მიხეილ სააკაშვილი

„მე ვბრუნდები!“ მიხეილ სააკაშვილი ვიდეომიმართვას ავრცელებს

317
(განახლებულია 16:51 27.08.2020)
ვიცი, რომ ჩვენ შეგვიძლია ვიცხოვროთ ბევრად უფრო მაგრად, ბევრად უკეთესად და თითოეულ ქართველს შეუძლია იყოს მდიდარი და ეს ჩვენ ერთად გამოგვივა, წერს სააკაშვილი.

თბილისი, 27 აგვისტო — Sputnik. უკრაინა ჩემი მეორე სახლია, მაგრამ მე ახლა საქართველოში ვბრუნდები, აცხადებს საქართველოს ექს-პრეზიდენტი მიხეილ სააკაშვილი საკუთარ ფეისბუქ-გვერდზე გამოქვეყნებულ ვიდეომიმართვაში.

მიხეილ სააკაშვილს ამ დროისათვის უკრაინის რეფორმების ეროვნული საბჭოს აღმასრულებელი კომიტეტის ხელმძღვანელის პოსტი უკავია. მან არაერთხელ გამოთქვა საკუთარი აზრი საქართველოში წლევანდელი საპარლამენტო არჩევნების შესახებ და განაცხადა, რომ არ ცნობს ქვეყნის ამჟამინდელი ხელისუფლების ლეგიტიმურობას და ამიტომ მზად არის „იბრძოლოს ცეცხლის წინა ხაზზე“. მისი განცხადებები იქცა კიევიდან საქართველოს ელჩის გამოწვევის მიზეზად — ქვეყნის ხელისუფლებას მიაჩნია, რომ ექს-პრეზიდენტის განცხადებები უკრაინის მოქალაქის მხრიდან საქართველოს შიდა საქმეებში ჩარევაა.

„უკრაინა ჩემი მეორე სახლია. თავის დროზე აქ ჩამოვედი ჩემი მთავარი სახლიდან, ჩემი ტკბილი საქართველოდან... ამ შვიდი წლის განმავლობაში არ ყოფილა არც ერთი დღე, რომ მე არ დავინტერესებულიყავი საქართველოს ამბებით და ვიცი ზუსტად, რომ ჩემ მუშაობას პრეზიდენტის თანამდებობაზე ფუჭად არ ჩაუვლია და ბევრი რამ, რაც ჩვენ შევქმენით, დღესაც შენარჩუნებულია და მუშაობს. მაგრამ ამავე დროს, როდესაც საქართველოს ამბებს ვისმენ, ზუსტად ვხვდები და ვიცი, რომ ჩვენ შეგვიძლია ვიცხოვროთ ბევრად უფრო მაგრად, ბევრად უკეთესად და თითოეულ ქართველს შეუძლია იყოს მდიდარი და ეს ჩვენ ერთად გამოგვივა! მე ვბრუნდები!“ – წერს სააკაშვილი „ფეისბუქზე“. 

ყოფილი პრეზიდენტი ვიდეომიმართვაში მადლობას უხდის უკრაინას, რომელმაც ის „ყველაზე რთულ პერიოდში მიიღო ისეთი, როგორიც არის — ყოველგვარი პირობების და მოთხოვნების გარეშე“.

ამასთან სააკაშვილი აღიარებს იმ მძიმე შეცდომებს, რომლებიც საქართველოში მისი მმართველობის წლებში დაიშვა და ბოდიშს უხდის ქვეყნის მოსახლეობას ამის გამო. თუმცა აცხადებს, რომ „ახლა, წლების გადმოსახედიდან, იცის, თუ უკეთესად როგორ უნდა ემსახუროს ქვეყანას და როგორ ავიცილოთ თავიდან შეცდომები“.

მიხეილ სააკაშვილმა საქართველო 2013 წელს დატოვა, ხელისუფლებამ მის წინააღმდეგ რამდენიმე სისხლის სამართლის საქმე აღძრა, რომელთაგან რამდენიმეზე დაუსწრებლად შეეფარდა პატიმრობა.

317
თემები:
სიახლეები უკრაინიდან: ვნებათაღელვა სააკაშვილის ირგვლივ (38)
 AZAL–ის თვითმფრინავი

საომარი მდგომარეობა აზერბაიჯანში: ქვეყანაში საერთაშორისო ავიარეისები გაუქმდა

28
(განახლებულია 15:37 28.09.2020)
ქვეყანაში შექმნილი ვითარების გამო ლონდონის, ბერლინის, დუბაის, მოსკოვის, მინსკისა და სხვა ქალაქების მიმართულებით უახლოეს დღეებში დაგეგმილი ავიარეისები გაუქმდა

თბილისი, 28 სექტემბერი  — Sputnik.  ქვეყანაში შემოღებული საომარი მდგომარეობის გამო ბაქოს ჰეიდარ ალიევის სახელობის საერთაშორისო აეროპორტი მუშაობის შეზღუდულ რეჟიმზე გადავიდა, იუწყება „Sputnik აზერბაიჯანი“ აეროპორტის პრეს–სამსახურზე დაყრდნობით. 

გაუქმდა ავიარეისები ბაქო–ნახჩევანი–ბაქოს მიმართულებით, რომელიც  „აზერბაიჯანის ავიახაზებს“ 30 სექტემბერს უნდა შეესრულებინა.

ასევე გაუქმდა კომპანია AZAL–ის ავიარეისები ბაქო–ლონდონი–ბაქოს მიმართულებით, რომელიც 1 ოქტომბეს უნდა განხორციელებულიყო და 2 ოქტომბერს დაგეგმილი  რეისი ბაქო–ბერლინი–ბაქო.  

AZAL–ის გაუქმებული ავიარეისების მგზავრებს შეუძლიათ ბილეთების გადაცვლა სხვა კონკრეტულ დღეზე – თანხის დაბრუნება ან ჯარიმის გადახდა არ მოხდება.

გარდა ამისა, გაუქმდა 29 სექტემბერს, 1,  2, 3 და 4 ოქტომბერს დაგეგმილი  Fly Dubai–ის რეისებიც – დუბაი–ბაქო–დუბაი (29 სექტემბერი, 1 და 3 ოქტომბერი),  „აეროფლოტის“ რეისები მოსკოვი–ბაქო–მოსკოვი (1 და 4 ოქტომბერი) და „ბელავიას“ რეისები მინსკი–ბაქო–მინსკი (2 და 4 ოქტომბერი).

რა ხდება?
სომხეთისა და აზერბაიჯანის მთავრობებმა მთიან ყარაბაღში  დაძაბული ვითარების გამო საომარი მდგომარეობა შემოიღეს. არაღიარებული რესპუბლიკის ხელისუფლებამ აზერბაიჯანის მხრიდან საარტილერიო თავდასხმისა და მშვიდობიან მოსახლეობაში მსხვერპლის თაობაზე განაცხადა.

კონფლიქტის ესკალაციაში ერევანი და ბაქო ერთმანეთს ადანაშაულებს. სომხეთის თავდაცვის უწყებამ განაცხადა, რომ ყარაბაღზე  აზერბაიჯანის მხრიდან „საჰაერო და სარაკეტო შეტევა განხორციელდა“, ბაქოში კი ამტკიცებენ, რომ ცეცხლი სომეხმა სამხედროებმა გახსნეს.   

რუსეთის საგარეო საქმეთა სამინისტო მხარეებს ცეცხლის დაუყოვნებლივ შეწყვეტისა და მოლაპარაკებების დაწყებისკენ მოუწოდებს.

სომხეთმა და მთიანმა ყარაბაღმა საომარი მდგომარეობა შემოიღეს და საყოველთაო მობილიზაცია გამოაცხადეს. მოგვიანებით აზერბაიჯანის ხელისუფლებამ ქვეყნის ტერიტორიის ნაწილზე  ასევე გამოაცხადა სამხედრო მდგომარეობა.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

28
თემები:
მთიან ყარაბაღში ვითარება გამწვავდა – შეიარაღებული შეტაკება 2020
ცესკო

არჩევნები ახლოვდება საუბნო საარჩევნო კომისიები თავმჯდომარეებს ირჩევენ

13
(განახლებულია 15:22 28.09.2020)
საუბნო კომისიების მუშაობის გამჭვირვალობისთვის მათ სხდომებზე დაიშვებიან საარჩევნო სუბიექტების, მასმედიის წარმომადგენლები და დამკვირვებლები.

თბილისი, 28 სექტემბერი – Sputnik. დღეიდან ყველა 3 657 საუბნო საარჩევნო კომისიის პირველი სხდომები ჩატარდება. ამის შესახებ ბრიფინგზე ცესკოს პრეს–სპიკერმა ანა მიქელაძემ განაცხადა.

საქართველოში არჩევნებზე ეუთოს 350 დამკვირვებელი ჩამოვა>>

მისი თქმით, საუბნო საარჩევნო კომისიის წევრთა უფლებამოსილება, კანონმდებლობით განსაზღვრული ფუნქციების შესასრულებლად, პირველი სხდომების ჩატარებიდან იწყება. საუბნო საარჩევნო კომისიების წევრები აირჩევენ კომისიების თავმჯდომარეს, მოადგილესა და მდივანს.

შესაბამის საარჩევნო უბანზე დარეგისტრირებული საარჩევნო სუბიექტების წარმომადგენლებს საუბნო საარჩევნო კომისიის სხდომაზე დასწრების უფლება აქვთ. ამავე დროს, კანონმდებლობით, ეს უფლება არ ვრცელდება სუბიექტის იმ წარმომადგენლებზე, რომლებიც დანიშნა ცესკომ და საოლქო საარჩევნო კომისიამ. სხდომაზე დასწრება შეუძლიათ ასევე დარეგისტრირებულ დამკვირვებლებსა და აკრედიტებული მედიასაშუალებების წარმომადგენლებს.

„საუბნო საარჩევნო კომისიების ყველა სხდომა იმართება პანდემიის წესების სრული დაცვით. უფლებამოსილი პირები საუბნო საარჩევნო კომისიებში დაიშვებიან ცესკოს მიერ დადგენილი ეპიდემიური წესების მიხედვით, მათ შორის პირბადის გამოყენებით, ხელების დეზინფექციისა და თერმოსკრინინგის გავლის შემდეგ“, – განაცხადა მიქელაძემ.

საქართველოს ცესკო არჩევნებში მონაწილე პარტიებს მოუწოდებს, აქტიურად ადევნონ თვალი საუბნო საარჩევნო კომისიების პირველ სხდომებს, რათა უზრუნველყოფილი იყოს მათი მუშაობის გამჭვირვალობა და გაიზარდოს ნდობა საარჩევნო პროცესისადმი.

წინასაარჩევნო კამპანია COVID-19-ის ფონზე - პოლიტიკური კვირის შედეგები>>

საპარლამენტო არჩევნები 31 ოქტომბერს არის დანიშნული და ხელისუფლების წარმომადგენლების განცხადებით, ის კორონავირუსით ინფიცირებულთა ნებისმიერი რაოდენობის შემთხვევაში ჩატარდება.

13
თემები:
საქართველოს საპარლამენტო არჩევნები 2020
თეონა ცხომელიძე

„რუსთავი 2“-ის ჟურნალისტმა კორონავირუსი დაამარცხა

0
(განახლებულია 17:06 28.09.2020)
თეონა ცხომელიძეს კორონავირუსი 11 სექტემბერს დაუდასტურდა. ის ჯერ კლინიკაში, შემდეგ კი საკარანტინო სივრცეში იმყოფებოდა. 

თბილისი, 28 სექტემბერი — Sputnik. ტელეკომპანია „რუსთავი 2“-ის ჟურნალისტმა, თეონა ცხომელიძემ კორონავირუსი დაამარცხა. ინფორმაციას ჟურნალისტი სოციალურ ქსელში აქვეყნებს.

მისი თქმით, ახალი პროტოკოლის თანახმად, კლინიკას დღესვე დატოვებს.

 

თეონა ცხომელიძეს კორონავირუსი 11 სექტემბერს დაუდასტურდა. ის ჯერ კლინიკაში, შემდეგ კი საკარანტინო სივრცეში იმყოფებოდა.

საქართველოში ბოლო 24 საათში გამოვლენილი კორონავირუსის 298 ახალი შემთხვევიდან 175 აჭარას უკავშირდება. რაც შეეხება სხვა რეგიონებს, მაჩვენებლები ასეთია:  32 – იმერეთი, 32 – თბილისი, 16 – გურია, 14 – სამეგრელო–ზემო სვანეთი, 11– სამცხე–ჯავახეთი, 7 – ქვემო ქართლი, 4 – კახეთი, 1 – შიდა ქართლი.

ამ დროისთვის საქართველოში ახალი კორონავირუსით დაავადებულთა რაოდენობამ 5552-ს მიაღწია, გამოჯანმრთელდა 2054  ადამიანი, გარდაიცვალა 31 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

 

0
თემები:
COVID-19 საქართველოში