არჩევნები

NDI საქართველოს საპარლამენტო არჩევნებს დისტანციურად დააკვირდება

83
(განახლებულია 20:28 04.09.2020)
თავის გადაწყვეტილებას, არ გამოგზავნოს დამკვირვებლები საქართველოში, ორგანიზაცია მსოფლიოში არსებული რთული ეპიდემიოლოგიური ვითარებით ხსნის.

თბილისი, 4 სექტემბერი – Sputnik. აშშ-ის ნაციონალური დემოკრატიული ინსტიტუტი (NDI) კორონავირუსის გამო საქართველოს საპარლამენტო არჩევნებზე სადამკვირვებლო მისიას არ გამოგზავნის, მაგრამ საარჩევნო პროცესს დისტანციურად დააკვირდება, აღნიშნულია ორგანიზაციის ვებ-გვერდზე.

ორგანიზაციის ანალიტიკოსები საქართველოში მყოფი თანაშემწეების დახმარებით პროცესს დისტანციურ რეჟიმში დააკვირდებიან.

სადამკვირვებლო მისია: საქართველოში დემოკრატიული არჩევნების ჩასატარებლად მყარი საფუძველია>>

NDI მჭიდროდ ითანამშრომლებს ასევე ადგილობრივ და საერთაშორისო პარტნიორებთან. სექტემბრის პირველი ნახევრიდან ორგანიზაციის ანალიტიკოსები მუშაობას შეუდგებიან ისეთ საკითხებზე, როგორიცაა საარჩევნო ადმინისტრაცია, პოლიტიკური კამპანია, გენდერი, მასმედია და დეზინფორმაცია და სხვ.

NDI გამოაქვეყნებს შუალედურ ანგარიშს, რომელიც დაეფუძნება საერთაშორისო და ადგილობრივი დამკვირვებლებისგან მიღებულ ინფორმაციას.

არჩევნებიდან რამდენიმე დღის შემდეგ NDI წარმოადგენს მესამე ანგარიშს, რომელიც დაფუძნებული იქნება მაღალი დონის შეხვედრებზე. ამ შეხვედრებს ორგანიზაციის პრეზიდენტი დერეკ მიტჩელი ვირტუალურად არჩევნებამდე ორი კვირით ადრე გამართავს.

საარჩევნო ანგარიშში აისახება მთელი საარჩევნო პროცესის მსვლელობა. ის დაფუძნებული იქნება შეხვედრებზე მთავრობის წევრებთან, ადგილობრივ არასამთავრობო ორგანიზაციებთან, ცესკოსთან, მედიასთან, სადამკვირვებლო ჯგუფებთან და დიპლომატიურ კორპუსთან. ანგარიშში წარმოდგენილი იქნება ასევე ანალიტიკოსების შეფასებები და მონაცემები, რომლებსაც NDI მიიღებს ადგილობრივი სადამკვირვებლო ორგანიზაციებისგან.

უსაფრთხოების პროტოკოლი საერთაშორისო დამკვირვებლებისთვის: ქვეყანა არჩევნებისთვის ემზადება>>

„გვსურს განსაკუთრებით აღვნიშნოთ და პოზიტიურად შევაფასოთ ქართველი ხალხისა და ხელისუფლების მიერ COVID-19-ის პანდემიის შესაკავებლად გაწეული ძალისხმევა. ასევე მადლობას ვუხდით არჩევნებში ჩართულ ყველა მხარეს NDI-ს მიერ ვირტუალურად ჩატარებული წინასაარჩევნო შეფასების გუნდთან თანამშრომლობისთვის. ამასთანავე აღვნიშნავთ, რომ საერთაშორისო სადამკვირვებლო მისიის ჩამოყვანასთან დაკავშირებული რისკები არა მხოლოდ საქართველოში, არამედ მთელ მსოფლიოში არსებულ ვითარებაზეა დამოკიდებული“, – ნათქვამია განცხადებაში.

აქვე აღნიშნულია, რომ გლობალური პანდემია კვლავ უკონტროლოა მრავალ ქვეყანაში, მათ შორის აშშ-ში. სწორედ არსებული საერთაშორისო ვითარებისა და რისკების გათვალისწინებით ორგანიზაციამ გადაწყვიტა, არ გამოგზავნოს თავისი დამკვირვებლები საქართველოში.

NDI გამოთქვამს მზადყოფნას, გააანალიზოს და გამოიტანოს შესაბამისი დასკვნები საარჩევნო პროცესის საიმედოობასა და გამჭვირვალობასთან დაკავშირებით.

„მიუხედავად იმისა, რომ NDI-მ აღნიშნული გადაწყვეტილება არასახარბიელო გლობალური ვითარების გამო მიიღო, ინსტიტუტი დარწმუნებულია, რომ მისი არჩევნების ხელშეწყობის პროგრამა – საქართველოში და მის გარეთ მყოფ პარტნიორებთან მჭიდრო თანამშრომლობის წყალობით – საკმარისი იქნება 31 ოქტომბრის არჩევნების შესახებ ინფორმირებული დასკვნების გამოსატანად“, – აღნიშნულია განცხადებაში.  

ინსტიტუტი მადლობას უხდის ქართველ ხალხს 25-წლიანი პარტნიორობისთვის და წარმატებას უსურვებს მომავალ არჩევნებში მონაწილე ყველა მხარეს. განცხადებაში აღნიშნულია ასევე, რომ ინსტიტუტი მოუთმენლად ელოდება გლობალური მდგომარეობის გამოსწორებას, რათა კვლავ გაჩნდეს საერთაშორისო ჩართულობის შესაძლებლობა.

საქართველოში საპარლამენტო არჩევნები 31 ოქტომბერს არის დანიშნული. არჩევნები შერეული სისტემით გაიმართება: 120 დეპუტატი არჩეული იქნება პარტიული სიით, ხოლო 30 – მაჟორიტარული წესით.

83
თემები:
საქართველოს საპარლამენტო არჩევნები 2020 (143)
„ქართული ოცნების“ წინასაარჩევნო ბანერი

NDI საქართველოში არჩევნების დისტანციურ დაკვირვებას იწყებს

12
(განახლებულია 23:06 21.09.2020)
საქართველოში საარჩევნო პროცესების გაძლიერების ხელშეწყობის მიზნით NDI შეგროვებულ მონაცემებს შუალედურ და არჩევნების შემდგომ ანგარიშებში გამოიყენებს

თბილისი, 21 სექტემბერი – Sputnik. აშშ-ის ეროვნული დემოკრატიული ინსტიტუტი (NDI) საქართველოში საარჩევნო პროცესის გრძელვადიან დისტანციურ დაკვირვებას იწყებს, ნათქვამია ორგანიზაციის ვებგვერდზე.

საპარლამენტო არჩევნები საქართველოში 31 ოქტომბერს გაიმართება. არჩევნები შერეული სისტემით ჩატარდება - 120 დეპუტატს პარტიული სიებით აირჩევენ, 30-ს - ერთმანდატიან ოლქებში.

NDI-ის საქართველოს წარმომადგენლობის ინფორმაციით, აღნიშნული პროგრამა აგვისტოში გამოქვეყნებული წინასაარჩევნო ანგარიშის (Georgia Election Watch) დასკვნებსა და რეკომენდაციებს დაეყრდნობა და საჭიროების შემთხვევაში მეორე ტურების ჩათვლით გაგრძელდება.

ანალიტიკოსების გუნდი შვიდ გრძელვადიან დამკვირვებელსა და პროგრამის დირექტორს მოიცავს. ისინი არჩევნებთან დაკავშირებულ სხვადასხვა საკითხს შეისწავლიან, მათ შორისაა: საარჩევნო კამპანია, საარჩევნო ადმინისტრაცია, მედია და საინფორმაციო სივრცე, გენდერი და ჩართულობის საკითხები და კორონავირუსის გავლენა არჩევნებზე.

„თითოეულ ამ საკითხზე პროგრესისა და გამოწვევების შესაფასებლად, გრძელვადიანი დამკვირვებლები თბილისში მყოფ ასისტენტებთან და NDI-ს თანამშრომლებთან ერთად დისტანციურად იმუშავებენ და სხვადასხვა საინფორმაციო და ანალიზის ონლაინ პლატფორმებს გამოიყენებენ. NDI შეგროვებულ მონაცემებს შუალედურ და არჩევნების შემდგომ ანგარიშებში გამოიყენებს, რათა ხელი შეუწყოს საქართველოში საარჩევნო პროცესების გაძლიერებას“, - აღნიშნავენ ორგანიზაციაში.

არჩევნები და კორონავირუსი: საერთაშორისო დამკვირვებლებისთვის ჩარტერული რეისები დაინიშნება >>

ადრე ორგანიზაციაში აღნიშნეს, რომ გლობალური პანდემია კვლავ უკონტროლოა მრავალ ქვეყანაში, მათ შორის აშშ-ში. სწორედ არსებული საერთაშორისო ვითარებისა და რისკების გათვალისწინებით ორგანიზაციამ გადაწყვიტა, არ გამოგზავნოს თავისი დამკვირვებლები საქართველოში.

12
თემები:
საქართველოს საპარლამენტო არჩევნები 2020 (143)
ჯონდი ბაღათურია

ჯონდი ბაღათურია საბანკო ვალების ჩამოწერას მოითხოვს

48
(განახლებულია 21:59 21.09.2020)
პრობლემური კრედიტების გამო, რომლებსაც კლიენტები არ იხდიან, ბანკებმა ორ მილიარდ ლარამდე შეიძლება დაკარგონ, მიიჩნევს ოპოზიციონერი.

თბილისი, 21 სექტემბერი – Sputnik. პარტიამ „ჯონდი ბაღათურია - ქართული დასი“ საქართველოს ეროვნული ბანკის შენობასთან აქცია გამართა და კომერციული ბანკების მიერ პრობლემური კრედიტების ჩამოწერის ინიციატივა წამოაყენა.

პარტიის ლიდერის ჯონდი ბაღათურიას თქმით, პრობლემური კრედიტების მოცულობა კერძო ბანკებში მილიარდ ლარს უახლოვდება, დამატებით, კანონის თანახმად, კიდევ ერთი მილიარდი დარეზერვებული აქვს ეროვნულ ბანკს.

ბაღათურიას სიტყვებით, საერთო ჯამში კერძო ბანკები ორ მილიარდამდე ლარს კარგავენ, მისი წინადადება კი საქართველოს საბანკო სისტემის გაჯანსაღებას შეუწყობს ხელს.

2018 წლის დეკემბერში ფონდმა „ქართუმ“ განახორციელა სოციალური პროექტი და მოქალაქეებს, რომლებიც ფინანსური ორგანიზაციების „შავ სიაში“ იყვნენ მოხვედრილი, ვალები ჩამოაწერა. შედეგად 609,5 ათას მოქალაქეს 4 მილიარდ ლარზე მეტი მოცულობის თითქმის 1,4 მილიონი სესხი ჩამოეწერა.

ვალები ჩამოაწერეს პირებს, რომლებმაც კრედიტი აქციის დაწყებამდე მინიმუმ ერთი წლით ადრე აიღეს, არც ერთხელ არ გადაუხდიათ პროცენტი და კრედიტის თანხა უპროცენტოდ და ჯარიმების გარეშე არ აღემატებოდა 2 ათას ლარს.

48
თემები:
საქართველოს პოლიტიკური ცხოვრება