საქართველოს რუკა

საქართველოს რომელი ტერიტორიები გადაეცა აზერბაიჯანს უკანონოდ? გენპროკურატურის ვიდეო

302
ბრალდების მხარემ გამოაქვეყნა საქართველო-აზერბაიჯანის საზღვრის დემარკაციის პროცესისა და მთავარი სადავო მონაკვეთის ამსახველი ვიდეო

თბილისი, 7 ოქტომბერი - Sputnik. საქართველოს გენერალურმა პროკურატურამ საქართველო-აზერბაიჯანის საზღვრის დემარკაციის დროს უცხო სახელმწიფოსთვის ქართული ტერიტორიების ნაწილის გადაცემის საქმეზე დაკავებული საქართველოს საგარეო საქმეთა და შინაგან საქმეთა სამინისტროების თანამშრომლების ბრალდების დეტალები გამოაქვეყნა.

საქართველო–აზერბაიჯანის საზღვრის დემარკაციის საქმე: დაკავებულია კომისიის ყოფილი წევრები >>

საქმეზე დაკავებული არიან საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი, ასევე შსს-ს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩევა, რომლებიც დემარკაციისა და დელიმიტაციის კომისიის მუშაობის დროს, 2007 წლამდე, როგორც ექსპერტები, ქმნიდნენ რუკების ალბომს, რომელთა მიხედვითაც თანხმდებოდა საზღვრები.

საზღვრის დემარკაციის საქმე

საბჭოთა პერიოდში საქართველოსა და აზერბაიჯანს შორის საზღვარი რამდენჯერმე შეიცვალა და საბოლოოდ 1938 წელს ორმხრივად შეთანხმდა.

1938 წლის მარტში დამტკიცდა საზღვრის ზოლი, რომელიც დაიტანეს 1:500 000-თან მასშტაბის რუკაზე.

საბჭოთა კავშირის დაშლის შემდეგ გაჩნდა სახელმწიფო საზღვრების ხელახლა დადგენის აუცილებლობა, რა მიზნითაც 1994 წელს შეიქმნა სპეციალური სამთავრობო კომისია, რომლის ამოცანაც საქართველოს სახელმწიფო საზღვრის დელიმიტაცია და დემარკაცია იყო.

1996 წლის ივნისში საქართველოსა და აზერბაიჯანის სამთავრობო კომისიებმა განაცხადეს, რომ საზღვრის დადგენის მთავარი საფუძველი უნდა გამხდარიყო 1938 წელს დამტკიცებული საზღვარი.

ივერი მელაშვილსა და ნატალია ილიჩევას ექსპერტების სახით უნდა ჩაეტარებინათ გეოდეზიური და კარტოგრაფიული სამუშაოები, მოეძიებინათ რუკები და სხვა მასალები, გაეანალიზებინათ ისინი და შეედგინათ საზღვრის რუკების ალბომი. თუმცა მათ გადაწყვიტეს, არ ჩაეტარებინათ საექსპერტო კვლევები და არ მოეწვიათ კარტოგრაფები.

მეტიც, ბრალდებულებმა ალბომის შედგენისას არ გამოაჩინეს 1937-1938 წლების რუკის დედანი, შედგენილი 1:200 000-თან მასშტაბით, და კომისიის მუშაობისას უარი თქვეს ამ რუკის ასლის გამოყენებაზე თითქოსდა მისი დედნის არარსებობის გამო. დედანი კი გამომძიებლებმა აღმოაჩინეს ილიჩევას კაბინეტში მის დაკავებამდე ჩატარებული ჩხრეკის დროს.

1938 წლის რუკის ნაცვლად მელაშვილმა და ილიჩევამ მიზანმიმართულად გამოიყენეს 1970-1980 წლების 1:100 000-თან და 1:50 000-თან მასშტაბის რუკები, რომლებიც არასდროს არ ყოფილა შეთანხმებული და ეწინააღმდეგებოდა ისტორიულ საზღვრებს.

ექსპერტიზამ დაადგინა ასევე, რომ ვინაიდან კომისია ხელმძღვანელობდა არასწორი რუკებით, საზღვრის 2007 წლამდე შეთანხმებული მონაკვეთები არ შეესატყვისებოდა 1937-1938 წლებში გამოცემულ რუკას. ტერიტორიების ფართობის სხვაობამ საქართველოს საზიანოდ 3,5 ათასი ჰექტარი შეადგინა, რაც ადასტურებს ტერიტორიის უცხო სახელმწიფოსთვის გადაცემის შესახებ ბრალდებას.

გენერალურმა პროკურატურამ გამოაქვეყნა ასევე ვიდეო, რომელშიც დაწვრილებითაა აღწერილი საქართველო-აზერბაიჯანის საზღვრის არასწორი რუკების საფუძველზე შეთანხმებული მონაკვეთები.

2007 წლამდე კომისიამ შეათანხმა საზღვრის 303 კილომეტრი 16 მონაკვეთზე. ამასთან, 13 მათგანი დადგინდა არამართებულად საქართველოს საზიანოდ. შედეგად დღეს ქვეყანა 3,5 ათასი ჰექტარი ფართობის ტერიტორიის დაკარგვის საფრთხის წინაშე დგას შემდეგ მონაკვეთებზე:

მონაკვეთი         ტერიტორიის ფართობი (ჰექტრებში)
„წითელი ხიდი" 39,8
„ჯანდარას ტბის მიმდებარე ტერიტორია" 272,1
„ჯანდარას ტბის ჩრდილო-დასავლეთი ტერიტორია" 64,3
„ჩიჩხიტურის კოშკის ტერიტორია" 265,9
„ტერიტორია დავით-გარეჯის სამონასტრო კომპლექსთან" 265,9
„ტერიტორია იალჯიხის ქედიდან გეგთებედის გორამდე" 326
„ტერიტორია ალაჯიღის მთასთან"  67,7
„აჩბულაყის მწვერვალიდან ტახტაპის მწვერვალამდე" 364,8
„ტერიტორია ვოსეგემამთის მწვერვალთან" 426,6
„მდინარე ივრის ტერიტორიის გასწვრივ" 551,8
„მდინარე მლაშეწყლის ტერიტორიის გასწვრივ" 313,2
„მდინარე კვირიასწყლის ტერიტორიის გასწვრივ" 382,9
„მაწიმიწყლის ხიდიდან მდინარის გასწვრივ“ 382,9

 

302
თემები:
საქართველო–აზერბაიჯანის საზღვრის დემარკაციის საქმე (24)
ნიკა მელია სასამართლოში

ნიკა მელია ციხეში რჩება: როგორ შეიცვლება ოპოზიციის სტრატეგია

38
საქართველოს ხელისუფლების ღრმა რწმენით, მელიას პატიმრობა ოპოზიციას იმისთვის სჭირდება, რომ ამ თემით სპეკულირება გააგრძელოს

თბილისი, 14 აპრილი - Sputnik. სასამართლოს გადაწყვეტილებამ, პატიმრობაში დაეტოვებინა „ერთიანი ნაციონალური მოძრაობის“ თავმჯდომარე ნიკა მელია, ცეცხლზე ნავთი დაასხა - საქართველოში ხელისუფლებისა და ოპოზიციის ისედაც დაძაბული ურთიერთობა კიდევ უფრო გამწვავდა.

მელიას პატიმრობა ოპოზიციასა და მმართველ პარტიას შორის უთანხმოების ერთ-ერთი მთავარი საგანია. ოპოზიცია მას პოლიტპატიმარს უწოდებს. დასავლეთის მხრიდან სერიოზული კრიტიკის შემდეგ საქართველოს პროკურატურამ გამოთქვა მზადყოფნა ეშუამდგომლა აღკვეთის ღონისძიების შეცვლაზე, თუ მელია დათანხმდება 40 ათას ლარიან გირაოს გადახდაზე.

„ეს იყო აბსოლუტურად უაზრო სპექტაკლი. როგორი არგუმენტებიც არ უნდა მოიშველიონ, რაზეც არ უნდა ილაპარაკონ, მოსამართლე მომზადებული გადაწყვეტილებით მოვიდა... ჩვენ „ქართულ ოცნებასთან“ არავითარ მოლაპარაკებებს არ გავაგრძელებთ მანამ, სანამ პოლიტპატიმრები არ გათავისუფლდებიან - ეს „ნაციონალური მოძრაობის“ პოზიციაა“, - განაცხადა „ნაციონალური მოძრაობის“ აღმასრულებელმა მდივანმა კობა ნაყოფიამ.

ოპოზიციის წარმომადგენელთა ერთი ნაწილი გუშინ „ლელოს“ ოფისში შეიკრიბა, რათა სამომავლო გეგმები განეხილა. ოპოზიციონერი პოლიტიკოსის, გიგი უგულავას თქმით, 15 მაისს დაგეგმილი მასშტაბური აქციის ჩატარების გადაწყვეტილება ძალაშია.

„15 მაისი ძალაშია, უნდა ვაჩვენოთ, რომ მოლაპარაკების პარალელურად, რა ტკივილიც აქვს საზოგადოებას, არსად წასულა, არსად გამქრალა, პირიქით, მატულობს, სულ უფრო და უფრო დამუხტული ხდება“, - აღნიშნა უგულავამ.

მელიას გათავისუფლება ხელს შეუწყობდა ვითარების განმუხტვას, ფიქრობს „ლელოს“ ერთ-ერთი ლიდერი ბადრი ჯაფარიძე.

„გააუმჯობესებდა მოლაპარაკებების გარემოს, სამწუხაროდ, „ქართულმა ოცნებამ“ და მოსამართლემ მიიღეს ისეთი გადაწყვეტილება, რომელიც ვითარებას კვლავ ძალიან დაძაბულს ტოვებს და კიდევ უფრო აღრმავებს კრიზისს“, – დასძინა ბადრი ჯაფარიძემ.

მისი სიტყვებით, მოლაპარაკების მორიგი რაუნდი ხელისუფლებასა და ოპოზიციას შორის შეიძლება შედგეს მხოლოდ იმ შემთხვევაში, თუ ხელისუფლების მხრიდან შეთანხმების მიღწევის მზადყოფნა იარსებებს.

„მოლაპარაკებების მომდევნო რაუნდთან დაკავშირებით რაიმე შეთანხმება არ გვაქვს... როგორც თქვენთვის ცნობილია, შესათანხმებელი დაგვრჩა ორი უმნიშვნელოვანესი საკითხი – ეს არის პოლიტიკური ნიშნით დაკავებული ადამიანების საპატიმროდან გათავისუფლება, ასევე რიგგარეშე არჩევნებამდე მისვლის გზაზე „ქართულ ოცნებასთან“ შეთანხმება“, - აღნიშნა ჯაფარიძემ.

ხელისუფლების პოზიცია

მმართველ პარტიაში აცხადებენ, რომ მელიას დღესაც შეუძლია ციხის დატოვება, თუ გირაოს გადაიხდის.

„ნიკა მელიას დღესაც შეუძლია გადაიხადოს გირაოს თანხა და დატოვოს საპატიმრო, რომლის შემდგომაც ჩვენ მათ ვთავაზობთ, რომ მივიღებთ პოლიტიკურ აქტს, სადაც ამინისტირებული იქნება 20 ივნისთან დაკავშირებული ყველა პირი, მათ შორის ნიკანორ მელია და ამით ეს საკითხი დაიხურება“, - განაცხადა „ქართული ოცნების“ წევრმა გიორგი ამილახვარმა.

მელია ციხეში „ერთიან ნაციონალურ მოძრაობას“ სჭირდება, რათა გააგრძელოს თემით სპეკულირება, ფიქრობს პარლამენტის ვიცესპიკერი გია ვოლსკი.

„კანონი უნდა აღსრულდეს, ოპონენტს გააჩნია შეხედულება, რომ კანონის აღსრულება ეწინააღმდეგება მათ იდეას და იდეა არის შემდეგი - არ არსებობს კანონი, სახელმწიფო და სახელმწიფო სტრუქტურები, რომელსაც შეიძლება დაემორჩილო. ვის სჭირდება ნიკა მელიას საპატიმროში ყოფნა? - ეს სჭირდება „ნაციონალურ მოძრაობას", რათა მუდმივად ამ თემაზე სპეკულაცია აწარმოოს", - განაცხადა ვოლსკიმ.

ამის მიუხედავად, „ქართულ ოცნებაში“ დარწმუნებული არიან, რომ ოპოზიციასთან დიალოგის გაგრძელების პერსპექტივა არსებობს.

„მზად ვართ, ნებისმიერი მოლაპარაკებების ფორმატში მივიღოთ მონაწილეობა... თუ კონკრეტული ოპოზიციური ძალა ან კონკრეტული პოლიტიკოსები გადადგამენ სწორ და კონსტრუქციულ ნაბიჯებს, ჩვენ რა თქმა უნდა, მათთან შემდგომი მოლაპარაკებებისა და საკითხების განხილვისთვის ყოველთვის გვაქვს მზადყოფნა“, – განაცხადა უმრავლესობის დეპუტატმა გივი მიქანაძემ.

დასავლელი შუამავლები უკვე რამდენიმე თვეა ცდილობენ საქართველოში სიტუაციაზე გავლენის მოხდენას, მაგრამ ჯერ უშედეგოდ - პოლიტიკური კრიზისი ქვეყანაში ღრმავდება.

მოლაპარაკების მორიგი რაუნდი მარტის ბოლოს გაიმართა, მაგრამ შედეგი ვერ გამოიღო. თბილისში კრიზისის მოგვარების მიზნით მეორედ იყო ჩამოსული ევროპული საბჭოს პრეზიდენტის სპეციალური წარმომადგენელი კრისტიან დანიელსონი, მაგრამ მისი წინადადებები მხარეებმა უარყვეს.

38
ქართული პასპორტი

საქართველოს პასპორტი საერთაშორისო რეიტინგში დაწინაურდა

93
(განახლებულია 22:47 14.04.2021)
ქართული პასპორტის მფლობელები მსოფლიოს 116 ქვეყანაში უვიზოდ შესვლას ან ვიზის ადგილზე მიღებას შეძლებენ

თბილისი, 14 აპრილი - Sputnik. ქართულმა პასპორტმა 2021 წლის მეორე კვარტალში The Henley Passport Index 2021-ის საერთაშორისო რეიტინგში 50-ე ადგილი დაიკავა.

ამგვარად, ქართულმა პასპორტმა ერთი ადგილით გაიუმჯობესა პოზიცია - 2021 წლის პირველ კვარტალში ის 51-ე ადგილზე იყო.

ყველაზე „ძლიერს“ ექსპერტები უწოდებენ პასპორტებს, რომლებიც მფლობელებს ამა თუ იმ ქვეყანასა თუ ტერიტორიაზე უვიზოდ შესვლის ან ვიზის ადგილზე მიღების შესაძლებლობას აძლევენ. მაგალითად, საქართველოს მოქალაქეებისთვის ღიაა 116 ქვეყნის კარი.

საქართველოს „მეზობლები“ რეიტინგში არიან ბოსნია და ჰერცოგოვინა (49-ე ადგილი) და ალბანეთი (51-ე ადგილი).

გეოგრაფიული მეზობლებიდან საქართველოს გაუსწრო მხოლოდ რუსეთმა (48-ე ადგილი), მაშინ როცა თურქეთი, სომხეთი და აზერბაიჯანი 52-ე, 78-ე და 74-ე ადგილებზე აღმოჩნდნენ.

მსოფლიოში ყველაზე „ძლიერი“ პასპორტის მფლობელი კვლავ იაპონიაა. ამ ქვეყნის მოქალაქეებს შეუძლიათ უვიზოდ 193 ქვეყანაში ჩასვლა. იაპონია წინა რეიტინგის ლიდერიც იყო. მისი შედეგი 191 ქვეყანას შეადგენდა. მეორე ადგილზეა სინგაპური (192 ქვეყანა), მესამეზე კი გერმანია (191 ქვეყანა).

რეიტინგის ბოლო ადგილს კვლავ ინარჩუნებს ავღანეთი (110-ე ადგილი) - მის მოქალაქეებს მხოლოდ 26 ქვეყანასა და ტერიტორიაზე შესვლა შეუძლიათ.

Henley & Partners-ის ექსპერტები აღნიშნავენ, რომ სავიზო მოთხოვნები ასახავენ ქვეყნის სტატუსს მსოფლიო თანამეგობრობის ფარგლებში: სავიზო შეზღუდვების არარსებობა ბიზნესის ეფექტურად წარმოების, საერთაშორისო კონტაქტების დამყარების, გლობალური საინვესტიციო შესაძლებლობების გამოყენებისა და მოგზაურობის საშუალებას იძლევა.

 

93
ხადას ხეობა

დღის ასტროპროგნოზი ზოდიაქოს ნიშნებისთვის: 15 აპრილი

0
(განახლებულია 09:04 14.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 15 აპრილია, ხუთშაბათი. მზარდი მთვარე ტყუპის ნიშანშია. ამ დღეს პლანეტა იუპიტერი მფარველობს.

იდეალური დღეა მეგობრული შეხვედრების, სეირნობის, უდარდელად დროის გატარებისთვის და არასახარბიელო – სერიოზული საქმეებისთვის, ამიტომ არ ღირს საპასუხისმგებლო საქმეების კეთება, არის საფრთხე სერიოზული შეცდომების დაშვების. ადამიანები განწყობილი არიან, რომ დაივიწყონ პრობლემების შესახებ და ცხოვრებას ვარდისფერი სათვალით შეხედონ. მიეცით გასაქანი ფანტაზიებსა და ოცნებებს და ეს დაუვიწყარ შეგრძნებებს გაჩუქებთ სიყვარულსა და შემოქმედებაში.

ზოდიაქოს ნიშნები და მათი „შინაგანი დემონები“>>

ვერძი: ემოციებით დატვირთული დღე გაქვთ. ტირილი თუ სიცილი მოულოდნელად შეიძლება მოგინდეთ და თან სულ მცირე ინტერვალის დაშორებით. გარშემომყოფებს და ყველაზე ძვირფას ადამიანებსაც კი გაუჭირდებათ თქვენი მშფოთვარე განწყობის ატანა, მით უმეტეს, რომ შეიძლება მათზე გადმოანთხიოთ ეს ბობოქარი ემოციები და თან ყველაზე შეუფერებელ მომენტში. თუ თავს ხელში აიყვანთ, შეგიძლიათ ამ ძლიერი ემოციების იარაღად ქცევა დაბრკოლებების გადასალახავად და წარმატების მისაღწევად.

კურო: საქმეებში და განსაკუთრებით ფინანსურ საკითხებში დიდი სიფრთხილე გმართებთ, რადგან შეცდომების დაშვებაა შესაძლებელი. შესაძლოა, რაღაც საკითხის გადასაჭრელად არასაკმარისი ინფორმაცია გაგაჩნიათ. თქვენი რეპუტაცია და საფულე რომ არ დაზარალდეს, ხელი არ უნდა მოჰკიდოთ იმას, რაც თქვენი კომპეტენციის საზღვრებს სცილდება, თუნდაც ძალზე მარტივი საქმე იყოს. სჯობს, რჩევა პროფესიონალს ჰკითხოთ.

ტყუპი: არ ღირს მნიშვნელოვანი გადაწყვეტილებების მიღება ან საპასუხისმგებლო ნაბიჯების გადადგმა. შესაძლებელია არასწორი მიმართულებით წახვიდეთ, სასურველი რეალობად მიიღოთ. თუნდაც რამე იდეა ბრწყინვალედ მოგეჩვენოთ, რომელიც დაუყოვნებლივ გადაწყვეტას მოითხოვს, სჯობს, ერთი–ორი დღე მოიცადოთ და კარგად დაფიქრდეთ. დანარჩენში საკმაოდ კარგი დღეა, შეგიძლიათ დატკბეთ ცხოვრებით და მნიშვნელოვანი გადაწყვეტილებები სხვა დროისთვის გადადოთ.

კირჩხიბი: მოგიწევთ სიმტკიცის გამოჩენა, რომ გარშემომყოფებმა ზედმეტად არ დაგტვირთონ. შესაძლოა, ხელმძღვანელობას მოეჩევნოს, რომ საკმარისად დატვირთული არ ხართ და კიდევ ერთი ვალდებულების აღება შეგიძლიათ საკუთარ თავზე, ან კოლეგებმა იფიქრონ, რომ მათი საქმე თქვენ უნდა შეასრულოთ. ასევე არაა გამორიცხული, რომ თვითონ გადაწყვიტოთ საკუთარი თავის ექსპლუატაცია. ასეა თუ ისე, მოგიწევთ უარის თქმის სწავლა (თქვენი თავისთვისაც) და ამისთვის თავაზიანი სიტყვების მარაგის შევსება.

ლომი: დღეს, დიდი ალბათობით, რაღაც ცდუნების წინაშე დადგებით. არის ალბათობა იმისა, რომ მომხიბლავი წინადადება მიიღოთ, ან საწინააღმდეგო სქესის სიმპათიური წარმომადგენელი გაიცნოთ, ან სულაც, აკრძალულისთვის „გემოს გასინჯვის“ სურვილი გაგიჩნდეთ. ასე თუ ისე, ვარსკვლავები გირჩევენ, სანამ რამეს გადაწყვეტთ, ყველაფერი კარგად აწონ–დაწონოთ, რადგან ამ გადაწყვეტილებაზე, შესაძლოა, ბევრი რამ იყოს დამოკიდებული მომავალში.

ქალწული: სიტუაციამ, შესაძლოა, თქვენი პროფესიული უნარების მთლიანად გამომჟღავნება მოითხოვოს. საუბარი შეიძლება იყოს თქვენ სამუშაოზე, დასაქმებაზე, სწავლაზე, გამოცდაზე და ა.შ. მთავარია, რომ მოგიწევთ გარშემომყოფებისთვის ან საკუთარი თავისთვის იმის დამტკიცება, რომ საჭირო ცოდნა და უნარები გაგაჩნიათ, შეგწევთ ძალა იმისთვის, რომ დასახული ამოცანა შეასრულოთ და პრობლემები მაღალ პროფესიულ დონეზე გადაჭრათ.

სასწორი: დღეს თქვენში ჰარმონია დაიბუდებს. ნებისმიერ საქმეს იოლად გაუმკლავდებით. არაჩვეულებრივი განწყობა ყველაფერზე აისახება, რასაც ხელს მოჰკიდებთ. არც ისაა გამორიცხული, რაღაც საკითხები, რომლებიც დიდი ხნის განმავლობაში გამძიმებდათ, მოულოდნელად თავისთავად გადაწყდეს. ასევე შესანიშნავი დღეა გარშემომყოფებთან ურთიერთობების მოსაგვარებლად, რადგან ძალზე მომხიბლავი ხართ და ადვილად შეგიძლიათ სხვების გულის მოგება.

მორიელი: თქვენი წარმატების გარანტი დღეს სიფრთხილეა. სიტუაციაში სწრაფად და დამაჯერებლად ორიენტირებისთვის საჭირო მოქნილობა და რეაქციები დღეს არ გაქვთ. არ არის გამორიცხული, რომ ვინმემ თქვენი გარემოცვიდან ისარგებლოს თქვენი არაინფორმირებულობით და ინიციატივა ჩამოგართვათ, მოგატყუოთ. ეს რომ არ მოხდეს, ყურადღება უნდა გააასმაგოთ, არ ჩაებათ საეჭვო სქემებში, რომლებში თქვენ ჩათრევასაც მოინდომებენ გარშემომყოფები.

მშვილდოსანი: ჰარმონიისა და სიყვარულის დღეა. ამას იგრძნობთ იმ შემთხვევაშიც, თუ სიხარულის კონკრეტული საბაბი არ გაგაჩნიათ. ნეტარების მეცხრე ცაზე შეიძლება აღმოჩნდეთ ვინმეს ღიმილის, მზერის, რაღაც მინიშნების გამოც კი. მარტოხელებს დიდი შანსი გაქვთ, რომ სასიამოვნო რომანტიკულ სიურპრიზს შეეჯახოთ, მრავლისმთქმელი ნაცნობობა გააბათ. თუ გყავთ საყვარელი ადამიანი, კარგი იქნება, თუ დღეს მასთან ერთად გაატარებთ.

თხის რქა: დღეს არ ღირს ახალი პროექტების დაწყება, დიდი შანსია, რომ ყველაფერი აირ–დაირიოს. შესანიშნავი დღეა იმისთვის, რომ დრო საყვარელ ადამიანთან, მეგობრებთან ერთად გაატაროთ, არაფერი აკეთოთ, ან საკუთარ თავს ასიამოვნოთ. რაც შეეხება საქმეებს, დიდია ალბათობა, რომ არაფერი გამოგივათ, ვერაფერ შედეგს ვერ მიიღებთ. ასტროლოგების რჩევაა, უბრალოდ იცხოვრეთ, დატკბით მცირე სასიხარულო მოვლენებით და არაფერზე იდარდოთ.

მერწყული: შესანიშნავ ორატორულ უნარებს გამოავლენთ – თქვენთვის არანაირი პრობლემა არ იქნება, რომ გარშემომყოფები საკუთარ სიმართლეში დაარწმუნოთ ან რამე ავანტიურული იდეით „დააავადოთ“. თქვენი ენთუზიაზმი „გადამდები“ იქნება, თუნდაც ნაჩქარევი დასკვნები გამოიტანოთ, გააზვიადოთ ყველაფერი და სასურველი რეალობად აღიქვათ – სწორედ თქვენი ფანტასტიკით გაჟღენთილი აზრები მოხიბლავს დღეს ირგვლივ მყოფებს – ყველაფრის დაანგარიშება და აწონ–დაწონა კი სხვა, უფრო მოსაწყენ დღეს იქნება შესაძლებელი.

თევზები: დღეს ძალზე ღირებული იდეები შეიძლება გაგიჩნდეთ, მაგრამ ვარსკვლავები გირჩევენ, მათი რეალიზება სხვა დროისთვის გადადოთ. თქვენი წარმოსახვა ფერადოვანი და კაშკაშა იქნება და პრაქტიკულობასთან ერთად ერთი შეხედვით საკმაოდ რეალურ სახესაც მიიღებს. მიუხედავად იმისა, რომ ამ იდეების განხორციელების დაწყება დღეს არარეკომენდებულია, არც ამ იდეებისა და აქედან გამომდინარე გეგმების დავიწყება ივარგებს – დაიმახსოვრეთ ყველაფერი და მათ განხორციელებაზე ფიქრი სხვა დროისთვის გადადეთ.

0