მარიამ ქვრივიშვილი

ხვალიდან ხუთი ქვეყნის მოქალაქეები საქართველოში შემოსვლას კარანტინის გარეშე შეძლებენ

265
(განახლებულია 21:25 14.09.2020)
სხვა ქვეყნებიდან მივლინებით ჩამოსულმა პირებმა ყოველ 72 საათში კორონავირუსზე PCR–ტესტი უნდა გაიკეთონ ან სავალდებულო კარანტინი გაიარონ საკუთარი ხარჯებით.

თბილისი, 14 სექტემბერი – Sputnik. 15 სექტემბრიდან ნაცვალგების ქვეყნების მოქალაქეები საქართველოში შემოსვლას კარანტინის გარეშე შეძლებენ, ამის შესახებ „პირველი არხის“ ეთერში ტურიზმის ეროვნული ადმინისტრაციის უფროსმა, მარიამ ქვრივიშვილმა განაცხადა.

საუბარია გერმანის, საფრანგეთის, ესტონეთის, ლატვიასა და ლიეტუვის მოქალაქეებზე. 

რომელი ქვეყნებიდან გეგმავენ საქართველოში სამუშაოდ ჩამოსვლას? >>

მისი თქმით, ტურისტები საქართველოში შემოსვლას PCR-ტესტის წარდგენის საფუძველზე შეძლებენ.

„საკოორდინაციო საბჭოს გადაწყვეტილებით ხვალიდან კარანტინის ვადა იზღუდება რვა დღემდე, რაც მნიშვნელოვანია ჩვენი ქვეყნის მოქალაქეებისთვის. ჩვენ რა თქმა უნდა გავითვალისწინეთ ეპიდემიოლოგების რეკომენდაცია აღნიშნულთან მიმართებაში. აქვე მოგახსენებთ, რომ ყველა იმ პირთან მიმართებაში, რომელიც ნაცვალგების ქვეყნის მოქალაქეა, ხვალიდან საქართველოში შეძლებენ საზღვრის კვეთას კარანტინის გარეშე, თუ ისინი წარმოადგენენ 72 საათის ვალიდურობის მქონე PCR-ტესტს“, – განაცხადა ქვრივიშვილმა.

საქართველოში საქმიანი ვიზიტის განსახორციელებლად უცხო ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითაც ისინი გეგმავენ ქვეყანაში ჩამოსვლას. საქართველოში მივლინებით ჩამოსულმა პირებმა ყოველ 72 საათში კორონავირუსზე PCR–ტესტი უნდა გაიკეთონ ან სავალდებულო კარანტინი გაიარონ საკუთარი ხარჯებით. ეს პირობა არ ეხება ზემოაღნიშნული ქვეყნების მოქალაქეებს.

მალე საქართველოში ხანგრძლივი ვადით ჩამოსვლას შეძლებენ ის უცხოელი ვიზიტორებიც, რომლებსაც საქართველოდან დისტანციური მუშაობის სურვილი ექნებათ.

საქართველოში გრძელვადიანი პერიოდით ყოფნის მსურველებისთვის უკვე შემუშავდა განაცხადების მიღების ელექტრონული პლატფორმა.

„შედეგებმა მოლოდინს გადააჭარბა" – რამდენ უცხოელს სურს საქართველოდან დისტანციურად მუშაობა >>

გრძელვადიანი პერიოდით ვიზიტორის ქვეყანაში შემოსვლისთვის სავალდებულოა მოგზაურმა შეავსოს სავალდებულო აპლიკაცია და მიიღოს ქვეყნის საზღვრის კვეთისთვის საჭირო წინასწარი დასტური. განცხადებაში პირები წარმოადგენენ პირად ინფორმაციას, ცნობას დამსაქმებლის ან კონტრაქტორის შესახებ, წინასწარ დასტურს სავალდებულო კარანტინის გავლის თაობაზე და ა.შ.

265
თემები:
COVID-19 საქართველოში (1783)
ნინო ბურჯანაძე

ბურჯანაძე: სააკაშვილი საქართველოში არ დაბრუნდება თავის კეთილდღეობას ეჭვქვეშ არ დააყენებს

34
(განახლებულია 13:51 23.09.2020)
საქართველოს ყოფილმა პრეზიდენტმა განაცხადა, რომ დაბრუნებას აპირებს, ხოლო „ერთიანმა ნაციონალურმა მოძრაობამ“, არჩევნებში გამარჯვების შემთხვევაში, პრემიერად მისი კანდიდატურა წამოაყენა

თბილისი, 23 სექტემბერი – Sputnik. საქართველოს პარლამენტის ყოფილი თავმჯდომარე, პარტია „ერთიანი საქართველო – დემოკრატიული მოძრაობის“ ლიდერი ნინო ბურჯანაძე აცხადებს, რომ ყოფილი პრეზიდენტი მიხეილ სააკაშვილი, თავისი დაპირებების მიუხედავად, სამშობლოში არ დაბრუნდება.

„არა, არ დაბრუნდება. ეს ის ადამიანი არ არის, რომელიც თავის კეთილდღეობასა და თავისუფლებას კითხვის ნიშნის ქვეშ დააყენებს. მისი ჩამოსვლის შანსი 1%–ია. ხელისუფლებაში ნამდვილად არ დაბრუნდება. ქართველი ხალხი პარტია „ნაცმოძროაბას“ იმდენი რაოდენობით არ დაუჭერს მხარს, რომ ის პირველ ადგილზე გავიდეს და მთავრობა ჩამოაყალიბოს. კოალიციურ მთავრობაშიც კი არასდროს დავუჭერ მხარს სააკაშვილს", - განაცხადა ბურჯანაძემ РИА Новости–სთან ინტერვიუში.

პოლიტიკოსის თქმით, როდესაც ექს–პრეზიდენტმა 2013 წელს საქართველო დატოვა, ის უღირსად მოიქცა. ამასთან, ბურჯანაძე მიიჩნევს, სააკაშვილი რომ ქართული მართლმსაჯულების წინაშე წამდგარიყო, მას ხელისუფლებაში დაბრუნების შანსი ჰქონდა, რადგან „ხალხი მალე ივიწყებს ყველაფერს“.

„არ უნდა წასულიყო. როდესაც სააკაშვილი და მისი ხელისუფლება თავის დროზე მდევნიდა, როცა აპატიმრებდნენ ჩემს შვილს და როდესაც არავის შეეძლო ჩემთვის უსაფრთხოების გარანტიის მოცემა, როდესაც ყველა, ვინც მიცავდა, მძღოლებიც კი, დააპატიმრეს, მე არ წავსულვარ“, – დასძინა მან.

უფრო ადრე სააკაშვილმა განაცხადა, რომ უკრაინიდან საქართველოში ბრუნდება. მან აღიარა, რომ მისი პრეზიდენტობის დროს ბევრი შეცდომა დაუშვა, თუმცა ახლა საკმარისი გამოცდილება შეიძინა, რომ უფრო ღირსეულად „ემსახუროს თავის ქვეყანას“. საქართველოს ხელისუფლების წარმომადგენლებმა სააკაშვილის განცხადება უარყოფითად შეაფასეს. იუსტიციის მინისტრმა თეა წულუკიანმა პირობა დადო, რომ მას საზღვრის გადმოკვეთისთანავე დააკავებენ.

ინტერვიუს სრული ტექსტი იხილეთ ria.ru–ზე.

34
ცესკო

ცესკომ პარტიული სიების წარდგენის ბოლო ვადა განსაზღვრა

32
(განახლებულია 14:04 23.09.2020)
ცესკოს მიერ დადგენილი ნორმების თანახმად, პარტიულ სიაში 120-დან 200 ადამიანამდე უნდა იყოს, ხოლო სიის ყოველ ოთხეულში ერთი ქალი აუცილებლად უნდა იყოს.

თბილისი, 23 სექტემბერი — Sputnik. საქართველოს ცენტრალურმა საარჩევნო კომისიამ საპარლამენტო არჩევნებში მონაწილე პარტიებისა და ბლოკებისთვის პარტიული სიის წარდგენის წესები განსაზღვრა, რომელიც პარტიებმა 1 ოქტომბრამდე უნდა წარმოადგინონ, ნათქვამია ცესკოს განცხადებაში. 

საქართველოში საპარლამენტო არჩევნები 31 ოქტომბერს არის დანიშნული. არჩევნებში მონაწილეობისთვის 58 პარტია და ორი ბლოკია დარეგისტრირებული.

ცესკოს მიერ დადგენილი ნორმების თანახმად, პარტიულ სიაში 120-დან 200 ადამიანამდე უნდა იყოს. სიის ყოველ ოთხეულში ერთი ქალი აუცილებლად უნდა იყოს.

შესაძლებელია სიაში მაჟორიტარი კანდიდატის შეყვანაც. ასეთ შემთხვევაში პარტიულ სიაში უნდა იყოს მითითებული, რომ კანდიდატი წარდგენილია მაჟორიტარულ საარჩევნო ოლქში. ამასთან, პირს უფლება არ აქვს ერთდროულად ორ პარტიულ სიაში იყოს.

პარტიულ სიას თან უნდა ერთვოდეს შემდეგი დოკუმენტები: თითოეული კანდიდატის მიერ შევსებული და ხელმოწერილი სააღრიცხვო ბარათი, პირადობის მოწმობის ან პასპორტის ფოტოასლი, ფოტოსურათი, ცნობა იმის შესახებ, რომ მას თანამდებობის დაკავების უფლება ჩამორთმეული არ აქვს. 

სიებში ასევე მითითებული უნდა იყოს კანდიდატის სახელი, დაბადების თარიღი, მისამართი, პირადი ნომერი, სამუშაო ადგილი, თანამდებობა, პარტიულობა, ცნობა საქართველოში ბოლო 10 წლის მანძილზე ცხოვრების შესახებ, თანხმობა, რომ იგი მზადაა კენჭი იყაროს კონკრეტული პარტიის ან ბლოკის სახელით.

პარლამენტში სულ 150 ადგილია, აქედან 120 ადგილს დაიკავებენ პარტიებიდან და ბლოკებიდან პროპორციული სისტემით არჩეული კანდიდატები, 30-ს კი ერთმანდატიან საარჩევნო ოლქში გამარჯვებული კანდიდატები.

არჩევნებში გამარჯვების შემდეგ პარლამენტში საქმიანობის დაწყებამდე ერთი კვირის განმავლობაში ყველა კანდიდატი ვალდებულია გაიაროს ნარკოლოგიური შემოწმება.

 

32
თემები:
საქართველოს საპარლამენტო არჩევნები 2020
სტეფანე მღებრიშვილი

„მსოფლიოში ყველაზე ლამაზ ქალთან“- სტეფანე მღებრიშვილი მაკა ასათიანთან ერთად გამოჩნდა

0
(განახლებულია 13:21 23.09.2020)
ცნობილი დიზაინერი მაკა ასათიანი თბილისში სტუმრობისას თინეიჯერობის მეგობრებს შეხვდა. როგორ გამოიყურებიან წლების შემდეგ სტეფანე და მაკა?

მსოფლიოს მუსიკალური ინდუსტრია ცნობილი არტისტების ვიზუალითაა დაინტერესებული. ვარსკვლავების უმეტესობა პლატიკურ ქირურგიას დაუფიქრებლად თანხმდება - შედეგიც სახზეა. სელებრითები ბუნებრივ სილამაზეს ხელოვნურ გარეგნობაში ერთი ხელის მოსმით ცვლიან. თუმცა, ქართველ ვარსკვლავებს შორის გამონაკლისებიც არიან. ერთ-ერთია მაკა ასათიანი - ელეგანტური, მუდამ საუცხოოდ გამოწყობილი, რომელზეც ვერავინ იტყვის, რომ ცნობილი ქალბატონი უკვე ბებიაა. ის, სულ ცოტა ხნის წინ სტეფანე მღბრიშვილთან ერთად ერთ-ერთ საღამოზე გამოჩნდა.

მიუხედავად ცხოვრებისეული ტრაგედიებისა, მაკა ასათიანი შინაგან სილამაზეს არ კარგავს. მის მშვენებას დრო ვერ ცვლის, ვერც განვლილი ცხოვრება და ტკივილი. ცნობილია, რომ მაკა ასათიანს წლების წინ ჯერ მამა – კახი ასათიანი მოუკლეს, მოგვიანებით კი საყვარელი კაცი – ცნობილი კალათბურთელი დუდუ დადიანი. მაკას პირადმა ცხოვრებამ და შინაგანმა სამყარომ დიდი გარდატეხა განიცადა. საზოგადოება მის მუდამ შავ ჩაცმულობას სწორედ ცხოვრებისეულ განვლილ ეტაპებს უკავშირებს.

მაკა ასათიანს მერაბ ჟორდანიასგან ორი ვაჟი – კახი და ლევან ჟორდანიები ჰყავს. მათ სიყვარულზე ქალაქში ლეგენდებს ჰყვებოდნენ, მერაბი მაკას ისეთ სიურპრიზებს უწყობდა, ხალხი გაოგნებით ისმენდა და კითხულობდა, მაგრამ მათი ურთიერთობა ხანმოკლე აღმოჩნდა. მოგვიანებით სილამაზის ეტალონი ცოლად კოტე გოგელიამ მოიყვანა. ცნობილია, რომ კოტე გოგელია რუსეთსა და შვეიცარიაში მოღვაწე ბიზნესმენია. წყვილს ერთი ვაჟი – კოსტა გოგელია შეეძინა.

View this post on Instagram

❤️

A post shared by ქართველი სელებრითები (@georgiancelebritiesofficial) on

მაკა ასათიანის სილამაზე ყველაზე გულგრილი ადამიანების აღტაცებასაც კი იწვევს. მისი შარმი, ჩაცმის ევროპული სტილი, ნატიფი სხეული, გამორჩეული მანერები 90-იანი წლების თბილისის განხილვის მთავარი თემა იყო. მიუხედავად ახლანდელი მშვიდი ცხოვრებისა, მასზე საუბარს არ წყვეტენ.

0
თემები:
სელებრითების ცხოვრება