თბილისი

მოქალაქეები არჩევნებზე წავლენ, მაგრამ არ იციან, ვის დაუჭერენ მხარს NDI-ს გამოკითხვა

186
(განახლებულია 19:32 14.09.2020)
საქართველოში არჩევნების შედეგი დამოკიდებულია იმ მოქალაქეთა არჩევანზე, რომლებსაც ჯერ არ გადაუწყვეტიათ, ვის მისცემენ ხმას.

თბილისი, 14 სექტემბერი – Sputnik. საქართველოს მოქალაქეთა უმრავლესობა საპარლამენტო არჩევნებში მონაწილეობას აპირებს. ასეთია აშშ-ის ნაციონალური დემოკრატიული ინსტიტუტის (NDI) მიერ ჩატარებული საზოგადოებრივი აზრის კვლევის შედეგი.

ეთიკა პოლიტიკოსებისთვის - ცესკომ პარტიებს სპეციალური კოდექსი შეუდგინა>>

გამოკითხვამ აჩვენა, რომ ქვეყნის მოსახლეობის 88% არჩევნებში მონაწილეობას აპირებს, თუმცა 59%-ს ჯერ არ გადაუწყვეტია, ვის დაუჭერს მხარს. კვლევამ გამოავლინა ასევე, რომ სასურველი კანდიდატის არჩევისას ამომრჩეველი, პირველ რიგში, ყურადღებას მიაქცევს პარტიის ეკონომიკურ პოლიტიკას (36%), ჯანდაცვის პოლიტიკას (12%) და კანონის უზენაესობასთან დაკავშირებულ პოლიტიკას (12%).

„მოქალაქეთა მხრიდან ყურადღების გამახვილება ეკონომიკაზე ემთხვევა მოქალაქეთათვის ყველაზე მნიშვნელოვან საკითხთა სიას, რომლის პირველ ადგილებზე უკვე მრავალი წელია დასაქმება (49%), სიღარიბე (39%) და ფასების ზრდა/ინფლაციაა (20%)… ზრდასრული მოსახლეობის მეოთხედი აცხადებს, რომ უმუშევარია, რაც 7%-ით აღემატება ივნისის გამოკითხვის მაჩვენებელს. როგორც ჩანს, ეს კორონავირუსის ეკონომიკური ზემოქმედების შედეგია“, – აღნიშნულია NDI-ს ინფორმაციაში.

გამოკითხვის შედეგების თანახმად, არჩევნებამდე რამდენიმე კვირით ადრე მოსახლეობის უმეტესობა (56%) დარწმუნებულია, რომ საპარლამენტო არჩევნები სამართლიან და თავისუფალ გარემოში ჩატარდება. თუმცა, როგორც NDI-ში აღნიშნავენ, ზოგიერთი საკითხი ჯერ კიდევ იწვევს მოსახლეობის შეშფოთებას.

გამოკითხვის მონაწილეთა მესამედი (30%) მიიჩნევს, რომ მოსახლეობის მოსყიდვა სამართლიანი არჩევნების ჩასატარებლად ყველაზე დიდი გამოწვევაა. შემდეგ ადგილებზეა დარღვევები კენჭისყრის პროცედურაში (15%) და ადმინისტრაციული რესურსის ბოროტად გამოყენება (13%).

„ჩამოუყალიბებელი არჩევანის მქონე მოქალაქეთა ესოდენ დიდი რაოდენობა პარტიებისთვის ერთდროულად არის გამოწვევაც და შესაძლებლობაც. კანდიდატებს მოუწევთ უზარმაზარი ძალისხმევის დახარჯვა, რათა მოქალაქეებს პრობლემების გადაჭრის გზები შესთავაზონ და ამავდროულად მოასწრონ მათი მოტივაციის ამაღლება. ჩვენ უნდა ვივარაუდოთ, რომ ამ გამოკითხვის შედეგები მნიშვნელოვნად იქნება განსხვავებული არჩევნების შედეგებისგან, ვინაიდან არჩევნების ბედი დამოკიდებული იქნება ამომრჩეველზე, რომელსაც ჯერ არა აქვს მიღებული გადაწყვეტილება“, – განაცხადა NDI-ს ქართული ოფისის დირექტორმა ალან გილამმა.

Survation: „ქართული ოცნება“ წინასაარჩევნო რეიტინგის ლიდერია>>

საით მივდივართ

გამოკითხვის მონაცემებით, რესპონდენტების 39% ფიქრობს, რომ ქვეყანა სწორი მიმართულებით ვითარდება, 32% საპირისპიროშია დარწმუნებული. ხოლო საქართველოს ყოველი მეხუთე მოქალაქე მიიჩნევს, რომ საქართველო საერთოდ არ იცვლება. რაც შეეხება დემოკრატიას, გამოკითხულთა თითქმის ნახევარი ფიქრობს, რომ ქვეყანაში დემოკრატია არის, 37% კი საპირისპირო აზრისაა. კითხვაზე პასუხი არ აქვს გამოკითხულთა 14%-ს .

გამოკითხვა ჩატარდა 2020 წლის 6-დან 11 აგვისტომდე. მკვლევარებმა გამოკითხეს 2000 რესპონდენტი მთელ საქართველოში სატელეფონო ინტერვიუირების წესით. გამოკითხვა ჩატარდა ქართულ, აზერბაიჯანულ, სომხურ და რუსულ ენებზე.

NDI საზოგადოებრივი აზრის კვლევას საქართველოში 2009 წლიდან აწარმოებს. გამოკითხვა მისი დაკვეთით ჩაატარა არასამთავრობო ორგანიზაცია „კავკასიის კვლევითი რესურსების ცენტრმა“ (СRRС) დიდი ბრიტანეთის მთავრობის ფინანსური მხარდაჭერით. გამოკითხვის ცდომილება +/- 1,3%-ია.

თუმცა არაერთი პოლიტოლოგი და ხელისუფლების წარმომადგენელი მსგავსი კვლევების შედეგებს სკეპტიკურად უყურებს.

პარტიების რეიტინგი

მალე NDI გამოაქვეყნებს პარტიების რეიტინგს, რომელიც არაერთგვაროვან შეფასებას იწვევს ხოლმე.

კახა კალაძე: NDI-ს კვლევაში ბევრი უზუსტობაა>>

ამასთან, სხვადასხვა კვლევითმა ორგანიზაციამ უკვე წარმოადგინა ხუთი კვლევის შედეგები, რომელთა თანახმად, მმართველი პარტია „ქართული ოცნება - დემოკრატიული საქართველო“ პირველ ადგილზეა, მას მოსდევს „ერთიანი ნაციონალური მოძრაობა“.

186
თემები:
საქართველოს საპარლამენტო არჩევნები 2020 (152)
ნინო ლომჯარია

სახალხო დამცველი ყურადღებით აკვირდება საარჩევნო გარემოს საქართველოში

51
(განახლებულია 23:03 24.09.2020)
გასული წლების პრაქტიკა აჩვენებს, რომ თითქმის არავინ არ აგებს პასუხს წინასაარჩევნო პერიოდში ჩადენილი ძალადობისა და მოსყიდვის ფაქტების გამო, განაცხადა სახალხო დამცველმა

თბილისი, 24 სექტემბერი – Sputnik. ომბუდსმენის ოფისი წინა წლების მსგავსად აკვირდება წინასაარჩევნო გარემოს და თითოეულ ძალადობრივ ფაქტთან დაკავშირებით რეაგირებას ახდენს, განუცხადა ჟურნალისტებს სახალხო დამცველმა ნინო ლომჯარიამ.

საქართველოში საპარლამენტო არჩევნები 31 ოქტომბერს არის დანიშნული. პარალელურად ამავე დღეს აჭარის უმაღლესი საბჭოს და რამდენიმე მუნიციპალიტეტში მერებისა და საკრებულოს დეპუტატების არჩევნები ჩატარდება. 

ომბუდსმენის თქმით, პოლიტიკურ ოპონენტებს შორის უკვე დაფიქსირდა ფიზიკური ანგარიშსწორების ფაქტები.

„ასევე ისმის ინფორმაცია პირადი ცხოვრების გამოყენების შესახებ პირების დაშინების თაობაზე, ამ საკითხებშიც ჩართულები ვართ. შესაბამის უწყებებს მივმართავთ და მოვიძიებთ ინფორმაციებს, რამდენად სწორად, ობიექტურად და დროულად ხდება ამ დანაშაულების გამოძიება“, - განაცხადა ლომჯარიამ.

მან მწუხარება გამოთქვა იმის გამო, რომ წინა წლების პრაქტიკა აჩვენებს, რომ წინასაარჩევნო პერიოდში ძალადობის, მოსყიდვის და სხვა დანაშაულებრივი ფაქტების ჩადენისთვის პრაქტიკულად არავინ არ აგებს პასუხს და დღემდე არ არსებობს დაზარალებული თუ ბრალდებული პირები აღნიშნულ საქმეებში.

სახალხო დამცველმა განაცხადა, რომ მედია ვალდებულია მოვლენების გაშუქებისას იყოს ობიექტური და არ იყენებდეს სიძულვილის ენას.

„წინასაარჩევნო პერიოდში მედიის მონიტორინგს იმედია, განახორციელებენ ეუთო/ოდირი, თუ სხვა სადამკვირვებლო ორგანიზაციები. ჩვენი მოწოდება იქნება, მაქსიმალურად გაკონტროლდეს, რომ არ იქნეს გამოყენებული სიძულვილის ენა. რა თქმა უნდა, მედია ვერ აიღებს ყველაფერზე პასუხისმგებლობას, მაგრამ ვფიქრობ, მედიასაც მნიშვნელოვანი როლის შესრულება შეუძლია მსგავსი ფაქტების გაშუქებისას“, – განაცხადა ლომჯარიამ.

როგორც ომბუდსმენმა აღნიშნა, დაუშვებელია ქსენოფობიური და ჰომოფობიური გამონათქვამების გამოყენება და ძალადობის ფაქტების წახალისება.

51
თემები:
საქართველოს საპარლამენტო არჩევნები 2020 (152)
 აზერბაიჯანის საგარეო საქმეთა მინისტრი ჯეიჰუნ ბაირამოვი შეხვედრებზე საქართველოში

რა განიხილეს საქართველოს პრეზიდენტმა და აზერბაიჯანის საგარეო საქმეთა მინისტრმა

61
(განახლებულია 01:13 25.09.2020)
აზერბაიჯანის საგარეო საქმეთა მინისტრისთვის საქართველოს პრეზიდენტთან შეხვედრა თბილისში პროტოკოლით გათვალისწინებული ბოლო შეხვედრა იყო

თბილისი, 24 სექტემბერი – Sputnik. საქართველოსა და აზერბაიჯანის საზღვრის დელიმიტაციის პროცესი მთავარი განსახილველი თემა იყო შეხვედრაზე, რომელიც თბილისში საქართველოს პრეზიდენტ სალომე ზურაბიშვილსა და აზერბაიჯანის საგარეო საქმეთა მინისტრ ჯეიჰუნ ბაირამოვს შორის გაიმართა, ნათქვამია სახელმწიფოს მეთაურის ვებგვერდზე გავრცელებულ განცხადებაში.

საქართველოსა და აზერბაიჯანის საზღვრის საკითხი კვლავ სადავოა დავით-გარეჯის სამონასტრო კომპლექსთან არსებული მონაკვეთის გამო.

„საზღვრის დელიმიტაციის პროცესის დროულად დასრულება ორმხრივ სტრატეგიულ ინტერესს წარმოადგენს“, - განაცხადა სალომე ზურაბიშვილმა შეხვედრაზე.

მან აღნიშნა, რომ დემარკაციის პროცესის დასრულების შესახებ შეთანხმება მიღწეულია აზერბაიჯანის პრეზიდენტთან ბაქოში გამართულ შეხვედრაზე, რომელიც გასულ წელს გაიმართა.

მხარეებმა ასევე განიხილეს სიტუაცია მთიანი ყარაბაღის ირგვლივ, რასთან დაკავშირებით ზურაბიშვილმა განაცხადა, რომ საქართველო მზადაა, მხარეების სურვილის შემთხვევაში, გახდეს პლატფორმა, რომელიც ხელი შეუწყოს რეგიონში მშვიდობასა და სტაბილურობას.

განხილვის კიდევ ერთი თემა გახდა ქართულ-აზერბაიჯანული ურთიერთობები და მათი გაღრმავების პერსპექტივები.

შეხვედრის ბოლოს ზურაბიშვილმა აზერბაიჯანის პრეზიდენტი ილჰამ ალიევი საქართველოში ვიზიტით მოიწვია.

აზერბაიჯანის საგარეო საქმეთა მინისტრისთვის საქართველოს პრეზიდენტთან შეხვედრა თბილისში პროტოკოლით გათვალისწინებული ბოლო შეხვედრა იყო. მანამდე ის შეხვდა თავის ქართველ კოლეგას, პრემიერ-მინისტრს და ქვეყნის პარლამენტის დეპუტატებს.

61
თემები:
საქართველოს საგარეო პოლიტიკა
თეთრ და მუქნაჭუჭიანი კვერცხები კალათში

ფერმერი საგონებელშია: ქათამმა უცნაური კვერცხი დადო - ვრცელდება ვიდეო

0
(განახლებულია 10:13 25.09.2020)
ფერმერ ქალს წარმოდგენა არ აქვს, რას შეიძლებოდა მოეხდინა გავლენა კვერცხის უცნაურ შეფერილობაზე, ვინაიდან ყველა ქათამს ერთნაირად კვებავდა

თბილისი, 25 სექტემბერი — Sputnik. ჩინეთის პროვინცია ცზიანსუს ფერმაში ქათამმა მწვანე კვერცხი დადო და ფერმერი საგონებელში ჩააგდო, წერს გამოცემა Daily Star-ი.

მეურნეობის მეპატრონე გაო გაოცებული დარჩა, როდესაც მისმა ქათამმა მწვანე ლაქებიანი კვერცხი დადო. ჩინელმა ქალბატონმა თქვა, რომ წარმოდგენა არ აქვს, კონკრეტულად თუ  რას შეეძლო კვერცხის შეფერილობაზე გავლენის მოხდენა.

„ეს კვერცხი იგივე ზომისაა, როგორიც სხვები, მაგრამ მწვანე ხალებითაა დაფარული. ჩემს ეზოში შვიდი ქათამი და ერთი მამალია. მე მათ ერთნაირად ვაჭმევდი: სიმინდს, ბოსტნეულსა და სხვა მწვანილეულს“, — განმარტა მან.

სუციანის მეცხოველეობისა და ვეტერინარული სადგურის უფროსმა ვეტერინარმა ჩჟან ვენჩენმა თქვა, რომ კვერცხმა შეიძლება გარეგანი ზემოქმედება ჯერ კიდევ ქათმის შიგნით განიცადა. მან დიასახლისს ურჩია, რომ უცნაური კვერცხი არ ეჭამათ.

0
თემები:
მსოფლიო დღეს