აგიტაცია ჰოლივუდიდან: ბრიტანელი ვარსკვლავი ქართველ პოლიტიკოსს უჭერს მხარს

© photo: AFP 2020 / Ilya S. Savenokრალფ ფაინსი
რალფ ფაინსი - Sputnik საქართველო
გამოწერა
ჰოლივუდის მსახიობი პირადად იცნობს ქართველ პოლიტიკოსს და მას, როგორც წესიერ და სამართლიან ადამიანს, რეკომენდაცია გაუწია.

თბილისი, 15 ოქტომბერი – Sputnik. ცნობილმა ბრიტანელმა მსახიობმა რალფ ფაინსმა პატარა ვიდეორგოლი ჩაწერა, სადაც მხარი დაუჭირა მაჟორიტარი დეპუტატობის კანდიდატს „ევროპული საქართველოდან“ არმაზ ახვლედიანს, რომელიც ბათუმში იყრის კენჭს.

როგორც გაირკვა, ბრიტანელი მსახიობი და ქართველი პოლიტიკოსი პირადად იცნობენ ერთმანეთს.

მე ამირჩიე! როგორ რეკლამას მიმართავენ პარტიები, ანუ კრეატივი ქართულად>>

„არმაზ, მოგესალმები, რალფი ვარ. მინდა წარმატებები გისურვო წინასაარჩევნო კამპანიაში. ერთმანეთი გასულ წელს გავიცანით და ძალიან მიხარია, ერთმანეთს რომ ვიცნობთ. ვიცი, რომ პრინციპულ, ჰუმანურ, გამჭვირვალე, წესიერ და გულწრფელ კამპანიას ჩაატარებ“, – ამბობს ფაინსი.

მსახიობმა ახვლედიანს წარმატებები უსურვა და თავისი მხარდაჭერა გამოუცხადა.

ქართველმა პოლიტიკოსმა ფაინსის მხარდაჭერით წინასაარჩევნო პოსტერებზეც ისარგებლა.

„მე და რალფს დიდი ხნის მეგობრობა გვაკავშირებს. მადლობა მას მხარდაჭერისთვის“, – წერია პოსტერზე.

ფაინსის გამოჩენა ქართულ წინასაარჩევნო კამპანიაში უყურადღებოდ არ დარჩენია სოციალური ქსელების ქართველ მომხმარებელს.

„ნიჭიერი და ყველასგან გამორჩეული მსახიობი. მშურს შენი, არმაზ“, არ მჯერა“, „ასეთი მხარდაჭერით გამარჯვება უზრუნველყოფილია“ – წერენ სოციალური ქსელების მომხმარებლები.

რალფ ფაინსი – ინგლისელი თეატრისა და კინოს მსახიობია. არის შექსპირის პიესების როლების ერთ-ერთი ცნობილი შემსრულებელი. კინოსამყაროში სახელი გაითქვა სხვადასხვა ფილმით, რომელთა შორის არის „შინდლერის სია“ და „ინგლისელი პაციენტი“.

საქართველოში საპარლამენტო არჩევნები 31 ოქტომბერს ჩატარდება.

ყველა ახალი ამბავი
0