დავით ბაქრაძე

არჩევნები და კორონავირუსი: „ევროპულმა საქართველომ“ პანდემიის გამო საპროტესტო მარში გააუქმა

43
(განახლებულია 19:33 16.10.2020)
აქცია თბილისში შაბათს, 17 ოქტომბერს იყო დაგეგმილი. აქციის მონაწილეებს რესპუბლიკის მოედნიდან „ქართული ოცნების“ ლიდერის, მილიარდერ ბიძინა ივანიშვილის რეზიდენციამდე მარშით უნდა გაევლოთ

თბილისი, 16 ოქტომბერი -  Sputnik. ქვეყანაში ეპიდემიური ვითარების გაუარესება პოლიტიკოსების გეგმებზეც აისახა – ოპოზიციურმა პარტია „ევროპულმა საქართველომ“ შაბათს თბილისში დაგეგმილი საპროტესტო აქცია გააუქმა. ამის შესახებ ჟურნალისტებს პარტიის ლიდერმა დავით ბაქრაძემ განუცხადა.

პარტიის წარმომადგენლებს თბილისში შაბათს მომხრეებთან ერთად  რესპუბლიკის მოედნიდან რუსთაველის გამზირის გავლით „ქართული ოცნების“ ლიდერის, მილიარდერ ბიძინა ივანიშვილის რეზიდენციამდე მარშით უნდა გაევლოთ.

„ყველა შეშფოთებით ვადევნებთ თვალს ქვეყანაში კორონავირუსის გავრცელების სტატისტიკას და ვხედავთ, რომ ვითარება ყოველდღიურად უფრო მძიმე ხდება... ასეთ პირობებში განსაკუთრებული პასუხისმგებლობა გვეკისრება თითოეულ ჩვენგანს, რომ გავუფრთხილდეთ ჩვენ მოსახლეობის სიცოცხლესა და ჯანმრთელობას“, – განმარტა პარტიის გადაწყვეტილება ბაქრაძემ.

ამასთან, მან აღნიშნა, რომ პარტიის წინასაარჩევნო კამპანია გრძელდება.

„ჩვენ გვექნება შეხვედრებიც, აქციებიც, მაგრამ ეს ერთი კონკრეტული აქცია სრულიად განსხვავებული იყო თავისი ფორმითა და ფორმატით. ამ ერთ აქციაზე მოხდებოდა სხვადასხვა რაიონებიდან ათასობით ადამიანის ერთად თავშეყრა, რაც გაზრდიდა რისკს და იქნებოდა მსვლელობა, რომლის დროსაც რთულია დისტანციის გაკონტროლება და ადამიანების იზოლირების ზომების დაცვა“, – აღნიშნა ბაქრაძემ.

წინასაარჩევნო რბოლა: 48 პარტია და ორი ბლოკი – სრული ჩამონათვალი>>

ბოლო დღე–ღამეში თბილისში კორონავირუსის 200–ზე მეტი ახალი შემთხვევა დაფიქსირდა. ეპიდვითარების გაუარესების ფონზე ხელისუფლებამ გაამკაცრა კონტროლი და რესტორნებისა და ღამის კლუბების მუშაობა 22:00 საათის შემდეგ შეზღუდა. ყოველდღიურად იკეტება ცალკეული სკოლები, საბავშვო ბაღები, სადაც კორონავირუსის შემთხვევები ვლინდება.

43
თემები:
საქართველოს საპარლამენტო არჩევნები 2020 (332)
ირაკლი კობახიძე

კობახიძე: მათ ხელკეტებითა და ელექტროშოკებით აღჭურვილი ეკიპაჟები ჰყავთ

11
„ქართული ოცნება" ყოფილი მმართველი პარტია „ერთიანი ნაციონალური მოძრაობის" მხრიდან პროვოკაციებს ელოდება

 

თბილისი, 30 ოქტომბერი - Sputnik. ყოფილი მმართველი პარტია „ერთიანი ნაციონალური მოძრაობა“ კენჭისყრის დღეს  ცალკეულ  საარჩევნო ოლქში  ელექტროშოკებითა და ხელკეტებით  შეიარაღებული დაჯგუფებების გამოყენებით პროვოკაციებს ამზადებს, განაცხადა მმართველი პარტია „ართული ოცნება – დემოკრატიული საქართველოს“ აღმასრულებელმა მდივანმა ირაკლი კობახიძემ ბრიფინგზე. 

აღნიშნული განცხადება მმართველი პარტიის ლიდერების, კერძოდ, კობახიძის  მხრიდან არჩევნების დღეს შესაძლო პროვოკაციასთან დაკავშირებით პირველი არ არის. კობახიძემ ადრე განაცხადა, რომ „ნაციონალურ მოძრაობას“, გარდა ოფიციალური საარჩევნო შტაბისა, გახსნილი აქვს ე.წ. რევოლუციური შტაბი, რომელსაც ყოფილი პრემიერი ვანო მერაბიშვილი ხელმძღვანელობს.  ოპოზიციური პარტიის წარმომადგენლებმა აღნიშნული ინფორმაცია კატეგორიულად უარყვეს.

„ხვალ პროვოკაციები ყველაზე მეტად მოსალოდნელია ბოლნისში, დმანისში, მარნეულში, ბათუმში, ზუგდიდსა და გლდანში. პროვოკაციების ორგანიზების კუთხით, დამკვირვებლებმა განსაკუთრებული ყურადღება უნდა გაამახვილონ „ნაციონალური მოძრაობის“ წარმომადგენლებზე – დევი ჭანკოტაძეზე, დიმიტრი შაშკინსა და ნიკა მელიაზე. ჩვენთვის ახლახანს გახდა ჩვენთვის ცნობილი, რომ მათ მობილიზებული ჰყავთ ეკიპაჟები, რომლებიც აღჭურვილი არიან ხელკეტებითა და ელექტროშოკებით“, – განაცხადა კობახიძემ.

მისი განმარტებით, ეკიპაჟების  გარკვეული ნაწილი არის ყოფილი სამხედრო მოსამსახურე და პოლიციელი და შესაბამისად, მათ აქვთ იარაღის ტარების უფლებაც.

„ჩვენ ხელში ჩაგვივარდა „ნაციონალური მოძრაობის“ ოფისებიდან გამოჟონილი იმ ადამიანების სიები, რომლებიც მათ მიერ დესტრუქციული ქმედებებისთვის არიან მობილიზებული“, – განაცხადა კობახიძემ.

მისი განმარტებით,  ნებისმიერი მსგავსი ქმედება კანონის შესაბამისად დაისჯება და  „ქართული ოცნების“  მხარდამჭერებს თავშეკავებისკენ  მოუწოდა.

31 ოქტომბერს საქართველოში საპარლამენტო არჩევნები ტარდება, რომელშიც 48 პარტია და ორი ბლოკი მონაწილეობს.

11
თემები:
საქართველოს საპარლამენტო არჩევნები 2020 (332)
ოპოზიციის აქცია

ვის წინააღმდეგ ვმეგობრობთ? ოპოზიციური პარტიების ლიდერებმა მემორანდუმი გააფორმეს

14
(განახლებულია 16:21 30.10.2020)
დოკუმენტზე ხელმოწერით ოპოზიციამ თავის თავზე აიღო ვალდებულება, არ შევიდეს კოალიციაში და არ ითანამშრომლოს „ქართულ ოცნებასთან“

თბილისი, 30 ოქტომბერი – Sputnik. რიგი ოპოზიციური პარტიების წარმომადგენლებმა ხელი მოაწერეს მემორანდუმს, რომლითაც აიღეს ვალდებულება, რომ არ ითანამშრომლონ და არ შევიდნენ კოალიციაში მმართველ პარტია „ქართულ ოცნებასთან“.

მემორანდუმს „ლეიბორისტული პარტიის“ ოფისში ხელი მოაწერეს „ევროპული საქართველოს“, გირჩის, „ერთიანი საქართველო – დემოკრატიული მოძრაობის“, სტრატეგია აღმაშენებლის“, „რესპუბლიკური პარტიისა“ და და სხვა პოლიტიკური ძალების ლიდერებმა.

როგორც „ევროპული საქართველოს“ წევრმა ლევან თარხნიშვილმა ჟურნალისტებს განუცხადა, შეკრებილი პარტიები არ შევლენ „ქართულ ოცნებასთან“ კოალიციაში და „ოცნება“ მარტო დარჩება. მეორე გზავნილია ის, რომ ოპოზიციურ პარტიებს შორის არსებული უთანხმოებების მიუხედავად, ისინი შეძლებენ ისაუბრონ ფუნდამენტურ საკითხებზე არჩევნების შემდეგ, როდესაც ბიძინა ივანიშვილისა და „ქართული ოცნების“ მმართველობა დასრულდება.

 „სტრატეგია აღმაშენებლის“ ლიდერის გიორგი ვაშაძის განცხადებით, ამ ღონისძიებას სიმბოლური დატვირთვა აქვს, რადგან, მისი აზრით, ძნელი წარმოსადგენია, რომ ზემოთ ჩამოთვლილი პარტიებიდან რომელიმე კოალიციურ კავშირში შევიდეს „ქართულ ოცნებასთან“.

არჩევნები 2020: ოპოზიციურმა კანდიდატებმა თბილისში საინტერესო შეთანხმება დადეს>>

„ლეიბორისტულმა პარტიამ“ თავისი ოფისი არჩევნების წინ ოპოზიციური პარტიების ლიდერებს შესახვედრად არაერთხელ დაუთმო.

საპარლამენტო არჩევნები 31 ოქტომბერს ჩატარდება. მასში მონაწილეობს 48 პარტია და ორი ბლოკი.

14
თემები:
საქართველოს საპარლამენტო არჩევნები 2020 (332)
მაია ასათიანი

„ხელის გულზე ვატარებ“ - მაია ასათიანი ცნობილ ფოტოგრაფს ხელში აყვანილი დაჰყავს - ვიდეო

0
(განახლებულია 12:43 30.10.2020)
მაია ასათიანი სოციალურ ქსელში სახალისო ვიდეოს აქვეყნებს. ნახეთ რა მოხდა ფოტოსესიაზე და რა მდგომარეობაში აღმოჩბნდა ცნობილი ტელეწამყვანი

ფოტოსესიის შემდეგ, შემაღლებული ადგილიდან ცნობილი ტელეწამყვანი მაია ასათიანი ფოტოგრაფმა ნიკოლოზ ურუშაძემ ხელში აყვანილი ჩამოსვა. „ასე დამყავს სულ, ხელის გულზე ვატარებ“ - ისმის ფოტოგრაფის ხმა ვიდეოში, რომელსაც მაია „ინსტაგრამის“ „სთორიზე“ აქვეყნებს.

ფოტოსესია, სავარაუდოდ, თოქ-შოუ „პროფილისთვის“ მიმდინარეობდა, რადგან კადრებში გადაცემის პროდიუსერებიც სჩანან. პოპულარული ჟურნალისტი სკანდალური ცხოვრების მიუხედავად უამრავ ადამიანს უყვარს.

View this post on Instagram

მერე რა რომ ზამთარია...happy birthday დე✌🏻

A post shared by maia asatiani (@maia.assatiani) on

მის გარშემო განსაკუთრებულად გულწრფელი ადამიანები ერთადერთი ქალიშვილის გარდაცვალების შემდეგ გამოჩნდნენ. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან. როგორც ოჯახის წევრებს შეეფერება, მაიას დებთან ძალიან ახლო და მეგობრული ურთიერთობა აქვს.

View this post on Instagram

ესეც გადაღების შემდეგ😍

A post shared by maia asatiani (@maia.assatiani) on

რამდენიმე თვის წინ „ფორტუნა პლუსის“ გადაცემა „ვიზიტორში“ ჟურნალისტმა და ტელეწამყვანმა მაია ასათიანმა მისი ცხოვრების აქამდე უცნობ ფაქტებზე ისაუბრა. მისი თქმით, შვილის გარდაცვალების შემდეგ სოციალურ ქსელში მასზე ბევრი ჭორი იწერებოდა, რაც ძალას აძლევდა, რომ მუდმივად ტონუსში ყოფილიყო.

View this post on Instagram

კიდევ შეგრჩა თუ არა მხიარული თვალები...🦋

A post shared by maia asatiani (@maia.assatiani) on

„რაც ჩემს პირად ცხოვრებას შეეხება, დიახ, რასაც საუბრობდნენ, მართალი იყო, უბრალოდ ახლა ამ ყველაფერზე საუბარი არ მსურს, იმიტომ რომ ეს მხოლოდ მე არ მეკუთვნის. მე პირადი ცხოვრება მაქვს და მუდამ მქონდა, უბრალოდ ის დაცულია. რაც გათხოვებას შეეხება, გათხოვება არ მინდა“, – თქვა მაშინ ტელეწამყვანმა.

0
თემები:
სელებრითების ცხოვრება