საგარეო საქმეთა სამინისტრო

ექსპერტები ადასტურებენ საქართველოს პრეტენზიებს დავით-გარეჯის სადავო ტერიტორიაზე

87
(განახლებულია 21:18 14.10.2020)
ქართულმა მხარემ ავტორიტეტულ უცხოელ ექსპერტებთან ქართულ-აზერბაიჯანული საზღვრის დემარკაციის საკითხზე კონსულტაციები ჩაატარა.

თბილისი, 14 ოქტომბერი – Sputnik. საერთაშორისო ექსპერტები, რომლებმაც შეისწავლეს დავით-გარეჯთან დაკავშირებული რუკები და დოკუმენტები, მივიდნენ დასკვნამდე, რომ 1:200 000 მასშტაბის რუკა ადასტურებს საქართველოს პრეტენზიებს დავით-გარეჯის სამონასტრო კომპლექსის სადავო ტერიტორიაზე, განაცხადა საგარეო საქმეთა მინისტრის მოადგილემ ლაშა დარსალიამ.

თბილისში სახელმწიფო საზღვრის დელიმიტაციის კომისიის მუშაობის განახლების იმედი აქვთ >>

მან აღნიშნა, რომ რადგან ქვეყნის სამომავლო სტრატეგიასა და ტაქტიკასთან ბევრი რამაა დაკავშირებული, მიზანშეწონილია საუბარი უფრო მეტად დახურული ფორმატის საერთაშორისო დასკვნებზე, თუმცა შესაძლებელია დასახელდეს ზოგიერთი მნიშვნელოვანი მომენტი.

„ჩვენ ვთხოვეთ საერთაშორისო ექსპერტებს, შეეფასებინათ ეს რუკები და დოკუმენტები და მათ გარკვეული რეკომენდაციები მოგვცეს. მაგალითად, ამ შეფასებებში მკაფიოდაა მითითებული, რომ 1:200 000 მასშტაბის რუკა ადასტურებს საქართველოს პრეტენზიებს დავით-გარეჯის სამონასტრო კომპლექსის სადავო ტერიტორიაზე“, – განაცხადა დარსალიამ.

ამასთან, როგორც მინისტრის მოადგილემ აღნიშნა, საერთაშორისო ექსპერტები აცხადებენ, რომ საერთაშორისო სამართლის თვალსაზრისით ეს რუკა უნდა განიხილებოდეს არა ცალკეულად, არამედ როგორც მხარდამჭერი დოკუმენტი 1:500 000 მასშტაბის რუკისთვის, რომელიც შეიძლება დაეყრდნოს სწორედ 1938 წლის 1:200 000 მასშტაბის რუკას.

„საერთაშორისო ექსპერტების დასკვნებში ასევე აღნიშნულია, რომ ეს გადაწყვეტილება, თავის მხრივ, არის ბოლო ორმხრივი შეთანხმება აზერბაიჯანისა და საქართველოს საზღვრის შესახებ, რომელიც 1996 წელს არის რატიფიცირებული და ქართული საზღვრის დემარკაციისთვის საბაზო დოკუმენტს წარმოადგენს“, – განაცხადა დარსალიამ.

საზღვრის დემარკაციის საქმე

საქართველო–აზერბაიჯანის საზღვარი 440 კილომეტრია, მისი მესამედი ჯერ არ არის დელიმიტირებული. ერთ–ერთ სადავო მონაკვეთზე მდებარეობს მეექვსე საუკუნის დავით–გარეჯის სამონასტრო კომპლექსი, რომლის ნაწილზეც პრეტენზიას აზერბაიჯანული მხარე აცხადებს.

საქართველოს პროკურატურამ საქართველო–აზერბაიჯანის საზღვრის დელიმიტაციის პროცესში უცხოეთის სახელმწიფოსთვის საქართველოს ტერიტორიის ნაწილის გადაცემის საქმეზე საქართველო–აზერბაიჯანის დელიმიტაცია-დემარკაციის კომისიის ორი ყოფილი წევრი – საქართველოს საგარეო საქმეთა სამინისტროს თანამშრომელი ივერი მელაშვილი და შსს-ს თანამშრომელი ნატალია ილიჩოვა დააკავა. უწყების ცნობით, აღნიშნული კომისიის მიერ საქართველო–აზერბაიჯანის სახელმწიფო საზღვრის გარკვეული მონაკვეთები არამართლზომიერად, ჩვენი ქვეყნის ტერიტორიული ინტერესების საზიანოდ შეთანხმდა. 

გამოძიების ცნობით, მათ 1937–1938 წლების რუკის არსებობა დამალეს და წარმოადგინეს სხვა მასშტაბის რუკები, რის გამოც საქართველომ კინაღამ დაკარგა თავისი ტერიტორიის 3,5 ათასი ჰექტარი.

87
თემები:
ვნებათაღელვა დავით–გარეჯის ირგვლივ (65)
მიხეილ სააკაშვილის გამოსვლა მიტინგზე

სააკაშვილმა მხარდამჭერებს მიმართა - ვის გაშვებას პენსიაზე აპირებს ექს-პრეზიდენტი

4
ყოფილმა მმართველმა პარტიამ არჩევნებამდე ორი დღით ადრე გადაწყვიტა აჩვენოს მხარდამჭერთა მობილიზაციის დონე და აქციაზე ათასობით ადამიანი შეკრიბა

თბილისი, 29 ოქტომბერი — Sputnik. თბილისის ცენტრში არჩევნებამდე ორი დღით ადრე მიტინგი, რომელიც გამართა ყოფილმა მმართველმა პარტიამ „ქართული ოცნება - დემოკრატიული საქართველო“ და პარტნიორებმა ბლოკიდან „ძალა ერთობაშია“, ჩატარდა მასშტაბურად, ხმაურიანად და ცეკვა-სიმღერით.

Вахтанг Кикабидзе поет. Акция сторонников Единого нацдвижения в центре грузинской столицы
© Sputnik / STRINGER
ბუბა კიკაბიძე „ნაცმოძრაობის“ მიტინგზე

ორგანიზატორების მტკიცებით, თავისუფლების მოედანზე კორონავირუსის გამო დისტანციის დაცვით დაიდგა 50 ათასი სკამი და ყველა დაკავებული იყო. შეკრებილები თავდაპირველად პირბადეებით იყვნენ, თუმცა მომიტინგეები შემდეგში თანდათან გახურდნენ და ზოგმა ჩამოიწია, ზოგმა საერთოდ მოიხსნა ნიღაბი.

ერთდროულად „ნაცმოძრაობის“ მხარდამჭერების აქცია ქუთაისშიც გაიმართა.

„გაერთიანებული ოპოზიცია 31 ოქტომბერს მიდის ამ არჩევნებზე გაანალიზებული შეცდომებით, შეგნებული გამოცდილებით და ზუსტად დასახული მომავლის გეგმებით“, - განაცხადა „ნაცმოძრაობის“ თავმჯდომარემ გრიგოლ ვაშაძემ.

მან პირობა დადო, რომ ყოფილი მმართველი პარტია შურისძიებას არ აპირებს.

„არც ერთი საჯარო მოხელე, არც ერთი ადამიანი არ დაისჯება რევანშის გულისთვის. ჩვენ არავითარი შურისძიების განხორციელებისთვის არ მოვდივართ და ისე წავიყვანთ ამ ქვეყანას, რომ დამარცხებულად თავი არავინ არ იგრძნოს“, - განაცხადა ვაშაძემ.

Акция сторонников Единого нацдвижения в центре грузинской столицы
© Sputnik / Vladimir Umikashvili
„ნაცმოძრაობის“ მხარდამჭერთა აქცია

ლიდერების გამოსვლებს ცნობილი ქართველი არტისტების გამოსვლები ცვლიდა. ორი სიმღერა ვახტანგ კიკაბიძემაც შეასრულა.

მიტინგის კულმინაცია გახდა ექს-პრეზიდენტ მიხეილ სააკაშვილის მიმართვა, რომელსაც ბლოკი გამარჯვების შემთხვევაში პრემიერ-მინისტრის პოსტზე წარადგენს.

სააკაშვილმა მხარდამჭერებს კიევიდან მიმართა.

Выступает Михаил Саакашвили. Акция сторонников Единого нацдвижения в центре грузинской столицы
© Sputnik / STRINGER
სიტყვით გამოდის მიხეილ სააკაშვილი. „ნაცმოძრაობის“ მხარდამჭერთა აქცია

„წავიდეთ არჩევნებზე, წყნარად გავუშვათ პენსიაზე ივანიშვილი, მისი ჯგუფი და გავაგრძელოთ ძალიან სწრაფი განვითარება“,-განაცხადა სააკაშვილმა. ის არწმუნებდა თავის მხარდამჭერებს, რომ მას აინტერესებს არა ძალაუფლება, არამედ მხოლოდდამხოლოდ ქვეყნის განვითარება“, - განაცხადა სააკაშვილმა. ის არწმუნებდა თავის მხარდამჭერებს, რომ მას აინტერესებს არა ძალაუფლება, არამედ მხოლოდდამხოლოდ ქვეყნის განვითარება.

ამასთან მან აღნიშნა, რომ მისი პარტია არ დაუშვებს გაყალბებას და განაცხადა, რომ „პასუხი გაიცემა ძალიან მკაცრად“.

აქციამ ინციდენტების გარეშე ჩაიარა, თუმცა თავიდან მის ჩაშლას შეეცადა ულტრანაციონალისტური პარტია „ქართული მარში“. მისმა ლიდერებმა გარკვეული დროით გადაკეტეს რუსთავი-თბილისის ტრასა, რათა „ნაცმოძრაობის“ მხარდამჭერთა კოლონა აქცია არ გაეშვათ. თუმცა პოლიციის ჩარევის შემდეგ ინციდენტი ამოიწურა.

„ქართულმა მარშმა“ „ნაცმოძრაობის“ მომხრეებს რუსთავის ტრასა გადაუკეტა >>

საპროტესტო აქციის დროს, რომელსაც პირდაპირ ეთერში ოპოზიციური არხები აშუქებდნენ, საქართველოს მოქალაქეებს ორგანიზაციისგან „დავასრულოთ“ მიუვიდათ სმს-შეტყობინებები, სადაც „ნაცმოძრაობის“ არსებობის დასრულების მოწოდება გაჟღერდა.

4
თემები:
საქართველოს საპარლამენტო არჩევნები 2020
გიორგი გახარია

გახარია: საქართველოში არ უნდა არსებობდეს დიდი სხვაობა ქალაქებს შორის

27
პრემიერ-მინისტრის განცხადებით, მთავრობა ინვესტიციებს გზების, სკოლების, საგანმანათლებლო დაწესებულებების, სპორტული მოედნების მშენებლობაში განახორციელებს.

თბილისი, 29 ოქტომბერი — Sputnik. საქართველოს მთავრობა მომავალი ოთხი წლის განმავლობაში ქვეყნის ინფრასტრუქტურაში მინიმუმ 20 მილიარდი ლარის ინვესტირებას განახორციელებს, განაცხადა საქართველოს პრემიერ-მინისტრმა გიორგი გახარიამ ვაკეში მაჟორიტარი დეპუტატობის კანდიდატის წარდგენისას. 

გიორგი გახარიას თქმით, საქართველოში არ უნდა არსებობდეს დიდი სხვაობა ქალაქებს შორის.

„ჩვენ ყველაფერი უნდა გავაკეთოთ იმისთვის,  რომ საქართველოს მასშტაბით ჩვენს მოქალაქეებს შევუქმნათ თანაბარი პირობები. იცხოვრონ, იშრომონ და განვითარდნენ იქ, სადაც იბადებიან და ცხოვრობენ. ამას ძალიან დიდი მნიშვნელობა აქვს, განსაკუთრებით ახალგაზრდებისთვის. სწორედ ამიტომ საქართველოს მთავრობა მომავალი 4 წლის განმავლობაში ქვეყნის სისტემურ ინფრასტრუქტურაში განახორციელებს მინიმუმ 20 მილიარდი ლარის ინვესტირებას“, - განაცხადა გიორგი გახარიამ.

პრემიერ-მინისტრის განცხადებით, მთავრობა ინვესტიციებს გზების, სკოლების, საგანმანათლებლო დაწესებულებების, სპორტული მოედნების მშენებლობაში განახორციელებს.

„ეს იქნება ის, რამაც ჩვენი ქვეყანა უნდა დაამსგავსოს საუკეთესო ევროპულ ქვეყნებს და ქალაქებს. მერწმუნეთ, რომ ეს ოთხი წელი იქნება ლოგიკური გაგრძელება იმ რვა წლის, რომელიც ჩვენ აქამდე გამოვიარეთ და ეს ოთხი წელი მოგვცემს ჩვენ შესაძლებლობას აბსოლუტურად დასაბუთებულად გავაკეთოთ განაცხადი სრულფასოვან წევრობაზე ევროპის დიდ ოჯახში“, - განაცხადა გიორგი გახარიამ.

დღეს მმართველმა პარტია „ქართული ოცნება - დემოკრატიულმა საქართველომ“ ვაკეში მაჟორიტარობის კანდიდატად ნოდარ ტურძელაძე წარადგინა.

საპარლამენტო არჩევნები საქართველოში 31 ოქტომბერს ჩატარდება. მასში მონაწილეობას მიიღებს 48 პარტია და ორი ბლოკი. ქვეყნის მოსახლეობამ 150 დეპუტატი უნდა აირჩიოს — 120 პროპორციული და 30 მაჟორიტარული სისტემით. საარჩევნო ხმის უფლება აქვს საქართველოს ყველა მოქალაქეს, რომელსაც არჩევნების დღემდე შეუსრულდა ან იმ დღეს უსრულდება 18 წელი და რომელიც აკმაყოფილებს საარჩევნო კოდექსით დადგენილ პირობებს.

27
თემები:
საქართველოს პოლიტიკური ცხოვრება