„ლელოს“ წინასაარჩევნო მიტინგი

„ლელოს“ „მარშალის გეგმა“ - წინასაარჩევნო პროგრამის ძირითადი თეზისები

65
ასობით ათასი სამუშაო ადგილის შექმნა, მიწის რეფორმა და ხელმისაწვდომი ჯანდაცვა - „ლელომ“ საკუთარი გეგმები გაასაჯაროვა

თბილისი, 7 ოქტომბერი – Sputnik. ოპოზიციურმა პარტიამ „ლელო საქართველოსთვის“ წარმოადგინა საკუთარი პროგრამა „მარშალის გეგმა“, რომელიც პარტიის სამოქმედო გეგმას ხელისუფლებაში მოსვლის შემთხვევაში ასახავს.

რას გვპირდება „ქართული ოცნება“ არჩევნების შემდგომ: მოკლედ და კონკრეტულად >>

ბანკირ მამუკა ხაზარაძის პარტიის პროგრამა ძირითადად ეკონომიკურია და ქვეყნის ეკონომიკური ცხოვრების მთლიან შეცვლას წარმოადგენს.

ვახტანგ კიკაბიძე ბლოკის „ძალა ერთობაშია“ სიის სათავეშია >>

Sputnik-საქართველო წარმოგიდგენთ მოკლე პროგრამულ თეზისებს.

ეკონომიკა

  • მოსახლეობის საშუალო კლასის ჩამოყალიბება;
  • 600 ათასზე მეტი ადამიანის შემოსავალი - თვეში 3 ათას ლარზე მეტი;
  • 200 ათასი სამუშაო ადგილის შექმნა;
  • ბიზნესისა და საინვესტიციო ფონდებისთვის საგარანტიო ფონდის შექმნა;
  • სახელმწიფო საკუთრებაში არსებული კომპანიების პრივატიზაცია;
  • საერთაშორისო არბიტრაჟის დაარსება საქართველოში;
  • საექსპორტო პროდუქციის გათავისუფლება საშემოსავლო გადასახადისგან;
  • IT კომპანიების გადასახადებისგან გათავისუფლება.

რეგიონები

  • რეგიონების გარდაქმნა სხვადასხვა სფეროს ცენტრებად;
  • ანაკლიის პორტის მშენებლობის დასრულება, საბორნე მიმოსვლა ევროპასთან, რკინიგზის მოდერნიზაცია;
  • ფერმერთა გადამზადება ჰოლანდიაში, შვეიცარიასა და ისრაელში;
  • მიწის რეფორმა.

ჯანდაცვა და სოციალური დაცვა

  • ხელმისაწვდომი ჯანდაცვა;
  • ხელმისაწვდომი ხარისხიანი მედიკამენტები;
  • სავალდებულო სახელმწიფო დაზღვევა;
  • ჯანდაცვის სისტემის რეფორმა;
  • ფარმაცევტული ბაზრის რეფორმა;
  • დასაქმების შემთხვევაში ორი წლით სოციალური სტატუსის შენარჩუნება;
  • სოციალური რეესტრის შექმნა;
  • ხელფასი შშმ პირთათვის და შშმ ბავშვების მშობლებისთვის 1,500 ლარამდე;
  • შეღავათები შშმ პირთა დასაქმებისას;
  • შეღავათები პენსიონერებისთვის;
  • პენსიაზე გასვლის შემდეგ სამწლიანი სამუშაო მენტორის სტატუსში;
  • პენსიების ზრდა 400 ლარამდე;
  • ახალგაზრდებისთვის ხელმისაწვდომი საცხოვრებელი ფართი;
  • უფასო ტრანსპორტი ახალგაზრდებისა და პენსიონერებისათვის.

განათლება

  • ევროპული განათლების სისტემის დანერგვა;
  • ოჯახის მონაწილეობა სკოლის მენეჯმენტში;
  • პროფესიული სასწავლებლები ბიზნესის და სახელმწიფოს ეგიდით;
  • უფასო დოქტორანტურა;
  • საერთაშორისო უნივერსიტეტების ფილიალები საქართველოში;
  • სტუდენტის საშემოსავლო გადასახადისგან გათავისუფლება;
  • უნივერსიტეტის დასრულების შემდეგ ანაზღაურებადი სტაჟირება.
65
თემები:
საქართველოს საპარლამენტო არჩევნები 2020 (244)
ნინო ბურჯანაძე

ბურჯანაძე მზადაა შეუერთდეს მოლაპარაკებებს აზერბაიჯანთან საზღვრის სადავო მონაკვეთის თაობაზე

57
საქართველოს პარლამენტის ყოფილი სპიკერი, „ერთიანი საქართველოს“ ლიდერი დარწმუნებულია, რომ აზერბაიჯანულ მხარესთან მოლაპარაკებას პოზიტიურ იმპულსს შესძენს

თბილისი, 19 ოქტომბერი - Sputnik. საქართველოს პარლამენტის ექსსპიკერი, „ერთიანი საქართველო - დემოკრატიული მოძრაობის“ ლიდერი ნინო ბურჯანაძე აცხადებს, რომ მზადაა, მეგობრული დიალოგი აწარმოოს აზერბაიჯანის ხელისუფლებასთან დავით-გარეჯის სამონასტრო კომპლექსის სადავო ტერიტორიის საკითხზე.

რას ფიქრობს საქართველოს საპატრიარქო დავით-გარეჯის საქმის ახალ გარემოებებზე >>

საქართველოს გენერალურმა პროკურატურამ აზერბაიჯანთან საზღვრის დემარკაციის კომისიის მუშაობისას ტერიტორიების გადაცემის შესახებ გამოძიება ამ შემოდგომაზე დაიწყო. ამ ეტაპზე საქმეზე დაკავებულია ორი მოხელე, რომლებმაც, ბრალდების ვერსიით, დამალეს 1937-1938 წლების რუკის არსებობა, რის გამოც საქართველომ კინაღამ დაკარგა 3,5 ათასი ჰექტარი ტერიტორია, მათ შორის, დავით-გარეჯის სამონასტრო კომპლექსის ნაწილი.

„დავით გარეჯის თემა ყოველთვის იყო ჩემი ყურადღების საგანი და ახლაც, ბუნებრივია, იქნება. რომელი რუკებით უნდა ისარგებლოს კომისიამ, მე ჯერ ნამდვილად ვერ გეტყვით, იმიტომ რომ ჯერ ერთი არ ვარ კარტოგრაფი და მეორე, არ მაქვს დეტალური ინფორმაცია. ნებისმიერი მექანიზმი უნდა იყოს გამოყენებული, რომ საქართველოს ინტერესი დავიცვათ, მაგრამ ეს მექანიზმი უნდა იყოს მეგობრული, გაწონასწორებული, პიარისგან დაცლილი და საქმით სავსე. მე შემიძლია ძალიან საქმიანი და მეგობრული მოლაპარაკების წარმართვა აზერბაიჯანის ხელისუფლებასთან და შევეცდები, რომ ამ პროცესში პოზიტიური გარდატეხა მოხდეს“, – განაცხადა ბურჯანაძემ.

ბურჯანაძემ მმართველი პარტია „ქართული ოცნება“ არჩევნების წინ ამ თემით მანიპულირებაში დაადანაშაულა.

„ეს იყო ნამდვილად წინასაარჩევნოდ წამოწეული პიარი, რომლის შედეგადაც ორი სრულიად უდანაშაულო ადამიანი ზის ციხეში და რა თქმა უნდა. ეს საკითხი საგანგებოდ უნდა შეისწავლოს მომავალმა პარლამენტმა“, - აღნიშნა ბურჯანაძემ.

საქართველო–აზერბაიჯანის საზღვარი 440 კილომეტრია, მისი მესამედი ჯერ არ არის დელიმიტირებული. ერთ-ერთ სადავო მონაკვეთზე მდებარეობს მეექვსე საუკუნის დავით–გარეჯის სამონასტრო კომპლექსი, რომლის ნაწილზეც პრეტენზიას აზერბაიჯანული მხარე აცხადებს და იქ ქართველ მომლოცველებს არ უშვებს. ახლახან გაირკვა, რომ მონასტრის ტერიტორია აზერბაიჯანის კონტროლის ქვეშ უკანონოდ მოექცა.

ამჟამად დემარკაცია-დელიმიტაციის კომისიის ყოფილი წევრები ივერი მელაშვილი და ნატალია ილიჩოვა პატიმრობაში არიან. პროკურატურამ არ გამორიცხა ამ საქმეზე სხვა პირთა დაკავება. ოპოზიცია მიიჩნევს, რომ ბრალდება ექს-პრეზიდენტ მიხეილ სააკაშვილსაც შეიძლება წარედგინოს.

57
თემები:
ვნებათაღელვა დავით–გარეჯის ირგვლივ
წინასაარჩევნო კამპანია

ვინ გაიმარჯვებს არჩევნებში? მასშტაბური კვლევის შედეგები

90
(განახლებულია 21:38 19.10.2020)
მასშტაბური კვლევა, რომელმაც 9 ათასი ადამიანი მოიცვა, საქართველოს საპარლამენტო არჩევნებამდე ერთი თვით ადრე ჩატარდა.

თბილისი, 19 ოქტომბერი - Sputnik. საპარლამენტო არჩევნებამდე ორი კვირით ადრე გამოქვეყნდა ტელეკომპანია „რუსთავი 2“-ის დაკვეთით ბრიტანული კვლევითი კომპანია Survation-ის მიერ ჩატარებული მორიგი კვლევის შედეგები.

ელისაშვილი არჩევნების ორ დღეში ჩატარების ინიციატივით გამოდის >>

გამოკითხვაში, რომელიც 12-დან 29 სექტემბრამდე ჩატარდა, მონაწილეობა მიიღო 9 ათასზე მეტმა ამომრჩეველმა. კვლევის ცდომილება, კომპანია Survation-ის მტკიცებით, მინიმალურია და 1,3%-ს არ აღემატება.

როგორც წესი, მსგავს გამოკითხვებში საქართველოში დაახლოებით 2 ათასი რესპონდენტი მონაწილეობს ხოლმე.

გამოკითხვის შედეგების თანახმად, მმართველი პარტია „ქართული ოცნება - დემოკრატიული საქართველო“ დამაჯერებლად უსწრებს სხვა პარტიებს და მას ქვეყნის მოსახლეობის ნახევარზე მეტი – 55,6% უჭერს მხარს. მეორე ადგილზე რეიტინგში ყოფილი მმართველი პარტია „ერთიანი ნაციონალური მოძრაობაა“ 19,8%-ით. მესამეზე კი - ოპოზიციური საპარლამენტო პარტია „ევროპული საქართველო“ 5,2%-ით.

ხმები პარტიებს შორის შემდეგნაირად გადანაწილდა:

  • „ქართული ოცნება“ - 55,6%
  • „ერთიანი ნაციონალური მოძრაობა“ - 19,8%
  • „ევროპული საქართველო“ - 5,2%
  • „გიორგი ვაშაძე - სტრატეგია აღმაშენებელი“ - 5,1%
  • „პატრიოტთა ალიანსი“ - 3,8%
  • „ლელო“ - 3,1%
  • ლეიბორისტული პარტია - 2,7%
  • „გირჩი“ - 2,1%
  • „ერთიანი საქართველო“ - 1,1%
  • „თავისუფალი დემოკრატები“ - 0,2%
  • სხვა პარტიები - 1,3%

ეს კომპანია მმართველ პარტიას ყველაზე მაღალ რიცხვებს უწერს ხოლმე. სხვა გამოკითხვების მიხედვით „ქართული ოცნების“ რეიტინგი 35-45%-ის ფარგლებში მერყეობს. თავად „ოცნება“ ირწმუნება, რომ არჩევნებში ამომრჩეველთა ხმების არანაკლებ 60%-ს მიიღებს.

მეტი დამაჯერებლობისთვის რესპონდენტებს დაუსვეს დასაზუსტებელი კითხვა: „რამდენად დარწმუნებული ხართ, რომ სწორედ თქვენ მიერ დასახელებულ პარტიას დაუჭერთ მხარს, თუ საპარლამენტო არჩევნები დღეს ჩატარდება“. პასუხები შემდეგნაირად გადანაწილდა:

  • სრულიად დარწმუნებულია – 68%
  • მეტ-ნაკლებად დარწმუნებულია – 24%
  • მხოლოდ უმნიშვნელოდაა დარწმუნებული – 4%
  • ბოლომდე არ არის დარწმუნებული – 4%

გამოკითხვის შედეგების თანახმად, მოახლოებულ საპარლამენტო არჩევნებში მონაწილეობის მიღებას რესპონდენტების 72% გეგმავს. კიდევ 13% „ალბათ“ წავა არჩევნებზე, 11% კი ირჩევს "50/50" ვარიანტს. არ მიდის არჩევნებზე 4%.

რეაქციები

გამოკითხვის შედეგები ოპოზიციისთვის მიუღებელი აღმოჩნდა. ისინი დარწმუნებული არიან, რომ საპარლამენტო არჩევნები რადიკალურად განსხვავებულ შედეგებს აჩვენებს.

„Survation-ის კვლევებს აქვს კატასტროფული პრობლემა მეთოდოლოგიაში. „ქართული ოცნება" 35-37%-ზე მეტს ვერ აიღებს, ამის გარანტიას ვაძლევ. კიდევ ერთხელ ვამბობ, მთავარია აქტივობა. არავინ არ უნდა მოვეშვათ, ყველა ოპოზიციური ამომრჩეველი უნდა მოვიდეს. ქვეყანაში არის უმძიმესი მდგომარეობა და ამ უმძიმესი ვითარების შეცვლა შეუძლია მხოლოდ და მხოლოდ ხელისუფლების ცვლილებას და პროფესიონალთა ახალი გუნდის მოსვლას ხელისუფლებაში“, – განაცხადა პარტია „სტრატეგია აღმაშენებლის“ ლიდერმა გიორგი ვაშაძემ.

თავის მხრივ, მმართველ პარტიაში გამოკითხვის შედეგებს ენდობიან.

„ეს კვლევები „ქართული ოცნების" შემთხვევაში არის რეალობასთან ახლოს. საზოგადოებასთან ჩვენ ურთიერთობა გვქონდა საკმაოდ მჭიდრო. შესაბამისად, სრულიად კანონზომიერი და ბუნებრივია, რომ დღეს ჩვენი პოლიტიკური ორგანიზაცია სარგებლობდეს ასეთი მაღალი რეიტინგით“, – განაცხადა საპარლამენტო უმრავლესობის დეპუტატმა გურამ მაჭარაშვილმა.

ეგზიტპოლები

ავტორიტეტული ბრიტანული კომპანია Survation თანამშრომლობს წამყვან მედიაბრენდებთან, როგორებიცაა BBC და Guardian. საპარლამენტო არჩევნების დღეს Survation და ტელეკომპანია „რუსთავი 2“ ეგზიტპოლების შედეგებს გამოაქვეყნებენ.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

 

90
თემები:
საქართველოს საპარლამენტო არჩევნები 2020 (244)
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0