გერმანიის დროშა

საქართველოს მოქალაქეებისთვის გერმანიაში შესვლაზე ახალი შეზღუდვები ამოქმედდა

116
(განახლებულია 20:26 09.10.2020)
საქართველოს მოქალაქეები გერმანიაში ტურისტული მიზნით ვერ გაემგზავრებიან, ისინი მხოლოდ აუცილებლობისა და გარკვეული წესების დაცვის შემთხვევაში შეძლებენ ქვეყანაში შესვლას.

თბილისი, 9 ოქტომბერი – Sputnik. ეპიდემიოლოგიური ვითარების გაუარესების გამო საქართველოს მოქალაქეები დღეიდან გერმანიაში ტურისტული მიზნით ჩასვლას ვეღარ შეძლებენ, იუწყება გერმანიაში საქართველოს საელჩო. 

გერმანიამ საქართველო 7 ოქტომბერს მაღალი რისკის ქვეყნების სიაში შეიყვანა. შესაბამისად, პირებმა, რომლებიც საქართველოდან გერმანიაში მიემგზავრებიან, საზღვრის გადაკვეთისას უნდა წარადგინონ ბოლო 48 საათის განმავლობაში გაკეთებული PCR-ტესტის უარყოფითი პასუხი.

ტესტის არქონის შემთხვევაში საჭიროა 14 დღით ბინაზე თვითიზოლაციის ან კარანტინის გავლა.

ვისზე მოქმედებს შეზღუდვები

საელჩოს ინფორმაციით, შეზღუდვები არ ვრცელდება მესამე ქვეყნების მოქალაქეებზე, რომელთაც ევროკავშირის/შენგენის ზონის ქვეყნებსა და დიდ ბრიტანეთში გრძელვადიანი ბინადრობის უფლება აქვთ, ასევე ევროკავშირის, დიდი ბრიტანეთის, ლიხტენშტეინის, შვეიცარიის, ნორვეგიისა და ისლანდიის მოქალაქეების ოჯახის წევრებზე (მეუღლე, არასრულწლოვანი და დაუქორწინებელი შვილი, არასრულწლოვნის მშობელი). 

დაწესებული შეზღუდვების შესაბამისად, გერმანიაში საქართველოდან ჩასვლა შესაძლებელი იქნება მხოლოდ გადაუდებელი აუცილებლობის შემთხვევებში შემდეგი პირებისთვის: ჯანდაცვის სფეროს პერსონალი, მეცნიერ-მკვლევარები, მომვლელი პერსონალი, გერმანიაში დასაქმებული პირები და მაღალკვალიფიციური პერსონალი, რომელთა დასაქმება ეკონომიკური თვალსაზრისით მნიშვნელოვანია, მეზღვაურები კონკრეტულ ნავსადგურამდე ტრანზიტით მგზავრობის შემთხვევაში, სატვირთო გადაზიდვების და სხვა სატრანსპორტო საშუალებების პერსონალი, სასოფლო-სამეურნეო სფეროში სეზონურად დასაქმებული პირები.

გარდა ამისა, გერმანიაში შესვლას შეძლებენ სტუდენტები ან კვალიფიკაციის ამაღლების მსურველი პირები. კერძოდ, სასწავლო მიზნით ქვეყანაში შესვლა დასაშვებია იმ შემთხვევაში, თუ სტუდენტი წარადგენს სასწავლო მიზნით გაცემულ ვიზას, საგანმანათლებლო პროგრამის განმახორციელებელი დაწესებულების მიერ გაცემულ დოკუმენტს, რომლითაც დასტურდება, რომ კორონავირუსის გამო შექმნილი მდგომარეობის მიუხედავად, აღნიშნული პირის ადგილზე ყოფნა სავალდებულოა.

გერმანიის ტერიტორიაზე შესვლას ასევე შეძლებენ ენის კურსების გავლის მსურველი პირები იმ შემთხვევაში, თუ ქვეყანაში შესვლის მომენტში პირი შეძლებს დაადასტუროს, რომ შესაბამის სფეროში განათლების მიღების წინაპირობას კონკრეტული ენის კურსის წარმატებით გავლა წარმოადგენს. 

გარდა ამისა, შესაძლებელია ქვეყანაში შესვლა უმაღლეს საგანმანათლებლო დაწესებულებაში სწავლის დაწყების, ასევე ცალკეული სასწავლო სემესტრების გავლის მიზნით. ამასთან, საქართველოს მოქალაქეები ქვეყანაში შესვლას უმაღლესი განათლების მიღების მიზნით შეძლებენ მხოლოდ იმ შემთხვევაში, თუ შესაბამისი საგანმანათლებლო პროგრამის სრულფასოვანი გავლა უცხოეთიდან ვერ იქნება უზრუნველყოფილი.

ქვეყანაში შესვლა შესაძლებელია ასევე სკოლა-ინტერნატებში სწავლის მიზნით. აღნიშნული მოიცავს წინასწარ ენის კურსს, თუ ხსენებული ენის კურსის დაწყების მომენტში სახეზეა სკოლა-ინტერნატში რეგისტრაციის დამადასტურებელი დოკუმენტი. ქვეყანაში ყოფნის დაგეგმილი პერიოდი არ უნდა იყოს ექვს თვეზე ნაკლები.

გერმანიაში შესვლაზე დაწესებული შეზღუდვები არ ვრცელდება ოჯახის გაერთიანების მიზნით მიმავალ უცხოელ ოჯახის წევრებზე, აგრეთვე ოჯახის მონახულებაზე, რომელიც გამოწვეულია მნიშვნელოვანი გარემოებით; პირებზე, რომლებიც სარგებლობენ საერთაშორისო ან ჰუმანიტარული მფარველობით; პირებზე, რომლებიც საჭიროებენ  გადაუდებელ სამედიცინო დახმარებას. 

ამ შემთხვევაში ქვეყანაში შესვლაზე ნებართვის მიღება შესაძლებელია იმ შემთხვევაში, თუ მკურნალობა მხოლოდ გერმანიაშია შესაძლებელი, ან პაციენტის მკურნალობა სამშობლოში შეუძლებელია, ან მკურნალობა უკვე დაწყებულია, ან თუ  მკურნალობის გარეშე პაციენტის ჯანმრთელობას რეალური საფრთხე ექმნება. ეს მხოლოდ შესაბამისი დოკუმენტების წარმოდგენით უნდა დამტკიცდეს. ქვეყანაში შესვლისას პაციენტს შეიძლება თან ახლდეს არაუმეტეს ორი თანმხლები პირი.

შეზღუდვები არ ვრცელდება დიპლომატებზე, საერთაშორისო ორგანიზაციების პერსონალის მუშაკებზე, სამხედრო პერსონალზე, აგრეთვე ჰუმანიტარულ ორგანიზაციებში დასაქმებულ პირებზე, რეპატრიანტებზე, ტრანზიტულ მგზავრებზე.

გერმანიაში ტრანზიტი ევროკავშირის ქვეყნებში, შენგენის წევრ ქვეყანაში ან დიდ ბრიტანეთში შესასვლელად დასაშვებია იმ შემთხვევაში, თუ:

1. არ არსებობს კონკრეტულ სახელმწიფოში პირდაპირი შესვლის საშუალება;

2. გერმანიაში, როგორც ტრანზიტულ ქვეყანაში ყოფნის პერიოდი არ უნდა აღემატებოდეს კონკრეტულ სახელმწიფოში შესასვლელად საჭირო გონივრულ ვადას;

3. პირს გააჩნია კონკრეტულ ქვეყანაში შესვლის ნებართვა.

ამ შემთხვევაში საჭიროა აღნიშნული გარემოების დამადასტურებელი სათანადო დოკუმენტების (სახმელეთო ან საჰაერო გზით მგზავრობის ბილეთი დანიშნულების ქვეყანაში და სხვ.) წარდგენა. 

ქვეყანაში შესვლის უფლების მიცემის თაობაზე საბოლოო გადაწყვეტილების მიღება წარმოადგენს სასაზღვრო-საკონტროლო პუნქტებზე მომუშავე, შესაბამისი უფლებამოსილებით აღჭურვილი სახელმწიფო მოხელეების დისკრეციის სფეროს.

გერმანია ამა თუ იმ სახელმწიფოს მაღალი რისკის ქვეყნად იმ შემთხვევაში აცხადებს, თუ შვიდი დღის განმავლობაში კორონავირუსის ახალი შემთხვევების რაოდენობა 100 ათას მოსახლეზე 50-ს აჭარბებს. საქართველოში სექტემბრიდან ეპიდსიტუაცია მკვეთრად გაუარესდა – ინფიცირებულთა რაოდენობა დღე-ღამეში სამნიშნა რიცხვებით იზომება.

ბოლო მონაცემებით, საქართველოში კორონავირუსი პანდემიის დაწყებიდან 10 752 ადამიანს დაუდასტურდა, 5 866 პაციენტი გამოჯანმრთელდა, 72 გარდაიცვალა.

116
თემები:
COVID-19-ის პანდემია მსოფლიოში (1178)
შსს-ს შენობა

შსს: პოლიცია პოლიტიკურად ნეიტრალური უწყებაა

16
ასეთი კომენტარი გააკეთა შსს-მ მედიაში გავრცელებულ ინფორმაციაზე, რომ პოლიციის თანამშრომლები რეგიონებში  წინასაარჩევნო აგიტატორების როლს ასრულებენ.

თბილისი, 24 ოქტომბერი — Sputnik. საქართველოს შინაგან საქმეთა სამინისტრომ უარყო მედიაში გავრცელებული ინფორმაცია იმისა შესახებ, თითქოს რეგიონებში არჩევნების წინ პოლიციის მობილიზება მიმდინარეობს.

ოპოზიციურმა ტელეარხმა „მთავარი არხი“ გუშინ გაავრცელა ინფორმაცია იმის შესახებ, რომ პოლიციის თანამშრომლები რეგიონებში  წინასაარჩევნო აგიტატორების როლს ასრულებენ.

„ერთ-ერთ მედიასაშუალებაში გასული ინფორმაცია იმის შესახებ, რომ შინაგან საქმეთა სამინისტროს თანამშრომლები თითქოს პარტიული მითითებით წინასაარჩევნოდ საქართველოს რეგიონებში იმყოფებიან არის „ფეიკ ნიუსი" და არ შეესაბამება სიმართლეს. შინაგან საქმეთა სამინისტრო არის პოლიტიკურად ნეიტრალური უწყება და მედიასაშუალების მხრიდან მსგავსი ცრუ ინფორმაციის გავრცელება ემსახურება პოლიციის მიზანმიმართულ დისკრედიტაციას“, - ნათქვამია შსს-ს განცხადებაში.

საქართველოში 31 ოქტომბერს არჩევნები გაიმართება. ამ დღეს საქართველოს მოსახლეობა აირჩევს პარლამენტის დეპუტატებს, აჭარის უმაღლესი საბჭოს წევრებს, ასევე რამდენიმე მუნიციპალიტეტის ადგილობრივი ხელისუფლების წარმომადგენლებს. ცესკოსა და შსს-ს შორის გაფორმებული შეთანხმებით, პოლიციის თანამშრომლები უზრუნველყოფენ წინასაარჩევნო კამპანიის და კენჭისყრის მსვლელობის უსაფრთხოებას, ასევე ბიულეტენების უსაფრთხო მიწოდებას უბნებზე.

16
თემები:
საქართველოს საპარლამენტო არჩევნები 2020
ლელო საქართველოსთვის

„ლელო საქართველოსთვის“ ცნობები პარტიის შესახებ

30
(განახლებულია 23:11 23.10.2020)
ყველაფერი, რაც უნდა ვიცოდეთ ახალ პარტიაზე, რომელიც წარმატებულმა ბანკირმა მამუკა ხაზარაძემ დააფუძნა.

 

– საქართველოს ყველაზე ახალგაზრდა ოპოზიციური პარტია

– პარტია 2019 წლის დეკემბერში ბანკირებმა მამუკა ხაზარაძემ და ბადრი ჯაფარიძემ დააფუძნეს, რომლებმაც საქართველოში მესამე პოლიტიკური ძალის - მილიარდერ ივანიშვილისა და ექსპრეზიდენტ სააკაშვილის პარტიების ალტერნატივის შექმნა გადაწყვიტეს.

მამუკა ხაზარაძე პარტიამ „ლელო საქართველოსთვის“ პრემიერობის კანდიდატად დაასახელა>>>

პარტიის დამფუძნებლები არიან ცნობილი ქართველი ბანკირები, რომლებმაც 90-იან წლებში ქვეყნის ერთ-ერთი ყველაზე წარმატებული და მსხვილი TBC Bank შექმნეს.  

– პარტიამ „ლელო საქართველოსთვის“ ფაქტობრივად გააერთიანა ორი პარტია: პარლამენტის ექს–სპიკერ დავით უსუფაშვილის „მშენებლობის მოძრაობა“ და „ახალი მემარჯვენეები“. პარტიაში აღმოჩნდნენ ასევე ექს–პრეზიდენტ გიორგი მარგველაშვილის ადმინისტრაციის თანამშრომლები, ცნობილი ბიზნესმენები და ექსპერტები.

პარტიის ლიდერები და საკვანძო ფიგურები არიან: მამუკა ხაზარაძე, ბადრი ჯაფარიძე, დავით უსუფაშვილი, ფიქრია ჩიხრაძე, მამუკა კაციტაძე, კახა კოჟორიძე, ანა ნაცვლიშვილი.

პარტიის იდეოლოგია - ცენტრისტულია, რომლის პირობებშიც მაქსიმალურად თავისუფალი ბიზნესი თავის თავზე იღებს სოციალურ პასუხისმგებლობას საზოგადოების წინაშე ღირსეული ხელფასებზე, სიღარიბესთან ბრძოლასა და უსაფრთხო შრომაზე.

„ლელოს“ „მარშალის გეგმა“ - წინასაარჩევნო პროგრამის ძირითადი თეზისები>>>

– პარტიის ლიდერების ხაზარაძისა და ჯაფარიძის სახელები ასოცირებულია სისხლის სამართლის საქმესთან, რომელიც ეხება ფულის გათეთრებას და ბიზნესზე ზეწოლაში მმართველი პარტიის ლიდერ ბიძინა ივანიშვილის ბრალდებებთან დაკავშირებულ სკანდალს. ხაზარაძეც და ჯაფარიძეც თავდებით გათავისუფლდნენ.

– პარტია არჩევნებზე მონაწილეობს „56“ ნომრით, ლოზუნგით: „ახალი ძალა, ახალი იმედი“.

– პარტიის კურსი ნატოსა და ევროკავშირში ინტეგრაცია და რუსეთთან დიალოგის საერთაშორისო ფორმატის შენარჩუნებაა.

– პარტიის რეიტინგი ბოლო თვეებში ჩატარებული სხვადასხვა გამოკითხვის შედეგად: 

გამოკითხვა რეიტინგი
Gorbi  2,9%
Ipsos     3,6%
Edison Research          2%
Survation        3,1%

 

 

30
თემები:
საქართველოს საპარლამენტო არჩევნები 2020
ნინო ნადირაძე

„3 თაობა“- ნინო ნადირაძე დედამთილთან და ქალიშვილთან ერთად პოზირებს - ოჯახური პორტრეტი

0
ცნობილმა ტელესახემ გუგა კუზანოვის დედასთან და ბაია კუზანოვთან ერთად გადაღებული თბილი ფოტო გამოაქვეყნა. „3 თაობა“ - წერს ნინო ნადირაძე. ოჯახური იდილია ერთ სურათზე...

ბაია კუზანოვის დაოჯახებისა და დედობის შემდეგ, კუზანოვი-ნადირაძეების ოჯახი განსაკუთრებულად გაერთიანდა. პატარა შვილიშვილს ყველა ერთად უვლის, რადგან ბაია სწავლასა და შვილის მოვლის პარალელურად ქირურგ მამასთან და ბაბუასთან ერთად ოპერაციებს ესწრება. როგორც ნინოს გვერდიდან ირკვევა, უკვე თავადაც არის ოპერაციების გაკეთებაში აქტიურად ჩართული.

View this post on Instagram

ოჯახური პორტრეტი ინტერიერში❤

A post shared by nino (@ninonadiradze) on

საქართველოში კუზანოვების ოჯახი პროფესიიდან გამომდინარე ძალიან პოპულარულია. მათი ოჯახის თითოეულ წევრს უამრავი ადამიანი იცნობს. ექიმების ოპერაციების შესახებ ლეგენდები დადის. ოჯახის უმცროსი წევრებიც ბაბუის ნაბიჯებს მიჰყვებიან და მომავალი ექიმები არიან. მათ შორის არის ბაია კუზანოვიც, გუგას და ნინოს ქალიშვილი.

ნინო ნადირაძემ მორიგი ოჯახური ფოტო გამოაქვეყნა, რომლითაც გუგა კუზანოვის დედამ განსაკუთრებული ყურადღება მიიპყრო. ნინოს გვერდით გუგა კუზანოვის დედა ზის. რამდენიმე თვის წინ ნინომ მშვენიერი დედის სურათიც გამოაქვეყნა და ასე დაასათაურა: „ჩემი ყველაზე მკაცრი ცენზორი“. მიუხედავად იმისა, რომ დედა-შვილს საკმაოდ მეგობრული დამოკიდებულება აქვთ, ნინოს ყველაზე დიდი გულშემატკივარი და კრიტიკოსიც მისი დედაა. დედამთილთან კი, წლების მანძილზე თბილი დამოკიდებულება ჩამოუყალიბდა.

View this post on Instagram

ჩემი ბრილიანტები🥰🥰🥰

A post shared by nino (@ninonadiradze) on

„3 თაობა“- ასე დაასათაურა ნინომ უახლესი სურათი, რომელზეც კარდიოლოგი, მისი დედამთილი და მომავალი პლასტიკური ქირურგი და ახალბედა დედა არიან გამოსახულნი. გოგონები საღამოს იდილიით ტკბებიან და ერთმანეთს დღის მიმდინარე მოვლენებს უზიარებენ.

0
თემები:
სელებრითების ცხოვრება