აზერბაიჯანთან საზღვარი, დავით–გარეჯთან

გახარია: აზერბაიჯანი არის ჩვენი პარტნიორი და საზღვრის დელიმიტაციის საკითხი ორმხრივი თემაა

35
(განახლებულია 19:50 15.10.2020)
საქართველო–აზერბაიჯანის საზღვარი 440 კილომეტრია, მისი მესამედი ჯერ არ არის დელიმიტირებული. საზღვრის დემარკაცია საკმაოდ მტკივნეული საკითხია საქართველოსა და აზერბაიჯანის ურთიერთობებში.

თბილისი, 15 ოქტომბერი – Sputnik. აზერბაიჯანი არის ჩვენი სტრატეგიული პარტნიორი და ნებისმიერი საკითხი, რომელიც ეხება საზღვრის დელიმიტაცია-დემარკაციას, არის ორმხრივი თემა, რომელიც გადაწყდება სტრატეგიული პარტნიორობის, მეგობრობის ფარგლებში და მოლაპარაკებების შედეგად, განაცხადა საქართველოს პრემიერ-მინისტრმა გიორგი გახარიამ დავით–გარეჯის საკითხზე საუბრისას.

საქართველო–აზერბაიჯანის საზღვრის დემარკაცია საკმაოდ მტკივნეული საკითხია საქართველოსა და აზერბაიჯანის ურთიერთობებში, ამასთან, მხარეები მწვავე განცხადებებს ერიდებიან. 

მთავრობის მეთაურის განცხადებით, დავით-გარეჯის ისტორია არ დაწყებულა არც გუშინ, არც ერთი თვის წინ, დავით-გარეჯის ისტორია დაიწყო წლების წინ. მისი თქმით, დამნაშავეების დადგენა გამოძიების პრეროგატივაა, საქართველოში არავის აქვს „ინდულგენცია", მათ შორის არც ექს-პრეზიდენტ მიხეილ სააკაშვილს, რომლის პრეზიდენტობის დროსაც არასწორად მოხდა საზღვრის მონაკვეთის დელიმიტაცია.

„ზუსტად იმ ოპოზიციას, რომელიც პროვოკაციულ კითხვას სვამს, დიდი წვლილი მიუძღვის საკითხის გამწვავებაში. კითხვა, რატომ მაინცდამაინც ახლა, მათ, პირველ რიგში, საკუთარ თავს უნდა დაუსვან. არანაირი შეზღუდვები გამოძიებას არ ექნება. რაც შეეხება აზერბაიჯანთან ურთიერთობას, აზერბაიჯანი არის ჩვენი მეზობელი, მეგობარი და სტრატეგიული პარტნიორი“, – განაცხადა გიორგი გახარიამ.

საქართველო–აზერბაიჯანის საზღვარი 440 კილომეტრია, მისი მესამედი ჯერ არ არის დელიმიტირებული. ერთ-ერთ სადავო მონაკვეთზე მდებარეობს მეექვსე საუკუნის დავით–გარეჯის სამონასტრო კომპლექსი, რომლის ნაწილზეც პრეტენზიას აზერბაიჯანული მხარე აცხადებს.

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში უცხოეთის სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა დააკავა. უწყების ცნობით, აღნიშნული კომისიის მიერ საქართველო–აზერბაიჯანის სახელმწიფო საზღვრის გარკვეული მონაკვეთები არამართლზომიერად, ჩვენი ქვეყნის ტერიტორიული ინტერესების საზიანოდ შეთანხმდა.

გამოძიების ცნობით, მათ 1937–1938 წლების რუკის არსებობა დამალეს და წარმოადგინეს სხვა მასშტაბის რუკები, რის გამოც საქართველომ კინაღამ დაკარგა თავისი ტერიტორიის 3,5 ათასი ჰექტარი.

35
თემები:
საქართველო–აზერბაიჯანის საზღვრის დემარკაციის საქმე (24)
წინასაარჩევნო სიმბოლიკა

ვის აძლევენ ხმას საქართველოს მოქალაქეები - ახალი გამოკითხვის შედეგები

45
კითხვას - „დღეს რომ ჩატარდეს საპარლამენტო არჩევნები, რომელ პარტიას მისცემდით ხმას?“ - რესპონდენტების 56%-მა უპასუხა, რომ მხარს დაუჭერდა მმართველ პარტია „ქართულ ოცნებას“

თბილისი, 28 ოქტომბერი - Sputnik. ტელეკომპანია „იმედის“ დაკვეთით ამერიკული კომპანია Public Opinion Strategies-ს მიერ ჩატარებული გამოკითხვის შედეგების თანახმად, მმართველი პარტია „ქართული ოცნება“ საარჩევნო რბოლაში 56%-ით კვლავ პირველ პოზიციას ინარჩუნებს, მესამე ადგილზე კი „საქართველოს პატრიოტთა ალიანსია“.

საპარლამენტო არჩევნები საქართველოში 31 ოქტომბერს გაიმართება. მასში 48 პარტია და ორი ბლოკი მონაწილეობს.

ახალი გამოკითხვის თანახმად, რომელიც Public Opinion Strategies-სთვის ქართულმა კომპანია GORBI-მ ჩაატარა, მმართველმა პარტია „ქართულმა ოცნებამ“ 56% მოაგროვა. მეორე ადგილზე „ერთიანი ნაციონალური მოძრაობა“ გავიდა 19,9%-ით. მესამე ადგილი კი სხვა გამოკითხვებთან შედარებით უნიკალური აღმოჩნდა. ის „საქართველოს პატრიოტთა ალიანსმა“ 4,6%-ით დაიკავა. პარტიამ „ევროპული საქართველო - მოძრაობა თავისუფლებისთვის“ 4,3% მიიღო და მხოლოდ მეხუთე ადგილს დასჯერდა. მეოთხე ადგილზე გავიდა „ქართული ოცნების“ ყოფილ თანამოაზრეთა პარტია „ჩვენი საქართველო - სოლიდარობის ალიანსი“ 4,5%-ით.

მომდევნო ადგილები შემდეგ პარტიებს შორის გადანაწილდა:

პარტია     მიღებული ხმები
„ლელო საქართველოსთვის" 3,9%
„გირჩი" 3%
„ლეიბორისტული პარტია" 2,2%
„ერთიანი საქართველო - მოძრაობა თავისუფლებისთვის" 1,6%

 

გამოკითხვა 9-20 ოქტომბერს ჩატარდა. მასში მონაწილეობა 1 518-მა ადამიანმა მიიღო. კონკრეტულად სად ჩატარდა გამოკითხვა, მითითებული არ არის. გამოკითხვის ცდომილებაა +/-2,5%.

45
თემები:
საქართველოს საპარლამენტო არჩევნები 2020
სალომე ზურაბიშვილი

სალომე ზურაბიშვილმა საპარლამენტო არჩევნებამდე სამი დღით ადრე მოქალაქეებს მიმართა

54
(განახლებულია 21:51 28.10.2020)
სალომე ზურაბიშვილმა დაიცვა პოლიციის თანამშრომლები, რომლებიც პოლიტიზირებულობაში და მმართველი პარტიის მითითებების შესრულებაში დაადანაშაულეს

თბილისი, 28 ოქტომბერი — Sputnik. საქართველოს პრეზიდენტმა სალომე ზურაბიშვილმა კენჭისყრამდე სამი დღით ადრე მოქალაქეებს არჩევნებზე წასვლისკენ მიუწოდა და თავდასხმებისგან დაიცვა ექიმები, ჯარი და პოლიციელები.

„წადით არჩევნებზე, წადით მშვიდ, სამართლიან არჩევნებზე!“,- განაცხადა პრეზიდენტმა და მიულოცა მათ, ვინც არჩევნებზე პირველად მიდის.

საქართველოში 31 ოქტომბერს გაიმართება საპარლამენტო არჩევნები, აჭარის უმაღლესი საბჭოს და შუალედური არჩევნები. არჩევნები კორონავირუსის პანდემიის პირობებში გაიმართება.

„არჩევნებზე მისვლა ყველა არსებულ გამოწვევაზე საუკეთესო პასუხი და ჩვენი ხვალინდელი დღის უალტერნატივო გარანტიაა. ეს თითოეული მოქალაქის ვალია - თქვენი, ჩემი“, - განაცხადა ზურაბიშვილმა.

ზურაბიშვილმა უპასუხა კრიტიკას ჯარის მისამართით, რომელიც მედიაში გაისმა ბადრი ესებუას სამხედრო წარსულის გამო, რომელმაც ზუგდიდში „საქართველოს ბანკში“ მძევლად 43 ადამიანი აიყვანა.

„ჯარზე - ერთი პირის გამო, ვინც არ უნდა იყოს ეს პირი, წარმოუდგენელია დანაშაულის განვრცობა მთელ ჯარზე. მიუღებელია დამაკნინებელი და მადისკრედიტირებელი შეფასებების გავრცელება მთლიანად ჯარზე“, - განაცხადა საქართველოს პრეზიდენტმა.

მან ასევე უპასუხა ბრალდებებს პოლიციის თანამშრომლების მისამართით, რომლებიც პოლიტიზირებულობასა და მმართველი პარტიის მითითებების შესრულებაში, ასევე არაპროფესიონალიზმში იმის გამო დაადანაშაულეს, რომ ესებუა დღემდე ემალება გამოძიებას.

„როგორც პრეზიდენტმა, მინდა კატეგორიულად დავგმო ის მიზანმიმართული მცდელობა, რომელიც საზოგადოების თვალში ჩვენი სამართლდამცავების პროფესიონალიზმის შელახვას ემსახურება და საბოლოოდ კი ძირს უთხრის შიდა სტაბილურობას“, - აღნიშნა ზურაბიშვილმა.

პრეზიდენტი კორონავირუსით ინფიცირებულთა მზარდი რაოდენობის გამო ჯანდაცვის სფეროზე თავდასხმებს გამოეხმაურა და ექიმების გმირობაზე ისაუბრა.

„ეს შეტევები ემსახურება ქვეყანაში არასტაბილურობის განცდის შექმნას, შიშის და პანიკის გავრცელებას და დაძაბულობის გაღვივებას წინასაარჩევნო პერიოდში“, - განაცხადა მან.

54
თემები:
საქართველოს საპარლამენტო არჩევნები 2020
შემოდგომის ფოთოლი

ზოდიაქოს ხუთი იღბლიანი ნიშანი ნოემბერში ვის გაუმართლებს ყველაზე მეტად

0
(განახლებულია 17:20 28.10.2020)
ასტროლოგების აზრით, ნოემბერი შემოდგომის ყველაზე ხელსაყრელი თვეა. იღბალი ყველას ეწვევა, მაგრამ ამ ხუთი ნიშნის წარმომადგენლებს – ყველაზე ხშირად

ასტროლოგებმა ნოემბრის რჩეული ნიშნები დაასახელეს, ზოდიაქოს ამ ხუთი ნიშნის წარმომადგენლებს ამ თვეში ყველაზე მეტად გაუმართლებს

2020 წლის სახუმარო ჰოროსკოპი ზოდიაქოს ნიშნებისთვის>>

ვერძი

ვერძებისთვის ნოემბერი ცხოვრების ყველა სფეროში წარმატებული თვე იქნბა. ვარსკვლავები და პლანეტები ძალზე ხელსაყრელ მდგომარეობაში იქნებიან, განსაკუთრებით თვის დასაწყისში. ვერძები შეძლებთ ადრე გაწეული მუშაობის პიველი ნაყოფის დანახვას. ის, რაც ოქტომბერში გააკეთეთ, ახლა უკვე სიხარულს, ფულსა და იღბალს მოგიტანთ. არ არის გამორიცხული, რომ წარმატება პირდაპირ „ხელში ჩაგივარდეთ“ – მხოლოდ მზად უნდა იყოთ ამისთვის.

ტყუპი

ყველა ტყუპს დიდი წარმატებები ელოდება ფინანსურ სფეროში. ძალიან გაგიმართლებთ. იდეალური დროა ძვირფასი შენაძენების, სახსრების ინვესტიციისთვის საკუთარ განვითარებაში. ბევრი თქვენგანი შეძლებს ახალი სამსახურის მოძებნას, შემოსვლების დამატებითი წყაროების პოვნას, ბევრს ეწვევა შთაგონება და ენთუზიაზმით აივსება. მოტივაციაც უამრავი იქნება, მთავარია საქმეების სწორად დაგეგმვა. დიდი წწარმატებები ელოდება შემოქმედებითი სფეროების წარმომადგენლებს.

როგორია თქვენი ბოსი? ხელმძღვანელის პლუსები და მინუსები ზოდიაქოს ნიშნის მიხედვით>>

ქალწული

ქალწულების ცხოვრება, ვარსკვლავებისა და პლანეტების დამსახურებით, უკეთესობისკენ შეიცვლება. ნოემბერში უამრავი კარგი ცვლილება გელოდებათ სასიყვარულო ფრონტზე – განსაკუთრებით, მარტოხელა ქალწულებს. შეიძლება შეხვდეთ დიდ სიყვარულს, იმ ერთადერთს, რომელთანაც მთელი ცხოვრების გატარების სურვილი გაგიჩნდებათ, ასევე ცხოვრებაში საუკეთესო მეგობარს. ზოგადად, ამ თვეში ბევრი სასარგებლო და საბედისწერო ნაცნობობა გელოდებათ. ასევე გაუმართლებს იმათაც, ვისაც უკვე ჰყავს პარტნიორი – საუკეთესო დრო იქნება საერთო პრობლემების მოგვარებისა და გადაჭრისთვის.

მშვილდოსანი

მშვილდოსნებს მრავალი საინტერესო მოვლენა გელოდებათ ნოემბერში. თვე დატვირთული იქნება ახალი შეხვედრებით, თავგადასავლებით, უეცარი აღმაფრენებით. დიდი ძალა და ენერგია დაგჭირდებათ, რომ ტონუსი შეინარჩუნოთ და არაფერი მნიშვნელოვანი არ გამოგრჩეთ. ნოემბრის ბოლოს, თვის მესამე დეკადაში თქვენი ენერგიის ფარული რეზერვები გააქტიურდება და რომ იტყვიან, „მეორე სუნთქვა“ გაგეხსნებათ. ვარსკვლავები მძლავრ პოზიტიურ იმპულსს გამოგიგზავნიან, რომლის წყალობითაც თქვენი ცხოვრებაუკეთესობისკენ შეიცვლება.

ზოდიაქოს ნიშნების ვენდეტა>>

მერწყული

სექტემბერსა და ოქტომბერში მერწყულებს არაერთი საქმე და საზრუნავი დაგიგროვდათ. ეს პრობლემები ნოემბერში უკვე მოგვარდება. ვარსკვლავები დაგეხმარებიან წარმატებების მიღწევაში. ასტროლოგები ამ თვეში ძვირადღირებული ნივთების ყიდვას გირჩევენ – საუბარია რამე აუცილებელსა და ძალზე მნიშვნელოვანზე. შესაძლებელი გახდება ასევე წარმატებული სამუშაო გარიგებების დადება.

0