ჟენევა

ჟენევის დისკუსიების თანათავმჯდომარეები მხარეებს ნდობის გამტკიცებისკენ მოუწოდებენ

89
(განახლებულია 22:07 04.09.2020)
ჟენევის საერთაშორისო დისკუსიების მორიგი რაუნდი საკვანძო საკითხებზე 2020 წლის 6–7 ოქტომბერს არის დაგეგმილი

თბილისი, 4 სექტემბერი - Sputnik. ჟენევის საერთაშორისო დისკუსიების თანათავმჯდომარეები თანამშრომლობისა და დიალოგის მოწოდებით გამოდიან, განსაკუთრებით კონფლიქტურ ხაზს მიღმა გლობალური პანდემიის დროს, ნათქვამია ეუთოს ვებ–გვერდზე გამოქვეყნებულ ერთობლივ განცხადებაში.

ჟენევაში საერთაშორისო დისკუსია საქართველოსა და რუსეთს შორის პოლიტიკური დიალოგის ერთადერთი მოქმედი ფორმატია. როგორც ცნობილია, 2008 წლის აგვისტოს ომის შემდეგ საქართველომ რუსეთთან დიპლომატიური ურთიერთობა გაწყვიტა. შეხვედრებში მონაწილეობენ საქართველოს, რუსეთის, აშშ-ის, აფხაზეთისა და ცხინვალის რეგიონის დე–ფაქტო ხელისუფლებების, ევროკავშირის, გაეროსა და ეუთოს წარმომადგენლები.

„ჟენევის საერთაშორისო დისკუსიები რჩება სასიცოცხლოდ მნიშვნელოვან ფორმატად, უსაფრთხოებისა და ჰუმანიტარული პრობლემებს გადასაჭრელად, განსაკუთრებით კონფლიქტით დაზარალებული მოსახლეობისთვის. მივესალმებით პანდემიის დროს დისკუსიების მონაწილეთა მიერ ჩვენთან გამართულ რეგულარულ კონსულტაციებს, ასევე ერგნეთში ინციდენტების პრევენციისა და მათზე რეაგირების მექანიზმის რეგულარული შეხვედრების აღდგენას. ასევე მივესალმებით გალში ამავე მექანიზმის შეხვედრების განახლებას“, – ნათქვამია განცხადებაში.

ამავდროულად, დოკუმენტში შეშფოთებაა გამოთქმული გამშვები პუნქტების დაკეტვასთან დაკავშირებით.

„მიუხედავად იმისა, რომ პანდემია მოითხოვს სიფრთხილეს, ზოგიერთი გადასასვლელი პუნქტი, ისეთი, როგორიც არის ოზისში, ერთ წელიწადზე მეტია, დახურულია. ეს იყო „კოვიდ-19“-მდე. გადაადგილების თავისუფლების შეზღუდვა ართულებს მკურნალობას, ტრანსპორტირებასა და კომუნიკაციას ისევე, როგორც საარსებო საშუალებებთან წვდომას“, – აღნიშნულია თანათავმჯდომარეების განცხადებაში.

პირველად 11 თვის შემდეგ: რა განიხილეს ერგნეთის შეხვედრაზე>>

დიპლომატები იმედოვნებენ, რომ 2020 წლის 6–7 ოქტომბერს დაგეგმილი ჟენევის მოლაპარაკებების შემდეგ დღის წესრიგის საკვანძო საკითხებში პროგრესი იქნება.

89
თემები:
ქართულ–რუსული ურთიერთობები (188)
სალომე ზურაბიშვილი

ზურაბიშვილმა ევროპარლამენტს ქართველი სტუდენტებისთვის სწავლის საფასურის შემცირება სთხოვა

29
(განახლებულია 10:51 22.01.2021)
ბრიუსელში ვიტის ფარგლებში სალომე ზურაბიშვილი მაღალი რანგის ევროპელ პარტნიორებთან შეხვედრებს მართავს.

 

თბილისი, 22 იანვარი – Sputnik. საქართველოს პრეზიდენტმა ევროპარლამენტს ქართველი და ევროკავშირის ქვეყნების სტუდენტებისათვის სწავლის საფასურის გათანაბრების საკითხი სთხოვა, რათა ქართველ სტუდენტებს ევროკავშირის ქვეყნებში სწავლისას ჰქონდეთ ისეთი ტარიფებით სარგებლობის უფლება, რომლითაც ევროკავშირის წევრი ქვეყნების სტუდენტები სარგებლობენ,  ნათქვამია საქართველოს სახელმწიფო მეთაურის ოფიციალურ გვერდზე გავრცელებულ განცხადებაში. 

 ქართველი და ევროკავშირის ქვეყნების სტუდენტების სწავლის საფასურის გათანაბრების საკითხი იყო ერთ–ერთი მთავარი თემა, რომელსაც ზურაბიშვილი ბრიუსელში  ევროპარლამენტის პრეზიდენტ დავიდ სასოლისთან შეხვედრისას შეეხო.

სალომე ზურაბიშვილმა  თხოვნით მიმართა ევროპარლამენტის პრეზიდენტს  რეკომენდაციით მიმართოს ამ გადაწყვეტილების მიმღებ შესაბამის ინსტანციებს.

შეხვედრაზე საუბარი შეეხო ასევე  კოვიდ–საწინააღმდეგო ვაქცინის ხელმისაწვდომობის საკითხს, რასთან დაკავშირებითაც საქართველოს პრეზიდენტმა აღნიშნა, რომ  ამ კუთხით ევროკავშირს აკისრია  არა მხოლოდ მორალური და სიმბოლური, არამედ პოლიტიკური პასუხისმგებლობაც. პრეზიდენტის აღნიშნული პოზიცია გაიზიარა ევროპარლამენტის პრეზიდენტმა და ხაზი გაუსვა კოვიდ–სოლიდარობის მნიშვნელობას.

სალომე ზურაბიშვილმა ევროპარლამენტის პრეზიდენტი საქართველოში მოიწვია, რაზეც დავიდ სასოლიმ განაცხადა, რომ მას სურვილი აქვს ევროპარლამენტის დეპუტატების დელეგაციასთან ერთად ესტუმროს ქვეყანას და  უკეთ გაიცნოს „ევროკავშირის უახლოესი მეგობარი“.

ბრიუსელში ორდღიანი სამუშაო ვიზიტის ფარგლებში დაგეგმილია სალომე ზურაბიშვილის შეხვედრები ევროკავშირისა და ნატოს ხელმძღვანელ პირებთან. კერძოდ, პრეზიდენტი შეხვდება ევროკავშირის უმაღლეს წარმომადგენელს საგარეო საქმეთა და უსაფრთხოების პოლიტიკის საკითხებში, ევროკომისიის ვიცე-პრეზიდენტს ჟოზეპ ბორელს, ევროპარლამენტის პრეზიდენტს დავიდ სასოლის, ევროკომისიის აღმასრულებელ ვიცე-პრეზიდენტს ეკონომიკურ საკითხებში ვალდის დომბროვსკის, ევროპარლამენტის საგარეო კომიტეტის თავმჯდომარეს დევიდ მაკალისტერსა და ნატოს გენერალურ მდივანს იენს სტოლტენბერგს.

ბრიუსელში საქართველოს პრეზიდენტის ვიზიტი 23 იანვარს დასრულდება.

29
თემები:
საქართველოს პრეზიდენტი
ალეკო ელისაშვილი

პარტია „მოქალაქეები“ პარლამენტში შევა: ისევ ერთი ყველას წინააღმდეგ

386
(განახლებულია 23:29 21.01.2021)
პარტიამ „მოქალაქეები“ საპარლამენტო არჩევნებზე ამომრჩეველთა ხმების 25,5 ათასი ხმა მიიღო, რაც 1,33%-ს შეადგენს

თბილისი, 21 იანვარი - Sputnik. პარტია „მოქალაქეები“ პარლამენტში შევა და მის კუთვნილ ორ სავარძელს დაიკავებს, განაცხადა პარტიის ლიდერმა ალეკო ელისაშვილმა.

პარტიამ „მოქალაქეები“ საპარლამენტო არჩევნებზე ამომრჩეველთა ხმების 25,5 ათასი ხმა მიიღო, რაც 1,33%-ს შეადგენს.

„ორი კაცის კი არა, გაცილებით მეტი დეპუტატის გასაკეთებელს გავაკეთებთ. რასაც ხალხს ვპირდებოდით, რომ ხალხის პრობლემების მთქმელები და გამხმოვანებლები ვიქნებოდით, იმას გავაკეთებთ... ყველაფერზე ვილაპარაკებთ, ხალხის რეალურ პრობლემებზე ვილაპარაკებთ, ვიბრძოლებთ, ვიჩხუბებთ იქ. არ შევდივართ გასართობად და სასეიროდ“, - განაცხადა ელისაშვილმა.

ამავე დროს ელისაშვილმა აღნიშნა, რომ ოპოზიციასთან კონსულტაციებს წყვეტს და მმართველ პარტიას „ქართული ოცნება - დემოკრატიულ საქართველოს“ მიმართავს თხოვნით, დაიწყოს დიალოგი პოლიტიკური კრიზისის გადაჭრის გზებზე.

ამასთან მმართველ პარტიაში მკაფიოდ განაცხადეს, რომ მხოლოდ ელისაშვილთან დიალოგის წარმართვას არ აპირებენ.

„ალეკო ელისაშვილს ისევე როგორც ნებისმიერ დეპუტატს, რომელიც არის არჩეული ჩვენი ქვეყნის მოსახლეობის მხრიდან, აქვს სრული არათუ უფლება, არამედ ვალდებულებაც, რომ შევიდეს პარლამენტში“, - აღნიშნა პარტიის პოლიტსაბჭოს წევრმა, ვიცე-პრემიერმა მაია ცქიტიშვილმა.

მან ასევე აღნიშნა, რომ „ქართული ოცნება“ მზად არის შეასრულოს თავისი პირობა საარჩევნო სისტემის რეფორმაზე და საარჩევნო კოდექსის რეფორმის თემაზე დიალოგი მთელს ოპოზიციურ სპექტრთან გააგრძელოს.

„ასეთ ცალკეულ ინიციატივებზე, ცალკეულ დეპუტატებთან „ქართული ოცნების" დიალოგი ალბათ, არ იქნება სწორი ფორმა. ეს არის პოლიტიკური პროცესი და დიალოგის პროცესი, რომელიც წარიმართება, მე იმედი მაქვს, რომ დანარჩენ ოპოზიციასთანაც დიალოგის მეხუთე რაუნდიც შედგება ადრე თუ გვიან“, - განაცხადა ცქიტიშვილმა.

მოლაპარაკებები

ოპოზიციამ და „ქართულმა ოცნებამ“ 31 ოქტომბერს გამართული არჩევნების დასრულებისთანავე პოლიტიკური კრიზისიდან გამოსვლის მიზნით დიალოგი წამოიწყეს.

შუამავლების როლი შეასრულეს საქართველოს საერთაშორისო პარტნიორებმა - აშშ-ის და ევროკავშირის ელჩებმა.

ოპოზიცია მოითხოვს ვადამდელ არჩევნებს, საარჩევნო კოდექსის შეცვლას, საარჩვენო ადმინისტრაციის განახლებას და პოლიტპატიმრების გათავისუფლებას.

მმართველი პარტია მზადაა აწარმოოს დიალოგი მხოლოდ საარჩევნო რეფორმაზე. გარდა ამისა, „ქართული ოცნება" ოპოზიციას სთავაზობს, შეიქმნას საპარლამენტო საგამოძიებო კომისია არჩევნების შესასწავლად და მზადაა დანიშნოს ვადამდელი არჩევნები იმ შემთხვევაში, თუ კომისია კონკრეტულ უბნებზე ხმების ხელახალი გადათვლის შედეგად 1-2%-იან ცდომილებას გამოავლენს.

ოპოზიცია არ ეთანხმება კომისიის პრინციპს და აცხადებს, რომ „ქართული ოცნების" მიერ მართულმა ადმინისტრაციებმა უკვე ჩაასწორეს უზუსტობები და გადათვლა უშედეგო იქნება. ისინი ასევე ამტკიცებენ, რომ შედეგები არ ასახავს არჩევნებზე და საარჩევნო კამპანიის დროს მომხდარ დარღვევებს, როდესაც მმართველი პარტია ადმინისტრაციულ რესურსს იყენებდა.

ამასობაში, მოლაპარაკებების შუამავლებმა აღნიშნეს, რომ ოპოზიციისა და მმართველი პარტიის პოზიციების დაახლოება დიალოგის ამოსავალი წერტილი უნდა გახდეს, ხოლო მოლაპარაკებები მოლაპარაკებების გულისთვის არ გაიმართება.

პოლიტიკური კრიზისის ფონზე, 60 ოპოზიციონერი დეპუტატიდან 51-მა უკვე დაწერა მანდატების მოხსნის შესახებ განცხადებები, რომლებსაც მმართველმა პარტიამ თებერვალში უნდა განიხილოს. ამრიგად, დიალოგისა და მოლაპარაკებების მეხუთე რაუნდისთვის დარჩენილი დრო თანდათან იწურება.

386
გუდაური

ზამთრის კურორტები არ გაიხსნება: საკოორდინაციო საბჭოს გადაწყვეტილება

0
(განახლებულია 14:26 22.01.2021)
ცქიტიშვილის განმარტებით, აღნიშნული გადაწყვეტილება ქვეყანაში შექმნილი ეპიდვითარების ფონზე კურორტებზე მობილობის შემცირებას ისახავს მიზნად

თბილისი, 22 იანვარი – Sputnik. ამ ეტაპზე სათხილამურო კურორტებზე შეზღუდვები ძალაში რჩება, განაცხადა ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა  დღეს გამართულ ბრიფინგზე. 

„ძალაში რჩება სათხილამურო კურორტებზე დაწესებული შეზღუდვები და ამ ეტაპზე ასევე შეზღუდული იქნება საქალაქთაშორისო ტრანსპორტის მუშაობა. ყველას ბუნებრივია, ისევ მოეთხოვება სავალდებულო პირბადის ტარება, დისტანციის დაცვა“, – განაცხადა ცქიტიშვილმა.

საკოორდინაციო საბჭოს გადაწყვეტილებით, 28 ნოემბრიდან  ბაკურიანის, გუდაურის, გოდერძისა და მესტიის სათხილამურო კურორტებზე სპეციალური შეზღუდვები დაწესდა. კერძოდ, სასტუმროების მუშაობა დასაშვებია მხოლოდ საკარანტინო სივრცეების მოსაწყობად. გაჩერებულია სათხილამურო ტრასებისა და სათხილამურო საბაგიროების ფუნქციონირება.

საქართველოში ზამთრის კურორტები ოთხ რეგიონში მდებარეობს: გუდაურში (მცხეთა-მთიანეთი), თეთნულდი და ჰაწვალი (სვანეთი), ბაკურიანი და კოხტა მიტარბი (სამცხე-ჯავახეთი), გოდერძი (აჭარა). ამ კურორტებზე ტურისტული სეზონი დეკემბრის დასაწყისში იხსნება და მარტის ბოლომდე გრძელდება.

0
თემები:
კორონავირუსი საქართველოში: ბოლო ცნობები