სცენის მონტაჟი „ქართული ოცნების“ ოფისთან

„ქართული ოცნება“ და „ნაციონალური მოძრაობა“ არჩევნებზე მოგების აღნიშვნისათვის ემზადებიან

56
რომელი მათგანი - „ქართული ოცნება“ თუ „ნაციონალური მოძრაობა“ - გაისვრის გამარჯვების ფოიერვერკებს, ცნობილი უკვე რამდენიმე საათში გახდება

თბილისი, 31 ოქტომბერი — Sputnik. საქართველოს დედაქალაქში ამ საღამოს იგეგმება ერთბაშად ორი საზეიმო მიტინგი - საპარლამენტო არჩევნებზე მოგების აღნიშვნას გეგმავს მმართველი პარტია „ქართული ოცნება - დემოკრატიული საქართველო“ და ოპოზიცური გაერთიანება „ძალა ერთობაშია“, „ნაციონალური მოძრაობის“ თავკაცობით.

„საერთაშორისო გამჭვირვალობამ“ არჩევნებზე 130-მდე დარღვევა დააფიქსირა >>

2020 წლის საპარლამენტო არჩევნები საქართველოში შერეული სისტემით ტარდება. ქვეყნის მოსახლეობამ 150 დეპუტატი უნდა აირჩიოს საკანონმდებლო ორგანოში — 120 პროპორციული და 30 მაჟორიტარული წესით. მეათე მოწვევის პარლამენტის არჩევნებში 48 პარტია და ორი საარჩევნო ბლოკი მონაწილეობს.

არჩევნებზე მთავარი კონკურენტები არიან „მარადიული მტრები“ - ქართული ოცნება“, რომელსაც არჩევნების მესამედ მოგება სურს, და „ერთიანი ნაციონალური მოძრაობა“, რომელმაც 2012 წელს მმართველი პარტიის სტატუსი დაკარგა, თუმცა ხელისუფლებაში მოსვლის იმედს მაინც არ კარგავს.

Установка сцены для выступлений лидеров партии Грузинская мечта после завершения выборов
© Sputnik / Vladimir Umikashvili
სცენის მონტაჟი „ქართული ოცნების“ მთავარ ოფისთან

ძველ თბილისში „ქართული ოცნების“ მთავარ ოფისთან დღესასწაულისთვის მზადება მიმდინარეობს: მონტაჟდება მონიტორები და სცენა.

„პარტიის ცენტრალური ოფისის შენობის წინ მონტაჟდება მონიტორები და სცენა. ტრადიციულად, საარჩევნო უბნების დახურვისთანავე აქ შეიკრიბებიან „ქართული ოცნების“ მომხრეები. მოგვიანებით მათ შეუერთდებიან პარტიის ლიდერები“, - განუცხადეს Sputnik-საქართველოს „ქართული ოცნების“ პრესსამსახურში.

პრეს-სამსახურის ინფორმაციით, საარჩევნო უბნების დახურვისთანავე „ქართული ოცნების“ მხარდამჭერები ტრადიციულად შეიკრიბებიან პარტიის მთავარ ოფისთან და დამონტაჟებული მონიტორებიდან ეგზიტპოლების შედეგებს დააკვირდებიან.

გამოჩნდება თუ არა ცაში ფოიერვერკები და პარტიის ფერის - ლურჯი ბუშტები, ჯერჯერობით უცნობია. როგორც ის, მოსალოდნელია თუ არა პარტიის ლიდერების პოლიტიკური მიმართვები.

ნანატრი გამარჯვების მოლოდინშია მომხრეებთან ერთად „ნაციონალური მოძრაობაც“.

Единое нацдвижение готовится отметить завершение выборов у здания парламента Грузии
© Sputnik / Alex Shlamov
„ნაციონალური მოძღაობის“ მზადება გამარჯვების აღსანიშნავად

„შვიდი საათიდან ვიწყებთ შეკრებას რუსთაველის გამზირზე პარლამენტის შენობის წინ, იქიდან ეგზიტპოლების შედეგებს ვადევნებთ თვალს. დამონტაჟდება მონიტორები. იქნება თუ არა პოლიტიკოსების გამოსვლები, ამას ჯერჯერობით ვერ ვიტყვი“, - განუცხადეს Sputnik-საქართველოს „ერთიანი ნაციონალური მოძრაობის“ პრესსამსახურში.

პარტიამ არჩევნებამდე ცოტა ხნით ადრე აცნობა მერიას დაგეგმილი ღონისძიების შესახებ.

„ერთიანი ნაციონალური მოძრაობა“ და გაერთიანებული „ძალა ერთობაშია“ 31 ოქტომბერს, შაბათს, რუსთაველის გამზირზე პარლამენტის ტერიტორიაზე მშვიდობიან საჯარო შეკრებას გეგმავს. ეს ცნობად მივიღეთ“, - განუცხადეს Sputnik-საქართველოს მერიის პრესსამსახურში.

ამგვარად, თუ შეიკრიბება მომხრეების ძალიან დიდი რაოდენობა, რუსთაველის გამზირი შეიძლება გადაიკეტოს, ამ შემთხვევაში წესრიგს სამართალდამცველები დაიცავენ, აღნიშნა მერიის პრესსამსახურის წარმომადგენელმა.

საარჩევნო უბნები 08:00 საათზე გაიხსნა და 20:00 საათზე დაიხურება, რის შემდეგ ხმის დათვლის პროცესი დაიწყება.

უბნების დახურვისთანავე ეგზიტპოლების შედეგები გამოცხადდება.

56
თემები:
საქართველოს საპარლამენტო არჩევნები 2020 (595)
დავით ზალკალიანი

დავით ზალკალიანი ნატოს მინისტერიალში მიიღებს მონაწილეობას

12
(განახლებულია 11:29 01.12.2020)
ნატოს საგარეო საქმეთა მინისტრების საბჭოს სხდომა კორონავირუსის პანდემიის გამო ონლაინ–ფორმატში გაიმართება.

თბილისი, 1 დეკემბერი - Sputnik. საქართველოს საგარეო საქმეთა მინისტრი დავით ზალკალიანი ნატოს საგარეო საქმეთა მინისტერიალში მიიღებს მონაწილეობას, ნათქვამია უწყების მიერ გავრცელებულ განცხადებაში. 

ნატოს წევრი სახელმწიფოების საგარეო საქმეთა მინისტრების საბჭოს სხდომა ბრიუსელში 1-2 დეკემბერს გაიმართება. კორონავირუსის პანდემიის გამო, სხდომა ვიდეო- კონფერენციის  ფორმატში ჩატარდება.

დავით ზალკალიანი ნატოს წევრი ქვეყნების საგარეო უწყების ხელმძღვანელთა შეხვედრაში პოლონელ კოლეგასთან ერთად ჩაერთვება.

მინისტერიალის ფარგლებში განიხილება საქართველოს ნატოში ინტეგრაციის პროცესი, ასევე ამ მხრივ მიღწეული წარმატებები და საქართველოს ნატოში გაწვერიანების ხელშეწყობისკენ მიმართული აქტივობები.

საქართველოსა და ნატოს ინსტიტუციური თანამშრომლობა 1994 წელს დაიწყო, როდესაც საქართველო პროგრამის „პარტნიორობა მშვიდობისათვის" მონაწილე გახდა. „ვარდების რევოლუციის" შემდეგ, 2004 წლიდან საქართველო–ნატოს თანამშრომლობა უფრო ინტენსიური გახდა. 2011 წელს საქართველომ ნატოს „ასპირანტი ქვეყნის" სტატუსი მიიღო. 2014 წელს უელსის სამიტზე დაამტკიცეს განსახორციელებელი ზომების პაკეტი, რაც საქართველოს ალიანსში გაწევრიანებას შეუწყობს ხელს.

12
თემები:
საქართველოს საგარეო პოლიტიკა
ზაალ უდუმაშვილი

ქართული ოპოზიციის გეგმები შეიცვალა: მზადდება ახალი დეკლარაცია

87
(განახლებულია 22:08 30.11.2020)
პარლამენტში შესული ოპოზიციური პარტიების ლიდერებს კვლავ ძველი მოთხოვნა აქვთ - რიგგარეშე საპარლამენტო არჩევნები

თბილისი, 30 ნოემბერი – Sputnik. ქართულმა ოპოზიციამ გეგმები შეცვალა - მეათე მოწვევის პარლამენტის სხდომის პირველ დღეს მასშტაბური საპროტესტო აქციის ნაცვლად ოპოზიციის ლიდერები მეტეხის ტაძრის ეზოში ერთობლივ დეკლარაციას მოაწერენ ხელს.

კახა კალაძე: ახალი არჩევნების ჩატარების საფუძველი არ არსებობს >>

ამის შესახებ ცნობილი გახდა ოპოზიციიც ლიდერების შეხვედრის შემდეგ, რომელიც ორშაბათს „ლელოს“ ოფისში გაიმართა. დეკლარაციას პარლამენტის ბოიკოტის შესახებ ხელს მოაწერენ პარლამენტში გასული ოპოზიციური პარტიები, აგრეთვე ისინი თავის პარტიულ სიებს გაიწვევენ.

„დღეს შევათანხმეთ საბოლოო დეტალები იმ ღონისძიების, რომელიც გაიმართება პირველი სხდომის პარალელურად. როგორც უკვე იცით, ყველა ოპოზიციური პარტია, რომელიც ითხოვს რიგგარეშე არჩევნებს, შეიკრიბება მეტეხის ტაძართან, სადაც ჩვენ გავაფორმებთ დეკლარაციას, ყველა ოპოზიციური პარტია მოაწერს ხელს. გარდა ამისა, ყველა დეპუტატი, რომელიც ცესკოს მონაცემებით პარლამენტშია შესული, მანდატის დატოვების შესახებ განცხადებას დაწერს. რა თქმა უნდა, პარალელურად ჩაიხსნება ყველა პარტიული სია. საბოლოო დეტალები გავიარეთ“, - განაცხადა „ნაციონალური მოძრაობის“ წევრმა ზაალ უდუმაშვილმა.

31 ოქტომბრის არჩევნების შედეგების მიხედვით პარლამენტში მოხვდა რვა ოპოზიციური პარტია და ბლოკი. ისინი არჩევნების შედეგებს არ ცნობენ, მიიჩნევენ, რომ მმართველმა პარტიამ „ქართულმა ოცნებამ“ არჩევნები გააყალბა და მეათე მოწვევის პარლამენტში შესვლას არ აპირებენ.

უახლოეს დღეებში ხელისუფლებასა და ოპოზიციას შორის უნდა გაიმართოს მოლაპარაკებათა მესამე რაუნდი, რომელიც საქართველოში აშშ-ის და ევროკავშირის ელჩების მიერ არის ორგანიზებული. ამ დროისათვის ცნობილია, რომ ოპოზიცია რიგგარეშე საპარლამენტო არჩევნებს მოითხოვს, ხოლო „ქართული ოცნება“ ამის კატეგორიული წინააღმდეგია და ამას ერთადერთ შეუსრულებელ მოთხოვნას უწოდებს.

„მესამე რაუნდი თავიდან ბოლომდე დამოკიდებულია ხელისუფლებაზე, თუ რამდენად რაციონალური წინადადებებით მოვლენ ისინი. როგორც ჩანს, მათ არ აქვთ ჯერჯერობით რაციონალური წინადადება. შესაბამისად, ამ ეტაპზე მესამე რაუნდის პერსპექტივა არ ჩანს. ის მაშინ გაჩნდება, როდესაც მათი მხრიდან იქნება კონკრეტული წინადადებები“, - განაცხადა „ევროპული საქართველოს“ ლიდერმა გიგი უგულავამ.

ევროკავშირის და აშშ-ის ელჩებმა პოზიციების დასაახლოებლად ოპოზიციის ლიდერებთან უკვე რამდენიმე შეხვედრა გამართეს, თუმცა ახალი რაუნდის თარიღი ჯერჯერობით უცნობია.

ცესკომ უახლოეს დროს არჩევნების მეორე ტურის არჩევნების შედეგები უნდა შეაჯამოს, შემდეგ კი 20 დღის განმავლობაში პარლამენტის პირველი სხდომა დაინიშნება. ოპოზიციის მიერ ბოიკოტის მიუხედავად, პარლამენტი, რომელშიც „ქართული ოცნება“ 90 დეპუტატით იქნება წარმოდგენილი, მუშაობის დაწყებას და კანონების მიღებას მაინც შეძლებს.

მმართველ პარტიაში ოპოზიციის მოქმედებებს დესტრუქციულს, დესტაბილიზაციისკენ მიმართულს უწოდებენ და მას ვითარების ხელოვნურად დაძაბვაში ადანაშაულებენ.

87
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
დაკავება

შსს-მ ერთი კილოგრამი ჰეროინი ამოიღო დაკავებულია ერთი პირი

0
(განახლებულია 11:09 01.12.2020)
საქართველოს სისხლის სამართლის კოდექსის თანახმად, აღნიშნული დანაშაული 8-დან 20 წლამდე ვადით ნთავისუფლების აღკვეთას ითვალისწინებს.

 

თბილისი, 1 დეკემბერი - Sputnik. შინაგან საქმეთა სამინისტროს თანამშრომლებმა განსაკუთრებით დიდი ოდენობით ნარკოტიკული საშუალების არაერთგზის უკანონო შეძენა-შენახვის ბრალდებით 45 წლის მამაკაცი დააკავეს, ნათქვამია უწყების მიერ გავრცელებულ განცხადებაში. 

გავრცელებული ინფორმაციით, სამართალდამცველებმა დაკავებულის პირადი ჩხრეკისას ნივთმტკიცების სახით ჰეროინის შემცველი ერთი კილოგრამი ნარკოტიკული საშუალება ამოიღეს.

მომხდარ ფაქტზე გამოძიება სსკ–ის 260-ე მუხლის მესამე ნაწილის „დ“ ქვეპუნქტითა და მეექვსე ნაწილის „ა“ ქვეპუნქტით მიმდინარეობს, რაც განსაკუთრებით დიდი ოდენობით ნარკოტიკული საშუალების არაერთგზის უკანონო შეძენა-შენახვას გულისხმობს.

დანაშაული 8-დან 20 წლამდე ან უვადო თავისუფლების აღკვეთას ითვალისწინებს.

0
თემები:
კრიმინალი საქართველოში