ქართული ოცნების ბანერი

Edison Research „ქართული ოცნება“ პარტიების რეიტინგის ლიდერია

95
(განახლებულია 17:03 13.10.2020)
კვლევის შედეგებმა აჩვენა, რომ ქვეყნის მოსახლეობის თითქმის მეოთხედს გადაწყვეტილი არ აქვს, ვის დაუჭერს მხარს არჩევნებში.

თბილისი, 13 ოქტომბერი – Sputnik. მმართველი პარტია „ქართული ოცნება – დემოკრატიული საქართველო“ პარტიების რეიტინგში ლიდერობს, ასეთია ოპოზიციური ტელეკომპანია Formula-ს დაკვეთით კომპანია Edison Research-ის მიერ ჩატარებული გამოკითხვის შედეგები.

კითხვაზე, „დღეს რომ საპარლამენტო არჩევნები იყოს, ვის მისცემდით ხმას“, გამოკითხვაში მონაწილეთა 36%-მა არჩევანი „ქართულ ოცნებაზე“ გააკეთა. 

მეორე ადგილზე ყოფილი მმართველი პარტია „ერთიანი ნაციონალური მოძრაობა“ გავიდა, რომელიც არჩევნებში ბლოკის „ძალა ერთობაშია“ შემადგენლობაში მონაწილეობს – მას 17% უჭერს მხარს.

გამოკითხვაში მესამე ადგილზე საპარლამენტო ოპოზიციური პარტია „ევროპული საქართველოა“ – მას მხარს გამოკითხვაში მონაწილეთა 5% უჭერს. რაც შეეხება დანარჩენ პარტიებს, ხმები შემდეგნაირად გადანაწილდა: 

პარტია რესპონდენტების წილი
 „გიორგი ვაშაძე – სტრატეგია აღმაშენებელი“ 4%
 „ლეიბორისტული პარტია“ 3%
 „საქართველოს პატრიოტთა ალიანსი“ 3%
 პოლიტიკური ცენტრი „გირჩი“ 2%
 „ლელო საქართველოსთვის“ 2%
 „მოქალაქეები – ალეკო ელისაშვილი“ 1%
 „ნინო ბურჯანაძე – ერთიანი საქართველო“ 1%
 „გამარჯვებული საქართველო – ირაკლი ოქრუაშვილი“ 1%
 სხვა პარტიები 1%
კვლევის შედეგებმა აჩვენა, რომ ქვეყნის მოსახლეობის თითქმის მეოთხედს (24%) გადაწყვეტილი არ აქვს, თუ ვის დაუჭერს მხარს არჩევნებში.

კვლევა თბილისსა და რეგიონებში პირდაპირი ინტერვიუს გზით 17 სექტემბრიდან 7 ოქტომბრამდე პერიოდში ჩატარდა. საქართველოს მასშტაბით გამოიკითხა 4,5 ათასი რესპონდენტი. ცდომილება შეადგენს +/–1,5%-ს.

საპარლამენტო არჩევნები საქართველოში 31 ოქტომბერს ჩატარდება. არჩევნებში მონაწილეობისთვის ამ დროისათვის რეგისტრირებულია 50 პარტია და ორი ბლოკი.

ქვეყნის მოსახლეობა 150 დეპუტატს აირჩევს. აქედან 120-ს პარტიული სიებით და 30-ს – მაჟორიტარულ ერთმანდატიან ოლქებში. ხმის უფლება არჩევნებზე საქართველოს 3,5 მლნ მოქალაქეს აქვს როგორც ქვეყანაში, ისე საზღვარგარეთ.

95
თემები:
საქართველოს საპარლამენტო არჩევნები 2020 (309)
წინასაარჩევნო კამპანია – ენმ

რევოლუციისთვის მზადება თუ საარჩევნო ხმების დათვლაზე კონტროლი რა მიზანი აქვს ოპოზიციას

9
(განახლებულია 09:51 29.10.2020)
თბილისის მერის კახა კალაძის განცხადებით, აქციის აკრძალვას არ გეგმავს, მაგრამ კანონდარღვევას შესაბამისი რეაგირება მოჰყვება.

თბილისი, 29 ოქტომბერი – Sputnik. ყველაზე მსხვილი ოპოზიციური ბლოკი „ძალა ერთობაშია“ 31 ოქტომბერს, საპარლამენტო არჩევნების დღეს აქციას აანონსებს, რაც მმართველი პარტიის მხრიდან  ოპოზიციის მიმართბით ახალი ბრალდებების მიზეზი გახდა. 

ბლოკი „ძალა ერთობაშია“ ხუთი ოპოზიციური პარტიისგან შედგება, რომელშიც დომინანტი ყოფილი მმართველი პარტია „ერთიანი ნაციონალური მოძრაობაა“. დღეისთვის ბლოკი წინასაარჩევნო გამოკითხვების რეიტინგებში მეორე ადგილს იკავებს. პირველ ადგილზე მმართველი პარტია  „ქართული ოცნება – დემოკრატიული საქართველოა“.

 „რუსთაველის გამზირზე პარლამენტის შენობის წინ საღამოს 8 საათის შემდეგ ვიკრიბებით, როდესაც საარჩევნო უბნები დაიხურება. მოსახლეობასთან ერთად ვგეგმავთ ყურადღება მივაქციოთ თუ როგორ შედის საარჩევნო ოქმები ცენტრალურ საარჩევნო კომისიაში  და, ერთად აღვნიშნოთ ჩვენი გამარჯვება“, – განაცხადა ბლოკის წარმომადგენელმა ზაალ უდუმაშვილმა.

ოპოზიციის ამ გეგმას მმართველი პარტიის მხრიდან მკვეთრი რეაგირება მოჰყვა, სადაც „ძალა ერთობაშიას“ მთავარ კონკურენტად და „დესტრუქციულ ძალად“ მიიჩნევენ. აქციის დაანონსებამდე ცოტა ხნით ადრე ბლოკი შინაგან საქმეთა ექს–მინისტრ ვანო მერაბიშვილის ხელმძღვანელობით ე.წ. რევოლუციური შტაბის შექმნაში და არჩევნების დღეს სხვადასხვა ქალაქებში პროვოკაციების დაგეგმვაში დაადანაშულეს.

 „ნაცმოძრაობა“ ფსონს რადიკალიზმსა და არეულობაზე აკეთებს  და ყველა რესურსს ქვეყნის მთავარ გამზირზე კრებს. ამ პარტიას არჩევნებზე ამომრჩევლის მობილიზაციის ნაცვლად, სხვა მიზნები ამოძრავებს“, – განაცხადა  „ქართული ოცნების“ ერთ–ერთმა ლიდერმა მამუკა მდინარაძემ.

ამასთან, თბილისის მერმა კახა კალაძემ განაცხადა, რომ აქციის აკრძალვას არ გეგმავს, მაგრამ კანონდარღვევას შესაბამისი რეაგირება მოჰყვება.  

 „ადამიანებს, პოლიტიკურ პარტიებს საკუთარი აზრის გამოხატვის, მათ შორის, მიტინგის ჩატარების უფლება აქვთ. მაგრამ ეს კანონის ფარგლებში უნდა მოხდეს. მინდა კიდევ ერთხელ ყველა გავაფრთხილო: თუ იქნება რაიმე გადაცდომა და ქვეყანაში არეულობის მოწყობის სურვილი, ამას სახელმწიფოს მხრიდან კანონის ფარგლებში შესაბამისი რეაგირება მოჰყვება“, – განაცხადა კალაძემ.

საქართველოში 31 ოქტომბერს საპარლამენტო არჩევნები ტარდება, რომელშიც 48 პარტია და ორი ბლოკი მონაწილეობს.

9
თემები:
საქართველოს საპარლამენტო არჩევნები 2020 (309)
ევროსაბჭო

საპარლამენტო არჩევნებს ევროპის საბჭოს საპარლამენტო ასამბლეის დელეგაცია დააკვირდება

13
(განახლებულია 08:30 29.10.2020)
31 ოქტომბრამდე დელეგაციის წევრები შეხვედრებს გამართავენ პოლიტიკურ პარტიებთან, ცესკოს წარმომადგენლებთან, სამოქალაქო საზოგადოებისა და მედიის წარმომადგენლებთან.

თბილისი, 29 ოქტომბერი – Sputnik. საქართველოში კენჭისყრისა და ხმების დათვლის პროცესის დაკვირვებისთვის ევროპის საბჭოს საპარლამენტო ასამბლეის დამკვირვებლები ჩამოვლენ, ნათქვამია ორგანიზაციის ვებგვერდზე.

საქართველოში საერთაშორისო დამკვირვებლების ჩამოსვლა კორონავირუსის პანდემიამ გაართულა. ადრე ეუთოს დემოკრატიული ინსტიტუტებისა და ადამიანის უფლებების (OSCE/ODIHR) ოფისმა გადაწყვიტა საქართველოში არჩევნების დღისთვის არ გამოგზავნოს 150 მოკლევადიანი დამკვირვებელი.  დამკვირვებლებს არ აგზავნის ევროპარლამენტიც. 

„ევროპის საბჭოს საპარლამენტო ასამბლეის ცხრა წევრისგან შემდგარი დელეგაცია, დეპუტატ  ტინი კოკსის (ნიდერლანდები)  ხელმძღვანელობით, საქართველოში 29 ოქტომბერს ჩავა და 1 ნოემბრამდე  საპარლამენტო არჩევნებს  ეუთოს საპარლამენტო ასამბლეის, ნატოს საპარლამენტო ასამბლეისა და ეუთოს დემოკრატიული ინსტიტუტების და ადამიანის უფლებათა ოფისის წევრებთან ერთად დააკვირდება“, – ნათქვამია განცხადებაში.

გავრცელებული ინფორმაციით,  31 ოქტომბრამდე დელეგაციის წევრები შეხვედრებს გამართავენ პოლიტიკურ პარტიებთან, ცესკოს წარმომადგენლებთან, სამოქალაქო საზოგადოებისა და მედიის წარმომადგენლებთან.

ვიზიტის დროს იურიდიულ მხარდაჭერას უზრუნველყოფს ვენეციის კომისიი წარმომადგენელი – ევროპის საბჭოს სამართლებრივ საკითხებში დამოუკიდებელ ექსპერტთა ჯგუფი.

ბოლო მონაცემებით არჩევნებზე 48 საერთაშორისო დამკვირვებელია დარეგისტრირებული.

13
თემები:
საქართველოს საპარლამენტო არჩევნები 2020 (309)
ჯო ბაიდენი

სკანდალური დოკუმენტები: ბაიდენის ვაჟზე ახალი კომპრომატები ფოსტიდან მოიპარეს

0
(განახლებულია 10:27 29.10.2020)
მანამდე აშშ-ის სენატის პროფილურმა კომიტეტმა Facebook-ისა და Twitter-ის ხელმძღვანელები დაიბარა მოსმენებზე გადაწყვეტილების გამო, დაებლოკათ სკანდალური სტატია ჰანტერ ბაიდენის შესახებ

თბილისი, 29 ოქტომბერი — Sputnik. აშშ–ის პრეზიდენტბის დემოკრატი კანდიდატის, ჯო ბაიდენის ვაჟის, ჰანტერ ბაიდენის შესახებ საიდუმლო დოკუმენტები სადღაც გაქრა, იუწყება ტელეარხი Fox News–ი.

„ამ კვირაში, ორშაბათს, ჩვენ წყაროსგან მივიღეთ კონფიდენციალური დოკუმენტების კოლექცი ბაიდენების ოჯახზე. მიგვაჩნია, რომ ეს დოკუმენტები იყო ნამდვილი და სანდო“, — განაცხადა ტელეარხის წამყვანმა ტაკერ კარლსონმა პირდაპირ ეთერში.

მისი თქმით, აღნიშნული დოკუმენტაცია ორშაბათს ფოსტით გაიგზავნა ნიუ–იორკიდან ლოს–ანჯელესში, მაგრამ სამშაბათს კურიერულმა სამსახურმა აცნობა ტელეარხს, რომ ამანათი გახსნილი და ცარიელი იყო.

„ეს დოკუმენტები გაქრა“, — განაცხადა კარლსონმა  და იქვე განმარტა, რომ საფოსტო კომპანიამ შემოწმება ჩაატარა, მაგრამ ვერაფერი იპოვა.

შეგახსენებთ: გაზეთმა New York Post-მა ოქტომბერში რამდენიმე მასალა გამოაქვეყნა იმ მიმოწერაზე დაყრდნობით, რომლებიც მანამდე ჰანტერ ბაიდენის ნოუთბუქში აღმოაჩინა დელავერის შტატის ერთ-ერთი კომპიუტერული სახელოსნოს სპეციალისტმა. ხელოსანმა ნოუთბუქის მყარი დისკის ასლი შექმნა და ის დონალდ ტრამპის პირად ადვოკატს, რუდოლფ ჯულიანის გადასცა, რომელმაც მასალები მედიასაშუალებას მიაწოდა და ეს გამოქვეყნდა კიდეც The New York Post-ში. ნოუთბუქში აღმოჩენილი კონფიდენციალური ინფორმაცია ჰანტერ ბაიდენისა და უკრაინული გაზის კომპანია Burisma-ს ხელმძღვანელობის მრჩეველთან ვადიმ პოჟარსკისთან მიმოწერას შეიცავდა. აღსანიშნავია, რომ ჰანტერ ბაიდენი მანამდე თავადაც მუშაობდა ამ კომპანიის ხელმძღვანელობაში. ჯო ბაიდენის ოპონენტების დასკვნით, აღნიშნული მასალა მისი ოჯახის კორუმპირებულობას ადასტურებს.

 

0
თემები:
მსოფლიო დღეს