-ზე მეტი ქართული ღვინის მწარმოებელი კომპანიის 100-მდე დასახელების ღვინო, რომელიც დიდი ბრიტანეთის ბაზარზე უკვე ხელმისაწვდომია.

თბილისი, 24 ივნისი – Sputnik. ლონდონში ქართული ღვინის დეგუსტაცია გაიმართა, ნათქვამია ღვინის ეროვნული სააგენტოს მიერ გავრცელებულ განცხადებაში.

ღონისძიება ღვინის ეროვნული სააგენტოს კონტრაქტორი ბრიტანული კომპანიის Swirl Wine Group ორგანიზებით გაიმართა, რომელსაც საქართველოს საგანგებო და სრულუფლებიანი ელჩი გაერთიანებულ სამეფოში სოფიო ქაცარავა დაესწრო.

სააგენტოს ინფორმაციით, ქართული ღვინის ადგილობრივმა იმპორტიორებმა დეგუსტაციაზე 50-ზე მეტი ქართული ღვინის სხვადასხვა ბრენდი წარმოადგინეს, რომლებიც უკვე ხელმისაწვდომია დიდი ბრიტანეთის ბაზარზე.

„წარმოდგენილი იყო 50-ზე მეტი ქართული ღვინის მწარმოებელი კომპანიის 100-მდე დასახელების ღვინოები, რომლებიც ამ ეტაპზე, ღვინის ეროვნული სააგენტოს მხარდაჭერით, ცდილობენ ქართული ღვინის სტრატეგიულ, დიდი ბრიტანეთის ბაზარზე დამკვიდრებას“, - ნათქვამია განცხადებაში.

ქართული ღვინის დეგუსტაცია  ლონდონის პრესტიჟულ რესტორან Trivet-ში ჩატარდა, რომლის ღვინის მენიუც შედგენილია ღვინის განსაკუთრებულ ისტორიაზე დაფუძნებით. ამ აღიარებულ რესტორანში საქართველოს, როგორც ღვინის სამშობლოს, შესაბამისი ადგილი უკავია მსოფლიოს სხვა საუკეთესო ღვინოებს შორის.

0