მარნეულის საარჩევნო უბანი

ბრიფინგი ერთიან ნაციონალურ მოძრაობაში: ენმ „კარუსელებსა“ და სხვა დარღვევებზე ლაპარაკობს

61
„ენმ–ს“ პოლიტსაბჭოს წევრის თქმით, მათ აქვთ ინფორმაცია, რომ საარჩევნო უბნებიდან აძევებენ იმ მედია–დამკვირვებლებს, რომლებიც „კარუსელის“ საწინააღმდეგო აპლიკაციით არიან აღჭურვილები   

თბილისი, 31 ოქტომბერი — Sputnik. საარჩევნო უბნებზე უპრეცენდენტო აქტივობაა, ეს კი იმის დამადასტურებელია, რომ „ქართული ოცნება“ მარცხდება არჩევნებში, მიაჩნია ოპოზიციური პარტია „ერთიანი ნაციონალური მოძრაობის“ პოლიტსაბჭოს წევრ ზალ უდუმაშვილს, რომელმაც ცოტა ხნის წინ ბრიფინგი გამართა.

უდუმაშვილმა ამ დროისათვის დაფიქსირებულ დარღვევებზე ისაუბრა და განაცხადა, რომ მმართველი პარტია ყველაფერს აკეთებს გამარჯვებისთვის.

„მიუხედავად იმისა, რომ უბნის გარეთ სუს–ს მობილიზებული ჰყავს „ქართული ოცნების“ წარმომადგენლები, ჩვენს მოსახლეობას არ ეშინია, აქტიურად მიდიან არცევნებზე, აძლევენ ხმას და ასეთი უპეცედენტო აქტივობა საარჩევნო უბნებზე სწორედ იმის დამადასტურებელი ფაქტია, რომ „ქართული ოცნება“ ძალიან მწარედ მარცხდება არჩევნებში“, — განაცხადა უდუმაშვილმა.

მისი თქმით, „ენმ–ს“ დარღვევების კონკრეტული ფაქტები აქვს და მაგალითად მოიყვანა თვითიზოლაციაზე მოფი პიროვნების შემთხვევა, რომელმაც ქუთაისის №112 უბანზე მისცა ხმა, ნაცვლად იმისა, რომ ყოფნის ადგილზე სპეცუბნის მიერ გამოყოფილი საარჩევნო ყუთით ესარგებლა. უდუმაშვილი ხაზს უსვამს, რომ ხმის მიცემის შემდეგ აღნიშნულ პიროვნებას თანხა გადასცეს, რის დამადასტურებელ ვიდეოსაც  მოგვიანებით გაავრცელებენ.

გარდა ამისა, „ენმ–ს“ პოლიტსაბჭოს წევრი ამბობს, რომ საარჩევნო უბნებიდან აძევებენ იმ მედია–დამკვირვებლებს, რომლებიც „კარუსელის“ საწინააღმდეგო აპლიკაციით არიან აღჭურვილები.   

ზაალ უდუმაშვილმა მომხრეებს აქტიურობისკენ მოუწოდა და სთხოვა მათ, აუცილებლად მიიღონ მონაწილეობა არჩევნებში, ვინაიდან „დრეს საქართველოს ბედი წყდება“.

2020 წლის საპარლამენტო არჩევნები საქართველოში შერეული სისტემით ტარდება. ქვეყნის მოსახლეობამ 150 დეპუტატი უნდა აირჩიოს საკანონმდებლო ორგანოში — 120 პროპორციული და 30 მაჟორიტარული წესით.

მეათე მოწვევის პარლამენტის არჩევნებში 48 პარტია და ორი საარჩევნო ბლოკი მონაწილეობს.

61
თემები:
საქართველოს საპარლამენტო არჩევნები 2020 (595)
საპროტესტო აქცია საგარეო საქმეთა სამინისტროსთან

დავით–გარეჯის საქმე: საქართველოს საგარეო უწყებასთან აქცია გაიმართა

37
(განახლებულია 20:36 27.11.2020)
აქციის მონაწილეები მიიჩნევენ, რომ საგარეო საქმეთა სამინისტრომ დაკავებულების ადვოკატებს არ გადასცა მასალები, რომლებსაც ბრალდებულების უდანაშაულობის დამტკიცება შეუძლია

თბილისი, 27 ნოემბერი – Sputnik. ოპოზიციის მომხრეებმა საქართველოს საგარეო საქმეთა სამინისტროსთან მოაწყვეს ექსპერტების ივერი მელაშვილისა და ნატალია ილიჩოვას მხარდამჭერი აქცია, რომლებიც აზერბაიჯანისთვის საქართველოს ტერიტორიის შესაძლო გადაცემის საქმეზე არიან დაკავებულები, და მათი გათავისუფლება მოითხოვეს. 

Акция протеста у здания МИД Грузии 27 ноября 2020 года в связи с делом Давид Гареджи
© Sputnik / STRINGER
საპროტესტო აქცია საგარეო საქმეთა სამინისტროსთან

რას ფიქრობს საქართველოს საპატრიარქო დავით-გარეჯის საქმის ახალ გარემოებებზე>>

აქციაზე რამდენიმე ათეული ადამიანი პლაკატებით ხელში შეიკრიბა.

აქტივისტ გიგი მაქარაშვილის თქმით, პროტესტის მიზეზი გახდა ის, რომ საგარეო უწყებამ ილიჩოვასა და მელაშვილის ადვოკატებს არ გადასცა მასალები, რომლებსაც, აქტივისტის თქმით, ბრალდებულების უდანაშაულობის დამტკიცება შეუძლია.

 „ამ უწყების კიდევ ერთი სამარცხვინო საქციელი. მთლიანობაში, ეს აქცია ამ ადამიანების დაუყოვნებლივ და უპირობო გათავისუფლებას ეძღვნება. ეს ტალღა არ შეჩერდება“, – განუცხადა მაქარაშვილმა ჟურნალისტებს. 

Акция протеста у здания МИД Грузии 27 ноября 2020 года в связи с делом Давид Гареджи
© Sputnik / STRINGER
საპროტესტო აქცია საგარეო საქმეთა სამინისტროსთან

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში, უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა 7 ოქტომბერს დააკავა. 

Акция протеста у здания МИД Грузии 27 ноября 2020 года в связи с делом Давид Гареджи
© Sputnik / STRINGER
საპროტესტო აქცია საგარეო საქმეთა სამინისტროსთან

პროკურატურის მტკიცებით, რუკების შედგენისას მათ 1938 წლის რუკის ნაცვლად გამოიყენეს 1970 წლით დათარიღებული არასწორად შედგენილი რუკა, რის შედეგადაც საქართველომ კინაღამ 3,5 ათასი ჰექტარი ტერიტორია დაკარგა, მათ შორის დავით–გარეჯის სამონასტრო კომპლექსის ტერიტორიის ნაწილი.

37
თემები:
ვნებათაღელვა დავით–გარეჯის ირგვლივ
საქართველოსა და ევროკავშირის დროშები

საქართველო ტერორისტული ორგანიზაციების წინააღმდეგ ევროკავშირის სანქციებს შეუერთდა

34
(განახლებულია 19:12 27.11.2020)
ევროპის საბჭომ ამ ორგანიზაციების წინააღმდეგ ყველა არსებული სანქციის 2021 წლის 31 დეკემბრამდე გაგრძელების გადაწყვეტილება მიიღო

თბილისი, 27 ნოემბერი – Sputnik. საქართველო ათ ქვეყანასთან ერთად შეუერთდა ევროკავშირის გადაწყვეტილებას სანქციების გაგრძელებასთან დაკავშირებით ორი დიდი ტერორისტული ორგანიზაციის – „ისლამური სახელმწიფოსა“ და „ალ–ქაიდას“ წინააღმდეგ, ნათქვამია ევროკავშირის განცხადებაში.

ევროპის საბჭომ ამ ორგანიზაციების, ასევე მათთან დაკავშირებული პირების, ჯგუფების, საწარმოებისა და ოგანიზაციების წინააღმდეგ ყველა არსებული სანქციის 2021 წლის 31 დეკემბრამდე გაგრძელების გადაწყვეტილება მიიღო.

ევროკავშირის მონაცემებით, სანქციების გაგრძელებას, საქართველოს გარდა, შეუერთდნენ ჩრდილოეთ მაკედონია, მონტენეგრო, სერბეთი, ალბანეთი, ბოსნია და ჰერცოგოვინა, ისლანდია, ლიხტენშტეინი, უკრაინა, მოლდოვა და სომხეთი.

„ისინი (ეს ქვეყნები) უზრუნველყოფენ თავიანთი ეროვნული პოლიტიკის შესაბამისობას საბჭოს გადაწყვეტილებასთან. ევროპის კავშირი მხედველობაში იღებს ამ ვალდებულებას და მიესალმება მას“, – აღნიშნულია განცხადებაში.

სანქციების გაგრძელების გადაწყვეტილება ევროკავშირმა 2020 წლის 20 ოქტომბერს გამოაქვეყნა.

34
თემები:
საქართველო - ევროკავშირის ურთიერთობები
ქალთა მარში თბილისში – აქცია

„იმოქმედე ძალადობის წინააღმდეგ“ საქართველოში ახალი კამპანია დაიწყო

0
(განახლებულია 21:10 27.11.2020)
ოჯახური ძალადობა საქართველოში ერთ–ერთ მთავარ პრობლემად რჩება და ქვეყანაში ყველაზე ხშირად ჩადენილი დანაშაულების ხუთეულში შედის

თბილისი, 27 ნოემბერი – Sputnik. ყველა მსხვერპლი და პოტენციური მსხვერპლი სახელმწიფოსგან საჭირო დახმარებისა და მხარდაჭერის მიღებას შეძლებს, ნათქვამია სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს განცხადებაში.

ელექტრონული სამაჯური შემაკავებელ ორდერთან ერთად – სიახლე ოჯახში მოძალადის მიმართ>>

სააგენტო გენდერული ძალადობის წინააღმდეგ 16–დღიან კამპანიას შეუერთდა. სააგენტოს ინფორმაციით, მიუხედავად ქვეყანაშიკორონავირუსის პანდემიისგან გამოწვეული კრიზისისა, ბრძოლა ქალების მიმართ ძალადობისა და ოჯახში ძალადობის წინააღმდეგ სახელმწიფოსთვის კვლავ პრიორიტეტულია. პრობლემის ეფექტური გადაჭრისთვის ძალზე მნიშვნელოვანი და აუცილებელია სახელმწიფოსა და საზოგადოების ერთობა – თითოეული მოქალაქის აქტიური მხარდაჭერა.

ამჟამად სახელმწიფო დახმარების სააგენტოს ბაზაზე ქვეყნის მასშტაბით ხუთი კრიზისული ცენტრი მოქმედებს. ამ დაწესებულებების მუშაობის შესახებ დეტალური ინფორმაციის მიღება შესაძლებელია ცხელ ხაზზე 116 006. ძალადობის საკითხებზე სატელეფონო კონსულტაცია რვა ენაზე, მათ შორის ქართულზე 24 საათიან რეჟიმშია შესაძლებელი. გარანტირებულია ანონიმურობა.

კრიზისული ცენტრების მომსახურების მიღება შეუძლიათ მსხვერპლს, ოჯახური ძალადობისა და ქალებზე ძალადობის სავარაუდო მსხვერპლს, ტრეფიკინგის, სექსუალური ხასიათის ძალადობის მსხვერპლს.

ყველა დაზარალებულის, ძალადობის მსხვერპლისთვის ცენტრები უზრუნველყოფენ ფსიქოლოგიურ–სოციალურ რეაბილიტაციას, გაუწევენ სამედიცინო მომსახურებას, საჭიროების შემთხვევაში – თარჯიმნის მომსახურებას და ა.შ.

ძალადობის სტატისტიკა: 8 თვეში ოჯახური ტირანების მსხვერპლი 6 ათასზე მეტი ადამიანი გახდა>>

რაც შეეხება ძალადობის სავარაუდო მსხვერპლს, ცენტრი მათ მისცემს დროებით საცხოვრებელს, გაუწევს ფსიქოლოგის, პირველად და გადაუდებელ სამედიცინო, სამართლებრივ დახმარებას, ასევე დაეხმარება თარჯიმნით და ა.შ.

კრიზისული ცენტრების მისამართები:

  • თბილისი – ბუდაპეშტის ქუჩა №28
  • ქუთაისი – დუმბაძის ქუჩა №59–61
  • გორი – ბარნოვის ქუჩა №9ა
  • მარნეული – რუსთაველის ქუჩა №41
  • ოზურგეთი – გრიბოედოვის ქუჩა №21

ოჯახური ძალადობა დღემდე ყველაზე გავრცელებული სისხლის სამართლის დანაშაულია საქართველოში. 2020 წლის  ცხრა თვეში 4 138 ოჯახური ძალადობის შემთხვევა დაფიქსირდა. შსს-ს სტატისტიკის მიხედვით, ოჯახური ძალადობის მსხვერპლი ყველაზე ხშირად ხდებიან 25–44 წლის ქალები. წლის დასაწყისიდან ამ დანაშაულის შედეგად 19 ქალი დაიღუპა.

ქალთა მიმართ ძალადობის აღმოფხვრის დღესთან დაკავშირებით თბილისის ანძა ნარინჯისფრად განათდა>>

გაეროს გენერალურმა ასამბლეამ 1999 წლის 17 დეკემბრის პლენარულ სხდომაზე მიღებული რეზოლუციით 25 ნოემბერი ქალთა მიმართ ძალადობის აღკვეთის საერთაშორისო დღედ გამოაცხადა. ქალთა მიმართ ძალადობის აღკვეთის საერთაშორისო დღე ქალთა მიმართ ძალადობის პრობლემისადმი საზოგადოების ყურადღების მიპყრობას ისახავს მიზნად.

0