ანრი ოხანაშვილი

ოხანაშვილი: „ნაციონალების“ პარლამენტში არშემოსვლით დისკომფორტი არ შეგვექმება

63
(განახლებულია 20:44 03.11.2020)
დღეს ათზე მეტმა ოპოზიციურმა პოლიტიკურმა პარტიამ ხელი მოაწერა ერთობლივ განცხადებას, რომლითაც არალეგიტიმურად გამოაცხადეს არჩევნების შედეგები და უარი განაცხადეს დეპუტატის მანდატზე.

თბილისი, 3 ნოემბერი – Sputnik. ჩვენ გვაქვს მანდატი, დავაკომპლექტოთ მთავრობა, ღმერთმა დაგვიფაროს, „ნაციონალური მოძრაობის“ პარლამენტში შესვლაზე უარის თქმით დისკომფორტი შეგვექმნას, განაცხადა პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა. 

ქართული ოპოზიციის სრული სპექტრი ხელისუფლებას 31 ოქტომბერს გამართული საპარლამენტო არჩევნების შედეგების ფალსიფიკაციაში ადანაშაულებს. გუშინ პარტიებმა ერთმანეთის მიყოლებით ახალი მოწვევის პარლამენტის მანდატებზე უარი განაცხადეს. თბილისსა და ქვეყნის სხვა ქალაქებში საპროტესტო აქციები დაიწყო. 

ოხანაშვილის განცხადებით, „ქართულ ოცნებას“ აქვს საკმარისი მანდატი იმისათვის, რომ მთავრობა დააკომპლექტოს. ოპოზიციის იმ წევრებმა კი, რომლებმაც უარი განაცხადეს დეპუტატის მანდატებზე, „მხარდამჭერებს ზურგი აქციეს“.

„არც ერთი სამართლებრივი საკითხების მცოდნე ადამიანისგან არ მომისმენია, რომ კონსტიტუცია რამე ფორმით ქმნიდეს სამართლებრივ დაბრკოლებას და, სულ მცირე, 76 მანდატის მქონე საპარლამენტო გუნდს არ ჰქონდეს საპარლამენტო საქმიანობის შესაძლებლობა. შესაბამისად, ჩვენ გვაქვს მანდატი, რომ დავაკომპლექტოთ მთავრობა“, – განაცხადა ანრი ოხანაშვილმა.

მისი თქმით, მმართველი გუნდის ინიციატივა იყო, რომ პარლამენტი უფრო მრავალფეროვანი ყოფილიყო და სწორედ ამიტომ დაუჭირეს მათ მხარი საარჩევნო სისტემასთან დაკავშირებულ ცვლილებებს. 

„პოლიტიკურმა ჯგუფებმა, რომლებიც თავის დროზე უჭერდნენ მხარს საკონსტიტუციო ცვლილებებს, ახლა უღალატეს თავიანთ ამომრჩეველს - ეს მათი არჩევანია. რა თქმა უნდა, ვისურვებდი ოპოზიციის პარლამენტში ყოფნას, რადგანაც ეს არის კონკურენცია, პაექრობა პოლიტიკურ სუბიექტებს შორის და საზოგადოებას ექნებოდა შესაძლებლობა ეხილა რომელ პარტიას რა გუნდი ჰყავს“, – განაცხადა ანრი ოხანაშვილმა.

დღეს ათზე მეტმა ოპოზიციურმა პოლიტიკურმა პარტიამ ხელი მოაწერა ერთობლივ განცხადებას, რომლითაც არალეგიტიმურად გამოაცხადეს არჩევნების შედეგები და უარი განაცხადეს დეპუტატის მანდატზე. 

განცხადებას ხელი მოაწერა ბარიერგადალახულმა ყველა ოპოზიციურმა პარტიამ, მათ შორის: „ერთიანმა ნაციონალურმა მოძრაობამ“ და ოპოზიციურმა გაერთიანებამ „ძალა ერთობაშია, „ევროპულმა საქართველომ“, „გიორგი ვაშაძე – სტრატეგია აღმაშენებელმა“, „ლელო საქართველოსთვის“, „გირჩმა“, „ალეკო ელისაშვილი – მოქალაქეებმა“, „ლეიბორისტულმა პარტიამ“, ასევე იმ პარტიებმაც, რომლებმაც ვერ შეძლეს პარლამენტში მოხვედრა – ნინო ბურჯანაძის „ერთიანმა საქართველომ“ და ეკა ბესელიას „სამართლიანობისთვის“.

სააკაშვილი ვარდების რევოლუციის გამეორებას გეგმავს? მოვლენების განვითარების სამი სცენარი>>>

საპარლამენტო არჩევნებზე კენჭისყრის შედეგებით ამომრჩეველთა ხმები პოლიტიკურ სუბიექტებს შორის ასე განაწილდა: „ქართული ოცნება" – 48,15%, „ერთიანი ნაციონალური მოძრაობა - ძალა ერთობაშია“ – 27,14%, „ევროპული საქართველო“ – 3,78%, „ლელო საქართველოსთვის“ – 3,15%, „საქართველოს პატრიოტთა ალიანსი“ – 3,14%, „გიორგი ვაშაძე – სტრატეგია აღმაშენებელი“ – 3,15%, „გირჩი“ – 2,89, „ალეკო ელისაშვილი – მოქალაქეები“ – 1,335,  „საქართველოს ლეიბორისტული პარტია“ – 1%. რაც შეეხება დანარჩენ პარტიებს, მათ 1%-იანი ბარიერი ვერ გადალახეს.

საქართველოში 31 ოქტომბერს საპარლამენტო არჩევნები შერეული სისტემით გაიმართა, რომელშიც 48 პარტიამ და ორმა საარჩევნო ბლოკმა მიიღო მონაწილეობა. ქვეყნის მოსახლეობამ 150 დეპუტატიდან 120 პარტიული სიით (პროპორციული სისტემა), 30 კი მაჟორიტარული წესით აირჩია. პარტიებისთვის გამსვლელი ბარიერი 1% იყო.

63
თემები:
საქართველოს საპარლამენტო არჩევნები 2020 (595)
საპროტესტო აქცია საგარეო საქმეთა სამინისტროსთან

დავით–გარეჯის საქმე: საქართველოს საგარეო უწყებასთან აქცია გაიმართა

41
(განახლებულია 20:36 27.11.2020)
აქციის მონაწილეები მიიჩნევენ, რომ საგარეო საქმეთა სამინისტრომ დაკავებულების ადვოკატებს არ გადასცა მასალები, რომლებსაც ბრალდებულების უდანაშაულობის დამტკიცება შეუძლია

თბილისი, 27 ნოემბერი – Sputnik. ოპოზიციის მომხრეებმა საქართველოს საგარეო საქმეთა სამინისტროსთან მოაწყვეს ექსპერტების ივერი მელაშვილისა და ნატალია ილიჩოვას მხარდამჭერი აქცია, რომლებიც აზერბაიჯანისთვის საქართველოს ტერიტორიის შესაძლო გადაცემის საქმეზე არიან დაკავებულები, და მათი გათავისუფლება მოითხოვეს. 

Акция протеста у здания МИД Грузии 27 ноября 2020 года в связи с делом Давид Гареджи
© Sputnik / STRINGER
საპროტესტო აქცია საგარეო საქმეთა სამინისტროსთან

რას ფიქრობს საქართველოს საპატრიარქო დავით-გარეჯის საქმის ახალ გარემოებებზე>>

აქციაზე რამდენიმე ათეული ადამიანი პლაკატებით ხელში შეიკრიბა.

აქტივისტ გიგი მაქარაშვილის თქმით, პროტესტის მიზეზი გახდა ის, რომ საგარეო უწყებამ ილიჩოვასა და მელაშვილის ადვოკატებს არ გადასცა მასალები, რომლებსაც, აქტივისტის თქმით, ბრალდებულების უდანაშაულობის დამტკიცება შეუძლია.

 „ამ უწყების კიდევ ერთი სამარცხვინო საქციელი. მთლიანობაში, ეს აქცია ამ ადამიანების დაუყოვნებლივ და უპირობო გათავისუფლებას ეძღვნება. ეს ტალღა არ შეჩერდება“, – განუცხადა მაქარაშვილმა ჟურნალისტებს. 

Акция протеста у здания МИД Грузии 27 ноября 2020 года в связи с делом Давид Гареджи
© Sputnik / STRINGER
საპროტესტო აქცია საგარეო საქმეთა სამინისტროსთან

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში, უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა 7 ოქტომბერს დააკავა. 

Акция протеста у здания МИД Грузии 27 ноября 2020 года в связи с делом Давид Гареджи
© Sputnik / STRINGER
საპროტესტო აქცია საგარეო საქმეთა სამინისტროსთან

პროკურატურის მტკიცებით, რუკების შედგენისას მათ 1938 წლის რუკის ნაცვლად გამოიყენეს 1970 წლით დათარიღებული არასწორად შედგენილი რუკა, რის შედეგადაც საქართველომ კინაღამ 3,5 ათასი ჰექტარი ტერიტორია დაკარგა, მათ შორის დავით–გარეჯის სამონასტრო კომპლექსის ტერიტორიის ნაწილი.

41
თემები:
ვნებათაღელვა დავით–გარეჯის ირგვლივ
საქართველოსა და ევროკავშირის დროშები

საქართველო ტერორისტული ორგანიზაციების წინააღმდეგ ევროკავშირის სანქციებს შეუერთდა

34
(განახლებულია 21:36 27.11.2020)
ევროპის საბჭომ ამ ორგანიზაციების წინააღმდეგ ყველა არსებული სანქციის 2021 წლის 31 დეკემბრამდე გაგრძელების გადაწყვეტილება მიიღო.

თბილისი, 27 ნოემბერი – Sputnik. საქართველო ათ ქვეყანასთან ერთად შეუერთდა ევროკავშირის გადაწყვეტილებას სანქციების გაგრძელებასთან დაკავშირებით ორი დიდი ტერორისტული ორგანიზაციის – „ისლამური სახელმწიფოსა“ და „ალ–ქაიდას“ წინააღმდეგ, ნათქვამია ევროკავშირის განცხადებაში.

ევროპის საბჭომ ამ ორგანიზაციების, ასევე მათთან დაკავშირებული პირების, ჯგუფების, საწარმოებისა და ოგანიზაციების წინააღმდეგ ყველა არსებული სანქციის 2021 წლის 31 დეკემბრამდე გაგრძელების გადაწყვეტილება მიიღო.

ევროკავშირის მონაცემებით, სანქციების გაგრძელებას, საქართველოს გარდა, შეუერთდნენ ჩრდილოეთ მაკედონია, მონტენეგრო, სერბეთი, ალბანეთი, ბოსნია და ჰერცეგოვინა, ისლანდია, ლიხტენშტეინი, უკრაინა, მოლდოვა და სომხეთი.

„ისინი (ეს ქვეყნები) უზრუნველყოფენ თავიანთი ეროვნული პოლიტიკის შესაბამისობას საბჭოს გადაწყვეტილებასთან. ევროპის კავშირი მხედველობაში იღებს ამ ვალდებულებას და მიესალმება მას“, – აღნიშნულია განცხადებაში.

სანქციების გაგრძელების გადაწყვეტილება ევროკავშირმა 2020 წლის 20 ოქტომბერს გამოაქვეყნა.

34
თემები:
საქართველო - ევროკავშირის ურთიერთობები
მთავრობის საპარლამენტო მდივანი ბექა დოჭვირი

სავაჭრო ცენტრების გახსნის საკითხი, შესაძლოა, გადაიხედოს

0
საკოორდინაციო საბჭოს გადაწყვეტილებით, კორონავირუსის ინფიცირების გაზდილი შემთხვევების პრევენციის მიზნით, ხვალიდან 24-დეკემბრამდე სავაჭრო ობიექტები მუშაობას აჩერებენ

თბილისი, 27 ნოემბერი - Sputnik. თუ მთავრობას ეპიდემიოლოგიური ვითარება ამის საშუალებას მისცემს, მაშინ დიდი სავაჭრო ცენტრების გახსნის საკითხი გადაიხედება, განაცხადა საქართველოს მთავრობის ადმინისტრაციის უფროსის მოადგილემ, მთავრობის საპარლამენტო მდივანმა ბექა დოჭვირმა ტელეკომპანია „რუსთავი2“-ის ეთერში.

გაუძლებს თუ არა ქვეყნის ეკონომიკა ახალ შეზღუდვებს – ექსპერტის მოსაზრება>>

დღეს თბილისში მდებარე ხუთი სავაჭრო ცენტრის წარმომადგენელებმა მთავრობას საგანგებო განცხადებით მიმართეს და სთხოვეს, მუშაობის საშუალება მიეცეთ არა 24 დეკემბრიდან, არამედ 15 დეკემბრიდან 3 იანვრამდე პერიოდში. მათი განცხადებით, სავაჭრო ცენტრების ფუნქციონირება 15 დეკემბრიდან 3 იანვრის ჩათვლით პერიოდში მნიშვნელოვნად შეამცირებს მასობრივი თავყრილობების რისკს (მომხმარებლის დროში გადანაწილების თვალსაზრისით) და ინფექციის გავრცელების ალბათობას.

როგორც დოჭვირმა გადაცხადა, შეზღუდვების დაწესების მთავარი მოტივაცია პანდემიის გავრცელების შეჩერებაა.

„შესაბამისად, ეს რეგულაციები მოქალაქეების მობილობის შემცირებისაკენ არის მიმართული და ბალანსი დაჭერილია როგორც შეზღუდვებთან დაკავშირებით, ასევე ეკონომიკასა და ბიზნესის ინტერესებს შორის. ამიტომ, თუ ეპიდემიური ვითარება ჩვენს საშუალებას მოგვცემს, შესაძლოა ეს საკითხი გადაიხედოს“, - განაცხადა დოჭვირმა.

ხუთშაბათს უწყებათშორისმა საკოორდინაციო საბჭომ ქვეყანაში მოქმედი რეგულაციები უფრო გაამკაცრა. ახალი შეზღუდვების მიხედვით, დიდ ქალაქებსა და ზამთრის კურორტებზე სავაჭრო ობიექტები (გარდა სურსათის, ცხოველების საკვების, აფთიაქების, ვეტაფთიაქების, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) იმუშავებენ მხოლოდ დისტანციურ რეჟიმში, ხოლო 24 დეკემბრიდან 15 იანვრამდე პერიოდში მათთვის შეზღუდვები მოიხსნება. 16-დან 31 იანვრამდე პერიოდში კი სავაჭრო ცენტრები არ იმუშავებენ შაბათ-კვირას.

სექტემბრის დასაწყისიდან ქვეყანაში ინფიცირების მკვეთრი მატება დაიწყო – კორონავირუსის ახალი შემთხვევების დღიურმა ზრდამ ბოლო დღეებში 4 ათასს მიაღწია, დღეს კი რეკორდული მაჩვენებელი – 4.780 ახალი დადასტურებული შემთხვევა გამოვლინდა.

საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 123.470-ს შეადგენს.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში