ლევან ვარშალომიძე

ძველი კადრები ბრუნდებიან - აჭარის ექს-ლიდერი წინასაარჩევნო რბოლაში ერთვება

84
ლევან ვარშალომიძე კვლავ ცდის ბედს და ერთიანი ნაციონალური მოძრაობიდან ბათუმში მაჟორიტარ კანდიდატად იყრის კენჭს

თბილისი, 10 სექტემბერი — Sputnik. აჭარის მთავრობის ყოფილი თავმჯდომარემ და ექს-პრეზიდენტ სააკაშვილის თანამოაზრემ, ლევან ვარშალომიძემ ხუთშაბათს კარანტინი დაასრულა, რომლის გავლა მას კიევიდან ბათუმში ჩასვლისას მოუწია, იუწყება აჭარის ტელევიზია.

სააკაშვილი რუსეთთან კონფრონტაციაში შესვლას არ გეგმავს >>

ბათუმში სასტუმრო „ინტურისტ პალასთან“ მას მისი თანაპარტიელები დახვდნენ.

ჟურნალისტებთან საუბარში ვარშალომიძემ, რომელიც უკრაინიდან 30 აგვისტოს დაბრუნდა, აღნიშნა, რომ თავისი პარტია „ერთიანი ნაციონალური მოძრაობის“ საარჩევნო კამპანიაში აქტიურად ჩაერთვება.

„მე ბათუმში დავბრუნდი გამარჯვებისთვის. ჩვენს ბათუმს და ზოგადად აჭარის რეგიონს უდიდესი პოტენციალი აქვს. სამწუხაროდ, მოქმედმა ხელისუფლებამ ყველაფერი დააპაუზა, დააკონსერვა და გააჩერა, ასე გაგრძელება არ შეიძლება. ბათუმი ეკუთვნის ყველას, ამიტომ დავივიწყოთ წყენა და დღეიდან, ხელს ვუწვდი ყველას თანამშრომლობისთვის და მეგობრობისთვის, რომ ერთად გავაგრძელოთ ბათუმის  და ჩვენი ქვეყნის მშენებლობა,“ - განაცხადა ლევან ვარშალომიძემ.

ლევან ვარშალომიძე „ერთიანი ნაციონალური მოძრაობიდან“ ბათუმში მაჟორიტარ კანდიდატად იყრის კენჭს. ის აჭარის მთავრობის თავმჯდომარის პოსტს 2004 წლიდან 2012 წლამდე იკავებდა. ხელისუფლების შეცვლის შემდეგ მიხეილ სააკაშვილის მსგავსად გადაინაცვლა უკრაინაში. 2020 წლის მარტში ვარშალომიძე უკრაინის ეროვნული საინვესტიციო საბჭოს მდივნად დანიშნეს.

„თუ ვინმეს ეგონა, რომ უკრაინაში მაღალი პოზიციის გამო საქართველოს ბედზე ხელს ჩავიქნევდი და ამ საბედისწერო მომენტში პირად კომფორტს ვამჯობინებდი, ძალიან შეცდა”, – განაცხადა ვარშალომიძემ.

ის გახდა პირველი „დევნილი“ პოლიტიკოსი და ექს-პრეზიდენტის თანამოაზრე, რომელმაც უკრაინიდან სამშობლოში დასაბრუნებელი გზა გაიკვალა. მის მერე საქართველოში შეიძლება გამოჩნდეს კიდევ ერთი კადრი წარსულიდან - ეკონომიკის ექს-მინისტრი ვერა ქობალია. სააკაშვილმა რამდენიმე დღის წინ Facebook-ზე მასთან ერთად გადაღებული ფოტო განათავსა და დაწერა, რომ თავის მთავრობაში მას ერთ-ერთ ყველაზე წარმატებულ მინისტრად მიიჩნევდა. მან ასევე იმედი გამოთქვა, რომ ქობალია მალე დაბრუნდება საქართველოში, როგორც „სხვა წარმატებული ქართველები“.

„ქართულმა ოცნებამ“ პრემიერ-მინისტრობის კანდიდატად გიორგი გახარია დაასახელა >>

გამოდის, რომ ექს-პრეზიდენტი ასრულებს თავის დაპირებას საქართველოში დაბრუნების შესახებ, მაგრამ, როგორც ჩანს, მიხეილ სააკაშვილი ნაწილ-ნაწილ, თავისი თანამოაზრეების სახით ბრუნდება. მომავალი აჩვენებს, როდის გადმოკვეთს ის საზღვარს პირადად როგორც პრემიერ-მინისტრობის კანდიდატი თავისი პარტიიდან „ერთიანი ნაციონალური მოძრაობა“.

84
თემები:
საქართველოს პოლიტიკური ცხოვრება (152)
საქართველოს დროშა

„ქართულ ოცნებას“ ამომრჩევლის 25% უჭერს მხარს პარტიების ახალი რეიტინგი

64
(განახლებულია 11:46 21.09.2020)
საარჩევნოდ ოპოზიცია თუ არ გაერთიანდება, არჩევნების ლიდერი მმართველი პარტია „ქართული ოცნება“ იქნება.

თბილისი, 21 სექტემბერი  — Sputnik. საპარლამენტო არჩევნებში მმართველმა პარტიამ შეიძლება ოპოზიციური პარტიების გაერთიანება უკან ჩამოიტოვოს, ასეთია  ოპოზიციური ტელეკომპანია „მთავარი არხის“ დაკვეთით ფრანგული კომპანია IPSOS–ის მიერ ჩატარებული კვლევის შედეგები.

კვლევა 2020 წლის 10-18 სექტემბრის პერიოდში ჩატარდა. საქართველოს მასშტაბით სულ 1500 რესპონდენტი გამოიკითხა, ცდომილება შეადგენს +/–2,5%-ს.

კითხვაზე, რომელ პარტიას მისცემდით ხმას, მომდევნო კვირას რომ საპარლამენტო არჩევნები გაიმართოს, პასუხები ასე ნაწილდება. 

პარტია რესპონდენტების წილი
"ქართული ოცნება"  25%
"ერთიანი ნაციონალური მოძრაობა" და გაერთიანებული ოპოზიცია "ძალა ერთობაშია" 15,5

"ევროპული საქართველო" 

5%
"სტრატეგია აღმაშენებელი"  3%
"ლეიბორისტული პარტია" 3%
"პატრიოტთა ალიანსი" 3%
"გირჩი" 2,5%
"ერთიანი საქართველო - დემოკრატიული მოძრაობა" (ნინო ბურჯანაძე) 2,5%
"ლელო" 2%
"მოქალაქეები" (ალეკო ელისაშვილი" 1,5%
"თავისუფალი საქართველო" 1%
სხვა პარტიები 3%
არ ვიცი 19%
უარი თქვეს პასუხზე 14%

რაც შეეხება ალოკაციით მიღებულ შედეგებს, კვლევის მიხედვით იგივე კითხვაზე ხმები ასე გადანაწილდა:

ალოკაცია არის რესპონდენტების ხმის დათვლის ისეთი მეთოდი, როდესაც რესპონდენტი ღიად არ ასახელებს ფავორიტ პარტიას, თუმცა, დამატებითი კითხვების ანალიზის საფუძველზე ამალიტიკოსები მაინც ხვდებიან, ვისთვის აპირებს ის ხმის მიცემას: 

პარტია რესპონდენტების წილი
"ქართული ოცნება" -  38%
"ერთიანი ნაციონალური მოძრაობა" და ოპოზიციური გაერთიანება "ძალა ერთობაშია" 26%
"ევროპული საქართველო" 9%
"სტრატეგია აღმაშენებელი" 5%
"ლეიბორისტული პარტია" 4%
"პატრიოტთა ალიანსი" 4%
"გირჩი" 3%
"ერთიანი საქართველო - დემოკრატიული მოძრაობა" (ნინო ბურჯანაძე) 3%
"ლელო" 3%
"მოქალაქეები" (ალეკო ელისაშვილი) 2%
"თავისუფალი საქართველო" 1%
სხვა პარტიები 2%

საქართველოში საპარლამენტო არჩევნები 31 ოქტომბერს გაიმართება. ქვეყნის მოქალაქეები 150 დეპუტატს აირჩევენ: 120-ს პარტიული სიებით, ხოლო 30-ს ერთმანდატიან საარჩევნო ოლქებში კენჭისყრის შედეგებით. პარტიებისთვის გამსვლელი ბარიერი 1%-ს შეადგენს. ხმის მიცემის უფლება აქვს საქართველოს 3 501 931 მოქალაქეს როგორც ქვეყანაში, ისე მის საზღვრებს გარეთ.

64
თემები:
საქართველოს საპარლამენტო არჩევნები 2020
ვილნიუსი

დღეიდან საქართველოდან ლიეტუვაში ჩასულ მგზავრებს სავალდებულო თვითიზოლაციის გავლა მოუწევთ

63
(განახლებულია 16:12 21.09.2020)
საქართველოდან ჩასული მგზავრებისთვის 10-დღიანი თვითიზოლაციის ვალდებულება 19 სექტემბერიდან უკვე დააწესა ლატვიამ.

თბილისი, 21 სექტემბერი — Sputnik. საქართველოდან ლიეტუვაში ჩასული ნებისმიერი პირი დაექვემდებარება სავალდებულო 14-დღიან თვითიზოლაციას, იუწყება ლიეტუვაში საქართველოს საელჩო.

საელჩოს ცნობით, ლიეტუვის მთავრობის მიერ მიღებული გადაწყვეტილება ძალაში დღეიდან შევიდა.

გავრცელებული ინფორმაციით, საქართველოს მოქალაქეები ვალდებული არიან ლიეტუვის საზღვარზე წარადგინონ ბოლო 72 საათის განმავლობაში კორონავირუსზე ჩატარებული ტესტის პასუხი. 

ამასთან, ყველა მგზავრი ვალდებულია შეავსოს ლიეტუვის ეროვნული ჯანმრთელობის ცენტრის ვებ-გვერდზე განთავსებული სპეციალური ელექტრონული ანკეტა (https://keleiviams.nvsc.lt/en/form) და მიღებული დასტური, ე.წ. QR კოდი წარადგინოს სატრანსპორტო საშუალებაში ჩაჯდომის დროს.

„ლიეტუვის მთავრობა, ეპიდემიოლოგიური სიტუაციიდან გამომდინარე, პერიოდულად აახლებს იმ ქვეყნების სიას, სადაც ვირუსის მაღალი გავრცელების რისკია და, შესაბამისად, ამ ქვეყნებიდან მოგზაურობის შემთხვევაში საჭიროა სავალდებულო იზოლაციის გავლა, ასევე საზღვრის კვეთისას კორონავირუსზე ჩატარებული ტესტის უარყოფითი პასუხის წარდგენა“, – აღნიშნულია საელჩოს განცხადებაში.

უწყების ცნობით, იზოლაციის 14-დღიანი პერიოდი შესაძლებელია ათ დღემდე შემცირდეს იმ შემთხვევაში, თუ იზოლაციის მერვე დღეს პირს ჩაუტარდება ტესტი კორონავირუსზე.

საქართველოდან ჩასული მგზავრებისთვის 10-დღიანი თვითიზოლაციის ვალდებულება 19 სექტემბერიდან უკვე დააწესა ლატვიამ. ორივე ქვეყანაში შეზღუდვები იმ სახელმწიფოებს დაუწესდათ, სადაც ბოლო 14 დღის განმავლობაში ვირუსის გავრცელების ნიშნული 100 ათას მოსახლეზე 25 შემთხვევას აღემატება. 

საქართველოს მთავრობის გადაწყვეტილებით, 15 სექტემბრიდან ნაცვალგების ქვეყნების მოქალაქეები საქართველოს საზღვრის გადმოკვეთისას კარანტინის გავლას აღარ ექვემდებარებიან. ტურისტები საქართველოში შემოსვლას PCR-ტესტის წარდგენის საფუძველზე შეძლებენ. აღნიშნული გადაწყვეტილება ვრცელდება გერმანის, საფრანგეთის, ესტონეთის, ლატვიისა და ლიეტუვის მოქალაქეებზე. 

საქართველოში ახალი კორონავირუსით დაავადებულთა რაოდენობა ბოლო დღე-ღამეში 193-ით გაიზარდა და 3695-ს მიაღწია, ამ დროისათვის სულ გამოჯანმრთელდა 1534 ადამიანი. გარდაიცვალა 20. კარანტინის რეჟიმში იმყოფება 4988, ხოლო სტაციონარებში ექიმების დაკვირვების ქვეშ 836 პაციენტია.

 

63
თემები:
COVID-19-ის პანდემია მსოფლიოში
ქათამი

ორჯერ იაფი და ბევრხორციანი: გამოყვანილია ქათმის ახალი ჰიბრიდი

0
(განახლებულია 12:49 21.09.2020)
რუსმა სელექციონერებმა სახორცე ქათმის ახალი სახეობა გამოიყვანეს, რომელიც უცხოურ ანალოგებზე ორჯერ იაფი იქნება

თბილისი, 21 სექტემბერი — Sputnik. რუსმა სელექციონერებმა სახორცე ქათმის ახალი სამრეწველო ჰიბრიდი გამოიყვანეს, რომელიც ნაყოფიერების მხრივ მსოფლიო კონკურენტებს ჯაბნის, იუწყება მედია.

ამასთან, „სმენა 9“ – ასე ეწოდა ახალ ჰიბრიდს — მინიმუმ ორჯერ იაფი იქნება უცხოურ ანალოგებზე.

ჰიბრიდის (კროსის) გენოფონდი 70 სამეურნეო–სასარგებლო ნიშანს შეიცავს. ახალი ბროილერი იყენებს ნაკლებ საკვებს და იძლევა ბევრ ხორცს. ამასთან, იზრდება სწრაფად: დღე–ღამეში დაახლოებით 66 გრამს იმატებს და 5–6 კვირაში 42 გრამიანი წიწილა დაახლოებით 2,3–2,8 კგ ხდება.

სპეციალისტების თქმით, ახალი  ჰიბრიდი მეფრინველეობის ფაბრიკებისთვის მაღალ ეკონომიკურ ეფექტურობას უზრუნველყოფს.

„სმენა 9–ის“ სახელმწიფო რეგსტრაცია 2020 წლის ბოლომდე დასრულდება.

 

0
თემები:
რუსეთი დღეს