ცესკო

იზოლაციაში მყოფ ამომრჩევლებს გადასატანი ყუთის მოთხოვნისთვის დამატებით ერთი დღე ეძლევათ

69
(განახლებულია 21:18 26.10.2020)
იზოლაციაში მყოფ ამომრჩევლებს დამატებით ერთი დღე ეძლევათ, რათა დარეკონ ცესკოს საინფორმაციო ცენტრში და გადასატანი საარჩევნო ყუთის მომსახურება მოითხოვონ.

თბილისი, 26 ოქტომბერი - Sputnik. იზოლაციაში მყოფი პირები გადასატანი საარჩევნო ყუთის მოთხოვნას 27 ოქტომბრის დილის 10:00 საათიდან შუადღის 14:00 საათამდე შეძლებენ, ნაცვლად 26 ოქტომბრის 22:00 საათისა, ნათქვამია ცენტრალური საარჩევნო კომისიის (ცესკო) განცხადებაში.

2020 წლის 31 ოქტომბრის არჩევნებისთვის ცენტრალურმა საარჩევნო კომისიამ არჩევნებში ჩართულ მხარეებთან ერთად სტაციონარულ სამკურნალო დაწესებულებებში, კარანტინსა და თვითიზოლაციაში მყოფი ამომრჩევლებისთვის ხმის მიცემის წესები შეიმუშავა.

ცესკოს ინფორმაციით, აღნიშნულ პირებს სპეციალური ჯგუფები მოემსახურებიან განთავსების ადგილის მიხედვით. საარჩევნო ადმინისტრაციაში განმარტავენ, რომ იზოლაციაში მყოფმა ამომრჩევლებმა, რომლებიც შესაბამისი უწყების მონაცემთა ბაზაში ოფიციალურად არიან დაფიქსირებული, არჩევნებში მონაწილეობის მიზნით გადასატანი საარჩევნო ყუთის მოთხოვნით უნდა მიმართონ ცესკოს სატელეფონო/საინფორმაციო ცენტრს: 2 51 00 51 (0).

იზოლაციაში მყოფ პირებს გადასატანი საარჩევნო ყუთის მოთხოვნის ვადა დღეს, 22:00 საათზე ეწურებოდათ, თუმცა ცენტრალურმა საარჩევნო კომისიამ 45-ე დადგენილებაში ცვლილება შეიტანა. ცვლილებების თანახმად, თვითიზოლაციაში მყოფ ამომრჩევლებს დამატებით ერთი დღე ეძლევათ, რათა დარეკონ ცესკოს საინფორმაციო ცენტრში და გადასატანი საარჩევნო ყუთის მომსახურება მოითხოვონ.

არჩევნები საკარანტინო ზონებში: მთავარი წესები და კენჭისყრის პროცედურა>>

აღნიშნული ინიციატივა ცესკოს სხდომაზე პარტია „ევროპული საქართველოს“ წევრმა დავით გურგენიძემ დააყენა. მისი თქმით, იზოლაციაში მყოფი პირების რაოდენობა იზრდება და ვადის გადაწევით უფრო მეტ მოქალაქეს მიეცემა არჩევნებში მონაწილეობის შანსი.

იზოლაციაში მყოფმა საქართველოს მოქალაქეების ნაწილმა არჩევნებში მონაწილეობის სურვილი უკვე გამოთქვა – 900-მდე ადამიანმა ოფიციალურად მიმართა ცენტრალურ საარჩევნო კომისიას მათთვის გადასატანი საარჩევნო ურნის გამოყოფის თხოვნით.

წინასწარი მონაცემებით, საქართველოში 31 ოქტომბრის არჩევნებისთვის იმ საკარანტინო ზონებსა და სტაციონარებში, სადაც კორონავირუსით ინფიცირებულები მკურნალობენ, 127 საარჩევნო უბანი გაიხსნება.

აღნიშნულ ლოკაციებზე არჩევნებს ჩაატარებენ სპეციალური 12-კაციანი ჯგუფები. ამ სპეცჯგუფებში არ შევლენ 60 წელს გადაცილებულ პირები და ისინი, ვისთვისაც დიდი დროით ნიღბის ტარება რთულია ან მასზე უკუჩვენება აქვთ.

საქართველოში 31 ოქტომბერს საპარლამენტო არჩევნები ტარდება, რომელშიც 48 პარტია და ორი ბლოკი მონაწილეობს. ქვეყნის მოსახლეობა 150 დეპუტატს აირჩევს – 120-ს პროპორციული სისტემით, 30-ს კი მაჟორიტარული წესით.

საქართველოში არჩევნები პანდემიის პირობებში პირველად ტარდება. ამ დროისათვის ვირუსის გამოვლენილი შემთხვევების რაოდენობაა 30 303. პანდემიის დასაწყისიდან 11 370 ადამიანი გამოჯანმრთელდა, გარდაიცვალა 215 პაციენტი.

69
თემები:
საქართველოს საპარლამენტო არჩევნები 2020 (595)
ალეკო ელისაშვილი

სახელმწიფო დაფინანსებაზე უარს ორი ქართული პარტია აცხადებს

18
ორ ოპოზიციურ პარტიაში აცხადებენ, რომ სახელმწიფო დაფინანსების მოთხოვნა არჩევნების შედეგების აღიარებას ნიშნავს, ბოიკოტი ვრცელდება არამარტო შედეგებზე, არამედ არ შედეგების მიხედვით გამოანგარიშებულ დაფინანსებაზეც

თბილისი, 28 ნოემბერი – Sputnik. ოპოზიციური პოლიტიკური პარტიები - „მოქალაქეები“ და „გირჩი“ სახელმწიფო დაფინანსებაზე უარს აცხადებენ.

ცოტა ხნის წინ ცნობილი გახდა, რომ „ლეიბორისტული პარტია" ბიუჯეტიდან დაფინანსების მიღებაზე დათანხმდა, მანამდე ამის შესახებ პარტია „ლელომ“ განაცხადა.

31 ოქტომბრის შედეგების მიხედვით, პარტია „გირჩს" ბიუჯეტიდან ერგება 777 990 ლარი, ხოლო „ალეკო ელისაშვილი - მოქალაქეებს" - 497 406 ლარი.

„თუ იმ შედეგებს არ ცნობ, რაც ცესკომ დაწერა, თუ იმ რაოდენობის ხმებს არ ცნობ, რაც ცესკოს მიერაა გამოცხადებული, ამ ფორმულით დაანგარიშებულ თანხას რატომ ცნობ და რატომ იღებ - ეს არის გაუგებარი, ჩვენთვის, ჩვენი პარტიისთვის გაუგებარია. ბოიკოტი ჩვენთვის იმასაც გულისხმობს, რომ ცესკოს შედეგების მიხედვით დაანგარიშებული თანხა არ უნდა აიღო, არა მარტო პარლამენტში არ უნდა შეხვიდე“, - განაცხადა პარტია „მოქალაქეების“ ლიდერმა ალეკო ელისაშვილმა. 

რაც შეეხება „გირჩს“, ის წინასაარჩევნო კამპანიის დროს აცხადებდა, რომ დაფინანსებას ელექტრომობილ „ტესლას“ გათამაშებაზე დახარჯავდა, რაც ამჟამინდელი შედეგებით შეუძლებელია.

„ამ ფულით არჩევნებზე ნამყოფი ადამიანებს შორის "ტესლას" ავტომანქანების გათამაშებას ვგეგმავდით. ამ აქტით დემონსტრაციულად ვაპროტესტებდით პოლიტიკის დაფინანსების ჩვენთვის მიუღებელ წესს. ჩვენ მიგვაჩნია, რომ დღეს, ბიუჯეტის ფულით, "ტესლას" გათამაშებაც არ შეიძლება. ეს წინააღმდეგობაში მოდის რეალური ბოიკოტის იდეასთან. სრულიად გაუგებარია, არჩევნების შედეგების არ აღიარების და საპარლამენტო ბოიკოტის პირობებში, რატომ ვცნობთ არჩევნების შედეგებს მხოლოდ იმ ნაწილში, რაც საბიუჯეტო დაფინანსების მიღებას ეხება. ბოდიშს ვუხდით პროექტში მონაწილე ადამიანებს დანაპირების შეუსრულებლობისათვის და გპირდებით, რომ აუცილებლად მოვა დრო, როცა "ტესლას" ნაცვლად, ყველას მეტ თავისუფლებას გადმოგცემთ“, -ნათქვამია პარტიის განცხადებაში

აღსანიშნავია, რომ 2020 წლის საპარლამენტო არჩევნების შედეგებიდან გამომდინარე, დაფინანსების მიღების უფლება 14-მა პარტიამ მოიპოვა, რადგან ეს უფლება მოქმედი კანონმდებლობით ენიჭება იმ პარტიებს, რომლებმაც არჩევნებზე 1%-იანი ბარიერი გადალახეს.

არჩევნების შედეგების მიხედვით პარლამენტში შესულმა 9 პარტიამ, მათ შორის მმართველმა პარტიამ „ქართულმა ოცნებამ“ ცესკოს დაფინანსების მოთხოვნის მიზნით უკვე მიმართა. 

ოპოზიციური პარტიები 31 ოქტომბრის საპარლამენტო არცევნების შედეგებს გაყალბებულს უწოდებენ და ხელახალ არჩევნებს მოითხოვენ. ოპოზიციასა და მმართველ პარტიას შორის მოლაპარაკებები მიმდინარეობს, რომლებიც უცხოელი დიპლომატიური მისიების ინიციატივით იმართება.

 

18
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
ოპოზიციის აქცია 14.11. 2020

ოპოზიციამ ახალი მოწვევის პარლამენტის ბოიკოტი კიდევ ერთხელ დაადასტურა

52
(განახლებულია 17:46 28.11.2020)
ოპოზიციის მიერ ბოიკოტის მიუხედავად, პარლამენტი, რომელშიც უმრავლესობით „ქართული ოცნების“ დეპუტატები იქნებიან წარმოდგენილი, მუშაობის დაწყებას და კანონების მიღებას მაინც შეძლებს

თბილისი, 28 ნოემბერი – Sputnik. საკანონმდებლო ორგანოში გასული ოპოზიციური პარტიები მისი სხდომის პირველ დღეს ხელს მოაწერენ ოფიციალურ განცხადებას პარლამენტის ბოიკოტის შეს ხებ და თავის საპარტიო სიებს გაიწვევენ, განაცხადა პარტიის „ევროპული საქართველო - მოძრაობა თავისუფლებისთვის“ ლიდერმა დავით ბაქრაძემ.

საქართველოს პარლამენტში 31 ოქტომბრის არჩევნების შედეგად გავიდა რვა ოპოზიციურო პარტია და ბლოკი. ისინი არ აღიარებენ არჩევნების შედეგებს, მიიჩნევენ, რომ მმართველმა პარტია „ქართულმა ოცნებამ“ არჩევნები გააყალბა, და განაცხადეს, რომ მეათე მოწვევის პარლამენტში შესვლას არ აპირებენ.

„პარლამენტში ვინც შევიდა, ის დეპუტატები ხელს მოაწერენ, რომ უარს ამბობენ შესვლაზე, პარტიები ჩახსნიან რეგისტრაციას, რომ პარტიების ჩანაცვლება არ მოხდება და მესამე - ყველა მოაწერს ხელს, რომ ვითხოვთ ახალ არჩევნებს და ოპოზიცია ამაში არის ერთიანი", - განაცხადა ბაქრაძემ „ლეიბორისტული პარტიის“ ოფისში გამართული ოპოზიციის შეხვედრის შემდეგ.

ამასთან მან აღნიშნა, რომ ყველა დოკუმენტის ხელმოწერა არჩევნების საბოლოო შედეგების შეჯამებისა და ახალი მოწვევის პარლამენტის პირველი სხდომის გამოცხადების შემდეგ მოხდება.

ოპოზიციაში ხაზგასმით აღნიშნეს, რომ პარლამენტის პირველი სხდომის დღეს დაანონსებული ფართომასშტაბიანი საპროტესტო აქცია აღარ გაიმართება.

„ჩვენ განვიხილავთ პროტესტის სხვადასხვა ფორმებს, სავარაუდოდ ის სიმბოლური იქნება“, - განაცხადა „ერთიანი ნაციონალური მოძრაობის“ წარმომადგენელმა, თინა ბოკუჩავამ.

ამასთან, მმართველ პარტიაში ოპოზიციის ბოიკოტის არ სჯერათ. „ქართული ოცნების“ აღმასრულებელმა მდივანმა ირაკლი კობახიძემ ერთ-ერთი ინტერვიუს დროს გამოთქვა იმედი, რომ ოპოზიციური პარტიების ნაწილი მაინც შევა პარლამენტში.

უახლოეს დღეებში უნდა გაიმართოს ხელისუფლებასა და ოპოზიციას შორის მოლაპარაკებების მესამე რაუნდი, რომელიც საქართველოში აშშ-ის და ევროკავშირის ელჩების ორგანიზებით იმართება. ამ მომენტისთვის მოლაპარაკებების შედეგად ცნობილია, რომ ოპოზიცია ახალ საპარლამენტო არჩევნებს მოითხოვს, „ქართული ოცნება“ ამის კატეგორიული წინააღმდეგია და ამას ერთადერთ შეუსრულებელ მოთხოვნას უწოდებს.

ევროკავშირის და აშშ-ის ელჩებმა პოზიციების დასაახლოებლად ოპოზიციის ლიდერებთან უკვე რამდენიმე შეხვედრა გამართეს, თუმცა ახალი რაუნდის თარიღი ჯერჯერობით უცნობია.

ცესკომ უახლოეს დროს არჩევნების მეორე ტურის არჩევნების შედეგები უნდა შეაჯამოს, შემდეგ კი 20 დღის განმავლობაში პარლამენტის პირველი სხდომა დაინიშნება. ოპოზიციის მიერ ბოიკოტის მიუხედავად, პარლამენტი, რომელშიც „ქართული ოცნება“ 90 დეპუტატით იქნება წარმოდგენილი, მუშაობის დაწყებას და კანონების მიღებას მაინც შეძლებს.

52
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
მდგომარეობა მსოფლიოში კორონავირუსთან დაკავშირებით

მსოფლიოში COVID-19-ით ინფიცირების ახალი შემთხვევების და გარდაცვალების რეკორდი დაფიქსირდა

0
კორონავირუსის მეორე ტალღამ ქვეყნებს გაცილებით დიდი ძალით გადაუარა, ვიდრე პირველმა, და ინფიცირებულთა რაოდენობა გამუდმებით იზრდება

თბილისი, 28 ნოემბერი – Sputnik. მსოფლიოში კორონავირუსით ინფიცირების ახალი შემთხვევების რაოდენობა ბოლო 24 საათში 747 082-ით გაიზარდა, რაც პანდემიის დაწყებიდან რეკორდული მაჩვენებელია, ნათქვამია ჯანდაცვის მსოფლიო ორგანიზაციის ვებგვერდზე მოყვანილ მონაცემებში.

ერთ დღე-ღამეში გარდაიცვალა 13 296 ადამიანი, რაც ასევე რეკორდული რიცხვია.

COVID-19-ის ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში (405 ათასზე მეტი) და ევროპაში (236 ათასზე მეტი).

მსოფლიოში კორონავირუსით ინფიცირების 61,2 მილიონზე მეტი შემთხვევა დაფიქსირდა, გარდაიცვალა 1,4 მილიონზე მეტი ადამიანი.

ჯანდაცვის მსოფლიო ორგანიზაციამ 11 მარტს ახალი კორონავირუსის აფეთქებას პანდემია უწოდა.

0
თემები:
COVID-19-ის პანდემია მსოფლიოში