საქართველო–აზერბაიჯანის საზღვარი

„აჟიოტაჟი პროცესს ვნებს": მელაშვილი საქართველო–აზერბაიჯანს შორის სადავო ტერიტორიაზე

70
(განახლებულია 17:34 05.10.2020)
კომისიის ყოფილი წევრი აცხადებს, რომ 30–იანი წლების რუკა ორ ქვეყანას შორის სადავო ტერიტორიის საკითხის გადაჭრაში უსარგებლოა

თბილისი, 5 ოქტომბერი – Sputnik. ვიდრე საქართველოს პროკურატურა საქართველოს ტერიტორიის აზებაიჯანისთვის გადაცემის ფაქტზე გამოძიებას აწარმოებს, ყველამ უნდა შეიკავოს თავი არასწორი ინფორმაციის გავრცელებისა და სამუშაო ჯგუფის დისკრედიტაციისგან, განაცხადა  ჟურნალისტებთან საქართველო-აზერბაიჯანის დელიმიტაცია-დემარკაციის კომისიის ყოფილმა წევრმა ივერი მელაშვილმა. 

საქართველოს პროკურატურა უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედებისფაქტზე გამოძიებას აწარმოებს. უწყების ცნობით, კომისიის მიერ საქართველო–აზერბაიჯანის სახელმწიფო საზღვრის გარკვეული მონაკვეთები არამართლზომიერად, ჩვენი ქვეყნის ტერიტორიული ინტერესების საზიანოდ შეთანხმდა. 

„ამ სიტუაციაში ქვეყანა ერთიანი უნდა იყოს. ახლა, როდესაც აჟიოტაჟია ატეხილი და ბრალდებები ისმის, ყოველივე ეს პროცესს ვნებს“, – განაცხადა მელაშვილმა.

მელაშვილს მიაჩნია, რომ სადავო საკითხის გადაწყვეტისთვის საჭიროა კომპრომისული და თანამდევი მიდგომები, მათ შორის, მთავრობისა და სხვადასხვა სტრუქტურების მხრიდან.

მისი ინფორმაციით, ამ ეტაპზე საქართველო–აზერბაიჯანის საზღვრის დაახლოებით 66%–ია შეთანხმებული, ისიც კომისიის დონეზე. სახელმწიფოებს შორის შეთანხმების მიღწევისთვის საჭიროა რთული იურიდიული პროცედურები, მათ შორის დოკუმენტის ხელოსაწერად უპლებამოსილი პირების დანიშვა, პარლამენტის მიერ რატიფიცირება და ორი ქვეყნის საკანონმდებლო ნორმების დაცვა.

 „ამ 66%–ში დავით–გარეჯი არ შედის, მე ამიტომაც გამომიძახეს პროკურატურაში. ეს მონაკვეთი შეთანხმებული არაა, იმიტომ რომ ჩვენ სხვადასხვა პოზიციები გვაქვს. ჩვენ ჯერ კიდევ შეთანხმებული არ ვართ და თუ ასეთი ბატალიები გაგრძელდება, ჩვენ, ალბათ, ვერასდროს შევძლებთ ამის გაკეთებას“, – აღნიშნა მელაშვილმა. 

პროკურატურამ მელაშვილის სამუშაო კაბინეტსა და სახლში ჩხრეკა უკვე ჩაატარა, თუმცა, ჩხრეკის შედეგების შესახებ ცნობილი არაფერია. კომისიის ყოფილმა წევრმა ასევე არ იცის თუ რა მტკიცებულებები ამოიღო პროკურატურამ.

მისი თქმით, პროკურატურის განცხადება იმის თაობაზე, რომ კომისიამ უნდა იხელმძღვანელოს 1936–1937 წლების რუკებით, არასწორია, რამდენადაც მათი შესწავლით და მიღებული მტკიცებულებებით კომისიამ მაინც ვერ შეძლო მათზე დაყრდნობა.

 „საუბარია  საბჭოთა კავშირის ტერიტორიებისთვის, მათ შორის, საქართველოსთვის 1993, 1936 და 1937 წლებში გამოცემულ 1:200 000 მასშტაბის რუკებზე. ეს რუკა გვერდზე სპეციალურად გადადეს, რადგანაც იგი უსარგებლო იყო და პოზიციის გასამყარებლად, მისი, როგორც არგუმენტის გამოყენება არ შეიძლებოდა. მაშინ ჩვენ ამ რუკის გამოყენებაზე გაცნობიერებულად ვთქვით უარი“, – განაცხადა მელაშვილმა.

ივერი მელაშვილი საქართველო-აზერბაიჯანის  საზღვრის დელიმიტაცია-დემარკაციის კომისიის წევრი 2006–2017 წლებში იყო. ამ დროისთვის იგი საქართველოს საგარეო საქმეთა სამინისტროს ერთ–ერთ დეპარტამენტში მუშაობს.

საიდან დაიწყო ყველაფერი?

საქართველოს პროკურატურამ  საქართველო–აზერბაიჯანის საზღვრის დელიმიტაცია-დემარკაციის საკითხზე სისხლის სამართლის საქმე „უცხო ქვეყნისთვის საქართველოს ტერიტორიის ნაწილის გადაცემის“ მუხლით აღძრა. 

პროკურატურის ინფორმაციით, გამოძიების დაწყებას საფუძვლად დაედო თავდაცვის სამინისტროს 2020 წლის 17 აგვისტოს წერილობითი ინფორმაცია, რომელიც ეხებოდა საქართველოს სახელმწიფო საზღვრების დელიმიტაციისა და დემარკაციის სამთავრობო კომისიის საქმიანობას.  
როგორც პროკურატურაში აცხადებენ, თავდაცვის სამინისტროს ინფორმაციით, კომისიამ საქართველო-აზერბაიჯანის სახელმწიფო საზღვრის ზოგიერთი მონაკვეთი არამართლზომიერად შეათანხმა ჩვენი ქვეყნის ტერიტორიული ინტერესების საზიანოდ.

ამასთან, საქართველოს საგარეო საქმეთა მინისტრმა დავით ზალკანიანმა აზერბაიჯანელ კოლეგასთან შეხვედრის შემდეგ განაცხადა, რომ მოპოვებულია ახალი კარტოგრაფიული მასალა დავით-გარეჯის კომპლექსთან დაკავშირებით, ამიტომ 2006-2007 წლების ქართულ-აზერბაიჯანული შეთანხმება შეიძლება გადაიხედოს.

მტკივნეული საკითხი

საქართველო-აზერბაიჯანის საზღვრის დემარკაცია საკმაოდ მტკივნეული საკითხია საქართველოსა და აზერბაიჯანის ურთიერთობებში, ამასთან, მხარეები მწვავე განცხადებებს ერიდებიან.

საქართველო-აზერბაიჯანის საზღვარი 440 კილომეტრია, მისი მესამედი ჯერ არ არის დელიმიტირებული.

სახელმწიფო საზღვრის დელიმიტაციისა და დემარკაციის ქართულ-აზერბაიჯანული მთავრობათაშორისი კომისია 1996 წელს შეიქმნა. პირველი 15 წლის განმავლობაში მან საზღვრის თითქმის 70 პროცენტი შეათანხმა, მაგრამ 2007 წლიდან დელიმიტაციის პროცესში დაბრკოლებები წარმოიშვა. სადავოდ რჩება დავით-გარეჯისა და სოფელ ერისიმედის ტერიტორიები.

70
თემები:
საქართველო–აზერბაიჯანის საზღვრის დემარკაციის საქმე (24)
არჩევნები საქართველოში

NDI-მ საქართველოში საარჩევნო კამპანიის ხარვეზებზე მიუთითა

35
აშშ-ის ეროვნული დემოკრატიული ინსტიტუტმა (NDI) გაანალიზა საქართველოში საარჩევნო კამპანია და პროცესის ნორმალიზების მიზნით რეკომენდაციები გასცა

თბილისი, 20 ოქტომბერი – Sputnik. აშშ-ის ეროვნული დემოკრატიული ინსტიტუტმა (NDI) გამოაქვეყნა წინასაარჩევნო ბიულეტენი, რომელშიც საუბარია საარჩევნო კამპანიების აქტივობაზე, მედიის მუშაობაზე, გენდერულ თანასწორობაზე, დეზინფორმაციაზე სოციალურ ქსელებში და მასთან ბრძოლაზე,, ასევე მოყვანილია რამდენიმე რეკომენდაცია.

საპარლამენტო არჩევნები საქართველოში 31 ოქტომბერს გაიმართება. არჩევნები შერეული სისტემით გაიმართება - 120 დეპუტატი აირჩევა პარტიული სიით, 30 - ერთმანდატიან ოლქებში.

ბიულეტენი მოიცავს პერიოდს 20 აგვისტოდან 20 ოქტომბრამდე. ორგანიზაციის მონაცემებით, დოკუმენტი ეფუძნება რვა საერთაშორისო ექსპერტისგან შემდგარი ჯგუფის ანალიზს. ექსპერტები საქართველოში მყოფი ასისტენტების დახმარებით აკვირდებიან ქართული საარჩევნო ადმინისტრაციის მუშაობას, საარჩევნო კამპანიებს, გენდერულ თანასწორობას პოლიტიკაში და ნაკლებად წარმოდგენილი ჯგუფების ჩართულობას, მედიასა და დეზინფორმაციას, ასევე აკვირდებიან საარჩევნო პროცესს.

დოკუმენტის თანახმად, „საქართველოს მედია გარემო რეგიონში ერთ-ერთი ყველაზე თავისუფალი და მრავალფეროვანი, თუმცა მეტად პოლარიზებულია, რაც, შესაძლოა, მოქალაქეთა მიერ ინფორმირებული საარჩევნო გადაწყვეტილების მიღებაზე ახდენდეს გავლენას“.

მასში ასევე ნათქვამია, რომ NDI-ს მიერ 2019 წლის დეკემბერში ჩატარებული საზოგადოებრივი აზრის გამოკითხვის შედეგებით, რესპონდენტთა 69%-მა განაცხადა, რომ ახალ ამბებს ძირითადად ტელევიზიით იგებენ. იმავე გამოკითხვით, მხოლოდ 32% მიიჩნევს, რომ ქართული ტელეარხები მოვლენებს მიუკერძოებლად აშუქებენ.

„ჟურნალისტების საქმიანობაში ჩარევის შესახებ ბოლოდროინდელი ცნობები შეშფოთებას იწვევს. მათ შორისაა ისეთი ინციდენტები, როგორიცაა: საპროტესტო აქცია, რომლის გამოც პანკისში რადიო სადგური იძულებული გახდა დროებით შეეწყვიტა მაუწყებლობა; ბოლნისში ჟურნალისტის სიცოცხლის ხელყოფის მუქარა; ორი ძალადობრივი დაპირისპირება მარნეულში, რომლის დროსაც რეპორტიორები და გადამღები ჯგუფის წევრები დაშავდნენ“, - ნათქვამია განცხადებაში.

NDI -ის ბიულეტენში ასევე ნათქვამია, რომ ბოლო რამდენიმე კვირის განმავლობაში მედიაში პოლიტიკური პარტიების მონაწილეობით ეროვნულ და ადგილობრივ დებატები და გადაცემები მოეწყო. თუმცა, მედიის ბევრი წარმომადგენელი აცხადებს, რომ დებატებში „ქართული ოცნების“ მონაწილეობის უზრუნველყოფა რთული იყო. მიუხედავად იმისა, რომ „ქართულმა ოცნებამ“ „საზოგადოებრივ მაუწყებელზე“ 15 ოქტომბერს გამართულ დებატებში მონაწილეობა მიიღო, როგორც ეროვნული, ასევე რეგიონული მედია საშუალებების უმეტესობა - განსაკუთრებით კი ისინი, რომლებიც ოპოზიციურად ან ხელისუფლების მიმართ კრიტიკულად განწყობილად მიიჩნევა, აცხადებს, რომ მმართველი პარტია თავიდან არიდებდა ან სრულიად უგულებელყოფდა მათ.

NDI-თან საუბარში სხვადასხვა პარტიამ საქართველოს კომუნიკაციების ეროვნული კომისიის მიმართ უნდობლობა გამოთქვეს.

დოკუმენტში აღნიშნულია, რომ საქართველოში სოციალური ქსელები ინფორმაციის მნიშვნელოვან წყაროდ იქცა, რაც, თავის მხრივ, ონლაინ-მანიპულაციებისთვის მოწყვლადობას ზრდის.

„მიუხედავად იმისა, რომ Facebook-მა, რომელიც ქვეყანაში ყველაზე პოპულარული სოციალური ქსელია, ახლახან დეზინფორმაციის გამავრცელებელი მასშტაბური შიდა ქსელები გააუქმა, მაინც მოქმედებს სხვა გარე და შიდა ზემოქმედების სქემები. სამართლიანი არჩევნების და დემოკრატიის საერთაშორისო საზოგადოების (ISFED) ანგარიშის მიხედვით, Facebook-ს საზაფხულო საარჩევნო კამპანიის ჩასატარებლად 17 პოლიტიკური პარტია და 117 მაჟორიტარობის კანდიდატი იყენებდა. კანდიდატები იყენებენ Facebook-ს ამომრჩევლებთან პირდაპირი ურთიერთობისთვის, წინასაარჩევნო პროგრამების შესახებ ინფორმაციის გასავრცელებლად, ტელევიზიაში გაშუქებული ონლაინ-დისკუსიებისა და თავიანთი გამოსვლების ან ამომრჩევლებთან შეხვედრების ფოტოების გასაზიარებლად“, - ნათქვამია განცხადებაში.

იმავე ანგარიშის მიხედვით, ქსელში დისკრედიტირებულია როგორც მმართველი, ისე სამი ოპოზიციური პარტია. გამონაკლისია „პატრიოტთა ალიანსი“, რომელიც ამ ანონიმური გვერდების მიზანს არ წარმოადგენს.

დოკუმენტში ასევე ნათქვამია, რომ არსებული საკანონმდებლო მექანიზმების მიუხედავად, ეთნიკური და რელიგიური უმცირესობების, შშმ პირთა და ლგბტ-თემის წევრთა პოლიტიკური წარმომადგენლობა კვლავ მცირე რჩება.

დოკუმენტის თანახმად, ეთნიკური უმცირესობები (მოსახლეობის დაახლოებით 13%) საარჩევნო კამპანიაში არასაკმარისადაა წარმოდგენილი. გამონაკლისს წარმოადგენს ეთნიკური უმცირესობებით მჭიდროდ დასახლებული ორი მუნიციპალიტეტი: მარნეული-გარდაბანი და ახალქალაქი-ნინოწმინდა.

დოკუმენტში რეკომენდაციებიცაა მოყვანილი:

  • საქართველოს კომუნიკაციების ეროვნულმა კომისიამ ცენტრალურ საარჩევნო კომისიასთან ერთად უნდა გადადგას დამატებითი ნაბიჯები შესაბამისი წესების გამოსაქვეყნებლად და მედიისა და პოლიტიკური პარტიების მხრიდან მათი დაცვის უზრუნველსაყოფად;
  • ყველა ამომრჩევლებისთვის დაბალანსებული და სარწმუნო ინფორმაციის ხელმისაწვდომობის უზრუნველსაყოფად, პოლიტიკურმა პარტიებმა და კანდიდატებმა უნდა მიიღონ მონაწილეობა ყველა დებატებსა და პოლიტიკურ პროგრამებში, რათა საზოგადოებას თავისი შეხედულებები და გეგმები გააცნონ;
  • მედიასა და ჟურნალისტებს უნდა ჰქონდეთ შესაძლებლობა შეასრულონ თავისი ლეგიტიმური ფუნქციები და განახორციელონ თავიანთი უფლებები ჟურნალისტური ეთიკის შესაბამისად - ყოველგვარი ჩარევის გარეშე. შესაბამისმა ორგანოებმა დროულად უნდა გამოიძიონ ინციდენტები და დამნაშავეების ადექვატური სანქციონირება უზრუნველყონ;
  • პოლიტიკურმა პარტიებმა უნდა დანერგონ შიდა მექანიზმები კამპანიის დარჩენილ პერიოდში ქალი კანდიდატების მხარდასაჭერად;
  • კამპანიის დარჩენილ დღეებში პარტიებმა უნდა წარმოადგინონ კონკრეტული ხერხები და დეტალები ნაკლებად წარმოდგენილი ჯგუფებისათვის მნიშვნელოვანი საკითხების გადასაჭრელად;
  • პოლიტიკურმა პარტიებმა და კანდიდატებმა უნდა შეიკავონ თავი ისეთი თემების განხილვისგან (როგორიცაა მთიან ყარაბაღში კონფლიქტის ესკალაცია), რომლებსაც საზოგადოებაში უთანხმოებისა და განხეთქილების რისკი მოაქვს. ამის ნაცვლად მათ ყურადღება უნდა გაამახვილონ კამპანიაზე, რომელიც ორიენტირებულია მოქალაქეთა პრიორიტეტებზე, და უფრო მკაფიოდ ისაუბრონ ეთნიკური უმცირესობების საჭიროებებზე;
  • პოლიტიკურმა პარტიებმა უნდა ხელი მოაწერონ მრავალპარტიულ მემორანდუმს, რომელიც კამპანიების დროს ჰომოფობიურ გამონათქვამებს აკრძალავს.
35
თემები:
საქართველოს საპარლამენტო არჩევნები 2020
კორონავირუსის პანდემია. კონტროლი თბილისის მეტროში

რას სთავაზობენ არასამთავრობო ორგანიზაციები საქართველოს მთავრობას არჩევნების წინ

40
მნიშვნელოვანია საქართველოს მთავრობამ მიიღოს მაქსიმალურად გამჭვირვალე გადაწყვეტილებები კრიზისის დაძლევის კუთხით და მოსახლეობას კონკრეტული ინფორმაცია მიაწოდოს, სთავაზობენ არასამთავრობო ორგანიზაციები

თბილისი, 20 ოქტომბერი - Sputnik. თორმეტმა არასამთავრობო ორგანიზაციამ გამოაქვეყნა ერთობლივი განცხადება საქართველოში რთულ ეპიდემიოლოგიურ ვითარებასთან და მოახლოებულ საპარლამენტო არჩევნებთან დაკავშირებით.

მიმართვაში ნათქვამია, რომ ეპიდსიტუაციის გაუარესების პირობებში საარჩევნო უბნებზე მისული ამომრჩევლების რაოდენობა მოსალოდნელზე გაცილებით ნაკლები შეიძლება იყოს.

„წინასაარჩევნო პერიოდში და არჩევნების დღეს თავს ვერ ავარიდებთ ხალხმრავალ შეკრებებს. მიუხედავად იმისა, რომ მრავალჯერ გამოცხადდა რეკომენდაციები ვირუსისგან თავის დაცვასთან დაკავშირებით, სამწუხაროა, რომ ბევრი ადამიანი არც პირბადის ტარების და არც დისტანციის დაცვის წესებს  არ იცავს, რაც, ცხადია, მნიშვნელოვანი რისკის შემცველია“, - აღნიშნავენ ორგანიზაციები.

პოლიტიკური პარტიები აგრძელებენ აგიტაციას, თუმცა ზოგიერთმა მათგანმა არსებითი ცვლილებები შეიტანა და, ზოგიერთ შემთხვევაში, შეზღუდა წინასაარჩევნო აქტივობა, რათა თავიდან აირიდონ კორონავირუსის გავრცელება. შეიცვალა ე.წ. კარდაკარი, ასევე ზოგიერთი პოლიტიკური სუბიექტი ხალხმრავალი შეკრებებისგან თავს იკავებს.

„მსგავსი ეპიდემიოლოგიური ვითარება შესაძლებელია გავლენას ახდენდეს ამომრჩეველზეც, რომელიც, თავის მხრივ, თავს არიდებს წინასაარჩევნო შეკრებებში მონაწილეობას. ეპიდემიოლოგიური ვითარების გაუარესების პირობებში შესაძლებელია, მნიშვნელოვნად შემცირდეს არჩევნებზე მისულ ამომრჩეველთა რაოდენობა. ეს განსაკუთრებით მაღალი რისკის ჯგუფებში მყოფ მოქალაქეებს ეხება“, - ნათქვამია განცხადებაში.

არასამთავრობო ორგანიზაციების წარმომადგენლები აღნიშნავენ, რომ ამ მომენტისთვის კორონავირუსი უკვე რამდენიმე პარტიის ლიდერს დაუდგინდა. რაც წინასაარჩევნო პერიოდსა და კენჭისყრის დღეს მათ აქტივობაზე აისახება.

ისინი ასევე აღნიშნავენ, რომ არჩევნების დღეს დამკვირვებელ ორგანიზაციებს ძალიან გაუჭირდებათ საკარანტინე ზონებში და თვითიზოლაციაში მყოფი ათასობით ადამიანის კენჭისყრის პროცესის დაკვირვება.

„სამწუხაროა, რომ მოსახლეობის ნაწილს „კოვიდ-19”-ის არსებობის არ სჯერა ან არასერიოზულად უყურებს ამ საკითხს, შესაბამისად,  მოსალოდნელია მათ მიერ ვირუსის გავრცელების პრევენციისთვის საჭირო რეკომენდაციების უგულებელყოფა. ამ გამოწვევების გათვალისწინებით, მნიშვნელოვანია, საქართველოს მთავრობამ მაქსიმალურად გამჭვირვალე გადაწყვეტილებები მიიღოს „კოვიდ კრიზისის” დაძლევასთან დაკავშირებით და, რაც მთავარია, კონკრეტული ინფორმაცია მიაწოდოს მოსახლეობას, სიტუაციის განვითარების სხვადასხვა სცენარის პირობებში რა გადაწყვეტილების მიღებას აპირებს“, - ნათქვამია განცხადებაში.

არასამთავრობო ორგანიზაციების წარმომადგენლები სთავაზობენ უწყებათაშორისი საკოორდინაციო საბჭოს ფორმატის გაფართოებას. მათი თვალსაზრისით, მასში უნდა შევიდნენ არჩევნებთან დაკავშირებული ყველა შესაბამისი სუბიექტები, პოლიტიკური პარტიების, არასამთავრობო სექტორის და სახალხო დამცველის ჩათვლით.

„უნდა შემუშავდეს კოვიდ ინფექციის მართვის გეგმა მისი სხვადასხვა ტემპით გავრცელების სცენარების გათვალისწინებით. მნიშვნელოვანია, განისაზღვროს „კოვიდ ინფიცირებულთა” ის კრიტიკული რაოდენობა და ეპიდიმიის გავრცელების ტემპი და სიმძიმე, რომელიც  ქვეყნის მთელ ტერიტორიაზე საგანგებო მდგომარეობის გამოცხადებას, არჩევნების გადადებას და შეზღუდვების დაწესების აუცილებლობას განაპირობებს“, - ნათქვამია დოკუმენტში.

და ბოლოს, ხელმომწერები მიიჩნევენ, რომ საზოგადოებრივ ჯანმრთელობასა და ქვეყნის დემოკრატიულ განვითარებას შორის არჩევანის გაკეთება - ინტერესების დაბალანსების არასწორი გზაა.

დოკუმენტს ხელს აწერენ: „საერთაშორისო გამჭვირვალობა-საქართველო“  (TIG), „საქართველოს დემოკრატიული ინიციატივა“  (GDI), „სამართლიანი არჩევნებისა და დემოკრატიის საერთაშორისო საზოგადოება“ (ISFED), „ღია საზოგადოების ფონდი“ (OSGF), „საფარი“, „საზოგადოება და ბანკები“, „მედიის განვითარების ფონდი“ (MDF), „ადამიანის უფლებათა ცენტრი“  (HRIDC), „კვლევითი ჟურნალისტიკისა და ეკონომიკური ანალიზის ცენტრი“, „ინფორმაციის თავისუფლების განვითარების ინსტიტუტი“ (IDFI), „საქართველოს გაეროს ასოციაცია“, „ადამიანის უფლებების სწავლებისა და მონიტორინგის ცენტრი“ (EMC.)

40
თემები:
საქართველოს საპარლამენტო არჩევნები 2020
კახა კალაძე ანუკი არეშიძე

„როგორ უნდა გადაირჩინო თავი 4 ბავშვის ხელში...“ - ანუკი არეშიძე ფოტოს აქვეყნებს

0
(განახლებულია 11:20 21.10.2020)
კახა კალაძე და ანუკი არეშიძე სოციალურ ქსელებში ერთ-ერთი პოპულარული წყვილია. ნახეთ რას აქვეყნებს ანუკი არეშიძე

ცნობილი დიზაინერი ანუკი არეშიძე საქართველოში კორონავირუსის მომატებული შემთხვევების გამო სახლში დარჩენას ამჯობინებს. როგორც მისი „ინსტაგრამის“ „სთორებიდან“ ირკვევა, ანუკის ძალების დიდი რესურსის დახარჯვა უწევს, რათა 4 შვილს გაუმკლავდეს.

„როგორ უნდა გადაირჩინო თავი 4 ბავშვის ხელში“- ამ სათაურით გამოაქვეყნა ცოტა ხნის წინ დიზაინერმა სახალისო ფოტო. როგორც ჩანს, დიზაინერის ვაჟები ძალიან გაიზარდნენ და დედას ფიზიკურად უწევს მათთან ბრძოლა.

ყოფილი ფეხბურთელი და ამაჟამად თბილისის მერი კახა კალაძე და ანუკი არეშიძე 12 წელია ერთად არიან. წყვილმა ერთმანეთი მილანში 2008 წელს გაიცნო, მათ ოფიციალურად 2013 წელს იქორწინეს. 2019 წლის ზაფხულში წყვილმა ჯვარიც დაიწერა და ყველაზე უმცროსი ვაჟი – პატარა ნიკოლა მონათლა. ოჯახში პატარა ნიკოლას გარდა კიდევ სამი ბიჭი იზრდება – 12 წლის ლევანი, 7 წლის კახაბერი და 5 წლის ვაჩე.

View this post on Instagram

Summer, love, enjoy❤️😁

A post shared by ANOUKI ARESHIDZE (@anoukigold) on

სოციალურ ქსელში ყველაზე პოპულარული პატარა ნიკოლას ვიდეოები და ფოტოებია. უმცროსი კალაძე ყველაზე მოუსვენარია, ხშირად მავნებლობს, უფროს ძმებს სათამაშოებს პარავს და ყველაზე მეტად, როგორც ირკვევა, მამა უყვარს. ანუკი ხშირად აქვეყნებს მის ვიდეოებს, რომელიც საზოგადოებაში დიდი პოპულარობით სარგებლობს.

 

0
თემები:
სელებრითების ცხოვრება