ნინო ბურჯანაძე

არჩევნები და კორონავირუსი: ბურჯანაძე ოპოზიციას დაფიქრებისკენ მოუწოდებს

99
(განახლებულია 19:16 11.09.2020)
პარლამენტის ექს-სპიკერმა განაცხადა, რომ ახალი შეზღუდვების გამო მის პარტიას სრულფასოვანი წინასაარჩევნო კამპანიის ჩატარება არ შეუძლია.

თბილისი, 11 სექტემბერი – Sputnik. თუ ეპიდემიური ვითარება საქართველოში გაუარესდება, საპარლამენტო არჩევნების გადადებაზე სერიოზული დაფიქრებაა საჭირო, განაცხადა პარტია „ერთიანი საქართველო – დემოკრატიული მოძრაობის“ ლიდერმა ნინო ბურჯანაძემ „პალიტრანიუსის“ ეთერში.

გახარია: შეზღუდვები საარჩევნო კამპანიას არ ეხება>>

როგორც ბურჯანაძემ აღნიშნა, ასეთ ვითარებაში არჩევნების გადატანა ლეგიტიმური მოთხოვნა იქნება, რადგან დაწესებული შეზღუდვების გამო წინასაარჩევნო კამპანიის წარმოება გართულებულია.

„ვფიქრობ, ოპოზიცია უნდა შევიკრიბოთ და ძალიან სერიოზულად ვიფიქროთ. ხელისუფლებას ახლა აწყობს არჩევნები, ამიტომ შეეცდება სხვადასხვა მექანიზმებით არჩევნები არ გადადოს. ოპოზიციას იმედი გვქონდა, რომ პანდემია არ გამწვავდებოდა. მიუხედავად იმისა, რომ დაინტერესებული ვართ არჩევნები ჩატარდეს კონსტიტუციურ ვადაში და ქვეყანამ დაიწყოს კრიზისიდან გამოსვლა, ვხედავ, რომ, მაგალითად, ბათუმი და აჭარა მნიშვნელოვანწილად დაკეტილია, სადაც მე და ჩემს პარტიას გვყავს ძალიან სერიოზული მხარდამჭერები. ჩემი მცირე სამშობლო, ლეჩხუმი ჩაკეტილია, ოთხ სოფელში კორონავირუსზე ტესტები ტარდება“, – განაცხადა ბურჯანაძემ.

პოლიტიკოსმა აღნიშნა, რომ პანდემიის პირობებში ოპოზიციური პარტიები მოკლებული იქნებიან ადამიანებთან ცოცხალ კონტაქტს, ამ დროს კი მმართველ პარტიას ადმინისტრაციული რესურსები გააჩნია – პოლიცია, სახელმწიფო უსაფრთხოების სამსახური, გამგეობები, და თავიანთ ქვეშევრდომებს ბრძანებებს აძლევენ „პირდაპირ, ვერტიკალით “.

„ჯერ ვერ გეტყვით, ამავე აზრზე არიან თუ არა სხვა ოპოზიციური პარტიები, ამ ორი-სამი დღის განმავლობაში მხოლოდ ფრაგმენტული საუბრები მქონდა. ჩვენ გვაქვს საერთო ოპოზიციური ჩატი და ამ ჩატში დავიწყებთ თემის განხილვას. არ გამოვრიცხავ, ამას საგანგებო შეხვედრაც მივუძღვნათ“, – განაცხადა ბურჯანაძემ.

კითხვაზე, თუ რა ვადით უნდა გადაიდოს არჩევნები, ბურჯანაძემ უპასუხა, რომ ეს კორონავირუსზეა დამოკიდებული.

საქართველოში საპარლამენტო არჩევნები 31 ოქტომბერს არის დანიშნული. მაგრამ ბოლო დღეებში საქართველოში ერთმანეთის მიყოლებით ინფიცირებულების რაოდენობის მხრივ ანტირეკორდები მყარდება. ბოლო 24 საათში 87 ახალი შემთხვევა გამოვლინდა.

საქართველოს მთავრობა პრემიერ გიორგი გახარიას მეთაურობით მოქალაქეებსა და საერთაშორისო დამკვირვებლებს არწმუნებენ, რომ ქვეყანაში დაწესებული შეზღუდვები და ინფიცირებულთა რაოდენობის ზრდა არ აისახება წინასაარჩევნო გარემოზე და არჩევნები დათქმულ ვადაში გაიმართება.

99
თემები:
საქართველოს საპარლამენტო არჩევნები 2020 (148)
აზერბაიჯანის საგარეო საქმეთა მინისტრი ჯეიჰუნ ბაირამოვი

აზერბაიჯანის საგარეო საქმეთა მინისტრი საქართველოს ოფიციალური ვიზიტით ეწვევა

48
ვიზიტის ფარგლებში აზერბაიჯანის საგარეო საქმეთა მინისტრი საქართველოს პირველ პირებსა და რამდენიმე მინისტრს შეხვდება

თბილისი, 23 სექტემბერი - Sputnik. ხუთშაბათს საქართველოს ოფიციალური ვიზიტით აზერბაიჯანის საგარეო საქმეთა მინისტრი ჯეიჰუნ ბაირამოვი ეწვევა, იუწყება პირველი არხი საქართველოს საგარეო საქმეთა სამინისტროზე დაყრდნობით.

ვიზიტის ფარგლებში აზერბაიჯანის საგარეო საქმეთა მინისტრი შეხვდება საქართველოს პრეზიდენტ სალომე ზურაბიშვილს, პრემიერ-მინისტრ გიორგი გახარიას და საგარეო საქმეთა მინისტრ დავით ზალკალიანს.

ვიზიტის ფარგლებში ბაირამოვი შეხვდება ასევე საქართველოს ეკონომიკის მინისტრ ნათია თურნავას, პარლამენტის ვიცესპიკერ კახა კუჭავას და პარლამენტის დეპუტატებს.

საქართველო და აზერბაიჯანი არიან სტრატეგიული პარტნიორები, რომლებიც აქტიურად თანამშრომლობენ ორმხრივ ფორმატშიც და საერთაშორისო პროექტების ფარგლებშიც. ქვეყნები მონაწილეობენ მთელი რეგიონისთვის სტრატეგიული მნიშვნელობის პროექტებში, როგორებიცაა ბაქო-თბილისი-ყარსის რკინიგზა, ბაქო-თბილისი-ჯეიჰანის ნავთობსადენი და სამხრეთის გაზის დერეფანი.

დიპლომატიური ურთიერთობა ორ ქვეყანას შორის 1992 წლის 18 ნოემბერს დამყარდა.

ყოველწლიურად ვითარდება სავაჭრო, ეკონომიკური და პოლიტიკური ურთიერთობები. საქართველოს წლიდან წლამდე სულ უფრო მეტი აზერბაიჯანელი ტურისტი სტუმრობს.

48
თემები:
საქართველოს საგარეო პოლიტიკა
აზერბაიჯანის ახალმა ელჩმა დავით ზალკალიანს რწმუნებათა სიგელის ასლი გადასცა

აზერბაიჯანის ახალმა ელჩმა დავით ზალკალიანს რწმუნებათა სიგელების ასლი გადასცა

51
(განახლებულია 22:51 23.09.2020)
სიგელების ასლების გადაცემის ცერემონია კორონავირუსის გამო უსაფრთხოების ყველა ზომის დაცვით ჩატარდა - ელჩიც და მინისტრიც პირბადეებით იყვნენ

თბილისი, 23 სექტემბერი - Sputnik. აზერბაიჯანის ახალმა საგანგებო და სრულუფლებიანმა ელჩმა საქართველოში ფაიგ გულიევმა საქართველოს საგარეო საქმეთა მინისტრ დავით ზალკალიანს რწმუნებათა სიგელების ასლები გადასცა, იუწყება საქართველოს საგარეო საქმეთა სამინისტროს პრესსამსახური.

როგორც განცხადებაშია აღნიშნული, სიგელების ასლების გადაცემის ცერემონიის დასრულების შემდეგ მინისტრმა აზერბაიჯანის ელჩს საქართველოში დიპლომატიური მისიის დაწყება მიულოცა, მომავალ საქმიანობაში წარმატება უსურვა და იმედი გამოთქვა, რომ ორ ქვეყანას შორის არსებული მაღალი დონის სტრატეგიული და მეგობრული ურთიერთობები კიდევ უფრო გაღრმავდება.

შეხვედრის დროს მხარეებმა ასევე განიხილეს ორ ქვეყნას შორის თანამშრომლობის პერსპექტივები და მიმართულებები.

აზერბაიჯანის პრეზიდენტმა ილჰამ ალიევმა ფაიგ მაგბეტოღლუ გულიევის საგანგებო და სრულუფლებიან ელჩად დანიშვნის ბრძანებას 17 აგვისტოს მოაწერა ხელი. გულიევმა პოსტზე დურსუნ ჰასანოვი შეცვალა.

51
თემები:
საქართველოს საგარეო პოლიტიკა
ნახევარმთვარე

მთვარის კალენდარი: 24 სექტემბერი რისი გაკეთება შეიძლება და რისი არა

0
(განახლებულია 12:24 22.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 სექტემბერი, ხუთშაბათი. ამ დღეს იუპიტერი მართავს. მზარდი მთვარე თხის რქის ნიშანშია.

თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები. ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

რეკომენდებულია მოლაპარაკებების წარმოება, ხელმძღვანელების მხრიდან თანამშრომლებისთვის მადლობის გადახდა, წახალისება, ხოლო ქვეშევრდომებს შეუძლიათ მიმართონ თხოვნით ხელმძღვანელობას, ხელოვნების სფეროს წარმომადგენლების მხარდაჭერა, ახალი პარტნიორების ძებნა, უფრო ინდივიდუალურად მუშაობა, ვიდრე გუნდურად.

არარეკომენდებულია გაძლიერებული მუშაობა, რომელსაც ჯანმრთელობისთვის ზიანის მიყენება შეუძლია.

არცთუ ხელსაყრელი დღეა მგზავრობისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

0