Многотысячный митинг ЕНД на батумском бульваре

ლომჯარია: ბათუმში ათასობით ადამიანის შეკრება უკიდურესი უპასუხისმგებლობის გამოვლინებაა

99
(განახლებულია 17:43 17.10.2020)
სახალხო დამცველი მიიჩნევს, რომ სახელწიფოს მხრიდან, შესაძლოა, საჭირო გახდეს მძიმე და არაპოპულარული გადაწყვეტილებების მიღება.

თბილისი, 17 ოქტომბერი - Sputnik. ბათუმში პირბადის გარეშე და დისტანციის დაუცველად ათასობით ადამიანის შეკრება უკიდურესი უპასუხისმგებლობის გამოვლინებად და საზოგადოების სიცოცხლის საფრთხის ქვეშ დაყენებად მიმაჩნია, წერს სახალხო დამცველი ნინო ლომჯარია სოციალურ ქსელში.

გუშინ ბლოკმა „ძალა ერთობაშია“, რომელიც „ერთიანმა ნაციონალურმა მოძრაობამ" შექმნა, ბათუმში მრავალათასიანი მიტინგი ჩაატარა. „ძალა ერთობაშიას“ შეკრება ბლოკიდან მაჟორიტარობის კანდიდატის ლევან ვარშალომიძის მამის კორონავირუსით გარდაცვალების გამო დამძიმებული იყო. თუმცა, მიუხედავად ყველა რეკომენდაციისა, აქციის მონაწილეთა უმრავლესობას არ ეკეთა პირბადე და არ იცავდა დისტანციას. აღსანიშნავია, რომ ოპოზიციურმა პარტია „ევროპულმა საქართველომ“ თბილისში დღეისათვის დაგეგმილი საპროტესტო აქცია გააუქმა.

ომბუდსმენი კორონავირუსის პერიოდში არჩევნების ჩატარების მსოფლიო გამოცდილებაზე  წერს და ამბობს, რომ დემოკრატიულმა ქვეყნებმა არჩევნები ძირითადად მარტისა და აპრილის თვეებში გადადეს, რადგან შემოღებული აკრძალვების ფონზე კამპანიის სრულფასოვნად ჩატარება შეუძლებელი იყო, ასევე, არჩევნების დღე შეიცავდა მაღალ რისკს დაავადების გავრცელების თვალსაზრისით.  იქ კი, სადაც ჩატარდა არჩევნები, ძირითადი განსხვავება ისაა, რომ ამ ქვეყნებში შესაძლებელი იყო ხმის მიცემის ალტერნატიული საშუალებების გამოყენება (ონლაინ ხმის მიცემა, ფოსტის მეშვეობით ხმის მიცემა).

„ჩემთვის, როგორც სახალხო დამცველისთვის წუხილის საგანს წარმოადგენს ის, რომ მოქალაქეებმა შეიძლება უარი თქვან არჩევნებში მონაწილეობაზე საკუთარი თუ ოჯახების წევრების ჯანმრთელობის გამო, რაც თავის მხრივ, საზოგადოების ცალკეული ფენების საარჩევნო უფლების შეზღუდვის და, შესაბამისად, მათი არათანაბარი მონაწილეობის საფრთხეს ქმნის“, - წერს ლომჯარია.

როგორც სახალხო დამცველი აღნიშნავს, იმ ვითარებაში, როდესაც გავრცელების კრიტიკულ მასშტაბს მიღწეულ რეგიონში (მაგალითად, ბათუმში) შესაძლებელია უპირბადოდ, დისტანციის დაუცველად შეიკრიბოს ათასობით ადამიანი, ეს ერთი მხრივ, ორგანიზატორების მხრიდან უკიდურესი უპასუხისმგებლობის გამოვლინებაა და , მეორე მხრივ, ცხადია, რომ საარჩევნო პერიოდში მოქმედი რეგულაციები ვერ უზრუნველყოფენ ადამიანის ჯანმრთელობისა და სიცოცხლის უფლების დაცვას.

ლომჯარია სახელწიფოს ვალდებულად თვლის, დაიცვას ადამიანების სიცოცხლე და მოხდეს როგორც დადგენილი რეკომენდაციების ზედმიწევნით აღსრულების უზრუნველყოფა, ასევე უსაფრთხოების ახალი წესების შემოღება, მათ შორის, შესაძლოა, საჭიროც გახდეს მძიმე და არაპოპულარული გადაწყვეტილებების მიღებაც.

საპარლამენტო არჩევნები 31 ოქტომბერს ჩატარდება. პარალელურად აირჩევენ აჭარის უმაღლეს საბჭოს წევრებსაც.

სექტემბრის დასაწყისიდან საქართველოში მკვეთრად იმატა კორონავირუსით ინფიცირებულთა რაოდენობამ. ბოლო დღეების ყოველდღიური მაჩვენებელი თითქმის ათასს აღწევს

16 ოქტომბრის დილისთვის საქართველოში კორონავირუსის 15 327 შემთხვევაა დადასტურებული. სულ გამოჯანმრთელდა 7 613 ადამიანი, გარდაიცვალა -124.

99
თემები:
COVID-19 საქართველოში (2185)
თეა წულუკიანი

თეა წულუკიანი იუსტიციის მინისტრის პოსტზე დაბრუნებას არ აპირებს

55
დადგა დრო დაინიშნოს ახალი მინისტრი, რომელიც არსებულ ფუნდამენტზე უკეთეს შენობას ააგებს, განაცხადა წულუკიანმა

თბილისი, 25 ოქტომბერი - Sputnik. იუსტიციის ყოფილი მინისტრი თეა წულუკიანი არჩევნების შემდეგ ძველ თანამდებობაზე დაბრუნებას არ აპირებს.

წულუკიანის თქმით, აქტიურად ვრცელდება ხმები მის დაბრუნებაზე, თუმცა თვითონ მსგავს არაფერს არ გეგმავს.

„ამაზე გვქონდა გუნდის შიგნით მსჯელობა და ეს, რა თქმა უნდა, ასე არ იგეგმება, იმიტომ რომ მე ბევრჯერ მითქვამს, რომ 8 წელი საკმარისია და ვფიქრობ, რომ ის, რაც შეიძლება ერთმა ადამიანმა, ერთმა გუნდმა და ერთმა სამინისტრომ 8 წლის განმავლობაში ერთგულად აკეთოს, ეს ვაკეთეთ. ახლა დროა, რომ დაინიშნოს ახალი მინისტრი, რომელიც ამ ფუნდამენტზე უკვე კიდევ უკეთეს შენობას ააგებს, რომელსაც იუსტიციის სისტემა ჰქვია“, - აღნიშნა წულუკიანმა ტელეკომპანია „იმედის“ ეთერში.

იუსტიციის ყოფილი მინისტრმა თეა წულუკიანმა თანამდებობა საარჩევნო კამპანიაში მონაწილეობის გამო დატოვა. წულუკიანი მთავრობაში ყველაზე გამოცდილი მინისტრია. ის მაშინდელი პრემიერის, ბიძინა ივანიშვილის მიერ ჩამოყალიბებულ მინისტრთა კაბინეტში 2012 წელს მოხვდა და თანამდებობაზე დარჩა ყველა სხვა მინისტრზე დიდ ხანს. მან იმუშავა ხუთი პრემიერ-მინისტრის დროს - ბიძინა ივანიშვილის, გიორგი ღარიბაშვილის, გიორგი კვირიკაშვილის, მამუკა ბახტაძის და გიორგი გახარიას დროს.

საქართველოში საპარლამენტო არჩევნები 31 ოქტომბერს გაიმართება. ამ დროისათვის არჩევნებში მონაწილეობის მისაღებად დარეგისტრირებულია 48 პარტია და ორი ბლოკი.

55
თემები:
საქართველოს პოლიტიკური ცხოვრება
ხმების დათვლა. 2018

საპარლამენტო არჩევნები 2020: კანდიდატი პარტიები/სრული სია, როგორც ბიულეტენში

44
(განახლებულია 09:11 25.10.2020)
ცენტრალურმა საარჩევნო კომისიამ უკვე დაიწყო ბიულეტენების ბეჭდვა. ეს ნიშნავს, რომ არჩევნების მონაწილეთა სია აღარ შეიცვლება, იმ შემთხვევაშიც კი, თუ პარტიამ ბოლო კვირაში არჩევნებიდან მოხსნა გადაწყვიტა

კენჭისყრა 31 ოქტომბერს გაიმართება. 120 დეპუტატს აირჩევენ პროპორციული სისტემით (პარტიული სიებით), ხოლო 30-ს - მაჟორიტარულით, ოლქებში კონკრეტული კანდიდატებისთვის კენჭისყრის შედეგად.

პარლამენტში მოსახვედრად პარტიამ უნდა გადალახოს 1%-იანი ბარიერი, ხოლო ბლოკმა მოიპოვოს იმდენი პროცენტი, რამდენი პარტიას არის მის შემადგენლობაში.

Sputnik-საქართველო წარმოგიდგენთ, როგორ გამოიყურება ბიულეტენი პროპორციული არჩევნების მონაწილეებით. სულ 3 160 900 ასეთი ბიულეტენი უნდა დაიბეჭდოს.

საპარლამენტო არჩევნების მონაწილეები:

#1. თეთრების პარტია - ლიდერი თემურ შაშიაშვილი

#2. „ბაქრაძე, უგულავა, ბოკერია - ევროპული საქართველო - მოძრაობა თავისუფლებისთვის" - ლიდერი დავით ბაქრაძე

#3. „ნინო ბურჯანაძე - ერთიანი საქართველო - დემოკრატიული მოძრაობა" - ლიდერი ნინო ბურჯანაძე

#4. „დავით ჭიჭინაძის ტრიბუნა - ქდმ " - ლიდერი გრიგოლ ჯოჯუა

#5. ბლოკი „ძალა ერთობაში" - ლიდერი გრიგოლ ვაშაძე

#6. „მომავალი საქართველო" - ლიდერი გიორგი ლაღიძე

#7. „თამაზ მეჭიაური - ერთიანი საქართველოსთვის" - ლიდერი თამაზ მეჭიაური

#8. „დავით თარხან-მოურავი, ირმა ინაშვილი - საქართველოს პატრიოტთა ალიანსი" - ლიდერი დავით თარხან-მოურავი

#9. „გაჩეჩილაძე - მწვანეთა პარტია" - ლიდერი გიორგი გაჩეჩილაძე

#10. „შალვა ნათელაშვილი - საქართველოს ლეიბორისტული პარტია" - ლიდერი შალვა ნათელაშვილი

#11. მშრომელთა სოციალისტური პარტია - ლიდერი თამაზ ჯაფოშვილი

#12. „მოძრაობა თავისუფალი საქართველოსთვის" - ლიდერი ხათუნა ქოიავა

#13. „რეფორმერი" - ლიდერი თორნიკე ჯანაშვილი

#14. „ბეჟან გუნავა - ქართული არჩევანი" - ლიდერი ბეჟან გუნავა

#16. „ახალი ქრისტიან-დემოკრატები" - ლიდერი ნიკოლოზ ჯოგლიძე

#17. „ირაკლი ოქრუაშვილი - გამარჯვებული საქართველო" - ლიდერი ირაკლი ოქრუაშვილი

#18. „ინდუსტრია გადაარჩენს საქართველოს" - ლიდერი ზურაბ ტყემალაძე

#19. მოქალაქეთა პოლიტიკური კავშირი "ჩვენი საქართველო - სოლიდარობის ალიანსი "- ლიდერი ბექა ნაცვლიშვილი

#20. „საქართველო" - ლიდერი გიორგი ლილუაშვილი

#21. „თავისუფალი საქართველო" (კახა კუკავა, გოგი წულაია) - ლიდერი კახა კუკავას

#23. „ახალი ძალა" - ლიდერი ლაზარე ზაქარიაძე

#24. „ალეკო ელისაშვილი - მოქალაქეები" - ლიდერი ალეკო ელისაშვილი

#25. „თავისუფალი დემოკრატები" - ლიდერი თამარ კეკენაძე

#26. „ეკა ბესელია - სამართლიანობისთვის" - ლიდერი ეკა ბესელია

#27. ბლოკი „გიორგი ვაშაძე - სტრატეგია აღმაშენებელი" - ლიდერი გიორგი ვაშაძე

#28. „ქართული ფესვები" - ლიდერი თენგიზ ოქროფილაშვილი

#30. „შეცვალე საქართველო" - ლიდერი გიორგი გაგნიძე

#31. „თავისუფლება – ზვიად გამსახურდიას გზა" – ლიდერი მალხაზ გორგასლიძე

#32. „სახალხო პარტია" - ლიდერი ივანე გიორგაძე

#33. „ეროვნულ-დემოკრატიული პარტია" - ლიდერი ბაჩუკი ქარდავა

#34. „სოციალური სამართლიანობისთვის" - ლიდერი მამუკა ტუსკაძე

#36. „გირჩი" - ლიდერი იაგო ხვიჩია

#41. „ქართული ოცნება - დემოკრატიული საქართველო" - ლიდერი ბიძინა ივანიშვილი

#42. „რეფორმატორები" - ლიდერი დავით მიროტაძე

#43. „ზვიადის გზა"  (ღმერთის, სიმართლისა და ქვეყნისათვის) - ლიდერი მიხეილ სალუაშვილი

#44. „ლევან ჩაჩუა, გურამ ფალავანდიშვილი - ქართული იდეა" - ლიდერი ლევან ჩაჩუა

#45. „ნაციონალური დემოკრატიული მოძრაობა" - ლიდერი დავით შუკაკიძე

#46. „გია ჟორჟოლიანი - სოციალ-დემოკრატები საქართველოს განვითარებისათვის" - ლიდერი გია ჟორჟოლიანი

#47. „ზვიად ძიძიგური - საქართველოს კონსერვატიული პარტია" - ლიდერი ზვიად ძიძიგური

#48. „არჩევანი სამშობლოსათვის“- ლიდერი ლეილა გულედანი

#49. „ჯონდი ბაღათურია - ქართული დასი" - ჯონდი ბაღათურია

#50. „პროგრესული საქართველო" - ლიდერი ირაკლი მურცხვალაძე

#51. „მოქალაქეთა პოლიტიკური გაერთიანება "საქართველოს ძალოვან ვეტერანთა და პატრიოტთა პოლიტიკური მოძრაობა" - ლიდერი გია ბერძენიძე

#52. „სერგო ჯავახიძე - ევროატლანტიკური ვექტორი" - ლიდერი სერგო ჯავახიძე

#53. „ტრადიციონალისტები" - ლიდერი აკაკი ასათიანი

#54. „ანა რეხვიაშვილი - სახალხო მოძრაობა ქრისტიან დემოკრატები“ - ლიდერი ანა რეხვიაშვილი

#55. „ქართული მარში - ნაციონალური მოძრაობა" - ლიდერი სანდრო ბრეგაძე

#56. „ლელო - მამუკა ხაზარაძე" - ლიდერი მამუკა ხაზარაძე

#57. „მამულიშვილთა ორდენი „სამშობლო“ - ლიდერი გრიგოლ სოხაძე

#60. „საქართველოს განვითარების პარტია" - ლიდერი ქეთევან გოგლიძე

44
თემები:
საქართველოს საპარლამენტო არჩევნები 2020
თურქეთის პრეზიდენტი რეჯეფ თაიიფ ერდოღანი

ერდოღანმა განაცხადა, რომ არ ეშინია აშშ-ის სანქციების

0
თურქეთის ლიდერმა კომენტარი გააკეთა რამდენიმე ამერიკელი პოლიტიკოსის განცხადებებზე, რომლებიც ანკარის წინააღმდეგ სანქციების დაწესებას ეხებოდა

თბილისი, 25 ოქტომბერი — Sputnik. თურქეთს არ ეშინია ამერიკული სანქციების ყარაბაღის კონფლიქტში აზერბაიჯანის მხარდაჭერის გამო და არ წამოეგება აშშ-ის მუქარის ენას, რომლებიც С-400-ის ტიპის საჰაერო თავდაცვის რუსულ სისტემებზე უარის თქმას მოითხოვენ, განაცხადა თურქეთის პრეზიდენტმა რეჯეფ თაიიფ ერდოღანმა.

„ზოგიერთები ამერიკიდან ურეკავენ ჩემს ძმას ილჰამს (ალიევს, აზერბაიჯანის პრეზიდენტს - რედ.) და აცხადებენ, რომ იციან, ვინ უჭერს მხარს აზერბაიჯანს. ეს არის ერდოღანი და თურქეთი. ამერიკელები ანკარის წინააღმდეგ სანქციებით იმუქრებიან. ჩვენ კი ვპასუხობთ: „შენ (ამერიკა - რედ.) არ გესმის, ვისთან გაქვს საქმე. მიდი, შემოიღე, ნუღა აყოვნებ“, - განაცხადა თურქეთის პრეზიდენტმა ქალაქ მალათიაში. ტრანსლაცია პრეზიდენტის Twitter-ში მიმდინარეობდა.

გარდა ამისა, ერდოღანმა ყურადღება გაამახვილა აშშ-ის ხელისუფლების პოზიციაზე, რომლებმაც უარი თქვეს თურქული მხარისთვის მეხუთე თაობის  F-35-ის ტიპის თვითმფრინავების გადაცემაზე, რაშიც ანკარას თანხა უკვე გადახდილი ჰქონდა.

С-400-ის ტიპის საჰაერო თავდაცვის უახლესი რუსული სისტემების მიწოდება, რამაც თურქეთსა და აშშ-ს შორის კრიზისი გამოიწვია, 2019 წლის ივლისში დაიწყო. ვაშინგტონი გარიგებაზე უარის თქმას მოითხოვდა და სანაცვლოდ ამერიკული კომპლექსების - Patriot-ების შეძენას სთავაზობდა, წინააღმდეგ შემთხვევაში თურქეთისთვის F-35-ის ტიპის უახლესი გამანადგურებლების მიყიდვის შეჩერებით ან გაუქმებით იმუქრებოდა. ასევე გაისმა მუქარა „სანქციების მეშვეობით მოწინააღმდეგის შეკავების შესახებ“ კანონის (CAATSA) ფარგლებში სანქციების დაწესების შესახებ. ანკარამ უარი თქვა დათმობაზე და С-400-ის დამატებითი პარტიის შესახებ მოლაპარაკებები განაგრძო.

0
თემები:
ესკალაცია ყარაბაღში 2020