წინასაარჩევნო სიმბოლიკა

„ოდირმა“ პირველი ანგარიში გამოაქვეყნა: რა არ გამორჩათ წინასაარჩევნოდ დამკვირვებლებს

79
დოკუმენტში აღნიშნულია, რომ საარჩევნო ბარიერის დაწევამ წინასაარჩევნო გარემოს კონკურენტუნარიანობა გაზარდა, შედეგად პოლიტიკურ ასპარეზზე ბევრი ახალი პარტია გამოჩნდა

თბილისი, 18 ოქტომბერი – Sputnik. ეუთოს დემოკრატიული ინსტიტუტებისა და ადამიანის უფლებების ოფისმა (OSCE/ODIHR) გამოაქვეყნა შუალედური მოხსენება, რომელიც ქართულ წინასაარჩევნო კამპანიას ეხება.

OSCE/ODIHR-მა 25 სექტემბერს საქართველოში გახსნა გრძელვადიან დამკვირვებელთა მისია, რომელიც 13 ექსპერტისა და 27 გრძელვადიანი დამკვირვებლისგან შედგება. მისია 31 ოქტომბერს არჩევნებზე დამატებით 250 დამკვირვებლის გამოგზავნას გეგმავდა, თუმცა პანდემიის გამო ეს გადაწყვეტილება გაუქმდა.

მოხსენებაში, რომელიც 25 სექტემბრის - 10 ოქტომბრის პერიოდს მოიცავს, ნათქვამია, რომ საქართველოში არსებული წინასაარჩევნო გარემო გამოირჩევა პოლიტიკური და სოციალური დაძაბულობით, ასევე კორონავირუსის პანდემიის გამო წარმოშობილი ეკონომიკური პრობლემებით.

გარდა ამისა, „ოდირი“ აღნიშნავს, რომ აღნიშნულ პერიოდში არსებული საარჩევნო გარემო მეტად ფოკუსირებული იყო ცალკეულ ადამიანებზე, ვიდრე არსებით საკითხებზე.

„კამპანია ტარდებოდა ძირითადად მედია და ინტერნეტ-სივრცეში“, - ნათქვამია ანგარიშში. აღნიშნულია, რომ პარტიების წარმომადგენელთა პირადი შეხვედრების სიმცირე კორონავირუსის პანდემიით იყო გამოწვეული.

ანგარიშში ასევე ნათქვამია, რომ დამკვირვებელთა მონაცემებით, მისიასთან საუბრისას სხვადასხვა პარტიები ასახელებდნენ ამომრჩეველთა მოსყიდვის პოტენციურ შემთხვევებს, მათ შორის COVID-19-ის პანდემიის ფარგლებში სახელმწიფოს მიერ გაწეულ სოციალურ დახმარებას.

ანგარიშში ნახსენებია „ქართული ოცნების“ და „ერთიანი ნაციონალური მოძრაობის“ აქტივისტებს შორის შეტაკებები, რომელთა დროს აქტივისტები და ჟურნალისტები დაშავდნენ.

სადამკვირვებლო მისიამ არჩევნების ჩატარების პირობებიც აღწერა.

დოკუმენტში აღნიშნულია, რომ საარჩევნო ბარიერის დაწევამ წინასაარჩევნო გარემოს კონკურენტუნარიანობა გაზარდა, შედეგად პოლიტიკურ ასპარეზზე ბევრი ახალი პარტია გამოჩნდა.

თუმცა ამასთან „ოდირი“ აღნიშნავს, რომ პარტიების ნაწილმა და ხელისუფლებამ ბიუროს რეკომენდაცია არ გაითვალისწინა.

„ეს მოიცავს დებულებებს საარჩევნო კამპანიების, საარჩევნო ადმინისტრაციის, საარჩევნო კამპანიების დაფინანსების, საჩივრების პროცესის შესახებ და ხმების გადათვლას და ბიულეტენების ბათილად ცნობას“, - ნათქვამია ანგარიშში.

შეხვედრები, კანდიდატები, გამოკითხვები, ანგარიშები - საქართველოს პოლიტიკური კვირის შედეგები >>

„ოდირი“ აღნიშნავს ცესკოს კარგ მუშაობას, მაგრამ ამავე დროს მოხსენებაში ნათქვამია, რომ იმ დროს, როდესაც დაინტერესებული მხარეები ცესკოს მიმართ ნდობის სხვადასხვა ხარისხს გამოხატავდნენ, მისიის რამდენიმე რესპონდენტმა ოპოზიციური პარტიიდან და არასამთავრობო ორგანიზაციებიდან ქვედა რგოლის კომისიების მიუკერძოებლობასთან დაკავშირებით შეშფოთება გამოთქვა.

ანგარიში შეეხო ასევე არჩევნების გაშუქებას. შუალედური მოხსენების თანახმად, საქართველოში მედიაგარემო მრავალფეროვანი, მაგრამ პოლარიზებულია. მოსახლეობის უმეტესობისთვის ინფორმაციის ძირითად წყაროდ კვლავ ტელევიზია რჩება, ხოლო სამაუწყებლო მედიების ბაზარი გადატვირთულია.

79
თემები:
საქართველოს საპარლამენტო არჩევნები 2020 (258)
საგარეო საქმეთა სამინისტრო

ევროპის 13 ქვეყნის მოქალაქეებისთვის საქართველოში შემოსვლის წესები შეიცვალა

23
თუ საქართველოში ჩამოსული მოქალაქე ტესტის პასუხის წარმოდგენას ვერ მოახერხებს, კვლავ საკარანტინო სივრცეში განთავსდება

თბილისი, 22 ოქტომბერი – Sputnik. უცხო ქვეყნიდან ჩამოსულ საქართველოს მოქალაქეებისა და მათი ოჯახის წევრებისთვის, ასევე ევროპის 13 ქვეყნის მოქალაქეებისთვის საქართველოში შემოსვლის ახალი წესები ამოქმედდა, იუწყება საგარეო საქმეთა სამინისტრო.

უცხო ქვეყნიდან ჩამოსული საქართველოს მოქალაქეები, აგრეთვე მათი ოჯახის წევრები, 8-დღიან იზოლაციაში განთავსდებიან საქართველოში ვიზიტამდე უკანასკნელი 72 საათის განმავლობაში ჩატარებული PCR კვლევის წარდგენის შემდეგ. თუ პირი ვერ წარმოადგენს PCR ტესტს, დაექვემდებარება სავალდებულო წესით საკარანტინე სივრცეში გადაყვანას.

იგივე წესი მოქმედებს ევროპის 13 ქვეყნის მოქალაქეებისა და მუდმივი ბინადრობის (ცხოვრების) უფლების მქონე პირების მიმართ, როდესაც ისინი ამავე ქვეყნებიდან საჰაერო გზით მოემგზავრებიან. ესენია ესპანეთი, ლუქსემბურგი, ნიდერლანდები, პოლონეთი, პორტუგალია, რუმინეთი, საბერძნეთი, შვედეთი, ხორვატია, იტალია, კვიპროსი, სლოვენია, ისლანდია.

თუმცა, აღნიშნული წესი არ ეხება უცხოელ სტუდენტებს, მათთვის სავალდებულოა უკანასკნელი 72 საათის განმავლობაში ჩატარებული PCR კვლევის დამადასტურებელი საბუთის წარმოდგენა და 12 დღიანი კარანტინი, საკუთარი ხარჯებით.

საქართველოში შემოსვლისას იზოლაციას/კარანტინს არ ექვემდებარებიან:

საქართველოში ოფიციალური ვიზიტით ჩამოსული საზღვარგარეთის ქვეყნების/საერთაშორისო ორგანიზაციების ოფიციალური დელეგაციების წევრები. მათ საზღვარზე უნდა წარადგინონ უკანასკნელ 72 საათში ჩატარებული PCR-კვლევის დამადასტურებელი საბუთი;

გერმანიის, საფრანგეთის, ლატვიის, ლიეტუვის და ესტონეთის მოქალაქეები და მუდმივი ბინადრობის (ცხოვრების) უფლების მქონე პირები, თუ საქართველოში მოემგზავრებიან საჰაერო გზით, ამავე ქვეყნებიდან. მათაც საზღვარზე უნდა წარადგინონ უკანასკნელ 72 საათში ჩატარებული PCR-კვლევის დამადასტურებელი საბუთი ან ტესტი შემოსვლისას საკუთარი ხარჯით ჩაიტარონ.

აღნიშნული პირები მხოლოდ იმ შემთხვევაში დაექვემდებარებიან იზოლაცია/კარანტინს, თუ ბოლო 14 დღის განმავლობაში უფიქსირდებათ გერმანიის,  საფრანგეთის, ლიეტუვას, ლატვიას, ესტონეთის, ესპანეთის, ლუქსემბურგის, ნიდერლანდების, პოლონეთის, პორტუგალიის, რუმინეთის, საბერძნეთის, შვედეთის, ხორვატიის, იტალიის, კვიპროსის, სლოვენის, ისლანდიის გარეთ მოგზაურობა, ან ჩატარებული PCR-კვლევის შედეგად დაუდასტურდებათ ახალი კორონავირუსის არსებობა.

იმ შემთხვევაში კი, თუ ისინი, სხვადასხვა მიზეზებიდან გამომდინარე, ტესტის პასუხის წარმოდგენას ვერ მოახერხებენ, კვლავ საკარანტინო სივრცეში განთავსდებიან.

23
თემები:
COVID-19-ის პანდემია მსოფლიოში
ჯონდი ბაღათურია

პროკურატურა არკვევს, რატომ მოითხოვდა ოპოზიცია 2012 წელს სააკაშვილის იმპიჩმენტს

46
ჯონდი ბაღათურიამ უამბო გამოძიებას ოპოზიციის იმ რეაქციაზე, რომელიც გამოიწვია ყოფილი ხელისუფლების ქმედებებმა საქართველო-აზერბაიჯანის საზღვრის სადავო მონაკვეთებთან დაკავშირებით

თბილისი, 22 ოქტომბერი - Sputnik. საქართველოს გენერალურმა პროკურატურა უცხო სახელმწიფოსთვის საქართველოს ტერიტორიის ნაწილის გადაცემის საქმეზე პარტია „ქართული დასის“ ლიდერი, ჯონდი ბაღათურია გამოკითხა.

საქართველო–აზერბაიჯანის საზღვრის დემარკაციის საქმე: პროკურატურამ ლაშა დარსალია გამოკითხა >>

როგორც ბაღათურიამ პროკურატურაში გამოკითხვის შემდეგ განაცხადა, გამომძიებლები დაინტერესდნენ, რატომ მოითხოვდა ის 2012 წელს პრეზიდენტ მიხეილ სააკაშვილის იმპიჩმენტს.

„მე პრეზიდენტ სააკაშვილს ბრალი დავდე სახელმწიფო ღალატში. ჩემი პოზიცია იყო და დღესაც არის, რომ ყოფილი ხელისუფლების უმაღლესი თანამდებობის პირებმა ჩაიდინეს ღალატი და დათმეს დავით გარეჯის სამონასტრო კომპლექსის საკმაოდ დიდი ტერიტორია აზერბაიჯანის სასარგებლოდ. მაშინდელი უშიშროების საბჭოს მდივანი გიგა ბოკერია, საგარეო საქმეთა მინისტრის ყოფილი მოადგილე სერგი კაპანაძე და სხვა რიგი ჩინოვნიკები დღესაც აგრძელებენ სახელმწიფოს ღალატს და ცდილობენ იმ დოკუმენტის დელეგიტიმაციას, რომლითაც მტკიცდება, რომ დავით გარეჯი არის საქართველოს ტერიტორია და არა – აზერბაიჯანის“, - განაცხადა ბაღათურიამ.

მისი თქმით, ამ ბრალდებებს 2012 წელს საფუძვლად დაედო ის, რომ აზერბაიჯანელი მესაზღვრეები დადგნენ საქართველოს ტერიტორიაზე და ბერებსა და მომლოცველებს უდაბნოსა და ჩიჩხიტურის მონასტრებისკენ გზა გადაუკეტეს.

„მაშინ, მიხეილ სააკაშვილი, ნაცვლად იმისა, რომ საქართველოს ტერიტორია დაეცვა, წავიდა იტალიაში შოპინგზე და გააკეთა მოღალატეობრივი განცხადება, რომ დავით გარეჯის ნაწილი იყო აზერბაიჯანის ტერიტორია“, – განაცხადა ბაღათურიამ.

რაც შეეხება კარტოგრაფების საქმეზე ბრალდებულებს, ბაღათურია დარწმუნებულია, რომ „ის დიდი ფული, რომელიც გადახდილია ამ ისტორიულ ღალატში, ბრალდებულებსაც შეხვდათ“.

„შეიძლება, დაკავებულებმა დავალება შეასრულეს, მაგრამ შეუძლებელია, ეს ვინმეს გაეკეთებინა მაშინდელი პრეზიდენტის, შინაგან საქმეთა მინისტრისა და უშიშროების საბჭოს მდივნის, გიგა ბოკერიას გარეშე“, – განაცხადა ბაღათურიამ.

საზღვრის უკანონო დემარკაციის საქმე

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში უცხო სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა დააკავა. უწყების ცნობით, აღნიშნული კომისიის მიერ საქართველო–აზერბაიჯანის სახელმწიფო საზღვრის გარკვეული მონაკვეთები არამართლზომიერად, ჩვენი ქვეყნის ტერიტორიული ინტერესების საზიანოდ შეთანხმდა.

გამოძიების ცნობით, მათ 1937–1938 წლების რუკის არსებობა დამალეს და წარმოადგინეს სხვა რუკები, რის გამოც საქართველომ კინაღამ დაკარგა თავისი ტერიტორიის 3,5 ათასი ჰექტარი.

46
თემები:
ვნებათაღელვა დავით–გარეჯის ირგვლივ
დოლარები

საქართველოს ეროვნული ბანკი დოლარების გაყიდვას განაგრძობს

0
სავალუტო ბაზრის სტაბილიზაციის მიზნით, ექვს თვეში ეროვნულმა ბანკმა 18 აუქციონი ჩაატარა, რომლებზეც გაყიდული თანხა ნახევარ მილიარდ დოლარს აღემატება

თბილისი, 22 ოქტომბერი - Sputnik. საქართველოს ეროვნულმა ბანკმა ხუთშაბათს მორიგი სავალუტო აუქციონი ჩაატარა, რომელზეც 30 მილიონი დოლარი გაყიდა, ლარის საშუალო შეწონილმა გაცვლითმა დოლართან მიმართ 3,2173 GEL/$1 შეადგინა. 

სავალუტო ბაზრის სტაბილიზაციის მიზნით, ექვს თვეში ეროვნულმა ბანკმა 18 აუქციონი ჩაატარა, რომლებზეც 569,65 მილიონი დოლარი გაყიდა. ლარის ანტირეკორდი 2020 წლის 27 მარტს დაფიქსირდა, როდესაც ეროვნული ვალუტა დაეცა ნიშნულამდე 3.4842 GEL/$1.

პარასკევისთვის, 23 ოქტომბრისთვის, საქართველოს ეროვნულმა ბანკმა აშშ დოლარის მიმართ ლარის ოფიციალური გაცვლითი კურსი დაადგინა – 3,2181 GEL/$1.

მანამდე, ეროვნულმა ბანკმა განაცხადა, რომ გამოიყენებდა მის განკარგულებაში არსებულ ყველა ინსტრუმენტს ფასების სტაბილურობის შესანარჩუნებლად, მათ შორის, სავალუტო ინტერვენციებსა და სააღრიცხვო განაკვეთებს.

სავალუტო აუქციონებთან ერთად ეროვნული ბანკი ზედმეტი რყევების შესამცირებლად ყოველდღიურად იყენებს ინტერვენციებს. კერძოდ, როდესაც გაცვლითი კურსის რყევა დღის განმავლობაში წინასწარ დადგენილ ნიშნულს ასცდება, ეროვნული ბანკი გარკვეულ თანხაზე უცხოური ვალუტით ვაჭრობაში მონაწილეობს.

გარდა ამისა, წელს ეროვნული ბანკი ინტერვენციისთვის იყენებს ვალუტას, რომელსაც ქვეყანა საერთაშორისო ფინანსური ინსტიტუტებისგან კრედიტებისა თუ გრანტების სახით კორონავირუსის პანდემიის შედეგების აღმოსაფხვრელად იღებს.

დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება. 1 ოქტომბრიდან ქართული სავალუტო ბაზარი Bmatch Bloomberg-ის სისტემაში ვაჭრობაზე გადავიდა.

0
თემები:
საქართველოს ეკონომიკა