ენმ-ს მიტინგი ბათუმში

რეკომენდაციების მიუხედავად: „ნაცმოძრაობამ“ ბათუმში მრავალათასიანი მიტინგი გამართა

80
(განახლებულია 10:35 17.10.2020)
მრავალათასიან მიტინგზე, მიუხედავად რეკომენდაციებისა, მონაწილეთა უმრავლესობა პირბადეების გარეშე იყვნენ და არ იცავდნენ დისტანციას

თბილისი, 16 ოქტომბერი -  Sputnik. ბლოკმა „ძალა ერთობაშია“, რომელიც „ერთიანმა ნაციონალურმა მოძრაობამ" შექმნა, არჩევნებამდე ორი კვირით ადრე ბათუმში მრავალათასიანი მიტინგი ჩაატარა. გამოკითხვების მიხედვით სწორედ ამ ქალაქში აქვს ბლოკს ყველაზე მაღალი რეიტინგი.

აქციაზე რამდენიმე ათასი ადამიანი შეიკრიბა. „ძალა ერთობაშიას“ შეკრება ბლოკიდან მაჟორიტარობის კანდიდატის ლევან ვარშალომიძის მამის კორონავირუსით გარდაცვალების გამო დამძიმებული იყო. თუმცა, მიუხედავად ყველა რეკომენდაციისა, აქციის მონაწილეთა უმრავლესობას არ ეკეთა პირბადე და არ იცავდა დისტანციას.

აქციის აპოგეა კიევიდან ექს–პრეზიდენტ მიხეილ სააკაშვილის ჩართვა გახდა. სწორედ მის წარდგენას აპირებს პრემიერობის კანდიდატად „ძალა ერთობაშია“, თუ არჩევნებში გაიმარჯვა.

„ჩვენ არ გვაქვს ხელების ჩამოშვების დრო... გამარჯვება არის ძალიან ახლოს, ერთი ხელის გაწვდენაზე... სულ რამდენიმე დღეში საქართველო გათავისუფლდება ამ კოშმარისგან“, – განაცხადა სააკაშვილმა.

Многотысячный митинг ЕНД на батумском бульваре
photo : courtesy of United National Movement
მრავალათასიანი მიტინგი ბათუმში

მან აღნიშნა, რომ საქართველო კორონავირუსის გამოწვევის წინაშე დგას. სააკაშვილმა დაადანაშაულა ხელისუფლება აჭარის ხელოვნურად ინფიცირებაში, რაც მიზნად ისახავდა მოსახლეობის დაშინებას, რომ ისინი არჩევნებზე არ წასულიყვნენ.

მიუხედავად იმისა, რომ ვიდეოტრანსლაცია ტექნიკური მიზეზების გამო წყდებოდა, მოქალაქეები სააკაშვილის გამოსვლას აპლოდისმენტებით ხვდებოდნენ.

„დღეს მე ჩაგეხუტეთ ეკრანით და სულ მალე ჩაგეხუტებით მანდ, ბათუმის ბულვარში და ბათუმის ქუჩებში, საქართველოს თითოეულ ქალაქში... არ მაინტერესებს არცერთი თანამდებობა, არ მაღელვებს არცერთი კაბინეტი, მაგრამ მე ვარ ძალიან ამბიციური ადამიანი და უსაზღვროდ მჯერა ქართველი ერის“, – აღნიშნა სააკაშვილმა.

საპარლამენტო არჩევნები 31 ოქტომბერს ჩატარდება. პარალელურად აირჩევენ აჭარის უმაღლეს საბჭოს წევრებსაც.

Survation–ის გამოკითხვა: ბათუმში შეიძლება მეორე ტური ჩატარდეს>>

ამჟამად ბლოკი „ძალა ერთობაშია“ აჭარაში დიდი პოპულარობით სარგებლობს. კომპანია Survation–ის მიერ ჩატარებულმა გამოკითხვამ მაჟორიტარულ ოლქებში აჩვენა, რომ ბათუმში „ქართული ოცნებისა“ და ბლოკის „ძალა ერთობაშია“ წარმომადგენლებს შორის მეორე ტური შეიძლება გაიმართოს. ეს ერთადერთი გამოკითხვაა, სადაც მმართველი პარტია პირველ წრეში ვერ იმარჯვებს.

80
თემები:
საქართველოს საპარლამენტო არჩევნები 2020 (273)
ხმების დათვლა. 2018

საპარლამენტო არჩევნები 2020: კანდიდატი პარტიები/სრული სია, როგორც ბიულეტენში

35
(განახლებულია 09:11 25.10.2020)
ცენტრალურმა საარჩევნო კომისიამ უკვე დაიწყო ბიულეტენების ბეჭდვა. ეს ნიშნავს, რომ არჩევნების მონაწილეთა სია აღარ შეიცვლება, იმ შემთხვევაშიც კი, თუ პარტიამ ბოლო კვირაში არჩევნებიდან მოხსნა გადაწყვიტა

კენჭისყრა 31 ოქტომბერს გაიმართება. 120 დეპუტატს აირჩევენ პროპორციული სისტემით (პარტიული სიებით), ხოლო 30-ს - მაჟორიტარულით, ოლქებში კონკრეტული კანდიდატებისთვის კენჭისყრის შედეგად.

პარლამენტში მოსახვედრად პარტიამ უნდა გადალახოს 1%-იანი ბარიერი, ხოლო ბლოკმა მოიპოვოს იმდენი პროცენტი, რამდენი პარტიას არის მის შემადგენლობაში.

Sputnik-საქართველო წარმოგიდგენთ, როგორ გამოიყურება ბიულეტენი პროპორციული არჩევნების მონაწილეებით. სულ 3 160 900 ასეთი ბიულეტენი უნდა დაიბეჭდოს.

საპარლამენტო არჩევნების მონაწილეები:

#1. თეთრების პარტია - ლიდერი თემურ შაშიაშვილი

#2. „ბაქრაძე, უგულავა, ბოკერია - ევროპული საქართველო - მოძრაობა თავისუფლებისთვის" - ლიდერი დავით ბაქრაძე

#3. „ნინო ბურჯანაძე - ერთიანი საქართველო - დემოკრატიული მოძრაობა" - ლიდერი ნინო ბურჯანაძე

#4. „დავით ჭიჭინაძის ტრიბუნა - ქდმ " - ლიდერი გრიგოლ ჯოჯუა

#5. ბლოკი „ძალა ერთობაში" - ლიდერი გრიგოლ ვაშაძე

#6. „მომავალი საქართველო" - ლიდერი გიორგი ლაღიძე

#7. „თამაზ მეჭიაური - ერთიანი საქართველოსთვის" - ლიდერი თამაზ მეჭიაური

#8. „დავით თარხან-მოურავი, ირმა ინაშვილი - საქართველოს პატრიოტთა ალიანსი" - ლიდერი დავით თარხან-მოურავი

#9. „გაჩეჩილაძე - მწვანეთა პარტია" - ლიდერი გიორგი გაჩეჩილაძე

#10. „შალვა ნათელაშვილი - საქართველოს ლეიბორისტული პარტია" - ლიდერი შალვა ნათელაშვილი

#11. მშრომელთა სოციალისტური პარტია - ლიდერი თამაზ ჯაფოშვილი

#12. „მოძრაობა თავისუფალი საქართველოსთვის" - ლიდერი ხათუნა ქოიავა

#13. „რეფორმერი" - ლიდერი თორნიკე ჯანაშვილი

#14. „ბეჟან გუნავა - ქართული არჩევანი" - ლიდერი ბეჟან გუნავა

#16. „ახალი ქრისტიან-დემოკრატები" - ლიდერი ნიკოლოზ ჯოგლიძე

#17. „ირაკლი ოქრუაშვილი - გამარჯვებული საქართველო" - ლიდერი ირაკლი ოქრუაშვილი

#18. „ინდუსტრია გადაარჩენს საქართველოს" - ლიდერი ზურაბ ტყემალაძე

#19. მოქალაქეთა პოლიტიკური კავშირი "ჩვენი საქართველო - სოლიდარობის ალიანსი "- ლიდერი ბექა ნაცვლიშვილი

#20. „საქართველო" - ლიდერი გიორგი ლილუაშვილი

#21. „თავისუფალი საქართველო" (კახა კუკავა, გოგი წულაია) - ლიდერი კახა კუკავას

#23. „ახალი ძალა" - ლიდერი ლაზარე ზაქარიაძე

#24. „ალეკო ელისაშვილი - მოქალაქეები" - ლიდერი ალეკო ელისაშვილი

#25. „თავისუფალი დემოკრატები" - ლიდერი თამარ კეკენაძე

#26. „ეკა ბესელია - სამართლიანობისთვის" - ლიდერი ეკა ბესელია

#27. ბლოკი „გიორგი ვაშაძე - სტრატეგია აღმაშენებელი" - ლიდერი გიორგი ვაშაძე

#28. „ქართული ფესვები" - ლიდერი თენგიზ ოქროფილაშვილი

#30. „შეცვალე საქართველო" - ლიდერი გიორგი გაგნიძე

#31. „თავისუფლება – ზვიად გამსახურდიას გზა" – ლიდერი მალხაზ გორგასლიძე

#32. „სახალხო პარტია" - ლიდერი ივანე გიორგაძე

#33. „ეროვნულ-დემოკრატიული პარტია" - ლიდერი ბაჩუკი ქარდავა

#34. „სოციალური სამართლიანობისთვის" - ლიდერი მამუკა ტუსკაძე

#36. „გირჩი" - ლიდერი იაგო ხვიჩია

#41. „ქართული ოცნება - დემოკრატიული საქართველო" - ლიდერი ბიძინა ივანიშვილი

#42. „რეფორმატორები" - ლიდერი დავით მიროტაძე

#43. „ზვიადის გზა"  (ღმერთის, სიმართლისა და ქვეყნისათვის) - ლიდერი მიხეილ სალუაშვილი

#44. „ლევან ჩაჩუა, გურამ ფალავანდიშვილი - ქართული იდეა" - ლიდერი ლევან ჩაჩუა

#45. „ნაციონალური დემოკრატიული მოძრაობა" - ლიდერი დავით შუკაკიძე

#46. „გია ჟორჟოლიანი - სოციალ-დემოკრატები საქართველოს განვითარებისათვის" - ლიდერი გია ჟორჟოლიანი

#47. „ზვიად ძიძიგური - საქართველოს კონსერვატიული პარტია" - ლიდერი ზვიად ძიძიგური

#48. „არჩევანი სამშობლოსათვის“- ლიდერი ლეილა გულედანი

#49. „ჯონდი ბაღათურია - ქართული დასი" - ჯონდი ბაღათურია

#50. „პროგრესული საქართველო" - ლიდერი ირაკლი მურცხვალაძე

#51. „მოქალაქეთა პოლიტიკური გაერთიანება "საქართველოს ძალოვან ვეტერანთა და პატრიოტთა პოლიტიკური მოძრაობა" - ლიდერი გია ბერძენიძე

#52. „სერგო ჯავახიძე - ევროატლანტიკური ვექტორი" - ლიდერი სერგო ჯავახიძე

#53. „ტრადიციონალისტები" - ლიდერი აკაკი ასათიანი

#54. „ანა რეხვიაშვილი - სახალხო მოძრაობა ქრისტიან დემოკრატები“ - ლიდერი ანა რეხვიაშვილი

#55. „ქართული მარში - ნაციონალური მოძრაობა" - ლიდერი სანდრო ბრეგაძე

#56. „ლელო - მამუკა ხაზარაძე" - ლიდერი მამუკა ხაზარაძე

#57. „მამულიშვილთა ორდენი „სამშობლო“ - ლიდერი გრიგოლ სოხაძე

#60. „საქართველოს განვითარების პარტია" - ლიდერი ქეთევან გოგლიძე

35
თემები:
საქართველოს საპარლამენტო არჩევნები 2020 (273)
წინასაარჩევნო აგიტაცია

რამხელა თანხა დახარჯეს პარტიებმა საარჩევნო კამპანიაზე - სახელმწიფო აუდიტის ინფორმაცია

49
(განახლებულია 10:26 25.10.2020)
21 მილიონი ლარი დახარჯეს ყველაზე რეიტინგულმა პოლიტიკურმა პარტიებმა, დანარჩენებმა ჯამში 2 მილიონი ლარი დახარჯეს

თბილისი, 25 ოქტომბერი — Sputnik. პოლიტიკურმა პარტიებმა საარჩევნო კამპანიის დროს 1 სექტემბრიდან 12 ოქტომბრამდე დაახლოებით 23 მილიონი ლარი დახარჯეს, აქედან 12,6 მილიონზე მეტი - წინასაარჩევნო რეკლამაზე, ნათქვამია სახელმწიფო აუდიტის სამსახურის ვებგვერდზე გამოქვეყნებულ მასალებში.

არჩევნებში სულ 48 პარტია და ორი ბლოკი იღებს მონაწილეობას.

რეკლამაზე ყველაზე მეტი დახარჯა „ქართულმა ოცნებამ“, რომელსაც სარეკლამო კამპანია დაახლოებით 7,2 მილიონი ლარი დაუჯდა, მეორე ადგილზეა ბლოკი „ძალა ერთობაშია“ 1,8 მილიონი ლარით, მესამე ადგილი კი დაიკავა „ლელო საქართველოსთვის, რომელმაც რეკლამაზე 1,79 მილიონი ლარი დახარჯა.

ცხრა ყველაზე რეიტინგულმა პარტიამ არჩევნებზე დახარჯა თითქმის 21 მილიონი ლარი, კიდევ 41-მა პოლიტიკურმა ძალამ ჯამში დახარჯა 2 მილიონი ლარი. პარტიების ხარჯები 12 ოქტომბრიდან კენჭისყრის დღემდე - 31 ოქტომბრამდე ცნობილი არჩევნების შემდეგ გახდება.

პარტია     ჯამური ხარჯი რეკლამის ხარჯი
„ქართული ოცნება - დემოკრატიული საქართველო" 10 612 565 ლარი 7 146 006 ლარი
„ერთიანი ეროვნული მოძრაობა“ (ბლოკი „ძალა ერთობაშია") 2 203 757 ლარი 1 864 982 ლარი
„ევროპული საქართველო - თავისუფლების მოძრაობა" 2 008 234 ლარი 1 634 575 ლარი
„საქართველოს პატრიოტთა ალიანსი " 1 242 466 ლარი 53 478 ლარი
„ლელო საქართველოსთვის" 2 566 897 ლარი 1 793 441 ლარი
„სტრატეგია აღმაშენებელი" 1 856 468 ლარი 1 248 921 ლარი
„ერთიანი საქართველო - დემოკრატიული მოძრაობა" 174 983 ლარი 97 591 ლარი
„საქართველოს ლეიბორისტული პარტია" 228 154 ლარი 104 832 ლარი
„გირჩი" 0 ლარი 0 ლარი

საქართველოს ეროვნულმა ბანკმა 24 ოქტომბერს ლარის კურსი აშშ დოლარის მიმართ 3,2202 GEL/$1 ნიშნულზე დაადგინა.

საქართველოში 31 ოქტომბერს არჩევნები გაიმართება. ამ დღეს საქართველოს მოსახლეობა აირჩევს პარლამენტის დეპუტატებს, აჭარის უმაღლესი საბჭოს წევრებს, ასევე რამდენიმე მუნიციპალიტეტის ადგილობრივი ხელისუფლების წარმომადგენლებს. საბოლოო მონაცემებით, ამომრჩეველთა ერთიან სიაში 3 526 032 ადამიანია.

49
თემები:
საქართველოს საპარლამენტო არჩევნები 2020 (273)
ზუგდიდის რეფერალური საავადმყოფო

სამეგრელო-ზემო სვანეთის რეგიონში კორონავირუსის 93 შემთხვევა გამოვლინდა

0
(განახლებულია 14:09 25.10.2020)
რეგიონში დადასტურებული შემთვევების უმრავლესობა ზუგდიდში გამოვლინდა, ყველაზე მეტი პაციენტები რუხის კლინიკაში მკურნალობს

თბილისი, 25 ოქტომბერი — Sputnik. სამეგრელო-ზემო სვანეთის რეგიონის მასშტაბით ზუგდიდის ინფექციური საავადმყოფოს ლაბორატორიაში გამოკვლეული 276 ნიმუშებიდან 93-ზე დადებითი პასუხია, იუწყება Sputnik-საქართველოს კორესპონდენტი.

სამეგრელო-ზემო სვანეთის სახელმწიფო რწმუნებულის მოვალეობის შემსრულებლის მალხაზ თორიას გამცხადებით, აქედან 59 შემთხვევა დაფიქსირდა ზუგდიდში. 10 შემთხვევა - ფოთში, 7 შემთხვევა - წალენჯიხაში. ასევე 7 შემთხვევა ჩხოროწყუში, 6 შემთხვევა  სენაკში, 3 შემთხვევა დაფიქსირდა ხობში, 1 ოკუპირებული აფხაზეთის ტეროტორიიდან. მათი ნაწილი უკვე დადასტურებული კონტაქტები არიან, ხოლო ნაწილი კი ახალი შემთხვევებია და ისინი ცხელებით შესული პაციენტები არიან.

რუხის კლინიკაში მკურნალობის კურსს გადის 119 კოვიდ პაციენტი, აქედან 15-ის მდგომარეობა შედარებით მძიმეა. ფოთის ჰოსპიტალში 40 კოვიდპაციენტი მკურნალობს.

ბოლო 24 საათის განმავლობაში რეგიონის მასშტაბით გამოჯანმრთელდა 9 პირი, მათ შორის 5 რუხის კლინიკიდან და 4 ფოთის კლინიკაში მკურნალობდა. (3 ზუგდიდი, 3 ოკუპირებული აფხაზეთის ტერიტორიიდან, 1 წალენჯიხა, 1 სამტრედია, 3 ქუთაისი).

რეგიონის მასშტაბით სულ საკარანტინე სივრცეში იმყოფება - 174 ადამიანი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1928-ით გაიზარდა და საერთო რიცხვმა 28 431-ს მიაღწია, გამოჯანმრთელებულთა რიცხვს 604 ადამიანი შეემატა, გარდაიცვალა 8 ადამიანი.

ამ დროისათვის სულ გამოჯანმრთელდა 10767 ადამიანი, გარდაიცვალა – 201, კარანტინის რეჟიმში იმყოფება 4112, სტაციონარებში ექიმების დაკვირვების ქვეშ 3766 პაციენტია, ხოლო კოვიდ–სასტუმროებში 2268 ადამიანი იმყოფება.

„დაბურული მინის“ ნიშანი : რა ცვლილებები აღმოაჩნდათ უსიმპტომო პაციენტებს >>

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

0
თემები:
COVID-19 საქართველოში