საგარეო საქმეთა სამინისტრო

რატომ არ გაიმართა ჟენევის დისკუსიის 51-ე რაუნდი: მხარეთა განმარტებები

38
(განახლებულია 21:19 07.10.2020)
ჟენევაში საერთაშორისო დისკუსია საქართველოსა და რუსეთს შორის პოლიტიკური დიალოგის ერთადერთი მოქმედი ფორმატია.

თბილისი, 7 ოქტომბერი — Sputnik. საქართველოს საგარეო საქმეთა სამინისტრომ 6–7 ოქტომბერს დაგეგმილი ჟენევის საერთაშორისო მოლაპარაკებების 51-ე რაუნდის გადადების გამო პასუხისმგებლობა რუსულ მხარეს დააკისრა და რუსეთის ფედერაციას მოუწოდა „მოლაპარაკების მაგიდასთან დაბრუნებისკენ“. 

„მსგავსი ნაბიჯები ძირს უთხრის სამშვიდობო პროცესს და ზიანს აყენებს საქართველოს ხელისუფლებისა და საერთაშორისო თანამეგობრობის ძალისხმევას კონფლიქტის შედეგად დაზარალებული მოსახლეობის პრობლემების გადაჭრის კუთხით... საგარეო საქმეთა სამინისტრო მოუწოდებს რუსეთის ფედერაციას, დაუბრუნდეს მოლაპარაკებების მაგიდას, შეასრულოს ნაკისრი საერთაშორისო ვალდებულებები, მათ შორის, 2008 წლის 12 აგვისტოს ევროკავშირის შუამავლობით დადებული ცეცხლის შეწყვეტის შეთანხმება“, – ნათქვამია საქართველოს საგარეო უწყების განცხადებაში.

საგარეო საქმეთა სამინისტრომ ასევე მოუწოდა მოლაპარაკებების თანათავმჯდომარე საერთაშორისო ორგანიზაციებს – ევროკავშირს, გაეროსა და ეუთოს, ქმედითი ზომები მიიღონ ჟენევის ფორმატში მოლაპარაკებების განახლებისა და „რუსეთ-საქართველოს კონფლიქტის მშვიდობიანი მოგვარების პროცესში ხელშესახები პროგრესის მიღწევის მიზნით“.

მოსკოვმა თბილისს უპასუხა და მოლაპარაკებების გაუქმების მიზეზად კორონავირუსის პანდემია დაასახელა.

„გადაწყვეტილება 6-7 ოქტომბერს ჟენევის მოლაპარაკებების მორიგი რაუნდის ჩატარებაზე თავშეკავების შესახებ მიღებულია, მაგრამ არა მხოლოდ რუსეთის, არამედ აფხაზეთისა და სამხრეთ ოსური დელეგაციების მიერ იმ სერიოზული შეზღუდვების და ლოგისტიკური პრობლემების გათვალისწინებით, რაც გამოწვეულია პანდემიისგან.  ალტერნატივის სახით ჩვენ ვთავაზობდით იმავე ვადებში რაუნდის ვიდეოკონფერენციის ფორმატში ჩატარებას, თუმცა თანათავმჯდომარეებისთვის ეს მიუღებელი აღმოჩნდა“, – განაცხადა რუსეთის საგარეო საქმეთა სამინისტროს წარმომადგენელმა მარია ზახაროვამ.

მისი თქმით, რუსულ მხარეს საქართველოსთან დიალოგზე უარი არასდროს უთქვამს, მათ შორის, ჟენევის დისკუსიის ფორმატში. მიუხედავად კორონავირუსთან დაკავშირებული შეზღუდვებისა, რუსეთი ძალისხმევას არ დაიშურებს იმისთვის, რომ მოლაპარაკებების პროცესი გაგრძელდეს. 

კერძოდ, რუსეთის საგარეო საქმეთა მინისტრის მოადგილემ ანდრეი რუდენკომ ჟენევის მოლაპარაკებების თანათავმჯდომარე ორგანიზაციებთან (ევროკავშირი, გაერო, ეუთო) ხუთი ვიდეოკონფერენცია ჩაატარა, ბოლო – 28 სექტემბერს. ასევე ზახაროვამ აღნიშნა, რომ რუსეთმა ძალისხმევა არ დაიშურა ერგნეთში ინციდენტების პრევენციისა და მათზე რეაგირების მექანიზმის რეგულარული შეხვედრების აღსადგენად და ასევე ხელს შეუწყობს გალში ამავე მექანიზმის შეხვედრების განახლებას.

„როგორც არ უნდა იყოს, რუსული მხარე ინარჩუნებს ჟენევის მოლაპარაკებების ფარგლებში დიალოგის გაგრძელების სურვილს. 6 ნოემბერს მოსკოვში თანათავმჯდომარეების ვიზიტს ველოდებით“, – აღნიშნა ზახაროვამ.

ჟენევაში საერთაშორისო დისკუსია საქართველოსა და რუსეთს შორის პოლიტიკური დიალოგის ერთადერთი მოქმედი ფორმატია. როგორც ცნობილია, 2008 წლის აგვისტოს ომის შემდეგ საქართველომ რუსეთთან დიპლომატიური ურთიერთობა გაწყვიტა. ჟენევის შეხვედრებში მონაწილეობენ საქართველოს, რუსეთის, აშშ-ის, აფხაზეთისა და ცხინვალის რეგიონის დე–ფაქტო ხელისუფლებების, ევროკავშირის, გაეროსა და ეუთოს წარმომადგენლები. საქართველოსა და რუსეთს შორის შუამავლის როლს შვეიცარია ასრულებს.

ბოლო, 51-ე რაუნდი მხარეებმა ერთხელ უკვე გადადეს – შეხვედრა 31 მარტს და 1 აპრილს უნდა გამართულიყო. აღნიშნული გადაწყვეტილება მიიღეს ჟენევის დისკუსიების თანათავმჯდომარეებმა ევროკავშირიდან და გაეროდან – კორონავირუსის პანდემიის გამო.

38
თემები:
ქართულ–რუსული ურთიერთობები (179)
თეა წულუკიანი

თეა წულუკიანი იუსტიციის მინისტრის პოსტზე დაბრუნებას არ აპირებს

40
დადგა დრო დაინიშნოს ახალი მინისტრი, რომელიც არსებულ ფუნდამენტზე უკეთეს შენობას ააგებს, განაცხადა წულუკიანმა

თბილისი, 25 ოქტომბერი - Sputnik. იუსტიციის ყოფილი მინისტრი თეა წულუკიანი არჩევნების შემდეგ ძველ თანამდებობაზე დაბრუნებას არ აპირებს.

წულუკიანის თქმით, აქტიურად ვრცელდება ხმები მის დაბრუნებაზე, თუმცა თვითონ მსგავს არაფერს არ გეგმავს.

„ამაზე გვქონდა გუნდის შიგნით მსჯელობა და ეს, რა თქმა უნდა, ასე არ იგეგმება, იმიტომ რომ მე ბევრჯერ მითქვამს, რომ 8 წელი საკმარისია და ვფიქრობ, რომ ის, რაც შეიძლება ერთმა ადამიანმა, ერთმა გუნდმა და ერთმა სამინისტრომ 8 წლის განმავლობაში ერთგულად აკეთოს, ეს ვაკეთეთ. ახლა დროა, რომ დაინიშნოს ახალი მინისტრი, რომელიც ამ ფუნდამენტზე უკვე კიდევ უკეთეს შენობას ააგებს, რომელსაც იუსტიციის სისტემა ჰქვია“, - აღნიშნა წულუკიანმა ტელეკომპანია „იმედის“ ეთერში.

იუსტიციის ყოფილი მინისტრმა თეა წულუკიანმა თანამდებობა საარჩევნო კამპანიაში მონაწილეობის გამო დატოვა. წულუკიანი მთავრობაში ყველაზე გამოცდილი მინისტრია. ის მაშინდელი პრემიერის, ბიძინა ივანიშვილის მიერ ჩამოყალიბებულ მინისტრთა კაბინეტში 2012 წელს მოხვდა და თანამდებობაზე დარჩა ყველა სხვა მინისტრზე დიდ ხანს. მან იმუშავა ხუთი პრემიერ-მინისტრის დროს - ბიძინა ივანიშვილის, გიორგი ღარიბაშვილის, გიორგი კვირიკაშვილის, მამუკა ბახტაძის და გიორგი გახარიას დროს.

საქართველოში საპარლამენტო არჩევნები 31 ოქტომბერს გაიმართება. ამ დროისათვის არჩევნებში მონაწილეობის მისაღებად დარეგისტრირებულია 48 პარტია და ორი ბლოკი.

40
თემები:
საქართველოს პოლიტიკური ცხოვრება
ხმების დათვლა. 2018

საპარლამენტო არჩევნები 2020: კანდიდატი პარტიები/სრული სია, როგორც ბიულეტენში

43
(განახლებულია 09:11 25.10.2020)
ცენტრალურმა საარჩევნო კომისიამ უკვე დაიწყო ბიულეტენების ბეჭდვა. ეს ნიშნავს, რომ არჩევნების მონაწილეთა სია აღარ შეიცვლება, იმ შემთხვევაშიც კი, თუ პარტიამ ბოლო კვირაში არჩევნებიდან მოხსნა გადაწყვიტა

კენჭისყრა 31 ოქტომბერს გაიმართება. 120 დეპუტატს აირჩევენ პროპორციული სისტემით (პარტიული სიებით), ხოლო 30-ს - მაჟორიტარულით, ოლქებში კონკრეტული კანდიდატებისთვის კენჭისყრის შედეგად.

პარლამენტში მოსახვედრად პარტიამ უნდა გადალახოს 1%-იანი ბარიერი, ხოლო ბლოკმა მოიპოვოს იმდენი პროცენტი, რამდენი პარტიას არის მის შემადგენლობაში.

Sputnik-საქართველო წარმოგიდგენთ, როგორ გამოიყურება ბიულეტენი პროპორციული არჩევნების მონაწილეებით. სულ 3 160 900 ასეთი ბიულეტენი უნდა დაიბეჭდოს.

საპარლამენტო არჩევნების მონაწილეები:

#1. თეთრების პარტია - ლიდერი თემურ შაშიაშვილი

#2. „ბაქრაძე, უგულავა, ბოკერია - ევროპული საქართველო - მოძრაობა თავისუფლებისთვის" - ლიდერი დავით ბაქრაძე

#3. „ნინო ბურჯანაძე - ერთიანი საქართველო - დემოკრატიული მოძრაობა" - ლიდერი ნინო ბურჯანაძე

#4. „დავით ჭიჭინაძის ტრიბუნა - ქდმ " - ლიდერი გრიგოლ ჯოჯუა

#5. ბლოკი „ძალა ერთობაში" - ლიდერი გრიგოლ ვაშაძე

#6. „მომავალი საქართველო" - ლიდერი გიორგი ლაღიძე

#7. „თამაზ მეჭიაური - ერთიანი საქართველოსთვის" - ლიდერი თამაზ მეჭიაური

#8. „დავით თარხან-მოურავი, ირმა ინაშვილი - საქართველოს პატრიოტთა ალიანსი" - ლიდერი დავით თარხან-მოურავი

#9. „გაჩეჩილაძე - მწვანეთა პარტია" - ლიდერი გიორგი გაჩეჩილაძე

#10. „შალვა ნათელაშვილი - საქართველოს ლეიბორისტული პარტია" - ლიდერი შალვა ნათელაშვილი

#11. მშრომელთა სოციალისტური პარტია - ლიდერი თამაზ ჯაფოშვილი

#12. „მოძრაობა თავისუფალი საქართველოსთვის" - ლიდერი ხათუნა ქოიავა

#13. „რეფორმერი" - ლიდერი თორნიკე ჯანაშვილი

#14. „ბეჟან გუნავა - ქართული არჩევანი" - ლიდერი ბეჟან გუნავა

#16. „ახალი ქრისტიან-დემოკრატები" - ლიდერი ნიკოლოზ ჯოგლიძე

#17. „ირაკლი ოქრუაშვილი - გამარჯვებული საქართველო" - ლიდერი ირაკლი ოქრუაშვილი

#18. „ინდუსტრია გადაარჩენს საქართველოს" - ლიდერი ზურაბ ტყემალაძე

#19. მოქალაქეთა პოლიტიკური კავშირი "ჩვენი საქართველო - სოლიდარობის ალიანსი "- ლიდერი ბექა ნაცვლიშვილი

#20. „საქართველო" - ლიდერი გიორგი ლილუაშვილი

#21. „თავისუფალი საქართველო" (კახა კუკავა, გოგი წულაია) - ლიდერი კახა კუკავას

#23. „ახალი ძალა" - ლიდერი ლაზარე ზაქარიაძე

#24. „ალეკო ელისაშვილი - მოქალაქეები" - ლიდერი ალეკო ელისაშვილი

#25. „თავისუფალი დემოკრატები" - ლიდერი თამარ კეკენაძე

#26. „ეკა ბესელია - სამართლიანობისთვის" - ლიდერი ეკა ბესელია

#27. ბლოკი „გიორგი ვაშაძე - სტრატეგია აღმაშენებელი" - ლიდერი გიორგი ვაშაძე

#28. „ქართული ფესვები" - ლიდერი თენგიზ ოქროფილაშვილი

#30. „შეცვალე საქართველო" - ლიდერი გიორგი გაგნიძე

#31. „თავისუფლება – ზვიად გამსახურდიას გზა" – ლიდერი მალხაზ გორგასლიძე

#32. „სახალხო პარტია" - ლიდერი ივანე გიორგაძე

#33. „ეროვნულ-დემოკრატიული პარტია" - ლიდერი ბაჩუკი ქარდავა

#34. „სოციალური სამართლიანობისთვის" - ლიდერი მამუკა ტუსკაძე

#36. „გირჩი" - ლიდერი იაგო ხვიჩია

#41. „ქართული ოცნება - დემოკრატიული საქართველო" - ლიდერი ბიძინა ივანიშვილი

#42. „რეფორმატორები" - ლიდერი დავით მიროტაძე

#43. „ზვიადის გზა"  (ღმერთის, სიმართლისა და ქვეყნისათვის) - ლიდერი მიხეილ სალუაშვილი

#44. „ლევან ჩაჩუა, გურამ ფალავანდიშვილი - ქართული იდეა" - ლიდერი ლევან ჩაჩუა

#45. „ნაციონალური დემოკრატიული მოძრაობა" - ლიდერი დავით შუკაკიძე

#46. „გია ჟორჟოლიანი - სოციალ-დემოკრატები საქართველოს განვითარებისათვის" - ლიდერი გია ჟორჟოლიანი

#47. „ზვიად ძიძიგური - საქართველოს კონსერვატიული პარტია" - ლიდერი ზვიად ძიძიგური

#48. „არჩევანი სამშობლოსათვის“- ლიდერი ლეილა გულედანი

#49. „ჯონდი ბაღათურია - ქართული დასი" - ჯონდი ბაღათურია

#50. „პროგრესული საქართველო" - ლიდერი ირაკლი მურცხვალაძე

#51. „მოქალაქეთა პოლიტიკური გაერთიანება "საქართველოს ძალოვან ვეტერანთა და პატრიოტთა პოლიტიკური მოძრაობა" - ლიდერი გია ბერძენიძე

#52. „სერგო ჯავახიძე - ევროატლანტიკური ვექტორი" - ლიდერი სერგო ჯავახიძე

#53. „ტრადიციონალისტები" - ლიდერი აკაკი ასათიანი

#54. „ანა რეხვიაშვილი - სახალხო მოძრაობა ქრისტიან დემოკრატები“ - ლიდერი ანა რეხვიაშვილი

#55. „ქართული მარში - ნაციონალური მოძრაობა" - ლიდერი სანდრო ბრეგაძე

#56. „ლელო - მამუკა ხაზარაძე" - ლიდერი მამუკა ხაზარაძე

#57. „მამულიშვილთა ორდენი „სამშობლო“ - ლიდერი გრიგოლ სოხაძე

#60. „საქართველოს განვითარების პარტია" - ლიდერი ქეთევან გოგლიძე

43
თემები:
საქართველოს საპარლამენტო არჩევნები 2020
ლიანა ჯოჯუა

ლიანა ჯოჯუამ ბრძოლა ვეღარ გააგრძელა - ამერიკელმა მას ცხვირი გაუტეხა

0
ქართველმა სპორტსმენმა UFC-ს ეგიდით უკვე სამი ბრძოლა ჩაატარა, საიდანაც ორი წააგო, ერთი მოგებით დაასრულა

თბილისი, 25 ოქტომბერი – Sputnik. ქართველი სპორტსმენი ლიანა ჯოჯუა („ძუ მგელი“) დამარცხდა ამერიკელ მირანდა მავერიკთან UFC-ს (Ultimate Fighting Championship) ტურნირზე, რომელიც ამ დღეებში აბუ-დაბიში იმართება.

მსაჯებმა ბრძოლა პირველივე რაუნდში გააჩერეს, რადგან ამერიკელმა ჯოჯუას ცხვირი გაუტეხა. ქართველი სპორტსმენი ბრძოლის გაჩერების კატეგორიული წინააღმდეგი იყო, მაგრამ ტრავმა ძალიან სერიოზული აღმოჩნდა.

„სამწუხაროდ, ასეც ხდება. ბრძოლის გაგრძელება მინდოდა, მაგრამ ამის შესაძლებლობა არ მომეცა“, - დაწერა ჯოჯუამ თავის Instagram-ზე.

ბრძოლის დაწყებისთანავე მავერიკმა ხელის სიგრძეში უპირატესობა მოიპოვა. ჯოჯუას რამდენიმე მცდელობა ჰქონდა ფეხებში შეებოჭა მეტოქე, მაგრამ ყოველ მცდელობისას თავში პირდაპირი დარტყმა მიიღო. ერთ-ერთ ეპიზოდში კი იდაყვით ხისტი დარტყმა მიიღო, რომელიც ცხვირის გატეხვის მიზეზი გახდა. ექიმებმა ბრძოლის შეწყვეტის გადაწყვეტილება მიიღეს და ჯოჯუას ტექნიკური ნოკაუტი ჩაეთვალა.

ჯოჯუასთვის ეს UFC-ს ეგიდით მესამე ბრძოლა იყო, საიდანაც მან ორი წააგო, ერთი მოგებით დაასრულა.

0
თემები:
სპორტის ამბები