სატელევიზიო კამეტა

Euronews ქართულად მაუწყებლობს საქართველოს პრეზიდენტი ტელეარხს ეწვია

69
(განახლებულია 16:58 17.09.2020)
სალომე ზურაბიშვილმა საფრანგეთის ელჩთან ერთად მონაწილეობა მიიღო ტელეარხის გადაცემაში, რომელსაც Euronews-ის გენერალური დირექტორი მაიკლ პიტერსი უძღვებოდა.

თბილისი, 17 სექტემბერი – Sputnik. საქართველოს პრეზიდენტი სალომე ზურაბიშვილი დიპლომატიური კორპუსის წარმომადგენლებთან ერთად ტელეარხ Euronews Georgia-ს („ევრონიუს ჯორჯია“) ეწვია, რომელიც ცოტა ხნის წინ გაიხსნა.

სალომე ზურაბიშვილი Euronews-ის გენერალურმა დირექტორმა მაიკლ პიტერსმა მიიღო, რომელმაც პრეზიდენტს მადლობა გადაუხადა პროექტ Euronews Georgia-ს სათავეებში დგომისთვის.

„თქვენ ყოველთვის აღნიშნავთ, რომ მხოლოდ იდეა მოგივიდათ, ჩვენ კი დანარჩენი განვახორციელეთ... ჩვენ, როგორც ინვესტორები, ძალიან თბილად მიგვიღეს და რაც განვიხილეთ, ახლა რეალიზების პროცესშია. ჩემი აზრით, პოლიტიკაშიც კი, ილაპარაკო ის, რასაც აკეთებ და გააკეთო ის, რასაც ამბობ – ეს ყველაზე მნიშვნელოვანი და ფასეულია, რაც შეიძლება მივიღოთ ასეთი შესანიშნავი პოლიტიკური მოღვაწისგან, როგორიც თქვენ ხართ“, – მიმართა მაიკლ პიტერსმა სალომე ზურაბიშვილს.

საქართველოს პრეზიდენტმა, თავის მხრივ, Euronews Georgia-ს შემქმნელებს მადლობა გადაუხადა და აღნიშნა, რომ „ეს სასწაულია, რომ ასეთი პროექტი ასეთ უმოკლეს ვადაში, მსოფლიოსთვის, ევროპისა და საქართველოსთვის ასეთ მძიმე პერიოდში განხორციელდა“.

„გმადლობთ, რომ გაიხსენეთ დღე, რომელიც მთელი ცხოვრება მემახსოვრება, რადგან იშვიათად ხდება, რომ იდეა უბრალოდ ფორმას იძენდეს და რეალობად იქცეოდეს. და ის, რომ ეს ასეთ მოკლე დროში მოხდა, ასეთ მძიმე პერიოდში, სასწაულია“, – განაცხადა ზურაბიშვილმა.

პრეზიდენტმა აღნიშნა, რომ „ევრონიუს ჯორჯია“ – ეს ხიდია ევროპასა და საქართველოს შორის.

„ეს ხიდი ჩვენს ქვეყანას ასევე საშუალებას აძლევს, უფრო ცნობილი გახდეს ევროპაში არა მხოლოდ ჩვენი კულტურითა და ტურისტული შესაძლებლობებით, არამედ ამ მაგალითითაც, რომ ჩვენ შეგვიძლია ვიყოთ ადგილი, სადაც ინვესტიციის განხორციელება არა მხოლოდ მარტივი, არამედ შედეგიანიცაა“, – განაცხადა ქვეყნის პრეზიდენტმა.

სალომე ზურაბიშვილმა საფრანგეთის ელჩთან დიეგო კოლასთან ერთად მონაწილეობა მიიღო ტელეარხის გადაცემაში, რომელიც Euronews-ის გენერალურ დირექტორს მაიკლ პიტერსს მიჰყავდა. პროგრამა მიეძღვნა მასმედიის როლს ქვეყანაში დემოკრატიის განვითარებაში.

69
საარჩევნო პლაკატები აღმაშენებლის გამზირზე

შეადარე პარტიები და გააკეთე არჩევანი: ამომრჩევლებისთვის აპლიკაცია ამუშავდა

13
(განახლებულია 19:54 23.09.2020)
სოციალური გამოკითხვებით, საქართველოში ამომრჩევლების დიდ ნაწილს ჯერ არ გადაუწყვეტია, რომელ პარტიას მისცეს ხმა

თბილისი, 23 სექტემბერი — Sputnik. საქართველოში ამუშავდა აპლიკაცია სახელწოდებით „საარჩევნო კომპასი - საქართველო“, რომელიც საპარლამენტო არჩევნების წინ ამომრჩეველს დაეხმარება პარტიების პოზიციები სხვადასხვა საკითხზე შეადაროს.

„წავალ, მაგრამ არ ვიცი, ვის მივცემ ხმას...“: დავუჯეროთ თუ არა გამოკითხვებს არჩევნების წინ >>

აპლიკაციის და ვებგვერდ Partiebi.Ge-ს პრეზენტაცია ოთხშაბათს გაიმართა. ღონისძიებაზე მიწვეული იყო პოლიტიკური პარტიების ლიდერები და საერთაშორისო და ადგილობრივი ორგანიზაციების წარმომადგენლები.

ახალი აპლიკაცია - ეს არის უპარტიო, ელექტრონული ინსტრუმენტი, რომელიც მომხმარებლებს აწვდის ინფორმაციას პოლიტიკური პარტიების პოზიციების შესახებ და ეხმარება ამომრჩეველს გაერკვეს, რომელიც პოლიტიკური პარტიის შეხედულებები არის მისთვის მისაღები.

აპლიკაცია ვებგვერდზე უკვე ხელმისაწვდომია. პროექტი განახორციელეს CRRC Georgia-ს, საქართველოს პოლიტიკის ინსტიტუტის (GIP) და თსუ-ს ეკონომიკის საერთაშორისო სკოლის (ISET) მკვლევარებმა აშშ-ის განვითარების საერთაშორისო სააგენტოს (USAID), გერმანული პოლიტიკური ფონდების და ნიდერლანდების სამეფოს მხარდაჭერით.

რაც შეეხება ვებგვერდ www.partiebi.ge-ს, ეს პროექტი განახორციელა აღმოსავლეთ ევროპული მრავალპარტიული დემოკრატიის ცენტრმა (EECMD), რომელიც 2012 წლიდან აქვეყნებს მნიშვნელოვან პოლიტიკურ, ეკონომიკურ და სოციალურ საკითხებზე საქართველოს პოლიტიკური პარტიების შეხედულებებს. პროექტს აფინანსებს ნიდერლანდების სამეფოს საელჩო საქართველოში.

საქართველოში საპარლამენტო პარტიები 31 ოქტომბერს გაიმართება. ამ დროისათვის არჩევნებისთვის დარეგისტრირებულია 58 პარტია და ორი ბლოკი.

13
თემები:
თანამედროვე ტექნოლოგიები
თინა ბოკუჩავა

საბოტაჟი და რევოლუცია: „ნაცმოძრაობა“ არჩევნების წინ პროვოკაციებზე ალაპარაკდა

31
(განახლებულია 19:22 23.09.2020)
ყოფილი მმართველი პარტია „ერთიანი ნაციონალური მოძრაობა“ გენერალურ პროკურატურაში სარჩელის შეტანას გეგმავს

თბილისი, 23 სექტემბერი — Sputnik. ყოფილი მმართველი პარტია „ერთიანი ნაციონალური მოძრაობის“ წინააღმდეგ საპარლამენტო არჩევნების წინ პროვოკაციებს აწყობენ, განაცხადა პარტიის წევრმა თინათინ ბოკუჩავამ ოთხშაბათს გამართულ ბრიფინგზე.

„ნაციონალურ მოძრაობას“ ქუთაისისთვის საპარლამენტო ქალაქის სტატუსის დაბრუნება სურს >>

ბოკუჩავას თქმით, ვიღაც მამაკაცი ტელეფონით დაუკავშირდა საოლქო კომისიების წევრებს ტყიბულში, ვანში, გორში, შუახევში, საგარეჯოში და გურჯაანში. მამაკაცი გიორგი ნოზაძის სახელით გასცემდა ყალბ ინსტრუქციებს საბოტაჟის, დესტაბილიზაციის და რევოლუციური სცენარის მითითებით.

პარტიაში ამტკიცებენ, რომ ის საქართველოს სახელმწიფო უსაფრთხოების სამსახურის დავალებით მოქმედებდა.

„ჩვენს მიერ გადამოწმდა აღნიშნული ტელეფონის ნომერი და გაირკვა, რომ ეს ტელეფონის ნომერი რეგისტრირებული არ არის ვინმე გიორგი ნოზაძის სახელზე, არამედ რეგისტრირებულია ალუდა ჯანხოთელზე, რომლის იდენტობა არ იძებნება „ცენტრალური საარჩევნო კომისიის“ სიაში... ჩვენ შევიტანთ აღნიშნულ საკითხთან დაკავშირებით სარჩელს პროკურატურაში, რათა გამოიძიონ რეალურად ვინ ატარებს ამ ნომერს, რეალურად ვისი დაკვეთით ხორციელდებოდა ეს ზარები,  სადაც საუბარი იყო რევოლუციურ სცენარზე, საბოტაჟზე და არეულობაზე", - განაცხადა თინა ბოკუჩავამ.

აღნიშნულ განცხადებასთან დაკავშირებით სახელმწიფო უსაფრთხოების სამსახურში ან საგამოძიებო ორგანოებში კომენტარი ჯერჯერობით არ გაკეთებულა.

საპარლამენტო არჩევნები საქართველოში 31 ოქტომბერს გაიმართება.

„ერთიანმა ნაციონალურმა მოძრაობამ“ და გაერთიანებულმა ოპოზიციამ „ძალა ერთობაშია“ სააკაშვილი პრემიერ-მინისტრობის კანდიდატად დაასახელეს. თავად სააკაშვილმა განაცხადა, რომ უკრაინიდან სამშობლოში დაბრუნებას აპირებს.

სააკაშვილი საქართველოში შვიდი წელია არ ყოფილა. აქ ის ოფიციალურად დამნაშავედ არის მიჩნეული და სხვადასხვა სისხლის სამართლის დანაშაულის გამო ექვსი წლით თავისუფლების აღკვეთა აქვს მისჯილი. იუსტიციის მინისტრმა თეა წულუკიანმა არაერთხელ განაცხადა, რომ საქართველოში ჩამოსვლისთანავე მას დააკავებენ და დააპატიმრებენ.

ამჟამად სააკაშვილი უკრაინაში ცხოვრობს, არის ამ ქვეყნის მოქალაქე და უკრაინის რეფორმების აღმასრულებელი კომიტეტის ხელმძღვანელის პოსტი უკავია.

31
თემები:
საქართველოს საპარლამენტო არჩევნები 2020