თბილისი

IRI-მ საქართველოში პარტიების რეიტინგი გამოაქვეყნა, და არა მხოლოდ...

96
(განახლებულია 18:59 17.09.2020)
გამოკითხვა 4–21 აგვისტოს პერიოდში პირდაპირი ინტერვიუს გზით ჩატარდა. მასში მონაწილეობა მიიღო 18 წელს ზემოთ ასაკის 1,5 ათასმა რესპონდენტმა. ცდომილება შეადგენს +/-2,5%-ს.

თბილისი, 17 სექტემბერი – Sputnik. მმართველი პარტია „ქართული ოცნება - დემოკრატიული საქართველო“ პოლიტიკური პარტიების რეიტინგის სათავეშია. ამაზე მეტყველებს აშშ-ის საერთაშორისო რესპუბლიკური ინსტიტუტის (IRI) კვლევის შედეგებიც. 

კითხვას, „თუ საპარლამენტო არჩევნები ამ კვირას ჩატარდება, ვის დაუჭერთ მხარს“, რესპონდენტების 36%-მა უპასუხა, რომ მოქმედ ხელისუფლებას აირჩევს. მეორე ადგილზე 15%-ით გავიდა ყოფილი მმართველი პარტია „ერთიანი ნაციონალური მოძრაობა“.

რაც შეეხება დანარჩენ პარტიებს, ხმები შემდეგნაირად გადანაწილდა:

– „ევროპული საქართველო - მოძრაობა თავისუფლებისთვის" 4%

– „ახალი საქართველო - სტრატეგია აღმაშენებელი" 4%

– „საქართველოს პატრიოტთა ალიანსი" 4%

– „საქართველოს ლეიბორისტული პარტია" 3%

ამასთან, გამოკითხულთა 23%-ს გადაწყვეტილება ჯერ არ მიუღია ან უარი განაცხადა პასუხის გაცემაზე.

არსებობს თუ არა ალტერნატივა?

კითხვაზე, „ფიქრობთ თუ არა, რომ რომელიმე პოლიტიკური პარტია გთავაზობთ ეფექტურ ალტერნატივას ამ არჩევნებზე“, გამოკითხულთა 56%-მა უპასუხა, რომ ასეთი პარტია არ არსებობს, 24%-მა კი ვერ შეძლო ამ კითხვაზე პასუხის გაცემა. მხოლოდ 20%-ს მიაჩნია, რომ ასეთი პოლიტიკური ალტერნატივა არსებობს.

მომავალი პრემიერი

რესპონდენტებს ასევე დაუსვეს კითხვა, თუ ვინ უნდა დანიშნოს მომავალი პრემიერი. ამ გამოკითხვის შედეგები შემდეგნაირია: 44% ფიქრობს, რომ პრემიერ-მინისტრი საპარლამენტო უმრავლესობამ უნდა დანიშნოს. 36%-ის აზრით, ეს მრავალპარტიულმა საპარლამენტო კოალიციამ უნდა გააკეთოს. პასუხი არ აქვს ან უარი თქვა პასუხის გაცემაზე 20%-მა. 

რაც შეეხება კითხვას, ვის ისურვებდნენ მომავალ პრემიერ-მინისტრად, გამოკითხულთა პასუხები შემდეგნაირად გადანაწილდა: 59% – რომელიმე პარტიის წევრს, 16% – უპარტიო პოლიტიკოსს. პასუხი არ აქვს ან უარი თქვა პასუხის გაცემაზე 25%-მა.

ვინ მიდის არჩევნებზე

კვლევის შედეგებმა აჩვენა, რომ ქვეყნის მოსახლეობის უმრავლესობა საპარლამენტო არჩევნებში მონაწილეობას გეგმავს. არჩევნებზე რესპონდენტების 74% „ალბათ წავა“. 16%-მა კი აღნიშნა, რომ „ნაკლებად შესაძლებელია“.

არჩევნებში „ალბათ არ მიიღებს მონაწილეობას“ გამოკითხულთა 4%, ხოლო „დიდი ალბათობით მონაწილეობას არ მიიღებს“ 5%. არ იცის ან კითხვაზე პასუხი არ აქვს გამოკითხულთა 2%-ს.

პანდემია

კორონავირუსი ნეგატიურად აისახა რესპონდენტების უმრავლესობის ეკონომიკურ მდგომარეობაზე.

კითხვაზე, „როგორ შეიცვალა თქვენი ოჯახის მდგომარეობა პანდემიის დაწყებიდან“, რესპონდენტების 65%-მა უპასუხა, რომ გაუარესდა, 32%-სთვის არ შეცვლილა, ხოლო 4%-სთვის გაუმჯობესდა. პასუხი არ ჰქონდა ან უარი თქვა პასუხის გაცემაზე 1%-მა. 

გამოკითხულთა უმრავლესობა COVID-19-ის პრევენციის მიზნით მთავრობის მიერ გატარებული ზომებით კმაყოფილია – ამ მოსაზრებას ემხრობა 82%. უკმაყოფილოა 17%, ხოლო პასუხი არ აქვს ან უარი თქვა პასუხის გაცემაზე 2%-მა.

როგორ ჩატარდა გამოკითხვა

გამოკითხვა 4–21 აგვისტოს პერიოდში პირდაპირი ინტერვიუს გზით ჩატარდა. მასში მონაწილეობა მიიღო 18 წელს ზემოთ ასაკის 1,5 ათასმა რესპონდენტმა. ცდომილება შეადგენს +/-2,5%-ს.

 

96
თემები:
საქართველოს საპარლამენტო არჩევნები 2020 (160)
საქართველოს საგარეო საქმეთა სამინისტრო

საგარეო უწყება: საქართველო მზადაა ხელი შეუწყოს ყარაბაღში სიტუაციის დეესკალაციას

53
(განახლებულია 09:21 28.09.2020)
საქართველო მოუწოდებს ეუთოს მინსკის ჯგუფის თანათავმჯდომარეებსა და საერთაშორისო მონაწილეებს მთელი ძალისხმევა მიმართონ კონფლიქტის ესკალაციის შეწყვეტისკენ

თბილისი, 27 სექტემბერი  — Sputnik. საქართველო შეშფოთებით აკვირდება აზერბაიჯანსა და სომხეთს შორის მორიგ სამხედრო ესკალაციას, რომელსაც, გავრცელებული ინფორმაციით, უკვე მოჰყვა მსხვერპლი და ინფრასტრუქტურის დაზიანება, ნათქვამია საქართველოს საგარეო საქმეთა სამინისტროს განცხადებაში.

სიტუაცია მთიან ყარაბაღში 27 სექტემბრის დილას მკვეთრად გამწვავდა - სომხეთი და აზერბაიჯანი ერთმანეთს აგრესიაში ადანაშაულებენ. აზერბაიჯანის თავდაცვის სამინისტრო ამტკიცებს, რომ ცეცხლი სომხურმა მხარემ გახსნა, ხოლო აზერბაიჯანის ძალებმა კონტრშეტევითი ოპერაცია დაიწყეს. სომხეთის თავდაცვის სამინისტროში აცხადებენ, რომ აზერბაიჯანმა ყარაბაღზე „საჰაერო და სარაკეტო იერიში მიიტანა“.

„იმედი გვაქვს, რომ მოხერხდება მხარეებს შორის ცეცხლის შეწყვეტის შესახებ შეთანხმების მიღწევა, მოლაპარაკებების რეჟიმში გადასვლა და თავიდან აცილება ფართომასშტაბიანი სამხედრო მოქმედებების, რაც მკვეთრად ნეგატიურად იმოქმედებს მთელი რეგიონის უსაფრთხოებაზე“, - ნათქვამია საგარეო საქმეთა სამინისტროში.

საქართველო მოუწოდებს ეუთოს მინსკის ჯგუფის თანათავმჯდომარეებსა და საერთაშორისო მონაწილეებს მთელი ძალისხმევა მიმართონ აზერბაიჯანსა და სომხეთს შორის ესკალაციის შეწყვეტის და კონსტრუქციული დიალოგის განახლების უზრუნველყოფისთვის.

სომხეთისა და აზერბაიჯანის საზღვარზე სიტუაციის გამწვავებას საქართველოს პრეზიდენტი სალომე ზურაბიშვილიც გამოეხმაურა.

„ძალიან შეშფოთებული ვარ სომხეთსა და აზერბაიჯანს შორის საბრძოლო მოქმედებების განახლებით. მოვუწოდებთ მშვიდობისკენ. სტაბილურობა და მშვიდობა ჩვენს რეგიონში საერთო პირობაა“, – წერს ზურაბიშვილი Twitter-ში.

კონფლიქტის მხარეები მოწინააღმდეგის დანაკარგებზე საუბრობენ. ასე, სომხეთში ჩამოგდებულ ვერტმფრენებსა და აფეთქებულ ტანკებზე საუბრობენ, ხოლო აზერბაიჯანში - განადგურებულ საზენიტო კომპლექსებზე.

რუსეთის საგარეო საქმეთა სამინისტრომ სომხეთსა და აზერბაიჯანს მოუწოდა დაუყოვნებლივ შეწყვიტონ ცეცხლი და სიტუაციის სტაბილიზაციის მიზნით მოლაპარაკებები დაიწყონ.

მთიან ყარაბაღში სიტუაცია გამწვავდა: მხარეები ერთმანეთს ადანაშაულებენ >>

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ–დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე. კონფლიქტის მშვიდობიანად მოგვარების მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს - რუსეთი, აშშ და საფრანგეთი. აზერბაიჯანი მოითხოვს საკუთარი ტერიტორიული მთლიანობის შენარჩუნებას, სომხეთი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

53
თემები:
მთიან ყარაბაღში ვითარება გამწვავდა – შეიარაღებული შეტაკება 2020
სომხეთის შეიარაღებული ძალების არტილერია მთიანი ყარაბაღის პოზიციებზე

საქართველოს პარლამენტში სომხეთსა და აზერბაიჯანს ცეცხლის შეწყვეტისკენ მოუწოდეს

126
(განახლებულია 14:42 27.09.2020)
მთიან ყარაბაღში კონფლიქტის ესკალაცია საშიშროებას მთელი რეგიონის უსაფრთხოებას უქმნის, მიიჩნევს საქართველოს პარლამენტის თავდაცვისა და უშიშროების კომიტეტის თავმჯდომარე

თბილისი, 27 სექტემბერი  — Sputnik. საქართველო ყურადღებით აკვირდება სიტუაციას მთიან ყარაბაღში და იმედს იტოვებს, რომ მიმდინარე სიტუაცია დარეგულირდება, განაცხადა საქართველოს პარლამენტის თავმჯდომარე არჩილ თალაკვაძემ.

მთიან ყარაბაღში 27 სექტემბრის დილას სიტუაცია მკვეთრად გამწვავდა - სომხეთი და აზერბაიჯანი ერთმანეთს აგრესიაში ადანაშაულებენ. ბაქო და ერევანი ერთმანეთს სიტუაციის გამწვავებაში ადანაშაულებენ. აზერბაიჯანის თავდაცვის სამინისტრო ამტკიცებს, რომ ცეცხლი სომხურმა მხარემ გახსნა, ხოლო აზერბაიჯანის ძალებმა კონტრშეტევითი ოპერაცია დაიწყეს. სომხეთის თავდაცვის სამინისტროში აცხადებენ, რომ აზერბაიჯანმა ყარაბაღზე „საჰაერო და სარაკეტო იერიში მიიტანა“.

„მოგეხსენებათ, რომ ჩვენი რეგიონი არის გამოწვევებით სავსე. სამწუხაროდ, რუსეთის პოლიტიკა საუკუნეების განმავლობაში რჩება დესტრუქციული და რეგიონში არაერთი მიმდინარე კონფლიქტი არსებობს. რაც შეეხება ამ კონკრეტულ შემთხვევას, რა თქმა უნდა აქ ჩვენი, საქართველოს, როგორც აზერბაიჯანის და სომხეთის მიმართ მეგობრული ერისა და ქვეყნის ამოცანა და სურვილია, რომ სტაბილურობა, უსაფრთხოება და მშვიდობა მაქსიმალურად იყოს დაცული. ამიტომ, რა თქმა უნდა ყურადღებით ვადევნებთ თვალს ამ პროცესს და იმედი გვაქვს, რომ ეს ესკალაციები დარეგულირდება და რეგიონში იქნება მშვიდი და უსაფრთხო გარემო“, – განუცხადა ჟურნალისტებს თალაკვაძემ.

საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა განაცხადა, რომ საქართველო ყოველთვის იდგა მშვიდობისა და სტაბილურობის მხარეს და საერთაშორისო საზოგადოებასთან ერთად მოწინაღმდეგე მხარეებს ცეცხლის შეწყვეტისკენ მოუწოდებს.

„ჩვენი რეგიონის უსაფრთხოებისა და ჩვენი ქვეყნის უსაფრთხოების გარემოსთვის ძალიან სახიფათოა კონფლიქტი ჩვენს რეგიონში, ყარაბაღში განვითარებული მოვლენები ჩვენი და საერთაშორისო საზოგადოების შეშფოთებას იწვევს. ცხადია, ჩვენ ყოველთვის ვიყავით მშვიდობის, სტაბილურობის მხარეს და ამ შემთხვევაშიც საერთაშორისო საზოგადოებასთან ერთად, დაპირისპირებულ მხარეებს მოვუწოდებთ, რომ ცეცხლი შეწყვიტონ, მეტი დრო და ენერგია დაუთმონ მშვიდობიან დიალოგს. ცხადია, ჩვენი შესაბამისი სამსახურები ზოგადად პროცესს დააკვირდებიან, მოვლენებს გაანალიზებენ და თუ საჭირო იქნება ჩვენი თანადგომა მშვიდობისთვის და უსაფრთხოებისთვის, ცხადია, ამისთვის მზად ვიქნებით“, – განუცხადა ჟურნალისტებს სესიაშვილმა.

კონფლიქტის მხარეები მოწინააღმდეგის დანაკარგებზე საუბრობენ. ასე, სომხეთში ჩამოგდებულ ვერტმფრენებსა და აფეთქებულ ტანკებზე საუბრობენ, ხოლო აზერბაიჯანში - განადგურებულ საზენიტო კომპლექსებზე.

რუსეთის საგარეო საქმეთა სამინისტრომ სომხეთსა და აზერბაიჯანს მოუწოდა დაუყოვნებლივ შეწყვიტონ ცეცხლი და სიტუაციის სტაბილიზაციის მიზნით მოლაპარაკებები დაიწყონ.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ–დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე. კონფლიქტის მშვიდობიანად მოგვარების მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს - რუსეთი, აშშ და საფრანგეთი. აზერბაიჯანი მოითხოვს საკუთარი ტერიტორიული მთლიანობის შენარჩუნებას, სომხეთი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

126
თემები:
მთიან ყარაბაღში სიტუაცია გამწვავდა
ლაბორატორია

14 მოსწავლის ინფიცირების წყარო რეპეტიტორია: რა ვითარებაა სამეგრელოში

0
(განახლებულია 13:05 28.09.2020)
ინფიცირებულთა შორის არიან ზუგდიდის მუნიციპალიტეტის  სოფელ რუხის, ინგირის, დიდინეძის და ზუგდიდის რამდენინე საჯარო სკოლის მოსწავლეები.

თბილისი, 28 სექტემბერი – Sputnik. რეგიონში გამოვლენილი კორონავირუსის ახალი შემთხვევებიდან 14 საჯარო სკოლის მოსწავლეა, რომელთა ინფიცირების წყარო რეპეტიტორია, განაცხადა სამეგრელო–ზემო სვანეთის სახელმწიფო რწმუნებულის მოვალეობის შემსრულებელმა მალხაზ თორიამ „Sputnik-საქართველოსთან“

რეგიონში გუშინ კორონავირუსზე PCR-ტესტი 200 მოქალაქეს ჩაუტარდა და აქედან დადებითი პასუხი 20 შემთხვევაში დაფიქსირდა.

თორიას განცხადებით, ინფიცირებული არიან ზუგდიდის მუნიციპალიტეტის  სოფელ რუხის, ინგირის, დიდინეძის და ქალაქის რამდენინე საჯარო სკოლის მოსწავლეები. 

ამ დროისთვის  მუნიციპალიტეტის სამივე სკოლა დისტანციურ სწავლებაზე გადავიდა –  მუნიციპალიტეტის სკოლებში ღრმა ეპიდკვლევა მიმდინარეობს.

გარდა ამისა, ახალი შემთხვევებიდან სამი ფოთის მცხოვრებია,  რომელთაც ბათუმში მოგზაურობის ისტორია აქვთ. ინფიცირებულთა შორის ერთი მარტვილიდანაა, ერთი საბერიოს კლასტერს,  ერთი შემთხვევა ე.წ. ოქროს ბირჟის კლასტერს უკავშირდება, ხოლო ერთი პაციენტი უკვე დადასტურებული შემთხვევის კონტაქტია.

 „ზუგდიდში გამოვლენილი 15 შემთხვევიდან 14 არასრულწლოვანია, რომელთა ინფიცირების წყაროც ერთ–ერთი საგნის რეპეტიტორია.  აღნიშნული პედაგოგი ე.წ.  ოქროს ბირჟის კლასტერია. ამ ეტაპზე მიმდინარეობს ახალი შემთხვევების კონტაქტების გამოკვლევა. სულ რეგიონში ინფიცირებულთა რაოდენობა 92-ს შეადგენს“, –  განაცხადა მალხაზ თორიამ.

ამ დროისთვის  რეგიონის მასშტაბით საკარანტინო სივრცეში ჯამში 173 ადამიანი იმყოფება.

რაც შეეხება რუხის მულტიპროფილურ საავადმყოფოს, კლინიკაში კორონავირუსის დიაგნოზით სულ  69  პაციენტი მკურნალობს, მათგან ოთხის მდგომარეობა მძიმეა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია, გამოჯანმრთელდა 2054  ადამიანი, გარდაიცვალა 31 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

ნიკა ლატარია

0
თემები:
COVID-19 საქართველოში