პრემიერი გიორგი გახარია

საკითხის პოლიტიზება მიუღებელია გახარია საზღვართან დაკავშირებით გამოძიების შესახებ

72
(განახლებულია 15:22 08.10.2020)
ვერც გამოძიების დაწყების ფაქტი, რომელიც საქართველოს საშინაო საქმეა, და ვერც გამოძიების შედეგად ახლად გამოვლენილი გარემოებები ვერ დააზიანებს ჩვენ ორ ქვეყანას შორის სტრატეგიულ პარტნიორობას, განაცხადა პრემიერმა.

თბილისი, 8 ოქტომბერი – Sputnik. საკითხი იმდენად მნიშვნელოვანია, რომ ნებისმიერი სახის პოლიტიზება და პოლიტიკური სპეკულაციები ამ თემასთან დაკავშირებით დამაზიანებელია ქვეყნისთვის, ამიტომ არის აბსოლუტურად მიუღებელი და დაუშვებელი, განაცხადა საქართველოს პრემიერ-მინისტრმა გიორგი გახარიამ მთავრობის სხდომაზე.

საუბარია საქართველო–აზერბაიჯანის საზღვრის დელიმიტაცია–დემარკაციის საკითხზე საქართველოს პროკურატურის მიერ აღძრულ სისხლის სამართლის საქმეზე „უცხო ქვეყნისთვის საქართველოს ტერიტორიის ნაწილის გადაცემის“ მუხლით. ამ საქმეზე პროკურატურამ ორი ადამიანი დააკავა.

პრემიერის განცხადებით, პროკურატურაში გამოძიების საკითხს ის ეხმაურება იმიტომ, რომ არ წყდება საკითხის პოლიტიზების მცდელობა, რაც აბსოლუტურად მიუღებელია.

„ყველას უნდა გვახსოვდეს, რომ გამოძიება უნდა დასრულდეს და ამის შემდგომ უნდა გავაკეთოთ საბოლოო დასკვნები. საკითხი იმდენად მნიშვნელოვანია, რომ ნებისმიერი სახის პოლიტიზება და პოლიტიკური სპეკულაციები ამ საკითხზე უბრალოდ დამაზიანებელია ქვეყნისთვის, ამიტომ არის აბსოლუტურად მიუღებელი და დაუშვებელი“, – განაცხადა პრემიერ-მინისტრმა.

პრემიერის თქმით, აზერბაიჯანი საქართველოს სტრატეგიული პარტნიორია და ასე გაგრძელდება ნებისმიერ შემთხვევაში.

„ვერც გამოძიების დაწყების ფაქტი, რომელიც მთლიანად საქართველოს საშინაო საქმეა, და ვერც გამოძიების შედეგად ახლად გამოვლენილი გარემოებები, რომელიც ჩვენ უკვე გავუზიარეთ ჩვენს აზერბაიჯანელ კოლეგებს, ვერ დააზიანებს ჩვენს ორ ქვეყანას შორის სტრატეგიულ პარტნიორობას... მინდა მოვუწოდო ყველას, არ მოვახდინოთ საკითხის პოლიტიზება, ეს არის ქვეყნის ინტერესებიდან გამომდინარე“, – განაცხადა გახარიამ.

საქართველოს პროკურატურამ საქართველო–აზერბაიჯანის საზღვრის დემარკაციის პროცესში უცხოეთის სახელმწიფოსთვის საქართველოს ტერიტორიის ნაწილის გადაცემის საქმეზე ორი ადამიანი გუშინ დააკავა.

ზალკალიანი: ჩვენ არ გაგვაჩნია არანაირი პრეტენზია აზერბაიჯანის მიმართ>>

კერძოდ, დაკავებული არიან საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი და საქართველოს შინაგან საქმეთა სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა. ორივე მათგანი, როგორც ექსპერტები, 2007 წლამდე იყვნენ დელიმიტაცია–დემარკაციის კომისიის წევრები და რუკების ალბომებს ადგენდნენ.

როგორც პროკურატურაში განაცხადეს, ბრალდებულებმა რუკის ალბომებში სახელმწიფო საზღვრის გავლებისას განზრახ გამოიყენეს ისეთი კარტოგრაფიული მასალა, რომელიც ისტორიულად და სამართლებრივად არ ემყარებოდა და არ ასახავდა საქართველოს რეალურ პოზიციას მის კუთვნილ ტერიტორიებთან დაკავშირებით.

პროკურატურამ დაადგინა, რომ 2007 წლამდე კომისიამ შეათანხმა საზღვრის 303 კილომეტრი 16 მონაკვეთზე. ამასთან, 13 მათგანი დადგინდა არამართებულად, საქართველოს საზიანოდ. შედეგად დღეს ქვეყანა 3,5 ათასი ჰექტარი ფართობის ტერიტორიის დაკარგვის საფრთხის წინაშე დგას.

საქართველო–აზერბაიჯანის საზღვრის დემარკაცია საკმაოდ მტკივნეული საკითხია საქართველოსა და აზერბაიჯანის ურთიერთობებში. 

საქართველო–აზერბაიჯანის საზღვარი 440 კილომეტრია, მისი მესამედი ჯერ არ არის დელიმიტირებული.

72
თემები:
საქართველო–აზერბაიჯანის საზღვრის დემარკაციის საქმე (24)
„ქართული ოცნების ბანერი

„ქართული ოცნება დემოკრატიული საქართველო“ პარტიის შესახებ

22
(განახლებულია 16:14 22.10.2020)
ყველაფერი, რაც უნდა იცოდეთ 2020 წლის საპარლამენტო რბოლის ლიდერის, პარტია „ქართული ოცნების“ შესახებ
  • მმართველი პარტია
  • დაფუძნდა 2011 წლის მაისში მილიარდერ ბიძინა ივანიშვილის მიერ, რომელმაც „ერთიანი ნაციონალური მოძრაობის“ ხელისუფლებიდან ჩამოცილება დაისახა მიზნად.
  • შექმნიდან წელიწადნახევარში „ოცნებამ“ ამავე სახელობის კოალიციის შემადგენლობაში საპარლამენტო არჩევნები მოიგო და ჩამოაყალიბა მთავრობა.
  • პარტია პირველი ოთხი წელიწადი ქვეყანას კოალიციის შემადგენლობაში მართავდა. კოალიციაში შედიოდნენ „რესპუბლიკური პარტია (ლიდერი დავით უსუფაშვილი), „კონსერვატიული პარტია“ (ზვიად ძიძიგური), „თავისუფალი დემოკრატები“ (ირაკლი ალასანია), „მრეწველობა გადაარჩენს საქართველოს“ (გოგი თოფაძე), „ეროვნული ფორუმი“ (კახა შარტავა).
  • „ქართულმა ოცნებამ“ მეორედ საპარლამენტო არჩევნები 2016 წელს მოიგო. თუ მესამედაც მოიგო 2020 წელს. პოლიტიკურ რეკორდს დაამყარებს – საქართველოში სამი ვადით ხელისუფლებაში ჯერ არც ერთი პოლიტიკური ძალა არ ყოფილა.
  • „ოცნებამ“ ორჯერ გაიყვანა საპრეზიდენტო არჩევნებში თავისი კანდიდატი: გიორგი მარგველაშვილმა არჩევნები მოიგო 2013 წელს, სალომე ზურაბიშვილმა – 2018 წელს. მარგველაშვილი საპრეზიდენტო ვადის მიწურულს არ მალავდა თავის ოპოზიციურ განწყობას და პარლამენტის გადაწყვეტილებებს ვეტოს ადებდა.
  • კოალიციიდან პარტიაში. უკვე 2016 წელს პარტია დამოუკიდებელი ერთეული გახდა, ხოლო კოალიციიდან ყოფილი თანამოაზრეები – „რესპუბლიკური პარტია“, „კონსერვატიული პარტია“, „თავისუფალი დემოკრატები“, „მრეწველობა გადაარჩენს საქართველოს“, „ეროვნული ფორუმი“ ოპოზიციის მხარეს აღმოჩნდნენ. ყველაზე დიდხანს „ქართულ ოცნებასთან“ „კონსერვარიული პარტია“ თანამშრომლობდა, რომელიც ოპოზიციაში 2019 წელს, საკონსტიტუციო შესწორებების ჩავარდნის შემდეგ გადავიდა.
  • ცხრაწლიანი არსებობის განმავლობაში პარტიამ მნიშვნელოვანი ტრანსფორმაცია განიცადა. ამჟამად პარტიამ თავისი ლიდერების ნაწილი დაკარგა მარიამ ჯაშის, ეკა ტყეშელაშვილის, ეკა ბესელიას, ზვიად ძიძიგურის, გედევან ფოფხაძის სახით. მათთან ერთად „ოცნებამ“ თავისი მომხრეების ნაწილიც დაკარგა.

პარტიის შედეგები წინა არჩევნებზე

წელი არჩევნების სახეობა ხმების რაოდენობა წილი
2012 საპარლამენტო  1 181 862  54,97%
2013 საპრეზიდენტო  1 012 569  62,12%
 2014 ადგილობრივი არჩევნები  719 431 50,82%
 2016 საპარლამენტო 856 638  48,68%
2017 ადგილობრივი არჩევნები   838 154   55,81%
2018  საპრეზიდენტო

615 572 (I ტური)

 1147701 (II ტური)

38,64% (I ტური)

 59,52% (II ტური)

 

  • პარტიის ლიდერები და წამყვანი ფიგურები: პრემიერ–მინისტრი გიორგი გახარია, თბილისის მერი კახა კალაძე, თავდაცვის მინისტრი ირაკლი ღარიბაშვილი, იუსტიციის ექს–მინისტრი თეა წულუკიანი, პარლამენტის თავმჯდომარე არჩილ თალაკვაძე.
  • პარტიის იდეოლოგია – მემარცხენე–ლიბერალური, როდესაც სამოქალაქო თავისუფლებების უზრუნველყოფა არ გამორიცხავს სახელმწიფოს ზრუნვას მოქალაქეებზე. ლიდერები თავიანთ იდეოლოგიას ამგვარად გამოხატავენ: „პირველ ყოვლისა – ადამიანი“.
  • პარტიის ხელისუფლებაში ყოფნის დროს მიიღეს ახალი კონსტიტუცია, გატარდა ჯანდაცვისა და განათლების რეფორმები, დასრულდა ქვეყნის გადასვლა მართვის საპარლამენტო სისტემაზე.
  • „ოცნების“ სახელს უკავშირდება რამდენიმე სკანდალი: რიგი გახმაურებული გამოძიებების ჩავარდნა; რუსეთის სათათბიროს დეპუტატ სერგეი გავრილოვის ჩამოსვლა საქართველოში, რასაც საპროტესტო აქციები და რუსეთის მხრიდან ავიამიმოსვლის გაუქმება მოჰყვა; საარჩევნო სისტემის შეცვლის შესახებ საქართველოს კონსტიტუციის შესწორებების ჩავარდნა, რასაც პოლიტიკური კრიზისი მოჰყვა.
  • არჩევნებზე პარტია მიდის ნომრით 41 და ლოზუნგით „ერთად საქართველოს წარმატებისთვის“. პირობას დებს, რომ გააგრძელებს რუსეთთან დიალოგს, ნატოსთან ინტეგრაციის კურსს, ასევე ევროკავშირის წევრობის თაობაზე განაცხადის შეტანას 2024 წელს.

„ქართული ოცნების“ რეიტინგი ბოლო თვეებში ჩატარებული გამოკითხვების მიხედვით

NDI   17%
IRI  33%
Gorbi   56,3%
Ipsos  24,5%
Edison Research   36%
Survation   55,6%

სხვა პარტიების შესახებ იხილეთ შემდეგ მასალებში:

რას გვპირდება „ქართული ოცნება“ არჩევნების შემდგომ: მოკლედ და კონკრეტულად>>

რას გვპირდება სააკაშვილის პარტია არჩევნების შემდეგ? მოკლედ და გასაგებად>>

ახალი ხედვა პოლიტიკაზე: რას გვთავაზობს ბურჯანაძის პარტია>>

„ევროპული საქართველოს“ ძირითადი წინასაარჩევნო დაპირებები

„ლელოს“ „მარშალის გეგმა“ - წინასაარჩევნო პროგრამის ძირითადი თეზისები>>

როგორ განვითარდება საქართველო: „სტრატეგია აღმაშენებლის“ ხედვა და ვაშაძის დაპირებები>>

22
თემები:
საქართველოს საპარლამენტო არჩევნები 2020
დაპირისპირება მარნეულში

ISFED: სარჩევნო გარემოს მთავარ გამოწვევად ზეწოლისა და მუქარის ფაქტები რჩება

13
(განახლებულია 14:22 22.10.2020)
ანგარიშის მიხედვით, საარჩევნო კამპანიაში საარჩევნო კომისიის წევრების, სასულიერო პირებისა და საჯარო მოხელეების ჩართულობის შემთხვევებიც გამოვლინდა, რასაც კანონი კრძალავს

თბილისი, 21 ოქტომბერი - Sputnik. არასამთავრობო ორგანიზაციამ „სამართლიანი არჩევნებისა და დემოკრატიის საერთაშორისო საზოგადოება“ (ISFED) წინასაარჩევნო მონიტორინგის შესახებ მეხუთე შუალედური ანგარიში გამოაქვეყნა.

გრძელვადიანი სადამკვირვებლო მისიის ფარგლებში ISFED წინასაარჩევნო პროცესის მონიტორინგს ახორციელებს როგორც თბილისში, ისე რეგიონებში. საპარლამენტო არჩევნების მეხუთე შუალედური ანგარიში ფარავს 29 სექტემბრიდან 21 ოქტომბრის ჩათვლით პერიოდში გამოვლენილ დარღვევებს.

როგორც ანგარიშშია აღნიშნული, წინასაარჩევნო კამპანიის გააქტიურების პერიოდში დარღვევების რაოდენობა მნიშვნელოვნად გაიზარდა. კერძოდ, საანგარიშო პერიოდში გამოვლინდა:

  • სავარაუდოდ, პოლიტიკური ნიშნით ფიზიკური ძალადობის 9 ფაქტი;
  • სავარაუდოდ, პოლიტიკური ნიშნით განხორციელებული ზეწოლა/მუქარის 37 ფაქტი;
  • მედიაზე ზეწოლის 2 ფაქტი;
  • დამკვირვებლის საქმიანობისთვის ხელის შეშლის 1 ფაქტი;
  • ამომრჩეველთა სავარაუდო მოსყიდვის 10 ფაქტი;
  • სავარაუდოდ, პოლიტიკური ნიშნით სამსახურიდან გათავისუფლების 3 ფაქტი;
  • ადმინისტრაციული რესურსის სავარაუდო გამოყენების 18 ფაქტი;
  • არაუფლებამისილი პირების საარჩევნო კამპანიაში მონაწილეობის 16 ფაქტი;
  • კამპანიაში რელიგიური ორგანიზაციების მონაწილეობის 3 ფაქტი;
  • მასშტაბური საქველმოქმედო პროექტების 2 ფაქტი;
  • სააგიტაციო მასალების დაზიანების შემთხვევები მთელ საქართველოში.

ორგანიზაციის შეფასებით, საარჩევნო გარემოს მთავარ გამოწვევად რჩება ამომრჩევლებზე, აქტივისტებსა და ოპოზიციონერ პოლიტიკოსებზე განხორციელებული ზეწოლის, მუქარისა და ხელის შეშლის ფაქტები.

როგორც ანგარიშშია აღნიშნული, ასევე გამოვლინდა საარჩევნო კამპანიაში საარჩევნო კომისიის წევრების, სასულიერო პირებისა და საჯარო მოხელეების ჩართულობის შემთხვევებიც, რაც კანონით აკრძალულია. ჩართულობა გამოიხატებოდა მმართველი პარტიის სასარგებლოდ როგორც წინასაარჩევნო შეხვედრებზე დასწრებაში, ისე სოციალურ ქსელში „ქართული ოცნების“ სარეკლამო ვიდეოების გავრცელებაში.

ISFED შეშფოთებას გამოთქვამს ასევე სკოლის პერსონალის, დირექტორებისა და მასწავლებლების პოლიტიკურ კამპანიაში ჩართვისა და ზეწოლის ბერკეტად სამსახურის შენარჩუნების გამოყენებას.

„სამართლიანი არჩევნები“ ცენტრალურ და ადგილობრივ ხელისუფლებას მიმართავს რეკომენდაციებით, რომ  არ დაუშვას მედიაზე და ჟურნალისტებზე ზეწოლა და დროულად გამოიძიოს მათზე განხორციელებული ზეწოლის შემთხვევები. ასევე დროულად და ეფექტურად გამოიძოს პოლიტიკური პარტიების აქტივისტებისა და მხარდამჭერების მიმართ განხორციელებული ზეწოლისა და მუქარის, ასევე პოლიტიკური პარტიების კამპანიისთვის ხელის შეშლის ფაქტები. საჯარო მოხელეებმა და სკოლებისა და საბავშვო ბაღების თანამშრომლებმა სამუშაო საათებში თავი უნდა შეიკავონ პოლიტიკური პარტიებისა და კანდიდატების წინასაარჩევნო ღონისძიებებსა და აგიტაციაში მონაწილეობისაგან, აღნიშნავენ ორგანიზაციაში.

ამასთან, ორგანიზაცია რეკომენდაციებით მიმართავს პოლიტიკურ პარტიებსაც,   თავი შეიკავონ და არ დაუშვან ფიზიკური ძალადობა, არ გამოიყენონ ამომრჩევლებთან ურთიერთობის იმგვარი ფორმა, რაც შეიცავს ამომრჩევლის მოსყიდვის ნიშნებს, ასევე არ დაუშვან წინასაარჩევნო კამპანიაში მათ სასარგებლოდ არაუფლებამოსილი პირების ჩართვა.

საქართველოში საპარლამენტო არჩევნები 31 ოქტომბერს არის დანიშნული. პარალელურად ამავე დღეს აჭარის უმაღლესი საბჭოს და რამდენიმე მუნიციპალიტეტში მერებისა და საკრებულოს დეპუტატების არჩევნები ჩატარდება. 

13
თემები:
საქართველოს საპარლამენტო არჩევნები 2020
Вакцина британской компании AstraZeneca

მოსაზრება: ვაქცინა და მაიმუნები - ბრტანული ფეიკი რუსულ ფეიკზე

0
(განახლებულია 18:41 22.10.2020)
ბრიტანულმა მედიასაშუალებებმა კაცობრიობის წინააღმდეგ ახალი რუსული საინფორმაციო დივერსია გაშიფრეს. თანაც რამდენიმე დღის განმავლობაში ეს მთავარი თემა იყო ალბიონზე 

ვლადიმირ კორნილოვი

არადა, წარმოიდგინეთ, რამდენი პრობლემაა ახლა დიდ ბრიტანეთში: საშინელი ეპიდემიოლოგიური მდგომარეობა, მთავრობის ახალი საკარანტინო ზომების წინააღმდეგ მთელი რეგიონები ჯანყდება, ევროკავშირთან Brexit–ის შესახებ მოლაპარაკებებში ჩიხშია, შოტლანდიის სახელმწიფოს შემადგენლობიდან გასვლის იდეის მხარდაჭერამ მაქსიმალურ ნიშნულს მიაღწია – რასაც შეიძლება ქვეყნის დაშლა მოჰყვეს. და ამ პირობებში ბრიტანული გაზეთების პირველ გვერდებზე ქვეყნდება მთავარი ახალი ამბავი:შეშლილიRusskies აცხადებენ, რომ ვაქცინა შიმპანზებად გადაგვაქცევს“.

პრაქტიკულად ყველა გაზეთმა გამოაქვეყნა სასაცილო კოლაჟები, რომლებზეც ბრიტანეთის პრემიერ–მინისტრ ბორის ჯონსონის ფოტოები იეტებად იყო გადაკეთებული და ახლდა წარწერა: „მე მიყვარს ჩემი თოვლის კაცის ვაქცინა“. ეყრდნობოდნენ რა რაღაც წყაროს, ყველა ეს გაზეთი აცხადებდა, რომ მსგავსი ფოტოები რუსეთის სახელმწიფოს, ან რუსეთის ოფიციალური პირების განკარგულებით იწარმოებოდა და ვრცელდებოდა — როგორც დეზინფორმაციული კამპანიის ნაწილი მომავალი ბრიტანული კორონავირუსული ვაქცინისთვის ჩირქის მოსაცხებად და იმის გასაცხადებლად, რომ ის ადამიანებს მაიმუნებად აქცევს.

ამ ინფორმაციების პირველწყარო გაზეთი The Times–ი იყო, რომელმაც ვითომ საკუთარი გამოძიების სახითა გამოაქვეყნა რამდენიმე სენსაციური მასალა ამ თემაზე. თითქოს სურათები რედაქციას „დეზინფორმაციის კამპანიაში ჩართულმა“ მავანმა მიაწოდა, რომელიც შეშფოთებული იყო იმ ზარალით, რომლის მიყენებაც შეეძლო ამას საზოგადოებრივი ჯანდაცვისთვის“. სწორედ ამ „შეშფოთებულმა მავანმა“ განაცხადა, რომ რაღაცნაირად უკავშირდება  მხიარულ სურათებს.

მაგრამ რა შუაშია აქ რუსეთის სახელმწიფო? ამ კითხვას The Times–ი ინტრიგნულად სვამდა. მოწინავე სტატიაში ის აცხადებდა: გაუგებარია, იყო თუ არა ეს პროპაგანდისტული მცდელობა ავტორიზებული უშუალოდ კრემლის მიერ, მაგრამ არსებობს იმის მტკიცებულებები, რომ ზოგი რუსი ჩინოვნიკი ჩართული იყო მის ორგანიზებასა და გავრცელებაში“.

ძირიტად სტატიაში კი ეს მტკიცება უკვე ისე კატეგორიულად აღარ  ჟღერს: „ოქსფორდის კვლევის საწინააღმდეგო კამპანია შეიძლება უკავშირდებოდეს რუსეთის ოფიციალურ პირებს. <…> ამ პირების ჩართულობა აუცილებლად არ ნიშნავს იმას, რომ კრემლმა უბრძანა ან იცოდა ამ პროპაგანდისტული მცდელობის შესახებ“.

მოკლედ, გაზეთის მრავალრიცხოვან მკითხველს მაინც არ განუმარტეს თითქმის ყველა გაზეთის სათაურში გამოტანილი მთავარი ინტრიგა. ამის ნაცვლად მათ გაზეთის საიტზე შესვლასა და ამ თემაზე 40 წუთიანი პოდკასტის მოსმენას სთავაზობდნენ, აქაოდა, იქ ყველაფერი დაწვრილებითაა ახსნილი და დამტკიცებულიო.

როგორც ჩანს, სხვა მედიასაშუალებები (ბრიტანულიცა და ამერიკულიც) არ ჩაურღმავდნენ და The Times–ის ნათქვამს ენდნენ, რომ პოდკასტში რუსეთის ოფიციალური პირების ინტერნეტ–მემების წარმოებასთან კავშირის ყველა მტკიცებულება არსებობდა, რომლებიც ბრიტანული ვაქცინის დისკრედიტაციას ახდენდა.

მაგრამ თუ The Times–ის პოდკასტს მოუსმენთ, აღმოაჩენთ: რომ ლამის მთელი ტრანსლაციის განმავლობაში ისმის დაპირება, ახლა კი დაგიმტკიცებთ რუსეთის მთავრობის ამ ამბავთან კავშირსო. და როცა საქმე ორგანიზატოერბამდე მიდის, იქ კირილ დმიტრიევის გვარი სახელდება — რუსეთის პირდაპირი ინვესტიციების ფონდის გენერალური დირექტორისა.

გაზეთის ჟურნალისტები შტატიან „კრემლოლოგებთან“ ერთად განიხილავენ დმიტრიევის პიროვნებას, მის ფონდსა და ასევე იმას, იცოდა თუ არა თავად ვლადიმირ პუტინმა მათ მიერ ორგანიზებული კამპანიის შესახებ. აქედან შეიძლება ვივარაუდოთ, რომ The Times–ი, ბოლოს და  ბოლოს, კვალზე გავიდნენ. მაგრამ სემდეგ ისმის გასაოცარი ფრაზა: „კირილ დმიტრიევი არ მოიხსენიება ჩვენ ხელთ არსებულ მტკიცებულებებში და მინიშნებაც კი არ არის, რომ მას დეზინფომაციის კამპანიასთან კავშირი აქვსო. და მორჩა. აქ იკარგება იდუმალი „რუსი ჩინოვნიკების“  კვალი.

შემდეგ მოდის მორიგი „ინსაიდი“, რომ თითქოს ზოგ რუსულ სახელმწიფო არხზე ფეიკიც კი მზადდებოდა იმაზე, რომ ბრიტანული ვაქცინის გამოცდის დროს ორი პაციენტი დაიღუპა, მაგრამ მათ სიკვდილს საგულდაგულოდ მალავენო. და თითქოს ეს არის იმის დასტური, რო ვაქცინა მარტო მაიმუნებზე მუშაობს და არა ადამიანებზე. თუმცა იქვე ცხადდება, რომ „კამპანია არ დაწყებულა, შესაძლოა ეს რუსული ტელევიზიისთვისაც კი მეტისმეტი იყო“. ანუ ეს არავის არსად გამოუქვეყნებია და ჩვენ არ ვიცით, საიდან მოიტანეს ეს პოდკასტის ავტორებმა.

ამასთან ბრიტანული კომპანია AstraZeneca–ს ვაქცინის გამოცდისას ერთი პაციენტ მართლაც გარდაიცვალა ბრაზილიაში. მაგრამ ეს ამბავი მსოფლისო სააგენტოებმა გაავრცელეს და ამის „რუსული დეზინფორმაციისთვის“ მიკუთვნება, ძნელია.

ამგვარად, არცერთ მასალაში არ არის არცერთი ფაქტი, რომელიც რუსეთის სახელმწიფს ჩართულობას დაადასტურებდა სასაცილო მემების წარმოებაში ჯონსონსა და კოვიდზე. ინტერნეტი მართლაც გადავსებულია ასეთი ფოტოებით. მაგრამ მათი პირველწყაროს მოძებნის მცდელობას ოლოს მაინც The Times–ის იმ ნომრამდე მივყავართ, რომელშიც ისინი პირველად დაიბეჭდა. ჩვენ არ ვიცით, გამოქვეყნდა თუ არა ისინი მანამდე სადმე სხვაგან, თუ ამ გაზეთმა მისცა სტარტი მათ ფართო გავრცელებას მსოფლიოში.

გაზეთი ირწმუნება, რომ მსგავსი მემები სამ მოკრძალებულ რესურსზე იყო ატვირთული, საიდანაც ორი ბრიტანული იყო და ერთიც ბრიუსელისა. გამოდის, რომ ასეთი კოლაჟების მთავარი გამავრცელებელი სწორედაც რომ The Times–ი იყო.

რომ ვივარაუდოთ კიდეც, რომ ვიღაცას მართლაც უნდოდა ბრიტანული ვაქცინისთვის ჩირქის მოცხება, გამოდის, რომ მან ძალიან ეფექტურ და იაფ ხერხს მიაგნო: უბრალოდ შეუგდო ის რედაქციას „რუსული დეზინფორმაციის“ მტკიცებულებად და მორჩა, მემები თავად გავრცელდა ინტერნეტში. წარმოუდგეელი ეფექტია. მაგრამ თუ ეს ასეა, მაშინ გა მოდის, რომ ეს The Times–ის გახდა დეზინფორმაციის გამავრცელებელი.

თუმცა ამ ისტორიაში რუსეთიდან თუნდაც ვინმეს ჩართულობის დამამტკიცებელი საბუთების არარსებობის შემთხვევაშიც კი, ჩვენ ვხედავთ მსრისხანე ოფიციალურ ერაქციას ლონდონის მხრიდან. ბრიტანეთის საგარეო საქმეთა მინისტრნა დომინკ რაბმა მოსკივი ოქსფორდის ვაქცინის დისკრედიტაციაში დაადანაშაულა. ასე სანქციებიც არ დააგვიანებს. მნიშვნელობა არ აქვს იმას, რომ თავად The Times–ი ირწმუნება, ნაკლებ დასაჯერებელია, რომ კრემლს კავშირი ჰქონდეს ამ ისტორიასთანო. ბრიტანელი მინისტრისთვის სავალდებულო არ არის, სათაურს იქით რამე წაიკითხოს.

მთავარია რომ შეკითხვაზე, „რაში სჭირდება ეს რუსეთშ?“, ამ გაზეთის სარედაქციო  სვეტი უბრალოდ პასუხობს: არღვევს გლობალურ ნდობას ყველა ვაქცინის მიმართო. მაგრამ რუსეთისთვის არანაირად არ არის ხელსაყრელი ვაქცინაციის მიმართ ნდობის დანგრევა, იმ ფაქტის გათვალისწინებით, რომ ის ამ მომენტისთვის ჯერჯერობით ერთადერთი ქვეყანაა მსოფლიოში, რომელსაც უკვე აქვს ორონავირუსი საწინააღმდეგო ვაქცინა. მაგრამ ვის აღელვებს ამ შემთხვევაში ლოგიკა დასავლეთში.

რუსეთის საელჩომ ბრიტანეთში მყის განმარტა: ვარაუდი იმისა, რომ რუსეთის სახელმწიფოს შეუძლია რაიმე სახის პროპაგანდა აწარმოოს ბრიტანული ვაქცინის მიმართ ნდობის დაკრგვის მიზნით, თავისთავად არის დეზინფორმაციის მაგალითი.

ჩნდება კიდევ ერთი ლოგიკური კითხვა: რაში სჭირდება ეს ყველაფერი ბრიტანულ მედიასაშუალებებს? თუმცა ამაზე პასუხი სტატიის დასაწყისშივეა მოცემული. როგორც მინიმუმ, ორიოდე დღით საზოგადოება ქვეყნის რეალური პრობლემებიდან გადართულია და რუსების მზა კვრობაზე ბობოქრობს. ხოლო როცა „მაიმუნების ვაქცინაზე“ სტატიების ეფექტი ჩაივლის, ახალი სენსაციის შეგდება შეიძლება პირველ გვერდზებზე გატანით — მაგალითად იმის შესახებ, რომ ეს მზაკვარი რუსები ოლიმპიადა 2020–ის ჩაშლას ცდილობდნენ, ხოლო მამაცმა ბრიტანულმა სპეცსამსახურებმა ეს შეთქმულება აღკვეთესო. კიდევ ორიოდე დღით ხმაური და სკანდალები უზრუნვლყოფილი იქნება. ოღონდ არავინ მოითხოვოს, ერთი მტკიცებულება ან მოწმე მაინც წარმოადგინეთო. ეს მეტისმეტი იქნება.

რედაქცია შესაძლოა არ ეთანხმებოდეს ავტორის მოსაზრებებს!

0
თემები:
რუსეთი დღეს