საქართველოს საგარეო საქმეთა სამინისტრო

შვედეთის საგარეო საქმეთა მინისტრი ვიზიტით საქართველოს ეწვია

32
(განახლებულია 14:12 02.10.2020)
ან ლინდე შეხვდა საქართველოს პრემიერს, პრეზიდენტსა და საგარეო საქმეთა მინისტრს. შეხვედრებზე საკითხთა ფართო სპექტრი განიხილეს

თბილისი, 2 ოქტომბერი – Sputnik. თბილისში პარასკევს ვიზიტით შვედეთის სამეფოს საგარეო საქმეთა მინისტრი ან ლინდე ჩამოვიდა, ნათქვამია საქართველოს საგარეო საქმეთა სამინისტროს განცხადებაში.

ეს შვედეთის საგარეო საქმეთა მინისტრის პირველი ვიზიტია საქართველოში.

ან ლინდემ შეხვედრები გამართა ქვეყნის პრემიერ–მინისტრ გიორგი გახარიასთან, პრეზიდენტს სალომე ზურაბიშვილთან და თავის კოლეგა დავით ზალკალიანთან.

დავით ზალკალიანთან შეხვედრაზე განიხილეს როგორც ორმხრივი თანამშრომლობის დღის წესრიგი, ასევე შვედეთთან, როგორც ეუთოს მომავალ თავმჯდომარე ქვეყანასთან საერთაშორისო თანამშრომლობის აქტუალური საკითხები.

„შვედეთი საქართველოს ევროპული მომავლის მტკიცე მხარდამჭერია. ამ ქვეყნის ძირითადი აქტივებია დემოკრატია, ადამიანის უფლებები და კანონის უზენაესობა, რაც უმნიშვნელოვანესია ევროკავშირის მედეგობისთვის“, - განაცხადა ან ლინდემ.

შვედეთის საგარეო საქმეთა მინისტრი ასევე შეეხო საპარლამენტო არჩევნებს საქართველოში, რომელიც 31 ოქტომბერს ჩატარდება და აღნიშნა, რომ, პანდემიის მიუხედავად, მნიშვნელოვანია არჩევნების მონიტორინგის განხორციელება და შვედეთი ამ პროცესს შეძლებისდაგვარად შეუწყობს ხელს.

ლინდეს განცხადებით, შვედი დამკვირვებლები უკვე საქართველოში იმყოფებიან.

„ჩვენი მოლოდინია, რომ არჩევნები ჩატარდება დემოკრატიული პრინციპების შესაბამისად“, – განაცხადა ან ლინდემ.

საქართველოს საგარეო უწყების განცხადებაში ასევე აღინიშნება, რომ გაეროს გენასამბლეის 75–ე სესიის ფარგლებში საქართველო, როგორც წარმატებული რეფორმატორი ქვეყანა, მიიწვიეს შვედეთის მთავრობის ახალი ინიციატივის ჯგუფში „მეგობრები დემოკრატიისთვის“.

შვედეთში „ქართული ქვევრის მარანი“ საზეიმოდ გაიხსნა>>

საქართველომ და შვედეთმა დიპლომატიური ურთიერთობები 1992 წელს დაამყარეს. ქვეყნები პოლიტიკური დიალოგს მართავენ მუდმივად, თანამშრომლობენ საქართველოს ევროკავშირში ინტეგრაციის საკითხებში, თავდაცვაში, ეკონომიკასა და სხვა სფეროებში.

32
თემები:
საქართველოს საგარეო პოლიტიკა (254)
სიტუაცია ნიცაში თავდასხმის შემდეგ

საქართველოს პრეზიდენტი საფრანგეთში დაღუპულთა ოჯახებს უსამძიმრებს

45
პრეზიდენტმა დაგმო სიძულვილით ჩადენილი თავდასხმა და განაცხადა, რომ ლოცულობს დაშავებულებისა და დაღუპულთა ოჯახებისათვის.

თბილისი, 29 ოქტომბერი — Sputnik. საქართველოს პრეზიდენტმა სალომე ზურაბიშვილმა ნიცაში მომხდარი თავდასხმის დროს დაღუპულთა ოჯახებს სამძიმარი გამოუცხადა.

„ჩემი ფიქრები ფრანგ ხალხთანაა. ვგმობ ამ სიძულვილით გამოწვეულ თავდასხმას. ვლოცულობ დაშავებულთა და დაღუპულთა ოჯახის წევრებისთვის“, – დაწერა ზურაბიშვილმა თავის Twitter-ში.

ხუთშაბათს დილით ნიცაში დანით შეიარაღებული უცნობი პირი თავს დაესხა ადამიანებს ნოტრ-დამის ეკლესიაში, დაიღუპა სამი ადამიანი, რამდენიმე დაიჭრა. რამდენიმე მედია იუწყება, რომ თავდამსხმელმა ორ ადამიანს თავები მოკვეთა.

საფრანგეთის პრეზიდენტმა ემანუელ მაკრონმა ნიცაში განაცხადა, რომ ქვეყანაზე „ისლამური ტერორისტული შეტევა“ განხორციელდა.

45
თემები:
საქართველოს პრეზიდენტი
მიხეილ სააკაშვილის გამოსვლა მიტინგზე

სააკაშვილმა მხარდამჭერებს მიმართა - ვის გაშვებას აპირებს პენსიაზე ექს-პრეზიდენტი

58
(განახლებულია 23:34 29.10.2020)
ყოფილმა მმართველმა პარტიამ არჩევნებამდე ორი დღით ადრე გადაწყვიტა აჩვენოს მხარდამჭერთა მობილიზაციის დონე და აქციაზე ათასობით ადამიანი შეკრიბა

თბილისი, 29 ოქტომბერი — Sputnik. თბილისის ცენტრში არჩევნებამდე ორი დღით ადრე მიტინგი, რომელიც გამართა ყოფილმა მმართველმა პარტიამ „ქართული ოცნება - დემოკრატიული საქართველო“ და პარტნიორებმა ბლოკიდან „ძალა ერთობაშია“, ჩატარდა მასშტაბურად, ხმაურიანად და ცეკვა-სიმღერით.

Вахтанг Кикабидзе поет. Акция сторонников Единого нацдвижения в центре грузинской столицы
© Sputnik / STRINGER
ბუბა კიკაბიძე „ნაცმოძრაობის“ მიტინგზე

ორგანიზატორების მტკიცებით, თავისუფლების მოედანზე კორონავირუსის გამო დისტანციის დაცვით დაიდგა 50 ათასი სკამი და ყველა დაკავებული იყო. შეკრებილები თავდაპირველად პირბადეებით იყვნენ, თუმცა მომიტინგეები შემდეგში თანდათან გახურდნენ და ზოგმა ჩამოიწია, ზოგმა საერთოდ მოიხსნა ნიღაბი.

ერთდროულად „ნაცმოძრაობის“ მხარდამჭერების აქცია ქუთაისშიც გაიმართა.

„გაერთიანებული ოპოზიცია 31 ოქტომბერს მიდის ამ არჩევნებზე გაანალიზებული შეცდომებით, შეგნებული გამოცდილებით და ზუსტად დასახული მომავლის გეგმებით“, - განაცხადა „ნაცმოძრაობის“ თავმჯდომარემ გრიგოლ ვაშაძემ.

მან პირობა დადო, რომ ყოფილი მმართველი პარტია შურისძიებას არ აპირებს.

„არც ერთი საჯარო მოხელე, არც ერთი ადამიანი არ დაისჯება რევანშის გულისთვის. ჩვენ არავითარი შურისძიების განხორციელებისთვის არ მოვდივართ და ისე წავიყვანთ ამ ქვეყანას, რომ დამარცხებულად თავი არავინ არ იგრძნოს“, - განაცხადა ვაშაძემ.

Акция сторонников Единого нацдвижения в центре грузинской столицы
© Sputnik / Vladimir Umikashvili
„ნაცმოძრაობის“ მხარდამჭერთა აქცია

ლიდერების გამოსვლებს ცნობილი ქართველი არტისტების გამოსვლები ცვლიდა. ორი სიმღერა ვახტანგ კიკაბიძემაც შეასრულა.

მიტინგის კულმინაცია გახდა ექს-პრეზიდენტ მიხეილ სააკაშვილის მიმართვა, რომელსაც ბლოკი გამარჯვების შემთხვევაში პრემიერ-მინისტრის პოსტზე წარადგენს.

სააკაშვილმა მხარდამჭერებს კიევიდან მიმართა.

Выступает Михаил Саакашвили. Акция сторонников Единого нацдвижения в центре грузинской столицы
© Sputnik / STRINGER
სიტყვით გამოდის მიხეილ სააკაშვილი. „ნაცმოძრაობის“ მხარდამჭერთა აქცია

„წავიდეთ არჩევნებზე, წყნარად გავუშვათ პენსიაზე ივანიშვილი, მისი ჯგუფი და გავაგრძელოთ ძალიან სწრაფი განვითარება“,-განაცხადა სააკაშვილმა. ის არწმუნებდა თავის მხარდამჭერებს, რომ მას აინტერესებს არა ძალაუფლება, არამედ მხოლოდდამხოლოდ ქვეყნის განვითარება“, - განაცხადა სააკაშვილმა. ის არწმუნებდა თავის მხარდამჭერებს, რომ მას აინტერესებს არა ძალაუფლება, არამედ მხოლოდდამხოლოდ ქვეყნის განვითარება.

ამასთან მან აღნიშნა, რომ მისი პარტია არ დაუშვებს გაყალბებას და განაცხადა, რომ „პასუხი გაიცემა ძალიან მკაცრად“.

აქციამ ინციდენტების გარეშე ჩაიარა, თუმცა თავიდან მის ჩაშლას შეეცადა ულტრანაციონალისტური პარტია „ქართული მარში“. მისმა ლიდერებმა გარკვეული დროით გადაკეტეს რუსთავი-თბილისის ტრასა, რათა „ნაცმოძრაობის“ მხარდამჭერთა კოლონა აქცია არ გაეშვათ. თუმცა პოლიციის ჩარევის შემდეგ ინციდენტი ამოიწურა.

„ქართულმა მარშმა“ „ნაცმოძრაობის“ მომხრეებს რუსთავის ტრასა გადაუკეტა >>

საპროტესტო აქციის დროს, რომელსაც პირდაპირ ეთერში ოპოზიციური არხები აშუქებდნენ, საქართველოს მოქალაქეებს ორგანიზაციისგან „დავასრულოთ“ მიუვიდათ სმს-შეტყობინებები, სადაც „ნაცმოძრაობის“ არსებობის დასრულების მოწოდება გაჟღერდა.

58
თემები:
საქართველოს საპარლამენტო არჩევნები 2020
ბნელი ხევის ეკლესია

საეკლესიო კალენდარი: 30 ოქტომბერი

0
(განახლებულია 23:16 29.10.2020)
საქართველოს მართლმადიდებელი ეკლესია 30 ოქტომბერს წმიდა იოსებ კათოლიკოს-სასწაულმოქმედის, მოწამე კოზმანის, წინასწარმეტყველ ოსეს, ღირსმოწამე ანდრია კრეტელის, წმიდა მოწამეთა, კოზმა და დამიანე არაბები და ძმანი მათნი: ლეონტი, ანთიმოზი და ევტროპის მოიხსენიებს.

Sputnik - საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში.

წმიდა იოსებ კათოლიკოს-პატრიარქი 

წმიდა იოსებ კათოლიკოს-პატრიარქი (ჯანდიერიშვილი) მოღვაწეობდა დოდოს მონასტერში. „მრავალთა მისთა სათნოებათათვის“ იგი მღვდელმთავრად იქნა დადგენილი რუსთავის კათედრაზე.

წმიდა იოსებს სასწაულთქმედების ნიჭი ჰქონია მიმადლებული ღვთისგან: ერთხელ მისი დიაკონი მუცლის სიმსივნით დაავადდა. ავადმყოფობა ისე გართულდა, რომ სიკვდილი გარდაუვალი იყო. როდესაც მღვდელმთავარი სნეულთან შევიდა, ავადმყოფი ვეღარც სუნთქავდა და აღარც ლაპარაკი შეეძლო. წმიდა იოსებმა „იხილა სენი და შეელმა გულსა მის ლმობიერსა“, დაუტევა სნეული და სამლოცველოში განმარტოვდა ლოცვად. მხურვალე ლოცვის შემდეგ ის ავადმყოფთან დაბრუნდა და, რადგან კაცთაგან განდიდებას ერიდებოდა, ჩვეულებრივად თქვა, რომ ასეთი სნეულების დროს წამლად თხილის ჯოხის ნახშირის მიღება იყო საჭირო. ცეცხლში შეაგდო თავისი თხილის ჯოხიდან გამოთლილი კვერთხი, წყალში გალესა, ჯვარი გადასახა და სნეულს დაალევინა. სიმსივნე იმ წუთსვე დაუცხრა, მესამე დღეს კი ავადმყოფი საბოლოოდ გამოჯანმრთელდა. ასეთი სიმდაბლითა და სასწაულთქმედებით გამორჩეული მღვდელმთავარი 1755 წელს კათოლიკოსად იქნა არჩეული ანტონ I-ის მაგივრად. წმიდა იოსები, კათოლიკოსობის ტვირთისა და პატივის მიუხედავად, მაინც უდიდეს ასკეტ ბერად რჩებოდა.

1764 წელს წმიდა იოსებ კათოლიკოსმა, წმიდა გრიგოლ ღვთისმეტყველის მსგავსად, ეკლესიის მშვიდობისათვის, სიმდაბლით დაუტევა კათოლიკოსის ტახტი, ახმეტაში წავიდა და „ცხოვრობდა ჭეშმარიტისა მონაზონებითა“.
1770 წელს „ესრეთ სიწმიდით მოხუცებულმან სული თვისი შეჰვედრა ღმერთსა“.

წმიდა კოზმანი, რომელი ქართლს ეწამა

ბიოგრაფიული ცნობები წმინდა კოზმანის შესახებ არ შემონახულა. ამ დღის მოსახსენებელი მხოლოდ იმას ამბობს, რომ იგი ქართლში ეწამა ქრისტეს სარწმუნოებისათვის.
წინასწარმეტყველი ოსე

წინასწარმეტყველი ოსე ქრისტეს შობამდე IX საუკუნეში ცხოვრობდა ისრაელის სამეფოში და წმიდა წინასწარმეტყველთა: ესაიას, მიქიას და ამოსის თანამედროვე იყო. იმ დროისთვის მრავალ მის თანატომელს ზურგი ექცია ჭეშმარიტი ღვთისთვის და კერპებს სცემდა თაყვანს. წმიდა წინასწარმეტყველი თავისი ბრძნული შეგონებებით კეთილმსახურებისკენ მოუწოდებდა გზაშეცდომილებს.

მან იწინასწარმეტყველა ასურეთის ტყვეობაში ებრაელების გადასახლების შესახებაც. მაცხოვრის განკაცებამდე თითქმის ათასი წლით ადრე წმიდა ოსემ სულიწმიდის მადლით განჭვრიტა, რომ შეწყდებოდა ძველი აღთქმის მსხვერპლშეწირვა და ჭეშმარიტი ღვთის შემეცნება მთელ სამყაროში გავრცელდებოდა ოსემ იწინასწარმეტყველა მაცხოვრის ეგვიპტიდან დაბრუნება მესამე დღეს მკვდრეთით აღდგომა და სიკვდილის დათრგუნვა. წმიდანის წინასწარმეტყველებანი ძველი აღთქმის წიგნებშია ჩართული.ნეტარი ოსეს საწინასწარმეტყველო მსახურება სამოც წელზე მეტ ხანს გრძელდებოდა. მან ღრმა მოხუცებულობაში შეჰვედრა სული უფალს.

ღირსმოწამე ანდრია კრეტელი 

ღირსმოწამე ანდრია კრეტელი ხატმბრძოლი იმპერატორის, კონსტანტინე კოპრონიმის (741-775) დროს მეუდაბნოე ბერის ცხოვრებით ცხოვრობდა კუნძულ კრეტაზე. როცა უსჯულო თვითმპყრობელმა ტაძრებიდან და სახლებიდან წმიდა ხატების გამოყრა ბრძანა და მართლმორწმუნეების დევნა დაიწყო, ნეტარი მამა კონსტანტინოპოლში ჩავიდა და წმიდა მოწამე მამაის ტაძარში საჯაროდ ამხილა მწვალებელი ხელისუფალი. მეომრებმა შეიპყრეს ნეტარი ანდრია. განრისხებული თვითმპყრობლის ბრძანებით წმიდა მამა სასტიკად აწამეს, შემდეგ კი, ქალაქის ქუჩების გავლით გაუყენეს გზას სიკვდილით დასჯის ადგილისაკენ. გზად წმიდანი ლოცულობდა, უსჯულოები კი დასცინოდნენ და ქვებს ესროდნენ, ბოლოს, ერთი მწვალებელი მიეჭრა და ნაჯახით მოკლა (+767 წ.).

წმიდა მოწამენი, უვერცხლონი კოზმა და დამიანე არაბები და ძმანი მათნი: ლეონტი, ანთიმოზი და ევტროპი

წმიდა მოწამენი, უვეცხლონი კოზმა და დამიანე არაბები იყვნენ. ისინი სახარებას ქადაგებდნენ და ქრისტეს ძალით სნეულებს კურნავდნენ. გაწეული სამსახურისთვის კი არანაირ საზღაურს არ თხოულობდნენ. კილიკიაში წარმართებმა მკურნალნი შეიპყრეს და მმართველ ლისიუსთან მიიყვანეს. უსჯულომ ქრისტიანული სარწმუნოების უარყოფა მოითხოვა მათგან, რაზეც მარტვილებმა მტკიცე უარი განაცხადეს. ამისთვის ლისიუსის ბრძანებით წმიდანები სასტიკად გვემეს, ხოლო შემდეგ  უფლის რჩეულებს თავები მოჰკვეთეს. წმიდა მკურნალებთან ერთად ეწამნენ მათი ძმებიც: ლეონტი, ანთიმოზი და ევტროპი.

 

მასალა მომზადებულია ღია წყაროებზე დაყრდნობით.

0
თემები:
საეკლესიო კალენდარი