არჩევნები 2020: „ქართული ოცნება“ სიის პირველ ნომრებს მალე წარმოადგენს

© Government of Georgiaმამუკა მდინარაძე
მამუკა მდინარაძე - Sputnik საქართველო
გამოწერა
ხელისუფლება წინასაარჩევნო პროგრამის ფინალური პრეზენტაციის ჩატარებას სექტემბრის ბოლოს ან ოქტომბრის დასაწყისში გეგმავს.

თბილისი, 9 სექტემბერი – Sputnik. ამ კვირის ბოლოს მმართველი პარტია „ქართული ოცნება – დემოკრატიული საქართველო“ პარტიული სიის პირველ 15–20 ნომერს დაასახელებს, განაცხადა პარლამენტის ვიცე-სპიკერმა მამუკა მდინარაძემ ტელეკომპანია „იმედის“ ეთერში.

მისი თქმით, პარტიული სიის პირველი ნაწილი ორ–სამ დღეში იქნება წარმოდგენილი.

არჩევნები - Sputnik საქართველო
საპარლამენტო არჩევნებზე ამომრჩევლები საკუთარ არჩევანს ინდივიდუალური კალმით გააკეთებენ

„ამის შემდეგ ჩვენ გავაგრძელებთ საარჩევნო კამპანიას, სოფლებში შეხვედრებს... სავარაუდოდ, სექტემბრის ბოლოს ან ოქტომბრის დასაწყისში გვექნება საბოლოოდ ჩამოყალიბებული პროგრამის წარდგენა, რომელზეც ძალიან ბევრი მსჯელობა გვექნება ყველა წინასაარჩევნო შეხვედრაზე“, – განაცხადა მდინარაძემ.

მისი თქმით, ქართული საზოგადოებისა და ქვეყნის ინტერესებშია, რომ ეს არჩევნები დემოკრატიის მაღალი ხარისხით ჩატარდეს.

„ჩვენი პარტიული აქტივისთვის გაცემული გვაქვს ძალიან მკაცრი მითითება, რომ სპეკულაციისთვის არანაირი სივრცე არ დატოვონ და მოერიდონ ყველანაირ, პატარა კონფლიქტსაც კი“, – აღნიშნა პოლიტიკოსმა.

საპარლამენტო არჩევნები საქართველოში 31 ოქტომბერს არის დანიშნული. ქვეყნის მოსახლეობა 150 დეპუტატს აირჩევს – 120-ს პარტიული სიებით, ხოლო 30-ს – ერთმანდატიან მაჟორიტარულ ოლქებში.

ყველა ახალი ამბავი
0