ფაშინიანმა გახარიას საპარლამენტო არჩევნებში „ქართული ოცნების“ გამარჯვება მიულოცა

© Sputnik / STRINGERნიკოლ ფაშინიანი და გიორგი გახარია
ნიკოლ ფაშინიანი და გიორგი გახარია - Sputnik საქართველო
გამოწერა
სატელეფონო საუბრისას მხარეებმა ორ ქვეყანას შორის მეგობრული და კეთილმეზობლური ურთიერთობების განვითარება განიხილეს

თბილისი, 2 ნოემბერი - Sputnik. სომხეთის პრემიერ-მინისტრმა ნიკოლ ფაშინიანმა ქართველ კოლეგას გიორგი გახარიას საპარლამენტო არჩევნებში მმართველი პარტიის გამარჯვება მიულოცა, იუწყება საქართველოს მთავრობის პრესსამსახური.

ფაშინიანსა და გახარიას შორის სატელეფონო საუბარი ორშაბათს შედგა. დიალოგისას მხარეებმა ხაზი გაუსვეს მეგობრულ და კეთილმეზობლურ ურთიერთობებს ორ ქვეყანას შორის. ფაშინიანმა გახარიას წარმატება უსურვა.

რუსეთის საგარეო საქმეთა სამინისტრო - Sputnik საქართველო
„ჩვენი პოზიცია გარკვეულია" – რუსეთმა საქართველოს საპარლამენტო არჩევნები შეაფასა

საქართველოში 31 ოქტომბერს საპარლამენტო არჩევნები შერეული სისტემით გაიმართა, რომელშიც 48 პარტიამ და ორმა საარჩევნო ბლოკმა მიიღო მონაწილეობა. ქვეყნის მოსახლეობამ 150 დეპუტატიდან 120 პარტიული სიით (პროპორციული სისტემა), 30 კი მაჟორიტარული წესით აირჩია. პარტიებისთვის გამსვლელი ბარიერი 1% იყო.

ხმის უფლება არჩევნებში 3,5 მილიონზე მეტ მოქალაქეს ჰქონდა. გაიხსნა 3,8 ათასი უბანი. ამომრჩეველთა აქტივობამ 56,11% შეადგინა. პოზიცია 1 970 540-მა ამომრჩეველმა დააფიქსირა. 

ცესკოს წინასწარი მონაცემებით, 3 847 უბანზე (100%) ხმების დათვლის შემდეგ „ქართულმა ოცნებამ“ აიღო 48,23%, „ძალა ერთობაშია“ ბლოკმა - 27,16%.

არჩევნების წინასაწარი შედეგების მიხედვით სულ პარლამენტში ხვდება შვიდი პარტია და ორი ბლოკი.

ყველა ახალი ამბავი
0