გაზაფხული თბილისში

რაზე მეტყველებს NDI-ის გამოკითხვა - ქართველ პოლიტიკოსთა შეფასებები

121
(განახლებულია 20:39 14.09.2020)
საქართველოს საპარლამენტო არჩევნებამდე თვენახევარი დარჩა; პარტიები გამალებით ითვლიან პოტენციური ამომრჩევლების ხმებს; ვის რისი იმედი აქვს?

თბილისი, 14 სექტემბერი - Sputnik. აშშ-ის ნაციონალურმა დემოკრატიულმა ინსტიტუტმა (NDI) გამოაქვეყნა გამოკითხვის შედეგები, რომელთა შეფასებაც ქართველმა პოლიტიკოსებმა არ დააყოვნეს. 

მოქალაქეები არჩევნებზე წავლენ, მაგრამ არ იციან, ვის დაუჭერენ მხარს – NDI-ს გამოკითხვა >>

გამოკითხვამ აჩვენა, რომ ქვეყნის მოსახლეობის 88% არჩევნებში მონაწილეობას აპირებს, თუმცა 59%-ს ჯერ არ გადაუწყვეტია, ვის დაუჭერს მხარს. კვლევამ გამოავლინა ასევე, რომ სასურველი კანდიდატის არჩევისას ამომრჩეველი, პირველ რიგში, ყურადღებას მიაქცევს პარტიის ეკონომიკურ პოლიტიკას (36%), ჯანდაცვის პოლიტიკას (12%) და კანონის უზენაესობასთან დაკავშირებულ პოლიტიკას (12%).

ტელეკომპანია „იმედის“ დაკვეთით გამოკითხვის შედეგები გამოაქვეყნა ასევე საზოგადოებრივი აზრისა და მარკეტინგის საერთაშორისო ცენტრმა GORBI-მ და მის რეიტინგში პარტიებს შორის 56%-ით ლიდერობს მმართველი „ქართული ოცნება“.

საქართველოს პარლამენტის თავმჯდომარე არჩილ თალაკვაძის თქმით, უფრო სარწმუნო, საჯარო და ავტორიტეტული კვლევების წყალობით ცნობილია, რომ „ქართული ოცნება“ საქართველოს მოსახლეობის მნიშვნელოვანი მხარდაჭერით სარგებლობს. ასეთი კომენტარი გააკეთა მან NDI-ს გამოკითხვის შედეგებზე საუბრისას, როდესაც ისინი GORBI-ს გამოკითხვის შედეგებს შეადარა.

თალაკვაძის თქმით, ხელისუფლება პატივს სცემს მოქალაქეთა არჩევანს და მზადაა, სამართლიან ბრძოლაში მოიგოს საპარლამენტო არჩევნები.

„ჩვენ ვიცით ძალიან სარწმუნო, საჯარო და ავტორიტეტული კვლევებით, რომ „ქართულ ოცნებას“ აქვს მნიშვნელოვანი მხარდაჭერა. ბოლო კვლევებით, ეს არის 56 პროცენტზე მაღალი. ასევე, დარწმუნებული ვართ, რომ საარჩევნო კამპანიის შედეგად ამ მხარდაჭერას კიდევ უფრო გავზრდით“, - აღნიშნა სპიკერმა.

მისი სიტყვებით, მმართველი გუნდი მზადაა დემოკრატიულ არჩევნებში გასამარჯვებლად.

ოპოზიციური პარტია „გირჩის“ ლიდერი ზურაბ ჯაფარიძე კი ფიქრობს, რომ არჩევნებამდე დარჩენილ დროში ბევრი რამ დამოკიდებულია ოპოზიციაზე, ვინაიდან NDI-ს რესპონდენტების უმრავლესობას ჯერ არ გადაუწყვეტია, ვის დაუჭერს მხარს არჩევნებზე.

„88 პროცენტი აპირებს, რომ წავიდეს არჩევნებზე და აქედან დიდ ნაწილს არ აქვს გადაწყვეტილი, ვის მისცემს ხმას. ეს ნიშნავს, რომ ყველაფერი იქნება დამოკიდებული იმაზე, რა ტიპის კამპანია იქნება დარჩენილი თვენახევრის განმავლობაში. ბევრი რამაა დამოკიდებული ოპოზიციაზე. ოპოზიცია თუ შეძლებს მოსახლეობისთვის იმის გასაგებად ახსნას, რას გავაკეთებთ და როგორ შევცვლით ქვეყანას, როდესაც „ოცნება“ აღარ იქნება ხელისუფლებაში, ჩვენ მოვიგებთ ამ არჩევნებს“, – განაცხადა ჯაფარიძემ.

„ევროპული საქართველოს“ ერთ-ერთმა ლიდერმა გიგა ბოკერიამ NDI-ს გამოკითხვის შედეგებში დაინახა ქართველი ხალხის სწრაფვა ცვლილებებისკენ. როგორც მან აღნიშნა, „ევროპული საქართველო“ ამ მოლოდინს გაამართლებს.

„მთავარი გზავნილი, რაც ამ კვლევაშია, არის დაკვეთა გარდამტეხ პირობებში. საჭიროა, ვითარების შეცვლა. სრულიად საპირისპირო სურათია იმისა, რაც ივანიშვილისგან მოვისმინეთ, რომ ყველაფერი კარგად არის და არაფერი შეიცვლება. ცვლილებებია მოსატანი ქვეყანაში და ამ ცვლილებებს ითხოვს ხალხი. ჩვენ ვაპირებთ, რომ ეს მოლოდინი დავაკმაყოფილოთ ჩვენი ცვლილებების გეგმით“, – განაცხადა ბოკერიამ.

„ერთიანი ნაციონალური მოძრაობის“ წევრის, თინა ბოკუჩავას სიტყვებით, NDI-ს გამოკითხვის შედეგები ცხადყოფენ, რომ მოსახლეობას ეკონომიკური პრობლემები, უმუშევრობა და შიმშილი აწუხებს.

ბოკუჩავა დარწმუნებულია, რომ სწორედ „ნაციონალური მოძრაობა“ შეძლებს ქვეყნის გამოყვანას ამ კრიზისიდან.

„სამწუხაროდ, ისეთ რეალობაში ვცხოვრობთ, სადაც ყოველი მეხუთე ბავშვი შიმშილობს და სადაც ყველაზე მაღალია შიმშილობის ინდექსი რეგიონში. ამიტომ ეს კვლევები გასაკვირი არ არის, მათ შორის ისიც, რომ ადამიანები კონკრეტულ ეკონომიკურ ხედვას ელიან ამა თუ იმ პოლიტიკური პარტიის მხრიდან. დარწმუნებული ვარ, რომ ჩვენი ამომრჩევლის უდიდესი ნაწილი დარწმუნდება იმაში, რომ სწორედ „ნაციონალურ მოძრაობას“ შეუძლია გამოიყვანოს ქვეყანა ამ უკიდურესი კრიზისიდან“, – განაცხადა ბოკუჩავამ.

გამოკითხვა ჩატარდა 2020 წლის 6-დან 11 აგვისტომდე. მკვლევარებმა გამოკითხეს 2000 რესპონდენტი მთელ საქართველოში სატელეფონო ინტერვიუირების წესით. გამოკითხვა ჩატარდა ქართულ, აზერბაიჯანულ, სომხურ და რუსულ ენებზე.

NDI საზოგადოებრივი აზრის კვლევას საქართველოში 2009 წლიდან აწარმოებს. გამოკითხვა მისი დაკვეთით ჩაატარა არასამთავრობო ორგანიზაციამ „კავკასიის კვლევითი რესურსების ცენტრმა (СRRС) დიდი ბრიტანეთის მთავრობის ფინანსური მხარდაჭერით. გამოკითხვის ცდომილება +/- 1,3%-ია.

121
თემები:
საქართველოს პოლიტიკური ცხოვრება (151)
არჩილ თალაკვაძე

თალაკვაძე: არჩევნებზე დავამტკიცებთ, რომ საქართველო დემოკრატიული ფასეულობების ერთგულია

17
(განახლებულია 16:46 18.09.2020)
სწავლებაში, რომელიც ვაზიანის სამხედრო ბაზაზე 7 სექტემბრიდან მიმდინარეობდა, ხუთი ქვეყნის 2,8 ათასი სამხედრო მოსამსახურე მონაწილეობდა

თბილისი, 18 სექტემბერი - Sputnik. 2020 წლის სამართლიან და გამჭვირვალე საპარლამენტო არჩევნებზე კიდევ ერთხელ დავამტკიცებთ, რომ საქართველო ერთგულია დემოკრატიული ფასეულობების და სამართლიანად იმსახურებს ევროპული და ევროატლანტიკური სივრცის ღირსეულ და სრულფასოვან წევრობას, განაცხადა საქართველოს პარლამენტის თავმჯდომარე არჩილ თალაკვაძემ მრავალეროვნული სასარდლო–საშტაბო სწავლების „ღირსეული პარტნიორი 2020“ დასრულების ოფიციალურ ცერემონიაზე. 

თალაკვაძის განცხადებით,  საქართველოს ხელისუფლება მნიშვნელოვანი გამოწვევების წინაშე დგას –  გლობალური პანდემიით დაზარალებული ეკონომიკის აღდგენა,  ახალი სამუშაო ადგილების შექმნა და  მოქალაქეების კეთილდღეობის გაუმჯობესება.

„უსაფრთხოების დაცვით, დემოკრატიის გაძლიერებით და ეკონომიკის განვითარებით ჩვენ ვქმნით ჩვენი ქვეყნისა  და ჩვენი შვილების უკეთეს მომავალს! ეს არ არის მარტივი მისია, მაგრამ ჩვენ ერთად შევძლებთ ამის გაკეთებას“, - განაცხადა პარლამენტის თავმჯდომარემ.

დღეს  სამხედრო ბაზა „ვაზიანის“ ტერიტორიაზე რიგით მეხუთე მრავალეროვნული სასარდლო–საშტაბო სწავლება „ღირსეული პარტნიორის“ (Noble Partner)  საზეიმო დახურვის ცერემონია გაიმართა. სწავლება ნატოს ეგიდით 7 სექტემბერს დაიწყო – საქართველომ აშშ-სა და პარტნიორ ქვეყნებს შორის თავსებადობის სრულყოფაზე იმუშავა.  სწავლებაში ხუთი ქვეყნის 2,8 ათასი სამხედრო მოსამსახურე მონაწილეობდა.

მრავალეროვნული სამხედრო სწავლება „ღირსეული პარტნიორის" იზანია საქართველოს, აშშ-ის და პარტნიორ ქვეყნებს შორის მზადყოფნის და თავსებადობის ამაღლება. ასევე, სტაბილურობის, თავდაცვითი და შეტევით ოპერაციებში უნარ-ჩვევების გაუმჯობესება და შავი ზღვის აუზში უსაფრთხოების გარემოს შექმნაში წვლილის შეტანა.

ნატოსთან ერთობლივი წვრთნები „ღირსეული პარტნიორი“ ბოლოს 2019 წლის 27 ივლისი – 9 აგვისტოს ჩატარდა. რუსეთის საგარეო საქმეთა სამინისტროში არაერთხელ განაცხადეს, რომ მოსკოვი არ ეთანხმება თბილისის პოზიციას იმის თაობაზე, რომ სწავლება შავი ზღვის რეგიონში სტაბილურობას უწყობს ხელს.

17
ნიკა მელია

სიაში არ არის: „ნაციონალური მოძრაობა“ მერაბიშვილზე უარს ამბობს

76
(განახლებულია 16:19 18.09.2020)
ყოფილი მმართველი პარტიის ერთ-ერთმა ლიდერმა განაცხადა, რომ თავს ვერ ხედავს იმ გუნდში, სადაც ვანო მერაბიშვილი იქნება.

თბილისი, 18 სექტემბერი – Sputnik. „ერთიანი ნაციონალური მოძრაობის“ (ენმ) საპარლამენტო არჩევნების პარტიულ სიაში საქართველოს ექს-პრემიერი და შინაგან საქმეთა ყოფილი მინისტრი ვანო მერაბიშვილი არ იქნება, ამის შესახებ „TV პირველის“ ეთერში ენმ-ის ერთ-ერთმა ლიდერმა ნიკა მელიამ განაცხადა.

არც პარლამენტში, არც მთავრობაში – სად მიდის მერაბიშვილი>>

„ნაციონალური მოძრაობის“ ყოფილმა წევრმა საპატიმრო მიმდინარე წლის თებერვალში დატოვა. მან შვიდი წელი მოიხადა თანამდებობრივი დანაშაულებისა და ძალაუფლების გადამეტებისთვის. სააკაშვილის პრეზიდენტობის დროს ის ერთ-ერთ ყველაზე გავლენიან პოლიტიკოსად მიიჩნეოდა. უფრო ადრე მერაბიშვილმა განაცხადა, რომ „ივანიშვილის რეჟიმის“ წინააღმდეგ ბრძოლას აპირებს, მაგრამ პარლამენტსა და მთავრობაში დაბრუნება გამორიცხა.

„ვანო მერაბიშვილი არ იქნება „ნაციონალური მოძრაობის“ პარტიულ სიაში. ვანო მერაბიშვილმა ძალიან ბევრი რამ გააკეთა ამ ქვეყანაში მაშინ, როდესაც აბსოლუტური განუკითხაობა, ყაჩაღებისა და კრიმინალების ბოგინი იყო, ამას ვაფასებ. მაგრამ იმასაც ვაძლევ შეფასებას, რომ ბევრი რამ რბილად, ძალიან რბილად რომ ვთქვათ, იყო ანტიკონსტიტუციური“, – განაცხადა ნიკა მელიამ.

ის მიიჩნევს, რომ მერაბიშვილს შინაგან საქმეთა მინისტრის თანამდებობა სანდრო გირგვლიანის მკვლელობის შემდეგ უნდა დაეტოვებინა (2006 წელს). ეს მკვლელობა დამოუკიდებელი საქართველოს ისტორიაში ყველაზე გახმაურებული და სკანდალური გახდა, რომელშიც მაშინდელი მაღალჩინოსნები, ასევე მერაბიშვილის მეუღლე ფიგურირებდნენ.

გირგვლიანის ოჯახმა და მაშინდელმა ოპოზიციამ ერთხმად განაცხადეს, რომ მკვლელობაში ხელისუფლების მაღალჩინოსნები მონაწილეობდნენ. ისინი არა მხოლოდ შემსრულებლების, არამედ დანაშაულის ორგანიზატორების დასჯას მოითხოვდნენ.

მერაბიშვილი გირგვლიანის საქმეზე: არასწორად მოვიქეცი თანამდებობა რომ არ დავტოვე>>

ხელისუფლების შეცვლის შემდეგ (2012 წელს) პროკურატურამ გირგვლიანის მკვლელობის გამოძიება განაახლა და გამოავლინა საქმის გარემოებები, რომლებიც ოჯახის ვერსიას ადასტურებდა.

„მე პირადად რაც მიმაჩნია მის მთავარ დიდ შეცდომად, როდესაც ბატონი გირგვლიანის ტრაგიკული შემთხვევა მოხდა, მას არანაირი მორალური უფლება არ ჰქონდა, რომ დარჩენილიყო თანამდებობაზე. სამწუხაროდ, ის დარჩა თანამდებობაზე და ხელისუფლებამ ჩათვალა, რომ ხალხმა ეს დაივიწყა. სინამდვილეში ეს დაილექა და, როგორც დემოკრატიულმა ტალღამ, დაარტყა ყველაფერთან ერთად 2012 წელს. მე პირადად ჩემს თავს ვერ ვხედავ იმ გუნდში, სადაც იქნება ვანო მერაბიშვილი“, – განაცხადა მელიამ.

მერაბიშვილი 2013 წლის მაისში დააკავეს.

მას ბრალი წაუყენეს ექვს რეზონანსულ საქმეზე. აქედან ხუთ საქმეზე მან სასჯელი მოიხადა და საერთო ჯამში საპატიმროში ექვსი წელი და ცხრა თვე გაატარა.

ახალი საარჩევნო ბლოკი ძველი სახელწოდებით – ვინ შემოიკრიბა „ნაცმოძრაობამ">>

ვანო მერაბიშვილი გაასამართლეს ღვინის ქარხნის უკანონოდ ჩამორთმევის, 2011 წლის 26 მაისს თბილისში საპროტესტო აქციის დარბევის, 2012 წლის საპარლამენტო არჩევნების წინ ამომრჩეველთა მოსყიდვის, ასევე 2005 წელს სპეცრაზმის თანამშრომლების მიერ პარლამენტის დეპუტატ ვალერი გელაშვილის ცემის გამო და დამნაშავედ ცნეს გირგვლიანის მკვლელობის რეზონანსულ საქმეზე.

76
თემები:
საქართველოს საპარლამენტო არჩევნები 2020
სერგეი ლავროვი

ლავროვი: განცხადებები, რომ Sputnik და RT პროპაგანდის ინსტრუმენტებია, აბსურდულია

0
(განახლებულია 16:58 18.09.2020)
რუსულ მასმედიასთან დაკავშირებული ვითარება დასავლეთში ბოლო წლებში უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა

თბილისი, 18 სექტემბერი – Sputnik. RT და Sputnik უმრავლეს ქვეყნებში დიდი პოპულარობით სარგებლობენ, ამიტომ განცხადებების იმის შესახებ, რომ ეს მედიასაშუალებები პროპაგანდის ინსტრუმენტებია, აბსურდულია, განაცხადა რუსეთის საგარეო საქმეთა მინისტრმა სერგეი ლავროვმა РИА Новости–სთან ინტერვიუში.

მისი თქმით, მოსკოვს მიუღებლად მიაჩნია ევროპაში Sputnik–ისა და RT–ს დისკრიმინაცია.

ჩერიშევა: სანქციები ჟურნალისტების წინააღმდეგ – ეს ცენზურაა>>

„რა თქმა უნდა, ეს პრობლემა განხილული იყო (ფრანგ კოლეგებთან). მიუღებლად მიგვაჩნია, რომ Sputnik–ისა და RT–ს, მათი კორესპონდენტების დისკრიმინაცია მიმდინარეობს ღიად – საფრანგეთშიც, და რაც Sputnik–ს ეხება ბალტიისპირეთის ქვეყნებში, ესეც კარგად ცნობილი ფაქტია. ის, რომ ბოლო წლებში, 2017 წლიდან აკრედიტება ელისეს სასახლეში არა აქვს არც RT–ს, არც Sputnik–ს, ეს, რა თქმა უნდა, სამწუხაროა“, – განაცხადა მინისტრმა.

ლავროვმა აღნიშნა, რომ რუსეთი ამ საკითხებს აყენებს არა მხოლოდ ფრანგების წინაშე და მოითხოვს რუსეთში დარეგისტრირებული მასმედიის საშუალებების დისკრიმინაციის შეწყვეტას.

„ჩვენი ფრანგი კოლეგები აცხადებენ, რომ არ შეცვლიან თავიანთ გადაწყვეტილებას, აკრედიტება არ გაიცემა, რადგან RT და Sputnik, ვციტირებ, „ეს მასმედია არ არის, არამედ პროპაგანდის ინსტრუმენტია“. ვფიქრობ, ამგვარი იარლიყების აბსურდულობაზე კომენტარის გაკეთება არაა საჭირო, რადგან RT–ცა და Sputnik–იც უზარმაზარი პოპულარობით სარგებლობენ უფრო და უფრო მეტ ქვეყანაში, იზრდება აუდიტორია“, – აღნიშნა ლავროვმა.

რუსულ მასმედიასთან დაკავშირებული სიტუაცია დასავლეთში ბოლო წლებში სულ უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა და აღინიშნა, რომ აუცილებელია ამ საშუალებების წინააღმდეგ მოქმედება. რუსეთის პრეზიდენტმა ვლადიმირ პუტინმა ამ რეზოლუციის კომენტარისას Sputnik–ისა და RT–ს ჟურნალისტებს მიულოცა შედეგიანი მუშაობა და აღნიშნა, რომ რეზოლუცია დასავლურ საზოგადოებაში დემოკრატიის შესახებ წარმოდგენის დეგრადაციაზე მეტყველებს, თუმცა, იმედი გამოთქვა, რომ ჯანსაღი აზრი გაიმარჯვებს.

0
თემები:
რუსეთი დღეს