პრემიერი გიორგი გახარია

გახარია: მოვახერხეთ, გავმკლავებოდით პანდემიის შემოტევას და მწვანე ზონად დავრჩენილიყავით

80
წელს გაერთიანებული ერების ორგანიზაცია 75 წლის იუბილეს აღნიშნავს და ორგანიზაციის არსებობის ისტორიაში პირველად  გენერალური ასამბლეა დისტანციურად იმართება. 

თბილისი, 25 სექტემბერი - Sputnik. ხელისუფლების, ექიმებისა და ეპიდემიოლოგების თავდაუზოგავი შრომის და რაც მთავარია, ჩვენი მოქალაქეების მაღალი პასუხისმგებლობისა და სწორი მენეჯმენტის წყალობით მივაღწიეთ იმას, რომ საქართველო კვლავ მწვანე ზონად რჩება, განაცხადა საქართველოს პრემიერ-მინისტრმა გიორგი გახარიამ გაეროს გენერალური ასამბლეის 75-ე სესიაზე სიტყვით გამოსვლისას.

გიორგი გახარია გაეროში სიტყვით გამოვა>>

სიტყვით გამოსვლისას მთავრობის მეთაურმა  ყურადღება Covid-19-ზე გაამახვილა და აღნიშნა, რომ დღეს მთელი მსოფლიო ერძვის საერთო, უხილავ მტერს.

„ადამიანების სიცოცხლეს, ყველგან – მიუხედავად რეგიონის თუ ცხოვრების დონისა, საერთო საფრთხე დაემუქრა და ამ საფრთხესთან ბრძოლამ გადაფარა ის გამოწვევები, რომლებიც უკვე ათწლეულებია გაეროს დღის წესრიგშია, თუმცა, ზოგ შემთხვევაში კიდევ უფრო მკაფიოდ გამოაჩინა არსებული პრობლემები. ჩვენ ყველა ერთად, განსხვავებული შესაძლებლობების სახელმწიფოები, აღმოვჩნდით სრულიად ახალი, უფრო რთული გამოწვევის წინაშე“, - აღნიშნა გახარიამ.

პრემიერმა აღნიშნა, რომ სირთულეების მიუხედავად, საქართველომ მოახერხა, გამკლავებოდა პანდემიის შემოტევას, რაც დაინახა და ერთხმად აღიარა მთელმა მსოფლიომ.

გიორგი გახარიამ მადლობა გადაუხადა აშშ-ს, ევროკავშირს, საერთაშორისო საფინანსო ინსტიტუტებს და აღნიშნა, რომ მათი დახმარება უმნიშვნელოვანესი იყო პანდემიის პირველ ტალღასთან გამკლავებაში.

„რა თქმა უნდა, განსაცდელი არსად წასულა, ვირუსი ისევ გვიტევს, მაგრამ ჩვენ მიერ დაგროვილი ცოდნა გვაძლევს საშუალებას, სიტუაცია თანმიმდევრულად ვმართოთ და ყველას გავუზიაროთ საქართველოს წარმატებული გამოცდილება“, – აღნიშნა პრემიერ-მინისტრმა.

წელს გაერთიანებული ერების ორგანიზაცია 75 წლის იუბილეს აღნიშნავს და ორგანიზაციის არსებობის ისტორიაში პირველად, პანდემიის გამო, გენერალური ასამბლეა დისტანციურად იმართება. 

გენერალური ასამბლეის საიუბილეო სხდომაზე საქართველოს პრეზიდენტი სალომე ზურაბიშვილი დისტანციურად უკვე გამოვიდა. მის სიტყვას ერქვა „მომავალი, რომელიც ჩვენ გვსურს“, რომელშიც ჩამოთვლილი იყო თანამედროვე გამოწვევების პირობებში ქვეყნის კეთილდღეობის ფუნდამენტური საფუძვლები.

80
წინასაარჩევნო სიმბოლიკა

„ერთიანმა ნაციონალურმა მოძრაობამ“ ამომრჩევლებთან შემაჯამებელი შეხვედრა გამართა

8
პარტიის ლიდერმა სამეგრელოს მოსახლეობას ახალი მთავრობის ამოქმედებისთანავე ქალაქ ლაზიკის მშენებლობის პროექტის განახლების პირობა მისცა

თბილისი, 25 ოქტომბერი – Sputnik. ოპოზიციურმა პარტია „ერთიანმა ნაციონალურმა მოძრაობამ“ კვირას საღამოს ზუგდიდში ამომრჩევლებთან დასკვნითი შეხვედრა გამართა, რა დროსაც შეკრებილებს ვიდეოზარით საქართველოს ყოფილმა პრეზიდენტმა მიხეიოლ სააკაშვილმა მიმართა.

სააკაშვილმა გააფრთხილა მმართველი პარტია „ქართული ოცნება - დემოკრატიული საქართველოს“ თავმჯდომარე, ბიძინა ივანიშვილი „ხელი არ წაუცდეს“ არჩევნების შედეგების გაყალბებაზე.

„შეხედე კარგად ზუგდიდს და დაიმახსოვრე, ხუთ დღეში ან წყნარად ჩამოშორდები ხელისუფლებას ან არ შეშურდება შენი ბედის არც ერთ მომავალ თაობას. ეს იქნება ერთ-ერთი ყველაზე საზიზღარი, სამაგალითო ხვედრი ნებისმიერი ადამიანის საქართველოს ისტორიაში. შენი ბოლო გაფრთხილება ზუგდიდიდან. ბოლო გაფრთხილება საქართველოს სახელით“, – განაცხადა სააკაშვილმა.

„ნაცმოძრაობის“ და ბლოკ „ძალა ერთობაშიას“ პრემიერ-მინისტრობის კანდიდატმა ასევე სამეგრელოს მოსახლეობას ახალი მთავრობის ამოქმედებისთანავე შავი ზღვის სანაპიროზე ქალაქ ლაზიკის მშენებლობის პროექტის განახლების პირობა მისცა, რომელიც, მისი თქმით, ივანიშვილმა „მოკლა“.

მიხეილ სააკაშვილის თავდაპირველი ჩანაფიქრით, ქალაქი ლაზიკა უნდა გამხდარიყო ტურისტული, საცხოვრებელი და ეკონომიკური ზონა, შემდგომში კი საპორტო ქალაქი. თუმცა ყოფილი პრეზიდენტის გეგმები 2012 წელს არჩევნების წაგებამ ჩაშალა.

ლომჯარია: ბათუმში ათასობით ადამიანის შეკრება უკიდურესი უპასუხისმგებლობის გამოვლინებაა >>

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

საქართველოში არჩევნები პანდემიის პირობებში პირველად ტარდება.

8
თემები:
საქართველოს საპარლამენტო არჩევნები 2020
ცესკო

არჩევნებამდე ერთ კვირაზე ნაკლები რჩება - რა წესები უნდა დაიცვათ უბანზე

25
კორონავირუსის პანდემიის გამო კაბინა მთლიანად დახურული არ იქნება, ხოლო კალამი, რომლითაც ამომრჩეველმა ბიულეტენი შეავსო, მან უბანზე სპეციალურ ყუთში უნდა გადააგდოს

თბილისი, 25 ოქტომბერი – Sputnik. ცენტრალურმა საარჩევნო კომისიამ (ცესკო) გააცნო მედიას ის წესები, რომლებიც არჩევნების დღეს ამომრჩევლებმა უბნებზე უნდა დაიცვან.

ცესკოს თავმჯდომარე თამარ ჟვანიას თქმით, საარჩევნო უბანზე შესვლისას ამომრჩეველს პირბადე უნდა ეკეთოს.

„ვისაც პირბადე არ ექნება, მას ადგილზე მისცემენ. ამის შემდეგ ის დეზობარიერს გაივლის... ამის შემდეგ ამომრჩეველი რიგის მომწესრიგებელთან მიდის, აჩვენებს პირადობის მოწმობას და პირბადეს იხსნის, რადგან მისი იდენტიფიცირება მოხდეს. პირბადის გაკეთების შემდეგ, მარკირება მოწმდება და ამის შემდეგ ხელზე დეზინფექცია უტარდება, მიდის მაგიდასთან“, – განაცხადა ჟვანიამ.

ამის შემდეგ ამომრჩეველი კვლავ მოიხსნის პირბადეს და აიღებს ინდივიდუალურ კალამს, რომლითაც ხელს მოაწერს. იღებს მისთვის განკუთვნილ ბიულეტენს და ამის შემდეგ შედის კაბინაში.

კორონავირუსის პანდემიის გამო კაბინა მთლიანად დახურული არ იქნება.

ცესკო: გადასატანი საარჩევნო ყუთის მიტანა 900-მდე ამომრჩეველმა მოითხოვა >>

„როდესაც ამომრჩეველი დააფიქსირებს საკუთარ არჩევანს, კალამს სპეციალურ ურნაში აგდებს და ამის შემდეგ ხდება ბიულეტენის ყუთში ჩაგდება. ამის შემდეგ ამომრჩეველი დატოვებს საარჩევნო უბანს“, - განაცხადა ჟვანიამ.

საპარლამენტო არჩევნები საქართველოში 31 ოქტომბერს გაიმართება. არჩევნებში მონაწილეობას იღებს 48 პარტია და 2 ბლოკი. ამომრჩევლებს მოუწევთ 150 დეპუტატის არჩევა – 120 აირჩევა პროპორციული სისტემით, ხოლო 30 – მაჟორიტარულით.

საქართველოში არჩევნები პანდემიის პირობებში პირველად ტარდება.

 

 

25
თემები:
საქართველოს საპარლამენტო არჩევნები 2020
თბილისი

26 ოქტომბერს დაბადებულები ზოდიაქო, დახასიათება, რჩევები

0
(განახლებულია 17:54 24.10.2020)
გაეცანით 26 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ოქტომბერი - 2 ნოემბრის პერიოდი

23 ოქტომბერი - 2 ნოემბრის პერიოდი მორიელის ნიშნის პირველ დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს ანიჭებს პატივმოყვარეობას, აგრესიულობასა და ფეთქებად ხასიათს. მათ ცხოვრებაში ერთმანეთზეა გადაჯაჭვული გამარჯვებებისა და მარცხის მონაცვლეობა და მხოლოდ კონკრეტულ ადამიანზეა დამოკიდებული თავისი ჭეშმარიტი გზის არჩევა, თავისი დამოკიდებულება საკუთარი თავისა და გარშემომყოფების მიმართ.

მნიშვნელოვანი წლებია: 15, 30, 45, 60.

ამ პერიოდში დაბადებულთა სიმბოლოა ფრეზია. ეს ადამიანები უდრეკი, უშიშარი არიან, რაც მათ წარმატებების მიღწევაში ეხმარება, მაგრამ სიჯიუტე უარყოფითი თვისებაა, რაც დაბრკოლებებს უქმნის ცხოვრებისეულ გზაზე. ამ პერიოდში დაბადებულებმა უნდა ისწავლონ ტაქტიანობა, მოქნილობა. ასევე ხშირად საკუთარ თავზე იღებენ მეტ პასუხისმგებლობას, ამიტომ ხშირად იღლებიან. პირველი დეკადის მორიელებმა უნდა ისწავლონ ბალანსის დაცვა მუშაობასა და დასვენებას შორის.

26 ოქტომბერს დაბადებულები

26 ოქტომბერს დაბადებულები ძალზე მიზანსწრაფული და შრომისუნარიანი ადამიანები არიან. მათ ნებისმიერი ამოცანის გადაწყვეტა შეუძლიათ; შეუსრულებელი სამუშაო მათთვის არ არსებობს; პროფესიული უნარ-ჩვევების შესაძენად ისინი ბევრ დროსა და დიდი ძალას ხარჯავენ და ეს ყველაფერი იმიტომ, რომ მათი მუშაობის შედეგი უზადო იყოს.

26 ოქტომბერს დაბადებულები ლიდერობისკენ ისწრაფვიან. არიან ძლიერი ადამიანები; ხანდახან სისასტიკეც სჩვევიათ, მაგრამ ეს ხელს არ უშლის, შეინარჩუნონ ავტორიტეტი და ადამიანებს წინ გაუძღვნენ. ამ დღეს დაბადებულები აფასებენ სტატუსსა და ძალაუფლებას; მეორე პლანის როლი მათთვის არაა.

26 ოქტომბერს დაბადებული მორიელები ისწრაფვიან წარმატების, ფულის, ძალაუფლებისკენ. არიან ამბიციური კარიერისტები და მიზნის მისაღწევად ბევრი რამისთვის არიან მზად. კონკურენტებისთვის სერიოზულ მეტოქეებს წარმოადგენენ, ხოლო თანამოაზრეებისთვის - ერთგულ მოკავშირეებს.

ამ დღეს დაბადებულები მომთხოვნი არიან როგორც საკუთარი თავის, ისე გარშემომყოფების მიმართ; შეცდომებს არ პატიობენ, არ იძლევიან მეორე შანსს.

26 ოქტომბერს დაბადებულები ნიჭიერი რეფორმატორები არიან. შეუძლიათ და უყვართ არსებული სისტემის რეორგანიზება. ლიდერის თვისებები ეხმარებათ, რომ დაარწმუნონ ადამიანები რეფორმების აუცილებლობასა და მათ ეფექტურობაში.

ამ დღეს დაბადებულები ყოველთვის არ იკავებენ ხელმძღვანელ პოსტებს. ისინი ისწრაფვიან ავტორიტეტული თანამდებობისკენ (ექსპერტი, მთავარი კონსულტანტი და სხვა). ასეთი სამუშაო მათ სტიმულს აძლევს, რომ მიაღწიონ ახალ მიზნებსა და პროფესიულ ზრდას.

ჯანმრთელობა

26 ოქტომბერს დაბადებულები თავიანთ ჯანმრთელობას ყურადღებას სულ არ აქცევენ. მათთვის განსაკუთრებით საშიშია არარეგულარული კვება - კუჭი მათი მთავარი პრობლემური ორგანოა, რომელიც, შესაძლოა, დაზიანდეს ან ზედმეტი ჭამით, ან უჭმელობით, ან არაჯანსაღი საკვებით. ასევე ამ ადამიანებს ჭარბი ენერგია აქვთ, რომელიც, სჯობს, ფიზიკურ დატვირთვებში დახარჯონ.

ზოდიაქოს რომელ ნიშნებს აქვთ ძლიერი ენერგეტიკა>>

რჩევა:

თქვენ გიყვართ და შეგიძლიათ დამოუკიდებლად მუშაობა, მაგრამ გუნდურ მუშაობას ხშირად მეტი ეფექტი მოაქვს. გაითვალისწინეთ ეს პროექტების რეალიზებისას.

0