ოპოზიციის „სამეფო კარის თამაშები“ ანუ როგორ იქცა სააკაშვილი სერსეი ლანისტერად

ოპოზიციის „სამეფო კარის თამაშები“ ანუ როგორ იქცა სააკაშვილი სერსეი ლანისტერად

76
(განახლებულია 23:15 12.10.2020)
თბილისის ყოფილი მერი მიიჩნევს, რომ სააკაშვილს პოლიტიკური ამბიციები ციხიდან გამოსულმა შინაგან საქმეთა ექს–მინისტრმა ვანო მერაბიშვილმა გაუღვივა

თბილისი, 12 ოქტომბერი – Sputnik. ოპოზიციური პარტია „ევროპული საქართველოს“ ლიდერმა გიგი უგულავამ ქართული ოპოზიციის რიგებში განხეთქილება ტელეარხ HBO-ს ბოლო ათწლეულის ყველაზე პოპულარულ სერიალ „სამეფო კარის თამაშებს“ შეადარა. 

უგულავამ საკუთარ Facebook–გვერდზე ექვსწუთიანი ვიდეორგოლი გაავრცელა, რომელშიც საქართველოს ექს–პრეზიდენტი მიხეილ სააკაშვილი სერიალის ერთ-ერთ მთავარ უარყოფით გმირს, დედოფალ სერსეი ლანისტერს შეადარა. სააკაშვილმა თითქოს ზურგიდან მიაყენა დარტყმა ოპოზიციას, როგორც სერსეიმ, რომელმაც არ მოისურვა „თეთრ მიცვალებულებთან“ ბრძოლაში დეიენერის ტარგარიენთან და ჯონ სნოუსთან გაერთიანება და გვირგვინის დათმობა.

უგულავას არც ყოფილი შინაგან საქმეთა მინისტრი ვანო მერაბიშვილი დავიწყებია.

„მერაბიშვილმა გააღვივა სააკაშვილის ამბიციები, დაარწმუნა ის, რომ „ერთიანი ნაციონალური მოძრაობა“ არჩევნებში დამოუკიდებლადაც შეძლებს გამარჯვებას და რომ სააკაშვილი უნდა იყოს ოპოზიციის კანდიდატი პრემიერ-მინისტრის პოსტზე. სააკაშვილი მოქმედებდა, როგორც სერსეი ლანისტერი და ოპოზიციურ კოალიციას ზურგიდან მიაყენა დარტყმა“, - აღნიშნა უგულავამ.

„ევროპელებმა“ განაცხადეს, რომ კოალიციაში არა მხოლოდ მმართველ პარტიასთან, არამედ ექს–პრეზიდენტ სააკაშვილთანაც არ გაერთიანდებიან, თუ ეს უკანასკნელი პრემიერობის კანდიდატი იქნება. ყოფილი მოკავშირეები საქართველოს მესამე პრეზიდენტს ადანაშაულებენ „ანტიოპოზიციურ პროპაგანდაში“, საკუთარ თავს კი „ვარდების რევოლუციის მემკვიდრეებად“ მოიხსენიებენ.  

 „სააკაშვილმა და მერაბიშვილმა „ერთიანი ნაციონალური მოძრაობა“ თავის სავაჭრო სახლად (trading house) გადააქციეს“, - აღნიშნა უგულავამ და დასძინა, რომ მონსტრთან ბრძოლაში (იგულისხმება ივანიშვილი) სააკაშვილი თავად გადაიქცა მონსტრად.

თბილისის ყოფილი მერის სიტყვებით, „ევროპელებს“ საპარლამენტო არჩევნებზე შემდეგი მიზნები აქვთ დასახული: „ქართულმა ოცნებამ“ არჩევნებზე აიღოს 40%-ზე ნაკლები, ხოლო ოპოზიციურმა პარტიებმა - მეტი ხმა, ვიდრე „ერთიანმა ნაციონალურმა მოძრაობამ“, და შექმნან კოალიციური მთავრობა სააკაშვილის გარეშე.

უგულავა დარწმუნებულია, რომ აუცილებლობის შემთხვევაში, „ნაციონალური მოძრაობის“ რიგებში ბევრი „ჭეშმარიტი პატრიოტი“ დაეთანხმება მის მოსაზრებას.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას 50 პარტია და ორი ბლოკი მიიღებს. მოსახლეობამ 150 დეპუტატი უნდა აირჩიოს – 120 პროპორციული, 30 კი მაჟორიტარული სისტემით.

76
თემები:
საქართველოს საპარლამენტო არჩევნები 2020 (319)
სიტუაცია ნიცაში თავდასხმის შემდეგ

საქართველოს პრეზიდენტი საფრანგეთში დაღუპულთა ოჯახებს უსამძიმრებს

13
პრეზიდენტმა დაგმო სიძულვილით ჩადენილი თავდასხმა და განაცხადა, რომ ლოცულობს დაშავებულებისა და დაღუპულთა ოჯახებისათვის.

თბილისი, 29 ოქტომბერი — Sputnik. საქართველოს პრეზიდენტმა სალომე ზურაბიშვილმა ნიცაში მომხდარი თავდასხმის დროს დაღუპულთა ოჯახებს სამძიმარი გამოუცხადა.

„ჩემი ფიქრები ფრანგ ხალხთანაა. ვგმობ ამ სიძულვილით გამოწვეულ თავდასხმას. ვლოცულობ დაშავებულთა და დაღუპულთა ოჯახის წევრებისთვის“, – დაწერა ზურაბიშვილმა თავის Twitter-ში.

ხუთშაბათს დილით ნიცაში დანით შეიარაღებული უცნობი პირი თავს დაესხა ადამიანებს ნოტრ-დამის ეკლესიაში, დაიღუპა სამი ადამიანი, რამდენიმე დაიჭრა. რამდენიმე მედია იუწყება, რომ თავდამსხმელმა ორ ადამიანს თავები მოკვეთა.

საფრანგეთის პრეზიდენტმა ემანუელ მაკრონმა ნიცაში განაცხადა, რომ ქვეყანაზე „ისლამური ტერორისტული შეტევა“ განხორციელდა.

13
თემები:
საქართველოს პრეზიდენტი
მიხეილ სააკაშვილის გამოსვლა მიტინგზე

სააკაშვილმა მხარდამჭერებს მიმართა - ვის გაშვებას პენსიაზე აპირებს ექს-პრეზიდენტი

14
ყოფილმა მმართველმა პარტიამ არჩევნებამდე ორი დღით ადრე გადაწყვიტა აჩვენოს მხარდამჭერთა მობილიზაციის დონე და აქციაზე ათასობით ადამიანი შეკრიბა

თბილისი, 29 ოქტომბერი — Sputnik. თბილისის ცენტრში არჩევნებამდე ორი დღით ადრე მიტინგი, რომელიც გამართა ყოფილმა მმართველმა პარტიამ „ქართული ოცნება - დემოკრატიული საქართველო“ და პარტნიორებმა ბლოკიდან „ძალა ერთობაშია“, ჩატარდა მასშტაბურად, ხმაურიანად და ცეკვა-სიმღერით.

Вахтанг Кикабидзе поет. Акция сторонников Единого нацдвижения в центре грузинской столицы
© Sputnik / STRINGER
ბუბა კიკაბიძე „ნაცმოძრაობის“ მიტინგზე

ორგანიზატორების მტკიცებით, თავისუფლების მოედანზე კორონავირუსის გამო დისტანციის დაცვით დაიდგა 50 ათასი სკამი და ყველა დაკავებული იყო. შეკრებილები თავდაპირველად პირბადეებით იყვნენ, თუმცა მომიტინგეები შემდეგში თანდათან გახურდნენ და ზოგმა ჩამოიწია, ზოგმა საერთოდ მოიხსნა ნიღაბი.

ერთდროულად „ნაცმოძრაობის“ მხარდამჭერების აქცია ქუთაისშიც გაიმართა.

„გაერთიანებული ოპოზიცია 31 ოქტომბერს მიდის ამ არჩევნებზე გაანალიზებული შეცდომებით, შეგნებული გამოცდილებით და ზუსტად დასახული მომავლის გეგმებით“, - განაცხადა „ნაცმოძრაობის“ თავმჯდომარემ გრიგოლ ვაშაძემ.

მან პირობა დადო, რომ ყოფილი მმართველი პარტია შურისძიებას არ აპირებს.

„არც ერთი საჯარო მოხელე, არც ერთი ადამიანი არ დაისჯება რევანშის გულისთვის. ჩვენ არავითარი შურისძიების განხორციელებისთვის არ მოვდივართ და ისე წავიყვანთ ამ ქვეყანას, რომ დამარცხებულად თავი არავინ არ იგრძნოს“, - განაცხადა ვაშაძემ.

Акция сторонников Единого нацдвижения в центре грузинской столицы
© Sputnik / Vladimir Umikashvili
„ნაცმოძრაობის“ მხარდამჭერთა აქცია

ლიდერების გამოსვლებს ცნობილი ქართველი არტისტების გამოსვლები ცვლიდა. ორი სიმღერა ვახტანგ კიკაბიძემაც შეასრულა.

მიტინგის კულმინაცია გახდა ექს-პრეზიდენტ მიხეილ სააკაშვილის მიმართვა, რომელსაც ბლოკი გამარჯვების შემთხვევაში პრემიერ-მინისტრის პოსტზე წარადგენს.

სააკაშვილმა მხარდამჭერებს კიევიდან მიმართა.

Выступает Михаил Саакашвили. Акция сторонников Единого нацдвижения в центре грузинской столицы
© Sputnik / STRINGER
სიტყვით გამოდის მიხეილ სააკაშვილი. „ნაცმოძრაობის“ მხარდამჭერთა აქცია

„წავიდეთ არჩევნებზე, წყნარად გავუშვათ პენსიაზე ივანიშვილი, მისი ჯგუფი და გავაგრძელოთ ძალიან სწრაფი განვითარება“,-განაცხადა სააკაშვილმა. ის არწმუნებდა თავის მხარდამჭერებს, რომ მას აინტერესებს არა ძალაუფლება, არამედ მხოლოდდამხოლოდ ქვეყნის განვითარება“, - განაცხადა სააკაშვილმა. ის არწმუნებდა თავის მხარდამჭერებს, რომ მას აინტერესებს არა ძალაუფლება, არამედ მხოლოდდამხოლოდ ქვეყნის განვითარება.

ამასთან მან აღნიშნა, რომ მისი პარტია არ დაუშვებს გაყალბებას და განაცხადა, რომ „პასუხი გაიცემა ძალიან მკაცრად“.

აქციამ ინციდენტების გარეშე ჩაიარა, თუმცა თავიდან მის ჩაშლას შეეცადა ულტრანაციონალისტური პარტია „ქართული მარში“. მისმა ლიდერებმა გარკვეული დროით გადაკეტეს რუსთავი-თბილისის ტრასა, რათა „ნაცმოძრაობის“ მხარდამჭერთა კოლონა აქცია არ გაეშვათ. თუმცა პოლიციის ჩარევის შემდეგ ინციდენტი ამოიწურა.

„ქართულმა მარშმა“ „ნაცმოძრაობის“ მომხრეებს რუსთავის ტრასა გადაუკეტა >>

საპროტესტო აქციის დროს, რომელსაც პირდაპირ ეთერში ოპოზიციური არხები აშუქებდნენ, საქართველოს მოქალაქეებს ორგანიზაციისგან „დავასრულოთ“ მიუვიდათ სმს-შეტყობინებები, სადაც „ნაცმოძრაობის“ არსებობის დასრულების მოწოდება გაჟღერდა.

14
თემები:
საქართველოს საპარლამენტო არჩევნები 2020 (319)