წინასაარჩევნო სიმბოლიკა

ახალი გამოკითხვა: მაჟორიტარულ ოლქებში კვლავ „ქართული ოცნება“ ლიდერობს

102
გამოკითხვის შედეგები შეესატყვისება იმ პარტიების რეიტინგს, რომელიც ადრე ამავე კომპანიამ შეადგინა - მმართველი პარტიის კანდიდატები დიდი სხვაობით უსწრებენ დანარჩენებს

თბილისი, 7 ოქტომბერი - Sputnik. საქართველოს კიდევ ექვს ოლქში მაჟორიტარულ არჩევნებში მმართველი პარტია „ქართული ოცნების“ კანდიდატები იმარჯვებენ. ასეთია ტელეარხ „რუსთავი 2“-ის შეკვეთით კომპანია Survation-ის მიერ ჩატარებული გამოკითხვის შედეგები.

პარტიების რეიტინგი არჩევნებამდე რამდენიმე კვირით ადრე: IPSOS-ის გამოკითხვა >>

კომპანია Survation-ის მიერ ამ დრომდე ჩატარებული ყველა გამოკითხვა აჩვენებდა მმართველი პარტიის მხარდაჭერის ერთ-ერთ ყველაზე მაღალ პროცენტს სხვა ორგანიზაციების მიერ ჩატარებულ გამოკითხვებთან შედარებით. „ქართულ ოცნებაში“ მიაჩნიათ, რომ ეს შედეგები ყველაზე ახლოსაა შიდა გამოკითხვების შედეგებთან.

ამჯერად კომპანიამ დაახლოებით 1,8 ათასი ადამიანი გამოკითხა ექვს მაჟორიტარულ ოლქში: მთაწმინდა-კრწანისის, სამგორის, ნაძალადევის, ქუთაისის, მარნეული-გარდაბნის და გურჯაანი-საგარეჯო-დედოფლისწყარო-სიღნაღის ოლქებში.

გამოკითხვის შედეგები შეესაბამება ამ კომპანიის წინა რეიტინგებს პარტიების მიხედვით - მმართველი კანდიდატების აბსოლუტური გამარჯვება.

ოლქი        პირველი ადგილი მეორე ადგილი მესამე ადგილი
მთაწმინდა-კრწანისი

„ქართული ოცნება"

ბექა ოდიშარია

62% 

ოპოზიციის ერთიანი კანდიდატი

შალვა შავგულიძე

24%

„ლელო საქართველოსთვის"

საბა ბუაძე

6%

სამგორი

„ქართული ოცნება"

სოზარ სუბარი

55%

ოპოზიციის ერთიანი კანდიდატი

ლევან ხაბეიშვილი

31%

„საქართველოს პატრიოტთა ალიანსი"

გურამ ნიკოლეიშვილი

6%

ნაძალადევი

„ქართული ოცნება"

მიხეილ ყაველაშვილი

50%

ოპოზიციის ერთიანი კანდიდატი

შალვა ნათელაშვილი

25%

„საქართველოს პატრიოტთა ალიანსი"

ირმა ინაშვილი

13%

ქუთაისი 

„ქართული ოცნება"

ზაზა ლომინაძე

54%

„ძალა ერთობაშია"

გრიგოლ ვაშაძე

32%

„ევროპული საქართველო"

ოთარ კახიძე

6%

მარნეული-გარდაბანი   

„ქართული ოცნება"

ზაურ დარგალი

56%

„ძალა ერთობაშია"

აზერ სულეიმანოვი

33%

„ევროპული საქართველო"

აჰმედ იმამკულიევი

5%

გურჯაანი-საგარეჯო-დედოფლისწყარო-სიღნაღი

„ქართული ოცნება"

დავით სონღულაშვილი

64%

„ძალა ერთობაშია"

ლევან ბეჟაშვილი

23%

„ევროპული საქართველო"

გიორგი ღვინიაშვილი

7%

 

 

 

ამავდროულად კომპანიამ წარმოადგინა პარტიების რეიტინგები იმავე ოლქებში, რომლებიც მეტწილად განსხვავდება კანდიდატების შედეგებისგან. რას უკავშირდება ეს, მკვლევარებს არ უთქვამთ, თუმცა თბილისში მმართველი პარტიის რეიტინგი უფრო დაბალია, ვიდრე მისი კანდიდატებისა, რეგიონებში კი ოპოზიციური პარტიების რეიტინგი ჩამორჩება მათი მაჟორიტარების რეიტინგს.

გამოკითხვა 19-27 სექტემბერს ჩატარდა. მისი ცდომილება უცნობია.

102
თემები:
საქართველოს საპარლამენტო არჩევნები 2020 (273)
ხმების დათვლა. 2018

საპარლამენტო არჩევნები 2020: კანდიდატი პარტიები/სრული სია, როგორც ბიულეტენში

40
(განახლებულია 09:11 25.10.2020)
ცენტრალურმა საარჩევნო კომისიამ უკვე დაიწყო ბიულეტენების ბეჭდვა. ეს ნიშნავს, რომ არჩევნების მონაწილეთა სია აღარ შეიცვლება, იმ შემთხვევაშიც კი, თუ პარტიამ ბოლო კვირაში არჩევნებიდან მოხსნა გადაწყვიტა

კენჭისყრა 31 ოქტომბერს გაიმართება. 120 დეპუტატს აირჩევენ პროპორციული სისტემით (პარტიული სიებით), ხოლო 30-ს - მაჟორიტარულით, ოლქებში კონკრეტული კანდიდატებისთვის კენჭისყრის შედეგად.

პარლამენტში მოსახვედრად პარტიამ უნდა გადალახოს 1%-იანი ბარიერი, ხოლო ბლოკმა მოიპოვოს იმდენი პროცენტი, რამდენი პარტიას არის მის შემადგენლობაში.

Sputnik-საქართველო წარმოგიდგენთ, როგორ გამოიყურება ბიულეტენი პროპორციული არჩევნების მონაწილეებით. სულ 3 160 900 ასეთი ბიულეტენი უნდა დაიბეჭდოს.

საპარლამენტო არჩევნების მონაწილეები:

#1. თეთრების პარტია - ლიდერი თემურ შაშიაშვილი

#2. „ბაქრაძე, უგულავა, ბოკერია - ევროპული საქართველო - მოძრაობა თავისუფლებისთვის" - ლიდერი დავით ბაქრაძე

#3. „ნინო ბურჯანაძე - ერთიანი საქართველო - დემოკრატიული მოძრაობა" - ლიდერი ნინო ბურჯანაძე

#4. „დავით ჭიჭინაძის ტრიბუნა - ქდმ " - ლიდერი გრიგოლ ჯოჯუა

#5. ბლოკი „ძალა ერთობაში" - ლიდერი გრიგოლ ვაშაძე

#6. „მომავალი საქართველო" - ლიდერი გიორგი ლაღიძე

#7. „თამაზ მეჭიაური - ერთიანი საქართველოსთვის" - ლიდერი თამაზ მეჭიაური

#8. „დავით თარხან-მოურავი, ირმა ინაშვილი - საქართველოს პატრიოტთა ალიანსი" - ლიდერი დავით თარხან-მოურავი

#9. „გაჩეჩილაძე - მწვანეთა პარტია" - ლიდერი გიორგი გაჩეჩილაძე

#10. „შალვა ნათელაშვილი - საქართველოს ლეიბორისტული პარტია" - ლიდერი შალვა ნათელაშვილი

#11. მშრომელთა სოციალისტური პარტია - ლიდერი თამაზ ჯაფოშვილი

#12. „მოძრაობა თავისუფალი საქართველოსთვის" - ლიდერი ხათუნა ქოიავა

#13. „რეფორმერი" - ლიდერი თორნიკე ჯანაშვილი

#14. „ბეჟან გუნავა - ქართული არჩევანი" - ლიდერი ბეჟან გუნავა

#16. „ახალი ქრისტიან-დემოკრატები" - ლიდერი ნიკოლოზ ჯოგლიძე

#17. „ირაკლი ოქრუაშვილი - გამარჯვებული საქართველო" - ლიდერი ირაკლი ოქრუაშვილი

#18. „ინდუსტრია გადაარჩენს საქართველოს" - ლიდერი ზურაბ ტყემალაძე

#19. მოქალაქეთა პოლიტიკური კავშირი "ჩვენი საქართველო - სოლიდარობის ალიანსი "- ლიდერი ბექა ნაცვლიშვილი

#20. „საქართველო" - ლიდერი გიორგი ლილუაშვილი

#21. „თავისუფალი საქართველო" (კახა კუკავა, გოგი წულაია) - ლიდერი კახა კუკავას

#23. „ახალი ძალა" - ლიდერი ლაზარე ზაქარიაძე

#24. „ალეკო ელისაშვილი - მოქალაქეები" - ლიდერი ალეკო ელისაშვილი

#25. „თავისუფალი დემოკრატები" - ლიდერი თამარ კეკენაძე

#26. „ეკა ბესელია - სამართლიანობისთვის" - ლიდერი ეკა ბესელია

#27. ბლოკი „გიორგი ვაშაძე - სტრატეგია აღმაშენებელი" - ლიდერი გიორგი ვაშაძე

#28. „ქართული ფესვები" - ლიდერი თენგიზ ოქროფილაშვილი

#30. „შეცვალე საქართველო" - ლიდერი გიორგი გაგნიძე

#31. „თავისუფლება – ზვიად გამსახურდიას გზა" – ლიდერი მალხაზ გორგასლიძე

#32. „სახალხო პარტია" - ლიდერი ივანე გიორგაძე

#33. „ეროვნულ-დემოკრატიული პარტია" - ლიდერი ბაჩუკი ქარდავა

#34. „სოციალური სამართლიანობისთვის" - ლიდერი მამუკა ტუსკაძე

#36. „გირჩი" - ლიდერი იაგო ხვიჩია

#41. „ქართული ოცნება - დემოკრატიული საქართველო" - ლიდერი ბიძინა ივანიშვილი

#42. „რეფორმატორები" - ლიდერი დავით მიროტაძე

#43. „ზვიადის გზა"  (ღმერთის, სიმართლისა და ქვეყნისათვის) - ლიდერი მიხეილ სალუაშვილი

#44. „ლევან ჩაჩუა, გურამ ფალავანდიშვილი - ქართული იდეა" - ლიდერი ლევან ჩაჩუა

#45. „ნაციონალური დემოკრატიული მოძრაობა" - ლიდერი დავით შუკაკიძე

#46. „გია ჟორჟოლიანი - სოციალ-დემოკრატები საქართველოს განვითარებისათვის" - ლიდერი გია ჟორჟოლიანი

#47. „ზვიად ძიძიგური - საქართველოს კონსერვატიული პარტია" - ლიდერი ზვიად ძიძიგური

#48. „არჩევანი სამშობლოსათვის“- ლიდერი ლეილა გულედანი

#49. „ჯონდი ბაღათურია - ქართული დასი" - ჯონდი ბაღათურია

#50. „პროგრესული საქართველო" - ლიდერი ირაკლი მურცხვალაძე

#51. „მოქალაქეთა პოლიტიკური გაერთიანება "საქართველოს ძალოვან ვეტერანთა და პატრიოტთა პოლიტიკური მოძრაობა" - ლიდერი გია ბერძენიძე

#52. „სერგო ჯავახიძე - ევროატლანტიკური ვექტორი" - ლიდერი სერგო ჯავახიძე

#53. „ტრადიციონალისტები" - ლიდერი აკაკი ასათიანი

#54. „ანა რეხვიაშვილი - სახალხო მოძრაობა ქრისტიან დემოკრატები“ - ლიდერი ანა რეხვიაშვილი

#55. „ქართული მარში - ნაციონალური მოძრაობა" - ლიდერი სანდრო ბრეგაძე

#56. „ლელო - მამუკა ხაზარაძე" - ლიდერი მამუკა ხაზარაძე

#57. „მამულიშვილთა ორდენი „სამშობლო“ - ლიდერი გრიგოლ სოხაძე

#60. „საქართველოს განვითარების პარტია" - ლიდერი ქეთევან გოგლიძე

40
თემები:
საქართველოს საპარლამენტო არჩევნები 2020 (273)
წინასაარჩევნო აგიტაცია

რამხელა თანხა დახარჯეს პარტიებმა საარჩევნო კამპანიაზე - სახელმწიფო აუდიტის ინფორმაცია

51
(განახლებულია 10:26 25.10.2020)
21 მილიონი ლარი დახარჯეს ყველაზე რეიტინგულმა პოლიტიკურმა პარტიებმა, დანარჩენებმა ჯამში 2 მილიონი ლარი დახარჯეს

თბილისი, 25 ოქტომბერი — Sputnik. პოლიტიკურმა პარტიებმა საარჩევნო კამპანიის დროს 1 სექტემბრიდან 12 ოქტომბრამდე დაახლოებით 23 მილიონი ლარი დახარჯეს, აქედან 12,6 მილიონზე მეტი - წინასაარჩევნო რეკლამაზე, ნათქვამია სახელმწიფო აუდიტის სამსახურის ვებგვერდზე გამოქვეყნებულ მასალებში.

არჩევნებში სულ 48 პარტია და ორი ბლოკი იღებს მონაწილეობას.

რეკლამაზე ყველაზე მეტი დახარჯა „ქართულმა ოცნებამ“, რომელსაც სარეკლამო კამპანია დაახლოებით 7,2 მილიონი ლარი დაუჯდა, მეორე ადგილზეა ბლოკი „ძალა ერთობაშია“ 1,8 მილიონი ლარით, მესამე ადგილი კი დაიკავა „ლელო საქართველოსთვის, რომელმაც რეკლამაზე 1,79 მილიონი ლარი დახარჯა.

ცხრა ყველაზე რეიტინგულმა პარტიამ არჩევნებზე დახარჯა თითქმის 21 მილიონი ლარი, კიდევ 41-მა პოლიტიკურმა ძალამ ჯამში დახარჯა 2 მილიონი ლარი. პარტიების ხარჯები 12 ოქტომბრიდან კენჭისყრის დღემდე - 31 ოქტომბრამდე ცნობილი არჩევნების შემდეგ გახდება.

პარტია     ჯამური ხარჯი რეკლამის ხარჯი
„ქართული ოცნება - დემოკრატიული საქართველო" 10 612 565 ლარი 7 146 006 ლარი
„ერთიანი ეროვნული მოძრაობა“ (ბლოკი „ძალა ერთობაშია") 2 203 757 ლარი 1 864 982 ლარი
„ევროპული საქართველო - თავისუფლების მოძრაობა" 2 008 234 ლარი 1 634 575 ლარი
„საქართველოს პატრიოტთა ალიანსი " 1 242 466 ლარი 53 478 ლარი
„ლელო საქართველოსთვის" 2 566 897 ლარი 1 793 441 ლარი
„სტრატეგია აღმაშენებელი" 1 856 468 ლარი 1 248 921 ლარი
„ერთიანი საქართველო - დემოკრატიული მოძრაობა" 174 983 ლარი 97 591 ლარი
„საქართველოს ლეიბორისტული პარტია" 228 154 ლარი 104 832 ლარი
„გირჩი" 0 ლარი 0 ლარი

საქართველოს ეროვნულმა ბანკმა 24 ოქტომბერს ლარის კურსი აშშ დოლარის მიმართ 3,2202 GEL/$1 ნიშნულზე დაადგინა.

საქართველოში 31 ოქტომბერს არჩევნები გაიმართება. ამ დღეს საქართველოს მოსახლეობა აირჩევს პარლამენტის დეპუტატებს, აჭარის უმაღლესი საბჭოს წევრებს, ასევე რამდენიმე მუნიციპალიტეტის ადგილობრივი ხელისუფლების წარმომადგენლებს. საბოლოო მონაცემებით, ამომრჩეველთა ერთიან სიაში 3 526 032 ადამიანია.

51
თემები:
საქართველოს საპარლამენტო არჩევნები 2020 (273)
„თიბისი ბანკის“ მთავარი ოფისი

საქართველოს ბანკები მზად არიან სასესხო დავალიანებების რესტრუქტურიზაციისთვის

0
დღეისათვის მთავარ პრობლემას წარმოადგენს წინა გადავადებების დროს დაგროვილი დარიცხული პროცენტები და დღეს მათი კაპიტალიზაცია ხდება, განაცხადა ბანკების ასოციაციის ხელძღვანელმა

თბილისი, 25 ოქტომბერი – Sputnik. კორონავირუსის პანდემიასთან დაკავშირებით ბანკები მზად არიან განახორციელონ ვალების რესტრუქტურიზაცია ყველაზე მოწყვლადი სექტორებისთვის, ყველა საკითხი შეისწავლება ინდივიდუალურად და შედგება გადახდების მოქნილი განრიგი, განაცხადა ბანკების ასოციაციის პრეზიდენტმა ალექსანდრე ძნელაძემ.

მისი თქმით, სესხებზე საყოველთაო გადავადება, როგორ ეს ადრე მოხდა, ამჟამად არ იგეგმება.

„რეალურად, აღარ იქნება ერთიანი საყოველთაო გადავადება, რაც იყო წინა პერიოდში შეთავაზებული. მაგრამ მონიტორინგი კეთდება ინდივიდუალურად, უკვე მიდის კლიენტებთან მუშაობა და ხდება რესტრუქტურიზაციები. პრემიერ-მინისტრმა დაავალა ბიზნესომბუდსმენის აპარატს აღნიშნული მიმართულებით მუშაობის გაგრძელება. ჩვენც ვაგრძელებთ მუშაობას იმ პრობლემების იდენტიფიცირებაზე, რა პრობლემებიც შეიძლება არსებობდეს რესტრუქტურიზაციების დროს“, - განაცხადა ძნელაძემ.

მან ასევე აღნიშნა, რომ არსებობს მზადყოფნა, წლის ბოლომდე გაფართოვდეს გარკვეული არსებული სახელმწიფო პროექტები, სუბსიდირების თუ საკრედიტო გარანტიების ფარგლებში, რაც, რა თქმა უნდა ხელს შეუწყობს იმას, რომ უფრო მარტივად მოხდეს რესტრუქტურიზაცია.

„აქ ცალსახად უნდა ვთქვათ, რომ ერთ-ერთი ყველაზე მნიშვნელოვანი პრობლემა, რომელსაც კლიენტები აფიქსირებენ, არის ის დარიცხული პროცენტები, რაც უკვე დაუგროვდათ წინა გადავადებების დროს და დღეის მდგომარეობითაც, მისი კაპიტალიზაცია ხდება“, – აღნიშნა ალექსანდრე ძნელაძემ.

ბანკების ასოციაციის პრეზიდენტის თქმით, ყველაზე მოწყვლადი სექტორი, რომელიც პანდემიის დროს განსაკუთრებით დაზარალდა, არის ტურიზმი და ტურიზმის მომიჯნავე დარგები.

ახალი კორონავირუსის პანდემიით გამოწვეული ვითარებიდან გამომდინარე, სააგენტომ „აწარმოე საქართველოში“ სპეციალური პროგრამა შეიმუშავა „თანადაფინანსების მექანიზმი საოჯახო, მცირე და საშუალო სასტუმრო ინდუსტრიის ხელშეწყობისთვის“, რომლის მიზანია მათთვის კომერციული ბანკების წინაშე ფინანსური ტვირთის შემსუბუქება.

პროგრამის ფარგლებში, სააგენტო 2020 წლის 1 მარტიდან მომდევნო ექვსი თვის განმავლობაში მეწარმე სუბიექტებისთვის სესხზე დარიცხული წლიური სარგებლის თანადაფინანსებას ახორციელებდა – ეროვნულ ვალუტაში 80%-ის ოდენობით, ხოლო უცხოურ ვალუტაში 70%-ის ოდენობით. ალექსანდრე ძნელაძის ინფორმაციით, მთავრობა სავარაუდოდ აპირებს ამ პროგრამის გაგრძელებას.

მისი ინფორმაციით, სუბსიდირების პროექტში მხოლოდ სასტუმროების ნაწილი მონაწილეობს, ამიტომ დღეს მიმდინარეობს მსჯელობა პროექტის შესაძლო გაფართოებაზე.

0
თემები:
საქართველოს ეკონომიკა